Sheira's POV
Lumipas ang mga araw at Sabado na ulit ngayon. Kakagising ko lang nang biglang magring ang phone ko.
"Hello?" antok na sabi ko.
"Hoy! Gumising kana diyan at gagala tayo!!" sigaw ni Meisha dahilan para magising ang diwa ko.
"Gising na nga diba?! Masasagot ko ba tawag mo kung tulog pa ko?!" singhal ko naman sakanya.
"Ayy hehe sige maghanda kana diyan dahil magliliwaliw muna tayo, okay?" sabi ni Meisha.
Malamya naman akong tumayo at naligo. Pagkatapos ay nag-ayos at lumabas sa kwarto. Naabutan ko si Yaya sa kusina na nagluluto.
"May lakad ka ata hija. Saan punta mo?" tanong niya habang inihahain ang niluto niya.
"Nagyaya po kasi ang mga kaibigan kong gumala." sabi ko habang kumukuha ng bread, "Nakaalis na po ba si mommy?" tanong ko.
"Oo, maaga siyang umalis. Di na nga siya nakapagpaalam sayo dahil tulog ka pa." sagot ni Yaya.
Malungkot akong napangiti kay Yaya. Nalulungkot ako dahil noong kaarawan ko ay buong araw ko talagang hinintay ang tawag o text ni Mommy pero wala. Pag-uwi ko naman sa bahay nun ay may konting handaan lang kami dito at inimbita ko ang mga kaibigan ko. Ayaw ko kasi ng masyadong enggrande. Tas nung umuwi naman si Mommy ay wala pa rin. Sobrang busy niya siguro na pati ang kaarawan ko ay nalimutan na niya.
Mabilis kong tinapos ang pagkain ko at sakto namang nasa labas na ang mga kaibigan ko.
"Ohh kanina pa kayo?" tanong ko sa kanila.
"Saktong kakalabas mo nang dumating kami," sabi naman ni Meisha na nakasilip lang sa bintana ng kotse.
Kila Nicka ang SUV na gamit namin. May driver kami dahil hindi pa kami pwedeng magdrive. Marunong naman na kami pero di pa pwede kasi wala pa kaming lisensya. Pumasok naman ako at nagulat ng makitang nakasimangot si Jill.
"Anyare dyan?" tanong ko sa kanila.
"Bad mood ehh HAHAHA!" sagot namin ni Meisha.
"Chinat niya daw kasi ang crush niya tas di siya pinansin," sabi naman ni Nicka na siyang katabi ng driver.
"Tse!" inis na singhal naman ni Jill. Tinawanan nalang namin siya.
"Ohh saan punta natin?" tanong ko habang nagseselpon.
"Ewan ko! Tanong mo kay Meisha!" inis na sabi ni Jill.
'Ba't pati ako nadamay sa inis niya'
"Magshoshopping muna tayo tas pagkatapos ay may pupuntahan tayong tiyak na magugustuhan niyo," nakangising sagot ni Meisha.
Umabot ng 30 minutes ang biyahe dahil medyo matraffic. Tahimik naman at di kami makapag-ingay dahil di makausap ng maayos si Jill. Ang suplada niya masyado, dinaig pa ako.
Pagdating sa mall ay bookstore agad ang hinanap ko. Mahilig ako sa libro eh. Sumama naman silang tatlo dahil hindi kami pwedeng maghiwa-hiwalay. Si Jill nga ang pinakamaingay pero ako pa rin ang nasusunod palagi hehe.
Pagpasok ko sa bookstore ay binili ko agad ang libro ng isa sa mga favorite teen fiction novel ko . Matagal na kong di nakapagmall kaya ngayon ko lang ito nabili. Pagkatapos kong mamili ay namili naman sila ng mga bagong damit. Nang magsawa na ay napagdesisyunan nilang kumain muna.
"Uyy matanong ko lang ha. Saan nga ba ang lugar na sinasabi mong magugustuhan namin, Meisha?" takang tanong ko habang hinihintay na dumating ang inorder namin.
"Secret hehe" sabi niya naman at humagikhik pa. "Bad trip ka pa rin ba Jill?" tanong niya naman dahil hanggang ngayon nakasimangot parin ang katabi kong to.
"Oo eh! Ba't ba kasi hindi niya ko nireplyan?! Kahit na like man lang sana o 'hi' ayyshh!!" inis na reklamo sabi niya.
"Di naman kasi siya interested sa'yo," prangkang sabi ni Nicka.
'Nayss, mas ginawa niya pang bad trip itong isa'
"Anong hindi! Eh buong linggo kong kinakausap yun?! Kaya dapat friend na yung turing niya sakin," inis pa na sabi niya saka tumingin ng masama kay Nicka.
"Feel ko nakilala ko na siya dati" seryosong sabi ko naman.
"Pano?" si Meisha.
"Saan?" si Nicka.
"Kailan?" si Jill.
'Sunod-sunod talaga ha'
"Huwag nga kayong OA! Feel ko lang naman eh, di pa ko sigurado," sabi ko dahilan para yung kaninang interesadong mukha nila ay mawala.
Pagkatapos naming kumain ay sumakay na ulit kami sa kotse papunta sa kung saan. Di ko din kasi minsan malaman ang trip ni Meisha pero naiinis ako dahil parang kating-kati siyang makarating sa pupuntahan namin kuno. Siya ang nakaupo sa passenger seat habang kaming tatlo naman ang nasa likod.
Nang huminto ang sasakyan ay naunang bumaba si Meisha saka kami sumunod sa kanya. Isang garden ang bumungad samin. Sitara Garden, yan ang pangalan ng garden at yan din ang pangalan ng kababatang kapatid ni Meisha na namatay na.
Pare-pareho kaming napatingin sa kanya. Bakas sa mukha niya ang lungkot pero pinilit niyang maging masaya.
'Siguro naalala niya ang kapatid niya hayss'
"Uyy ano ba? Huwag niyo kong tingnan ng ganyan! Halina kayo dito!" nakangiting sabi niya kahit alam ko namang pilit yun. Sumunod kami sa kanya at sa bandang likuran ng garden ay parang may isang bahay.
"Surprise!!" sigaw ni Meisha. "Pasok kayo dali." dagdag niya pa.
Napa-wow ako ng makita ko ang loob ng bahay. Simple lang siyang tingnan sa labas pero napakaaliwalas sa loob at ang laki. Kahoy ang sahig at ganon din ang pader pero moderno ang mga kagamitan.
Sumunod kami kay Meisha ng pumasok siya sa isang kwarto. Napangiti ako ng makitang isa tong music room. Maraming instrumento at may recording studio pa.
"Eto talaga ang gusto kong ipakita sa inyo guys! Alam naman nating lahat na tayo ay mahilig sa musika kaya charann!!" sabi Meisha. "At saka pa lumapit si Sir Nolan sakin kahapong dismissal, sabi niya gusto niya daw tayong magperform sa acquaintance party kaya yieeee!! Dito tayo magpapractice," dagdag niya pa.
Lahat kaming magkakaibigan ay marunong kumanta. Kasali rin kami sa school's choir. Di man sikat pero pagdating sa pagkanta ay kami talaga ang pinipiling representative ng grade level namin.
"Woww!! Ang galing nito Meisha! Pwede rin natin tong gawing tambayan kapag weekends," namamanghang saad naman ni Jill habang iginagala ang mga mata niya sa kabuuan ng kwarto.
"Oh pano? Anong kakantahin natin sa acquaintance party?" tanong ni Nicka habang hawak-hawak ang gitara. Nagkatinginan kaming tatlo at sabay ngumiti.
'Alam ko na to hehe'
"Make me move!!" sabay na sigaw namin nina Meisha at Jill.
Napangiti naman si Nicka at pinatugtog ang gitara. Ako ang unang kumanta.
"Open eyes, through the waves cut through me." kanta ko habang nakangiti.
"Hypnotized, by the sounds I'm breathing in." si Jill.
"Hold tight, hold tight, chemicals collide." si Meisha.
"Hold tight, hold tight, hold tight" kaming tatlo.
"Tripping lights, paint the skies, all because of youuu" si Nicka.
"Tripping lights, paint the skies, only youuu" kaming dalawa ni Jill.
"Can make me moovee, you, you, you make me mooovee" si Meisha at Nicka.
Natapos ang kanta namin at napangiti kami sa isa't-isa. Ang sayang magkaroon ng mga kaibigang totoo at sasamahan ka sa lahat ng trip mo.
*Kachingggg*
Nagulat kaming lahat dahil sa malakas na tunog ng cellphone ni Jill.
"May nagchat hehe" sabi niya saka tiningnan ang cellphone nito.
"Waaahhhhhh!!!" nagulantang kaming lahat sa sigaw niya, "Nagreply si Rain sa chat ko yieeee!!" kinikilig niyang aniya.
"Oh anong sabi?" tanong naman ni Meisha.
"Yieeee kinikilig talaga akooo!! Sabi niya sorry daw dahil di talaga siya mahilig magreply sa mga chats, yan lang hehe," kinikilig na sabi niya.
"Yun lang?! Grabe kung makasigaw ka akala mo naman nag 'I Love You' siya sa'yo tas yun lang pala!!" nagtatakang tanong ko. Tumingin naman siya sakin ng masama.
"Mapupunta din yun doon! Nagsorry siya sakin dahil concern siya sa nararamdaman ko, ayaw niya kong masaktan yieeee!!" may patalon-talon pa siya.
"Sige Jill, mag-imagine kalang diyan," sabi naman ni Nicka dahilan para bahagya pa kong matawa.
"Arghhh! Wala man lang kayong kasupport-support tas mang-aasar pa kayo! Buti pa tong si Meisha," inis na singhal niya habang nagdadabog pa.
"Di ko naman sinabing sinusuportahan kita ah," natatawang sabi ni Meisha.
'HAHAHAHA kawawang Jill"
"Support kita hahaha" sabi ko naman dahilan para mapangiti na siya.
"Yieeee labyu Sheiraaa!!" sabi niya at akma akong yayakapin nang pigilan ko siya.
"Sa Monday na nga pala ang acquaintance party..may isusuot na kayo?" tanong ni Nicka.
"Retro style diba?"si Meisha.
"Oo, wala pa akong maisusuot eh," si Jill.
"Bibisitahin ko si Lola bukas. Baka gusto niyong sumama? Pwede rin tayong maghanap doon ng pwede nating suotin. Mahirap maghanap ng retro na damit ngayon sa mga mall," si Nicka.
"Tama siya." sagot ni Meisha.
"Mukha niyo nanaman ang makikita ko bukas hayss," sabi naman ni Jill.
"Ayaw mo non? Makakakita ka ng magaganda palagi," sabat ko naman habang nakangiti pa.
"Nakakakita naman na ako ng maganda palagi sa salamin eh," nakangisi pang sabi niya.
"Saan nga pala bahay ng lola mo, Nicka?" tanong ni Meisha.
"Nakapunta na kayo dun ah," si Nicka.
"Oo nga pero nakakalimot din kasi kami haha!" sagot ko.
"Ayshh! Sa may Liviana Village," sagot naman ni Nicka.
"Kyaaaaa!!" sigaw na naman ni Jill.
'Ba't ba siya sigaw ng sigaw??Nakakarindi!!'
"Ano na naman?! Sigaw ka ng sigaw!" saway ko sakanya.
"Sorry hehe, kasi sa village na iyon din nakatira si Rain," ngingiti-ngiting sabi niya.
Magtataka pa sana ako kung pa'no niya nalaman 'yon but knowing Jill, alam kong lahat ay kaya niyang alamin kung tungkol sa crush niya.
"Puro ka nalang Rain, Jill!!" singhal ni Meisha.
"Mehel ke ne ete siye" pabebeng sabi niya pa.
'Tsk tsk kahit kailan talaga si Jill oh!'