Napaiwas agad si Emma sa malagkit na tinginan nilang dalawa. Ayaw niyang bigyan ng kahulugan ang sinabi ni Jacob. Masarap sa pakiramdam pero masakit kapag nasaktan. Magaan ang loob nito sa binata at nagkakasundo sila. Hindi naman siya manhid kung sabihin nitong may kakaiba siyang nararamdaman. Ang tanong niya ngayon sa sarili kung the feeling is mutual ba?
Naglakad ito papunta sa swimming pool at nilubog ang paa. Akala niya hindi susunod si Jacob sa kaniya pero nagulat ito ng tabihan siya.
"What do you do in life, Emma?" Panimula nitong tanong sa dalaga.
"Isa akong fashion designer. Nagtrabaho ako sa ZKS Clothing line na pagmamay-ari ng ex boyfriend ko. Ngayon na hiwalay na kami ayoko ng mag-work do'n. Actually, for the sake of Zeke kaya ko tinahak ang pagiging fashion designer pero umpisa pa lang hindi naman talaga 'yon ang gusto ko." Kwento ng dalaga habang nasa malayo ang tingin.
"What do you mean?" Tanong ni Jacob na halos magkasalubong na ang makapal nitong kilay.
"It's a long story Jacob, pero kung gusto mo talaga malaman sasabihin ko sa'yo." Napalingon siya sa binata na nakatitig na pala sa kaniya.
--Flashback--
May bagong lipat sa subdivision nina Emma at nagkataon sa tapat lang ng kanilang bahay. Nang makilala ni Emma ang anak na lalaki ng may-ari nagkagusto agad siya kay Zeke. Napag-alaman ng dalaga na magkokolehiyo na rin ang binata kaya kung saan university papasok si Zeke ro'n din ang gusto si Emma dahil ayaw niyang humiwalay sa binata. Ang hindi alam ni Zeke at kanilang mga magulang na palihim nitong iniibig ang binata. Palihim dahil may girlfriend si Zeke. Masakit pero hindi siya nawalan ng pag-asa. Dahil naniniwala siya na balang araw magiging sila. Clothing line ang business ng pamilya ni Zeke kaya business course ang kukunin nito para siya ang magpatakbo in the future.
"Hija, akala ko ba gusto mo maging writer ba't fashion designer ang kukunin mo?" Nagtatakang tanong sa kaniya ng ina ni Emma.
"Mom, hindi ba pwedeng magbago ang isip ko? Dati gusto kong maging writer pero na-realize ko lately ang pagiging FD ang hilig ko." Sa unang pagkakataon do'n lang nakapagsinungaling si Emma sa magualng niya. Para lang payagan siya kailangan niyang magsinungaling. Lahat gagawin niya para kay Zeke.
Pero ang totoo ayaw ni Emma ang FD ang gusto niya talaga maging writer. Ang habol lang naman ng dalaga ay pareho sila ng papasukan na university. Dahil nga mahal nito ni Zeke kahit ayaw niya ang FD 'yon ang kinuha niya. Naisip din niyang magiging pabor 'yon sa kaniya dahil pwede siyang magtrabaho sa company ng binata. Sinantabi nito ang kagustuhan na maging writer at pinursige ang FD.
Doon niya nakilala sina Cassy at Olivia pati na rin sina Liam, Noah at William. The same university sila ni Zeke kahit magkaiba sila ng department atleast palagi niya itong nakikita. Inililihim ni Emma sa kaibigan ang tungkol kay Zeke. Magaling magpayo no'n si Emma lalo na kapag may problema si Cassy pagdating kay Liam pero hindi nila alam sariling problema nito kay Zeke hindi niya masolusyunan. Hanggang naka-graduate sila at nakapag-work sa mismong kompanya ni Zeke. Dahil hindi siya sinukuan ni Emma napamahal na rin ang binata sa kaniya hanggang naging sila.
--End of flashback--
"Akalain mo 'yon buong buhay ko sinuportahan ko si Zeke at tinulungan para palaguin ang kompanya niya. Tapos ito lang ang napala ko." Dahan-dahan nitong pinunasan ang luha.
Sa pagkwekwento niya pala hindi niya namalayang lumuluha na siya.
"May I know ba't kayo naghiwalay?" Halos pabulong na tanong ni Jacob sa kaniya. Nararamdaman din niya paghagod nito sa kaniyang likuran.
"He cheated on me. Nakita ko sila sa elevator na naghahalikan ng dati nitong girlfriend. Matagal na siguro nila akong niloloko na dalawa pero nagbubulagbulagan lang ako." Napatingin siya sa kaniya na hilam ang mata.
Habang tinititigan ni Jacob ang mata ni Emma na puno ng luha hindi niya ito maiwasan na mapamura. Lihim nitong naikuyom ang kamao at pinapatay na sa isip ang dati nitong nobyo.
"That asshole! Masarap basagin ang mukha. Paano niya nagawa 'yon sa'yo. Hindi karapat-dapat ang gano'n klase na lalaki sa'yo, Emma." Pinaharap siya nito at sinakop ang mukha. "Ayaw kong nakikita na lumuluha ang mata mo. Gusto ko na saya ang makikita ko." Siya na mismo ang nagpahid ng luha nito.
"Okay, itatatak ko 'yan sa isip ko." Kahit lumuluha pa rin pinilit nitong ngumiti. "Nagmahal ka na rin ba ng sobra na kagaya ko?" Tanong ni Emma na napansin nitong natigilan ang binata.
"Yes." Tipid na sagot nito at saka napayuko.
"Na-Nasaan siya ngayon?" Nauutal na tanong nito dahil parang nahihirapan siya na malaman ang tungkol sa babaeng minamahal nito.
"She's with her fiance at ikakasal na sila." Saka lang niya inangat ang mukha nito diretso sa kaniyang mata.
Napuna ng dalaga na may luha ito sa gilid ng kaniyang mata. Nasasaktan pa rin siya at hindi maikakailang mahal na mahal pa rin niya ito. Doon lang napagtanto ni Emma na dapat na niyang pigilan ang sarili habang hindi pa lumalalim baka kapag nagtagal hindi na siya makaahon pa.
"Anong dahilan ba't kayo naghiwalay?" Palihim nitong pinunasan ang luha at pekeng ngumiti sa kaniya.
"She's my first love. Unang kita ko pa lang sa kaniya pag-ibig na ang naramdaman ko. Dahil hindi ko siya kilala hinanap ko talaga siya. Umayon naman sa akin ang panahon kaya natagpuan ko siya. Hindi nagtagal naging magkasintahan kami. Masaya ang naging pagsasama namin pero isang araw bigla na lang ito nawala na parang bula. Then, pagkaraan ng ilang taon basta ko na lang malalaman na ikakasal na siya." Napatingala ito halatang pinipigilan ang mapaluha.
"Jacob, kung mahal mo pa siya ipaglaban mo. Huwag mo hahayaan na mapunta lang siya sa iba." Hinawakan siya nito ng dalaga sa kamay.
"Paano ko siya ipaglalaban Emma kung siya mismo ang ayaw ng lumaban. Ikaw ang tanungin ko, kung mahal mo pa siya ba't hindi mo siya ipaglaban sa dati nitong nobya? Dahil alam mo na ayaw ka niyang ipaglaban, masama na siya sa piling ng minamahal niya ngayon kaya parang wala rin saysay ang pinaglalaban mo! Hindi na nila tayo mahal, Emma!" Napataas ng bahagya ang boses nito kaya napayuko na lang ang dalaga.
"I'm sorry." Humihikbi na wika nito.
Natigilan naman si Jacob dahil sa bahagyang pagtaas nito ng boses sa kaniya.
"I'm sorry din hindi ko sinasadya. Huwag na lang natin sila pag-usapan," saad naman ni Jacob na basta na lang nitong niyakap.
-----
Pagkatapos ang kaganapan kanina nagpasyang ipagpatuloy ni Jacob ang ginagawa nito sa opisina. Habang naisipan naman ni Emma na magpunta sa kwarto para makapagpahinga. Napasandal na lang si Jacob at inalala nito ang pinagtapat sa kaniya ni Emma tungkol sa dating nobyo nito. Nakaramdam siya ng awa dahil sa pagtrato nito sa kaniya nung hindi pa sila magkakilala. Tapos malalaman na lang niya na gano'n pala ang pinagdadaanan nito. Siguro dahil sa galit nito kay Myraquel kay Emma niya binunton. Halos magkapareho lang pala sila ng pinagdadaanan. Ang tanging magagawa lang ng binata para makabayad na rin ito kay Emma ay protektahan ito laban sa dating nobyo.
Napatigil siya sa kakaisip ng sinabihan siya ng matanda na kakain na. Bago ito bumaba dumaan muna siya sa kwarto ni Emma. Narinig nito ang paghikbi ng dalaga umiiyak na naman ito. Bumaba siya para kumuha ng makakain nito. Kumatok muna ito ng ilang beses.
"Pasok." Agad napabangon ito at nagpunas ng luha.
Dahan-dahan naman nilapag ni Jacob ang pagkain sa side table.
"Hala! Ba't nagabala ka pa bababa naman ako." Nahihiya nitong sambit habang hindi makatingin sa mata ng binata.
Inangat ng binata ang mukha nito. Tinaasan pa siya ng kilay ng makitang umiiyak na naman ito.
"Ilang beses ko na bang sinabi sa'yo ayokong lumuluha ka. Ang tigas ng ulo!" Pagbibiro ni Jacob para mapatawa si Emma.
"Hindi naman ako umiiyak dahil sa kaniya. Ang hirap lang kasi kalimutan ang masasayang alaala na kasama siya no'n." Napanguso na saad nito.
"Emma, tuparin mo ang pangarap mo na maging writer tutulungan kita. Panahon na rin para sarili mo naman ang isipin mo." Hinawakan nito ang kamay niya habang tinititigan siya sa mata.
"Salamat, Jacob." Nakangiting sambit nito.
Tutulungan siya nito ano kaya ang pwede niyang gawin para matulungan din niya ang binata. Nang sumagi sa isip niya 'yong sinabi ni manang sa kaniya hindi siya nagdalawang isip na tanungin ito sa binata.
"Jacob, nabanggit sa akin ni manang na palangiti kang tao at madaling pakisamahan. Nagbago lang daw ang lahat nung naghiwalay kayo totoo ba? Pati ba 'yong paraan ng pananamit mo siya rin ang dahilan?" Nilakasan ni Emma ang loob nito para hindi siya magkautal.
"Yes." Sagot nito sabay napahilamos ng mukha.
"Jacob, kung tutulungan mo ako para tuparin ang pangarap ko. Tutulungan din kita para bumalik ka sa dating ikaw." Napahawak ang dalaga sa mukha nito. "At tutulungan din kita para kalimutan siya."
Napahawak din si Jacob sa mukha nito at napangiti.
"Kumain ka na lalabas na ako." Hinalikan siya muna nito sa noo bago humakbang.
Pero bago tuluyan buksan ni Jacob ang pinto nilingon na muna si Emma.
"Emma, tutulungan din kita na kalimutan siya."