NAPABUNTONG-hininga si Cadi habang nagbibihis ng PE uniform sa loob ng ladies room.
Masyado siyang namomroblema kay Harry! Apat na araw na ang nakararaan matapos ang pustahan nila ni Xenon, subalit hanggang ngayon ay hindi pa niya nayayayang makipag-date sa kanya si Harry.
Paano, pagkatapos ng nangyari sa cafeteria ay hindi na niya muli pang nilapitan si Harry. Pakiramdam niya ay sobra-sobra na siyang mapapahiya kapag muli niyang in-approach ang lalaki at muli na naman siya nitong tanggihan.
Gusto niyang sisihin ang sarili kung bakit pa nga ba siya pumatol sa kalokohan ni Xenon. Namomroblema tuloy siya kung paano ito matatalo. Isipin pa lang niya ang nakangising mukha nito ay kumukulo na ang dugo niya. No, she wouldn’t allow that to happen!
She still have three days! Gagawa siya ng paraan para mapapayag si Harry!
Bigla tuloy niyang naalala si Gina. Nalaman niya mula mismo sa babae na boyfriend na nito si Jackson. Mabuti pa si Gina, nobyo na nito ang lalaking pinapantasya nito. Samantalang siya, kahit isang date ay hindi mapapayag si Harry. Ni hindi nga ni makausap ang lalaki na hindi siya nito sinusupladuhan.
Katatapos lang niyang ilagay ang pinagpalitang damit sa paper bag nang marinig niya ang pagbukas ng pinto ng CR.
"Salamat, Zia.”
Bumalot sa loob ng tahimik ng CR ang boses ng bagong dating.
“No prob, Gina. Masaya ako na finally, naging kayo na rin ni Jackson.”
Natigilan siya nang marinig ang dalawang pamilyar na pangalan mula sa panibagong boses na nagsalita. Kaya pala pamilyar sa kanya ang boses ng unang nagsalita. It was Gina.
“Really, Zia. Kung hindi dahil sa gayuma ng lola mo, hindi magiging kami ni Jackson.”
Gayuma? nabiglang gagad ni Cadi sa isip. What the heck?
“Sabi ko naman kasi sa ‘yo, dapat matagal mo nang ginayuma iyang si Jackson, eh.”
Sa pagkakataong iyon ay binuksan niya ang pinto ng cubicle. Sabay na bumaling sa kanya si Gina at ang babaeng kasama nito. Ganoon na lang ang pagkagulat sa mukha ng mga ito.
“Cadi…”
“Gina, tama ba iyong narinig ko? Ginayuma mo si Jackson?”
SIGURADO ka ba, Cadi? nagdadalawang isip na tanong niya sa sarili habang hinihintay ang pagdating ni Zia.
Simula kahapon ay ilang beses niyang kinuwestion ang sarili kung itutuloy niya ang planong pagbili ng gayuma tulad ng ginawa ni Gina.
"Please, don't tell anyone, Cadi," pakiusap sa kanya ni Gina pagkatapos niyang makumpirma rito ang narinig. "Walang ibang nakakaalam nito kundi kami lang ni Zia."
Ayon kay Gina, nagawa lang nito ang bagay na iyon dahil desperado na ito na mapansin ni Jackson. Naiintindihan niya si Gina. At nakaka-relate siya rito. Tulad ng babae ay desperado na rin siya. Desperado na siya sa kakahanap ng paraan upang manalo sa pustahan nila ni Xenon.
Iyon ang nagtulak sa kanya para bumili ng gayuma mula kay Zia. Ayon kay Gina, kaklase nito si Zia noong high school. Sa pagkakaalam ng una, may lahing magkukulam ang lola ng huli. Bukod sa paggawa ng gayuma ay isa ring manghuhula ang lola ni Zia.
Cadi didn’t believe in witchcraft. She was a Chemistry major for heaven's sake. Hindi siya naniniwala sa potion o kung anong magic spell. Those things didn't have any scientific basis! But right now, she didn't have a choice but to rely on that thing called love potion. Tama nga ang kasabihang desperate times calls for desperate measures!
Ilang sandali pa ay natanaw na niya ang paparating na si Zia.
“Sorry, ang tagal magpalabas ng prof namin,” wika sa kanya ng babae. Pinagmasdan niya ang babae. Sabi ni Gina ay literature student daw si Zia. The woman was wearing a black ensemble: a black button up blouse and a black long skirt. Naalala niyang ganoon din ang suot ng babae noong una niya itong makita kasama si Gina.
“Okay lang. Kararating ko lang din naman.”
Naupo ito sa tabi niya. Napag-usapan nilang dito magkita sa botanical garden ng campus nila. Walang masyadong estudyanteng tumatambay doon.
Binuksan ni Zia ang dalang satchel bag at Inilabas ng kaharap ang isang bote na may lamang likido.
“Sigurado ka ba na eepekto ito?” tanong niya kay Zia.
“Ninety-nine percent ang effectivity niyan, Cadi,” kumpiyansang sagot sa kanya ng kaharap. Inayos nito ang suot na salamin sa mata. “Nakita mo naman kung paano umepekto kay Jackson, di ba?”
Napanguso siya. Kunsabagay ay paano niya ipapaliwanag ang sitwasyon ni Jackson at Gina? Wala siyang ibang maisip na sagot kung paanong sa isang iglap ay na-in love si Jackson kay Gina kundi dahil sa gayuma na pinainom nito sa lalaki.
Tumango siya habang pinagmamasdan ang hawak na botelya. The liquid was light green in color. Binuksan niya iyon at bahagyang inamoy. It was odorless. "Saan gawa ang gayuma na ito, Zia?" Bumaling siya sa babae.
"Gawa iyon sa mga espesyal na halaman at bulaklak ni Lola."
Bahagyang kumunot ang noo niya. "Anong halaman?"
"Pasensya ka na, Cadi. Mahigpit na bilin ni Lola na dapat manatiling lihim sa angkan namin ang tungkol sa bagay na iyan." Ngumiti siya sa akin. "Pero wala kang dapat ipag-alala, ligtas iyan inumin."
She chewed on her lower lip. “Magkano ito?”
“Tatlong libo.”
Bahagyang na nanlaki ang mga mata niya. Tatlong libo ang halaga ng laman ng botelyang iyon?
“Medyo may kamahalan, bukod sa hindi basta-basta ang mga halamang sangkap upang makagawa niyan, maraming ritwal na pinagdadaanan si Lola upang masiguro ang epekto ng gayuma.”
Muli siyang nagdalawang-isip habang hawak ang bote ng gayuma. Sigurado ba talaga siyang bibilhin niya ang botelyang iyon sa halagang tatlong libo?
“Bilhin mo na, Cadi. Sinasabi ko sa ‘yo, hindi ka magsisisi kapag ginamit mo iyan sa lalaking gusto mo.”