Dumating na ang araw ng taping ni Leiza. Alas singko pa lamang ay kailangan na niyang makabiyahe dahil sa Batangas pa ang taping nila . Kung kaya't 4:30 pa lamang ng umaga ay naroon na sa Condo niya si Lewis. May dala-dala itong kape para makapag kape sila sa byahe ni Leiza.
Pagkatapos nilang magkape ay hindi naiwasan ni Leiza na makatulog . Natutuwa si Lewis na pagmasdan si Leiza habang ito ay natutulog . Tila ba ay nawawala ang antok niya kapag nakikita ang ganda ng Dalaga. Sabado ngayon kaya walang pasok si Lewis. Tamang-tama dahil unang araw niya sa pagsama sa taping ni Leiza.
Hindi na din muna pinapasok ni Leiza ang kanya P.A para si Lewis ang gumawa ng lahat ng mga trabaho nito. Pagdating nila sa set ay binati si Leiza ng kanyang make-up artist.
" Sino siya Ms.Leiza ? Jowa mo? " nanunukso nitong tanong.
" Uy , may jowa na siya," tukso ng iba pang staff sa kanya.
" Stop. He's not my boyfriend ," sabi ni Leiza na natatawa.
Hindi na nila nakulit pa si Leiza nang biglang dumating si Kevin . Bumeso ito kay Leiza at binati ang dalaga .
Nang makita ito ni Lewis ay napakatalim ng tingin niya. Kaya simpleng bumulong si Kevin sa kanya.
" Lei, Bakit kasama mo ang CEO ng MGC?" nagtatakang tanong ng Leading Man nito.
" Next time ko na ipapaliwanag sayo. Tara mag reherse na tayo ng script natin ," yaya ni Leiza kay Kevin.
Inakbayan ni Kevin si Leiza kaya mas tumalim ang tingin ni Lewis. Parang gusto niyang kumain ng tao sa selos. Lihim na natatawa sa kanya si Bianca na nasa tent kung saan nakastay si Lewis.
Saglit itong lumabas at binulungan si Leiza.
" Bes , yung manliligaw mo nanggagalaiti sa galit," natawa si Leiza sa sinabi ng Best Friend . Para sa kanya ay isang goal na naman ito na natupad.
Nang bumalik sa tent ay tinanong siya ni Lewis.
" What do you want for Lunch? Sobrang hina ng signal dito hindi ako makapagpadeliver ," tanong nito sa akin.
" Anything will do ," sagot ni Leiza sa kanya.
Bumili ito ng smoked steak at baked shrimp para sa akin. Pagbalik niya ay agad sinabi ni Leiza na binigyan pala siya ni Kevin ng pagkain kaya yun na lang ang kinain niya.
" Lewis , I'm so sorry dinalhan kasi ako ng breaded pork ni Kevin. Kaya yun na lang kinain ko habang wala ka pa. Anyway thanks for the effort," sabi ni Leiza sa kanya at nagmamadaling umalis dahil may gagawin pa na sunod na shoot.
Halata ang inis sa mukha ni Lewis kahit hindi niya ito sabihin. Siya na lamang ang kumain ng binili niyang pagkain para hindi ito masayang. Tinawag siya ni Lieza para dalhin ang kanyang mga gamit dahil lilipat sila ng location. Nag mukha siyang P.A ng dalaga sa mga pinapagawa nito sa kanya. Subalit walang angal na ginawa ito ni Lewis.
Habang nasa byahe ay tahimik na nagmamaneho si Lewis.
" Are you mad ?" tanong ni Leiza sa binata
" No ," tipid na sagot sa kanya ng binata
Hindi na lamang siya pinansin ng Dalaga na para bang walang pakialam sa nararamdaman nito. Huminga ng malalim si Lewis.
"What do you want for snack ? Pwede na tayong dumaan para ikaw na mismo ang makakapili ng gusto mo ," tanong nito kay Leiza.
Dumaan na lamang sila sa Convenient Store kagaya ng nirequest ng Dalaga. Pumili si Leiza ng mga gusto niya halos sobrang dami niya kinuhan . Pero hindi naman kaso ito kay Lewis masaya siya dahil nabibigay niya sa aktres ang mga gusto nito.
Dumating na sila sa set at nagkaroon ng pansamantalang brown-out. Init na init si Leiza. Inutusan niya si Lewis na paypayan siya . Habang naghihintay sila na maayos ang kuryente ay tinawag ni Leiza ang buong cast at pinamigay lahat ng pinamili niya kanina na binigay sa kanya ni Lewis. Lihim na natatawa na naman si Leiza dahil sa kalokohan na ginawa niya. Nakita niyang humaba na naman ang nguso ni Lewis sa ginawa niya.
" By the way , binili pala ni Lewis yan sa akin," proud na proud na sabi ni Leiza.
Nagpasalamat ang buong cast sa kanya at napilitan na lamang ngumiti ang binata. Kahit naiinis siya sa ginawa ni Leiza.
Madaling araw na ay hindi pa din tapos sina Leiza. Halos 3am na sila natapos . Tinapik na lamang nito si Lewis na tulog na tulog na sa kakahintay sa kanya.
" Tara na uwi na tayo ," bulong nito.
Pagkatapos magpack-up ay nagpaalam na si Leiza sa staff and cast . Sila ay bumiyahe na pa Maynila. Alas singko na ng umaga ng sila ay makarating sa Condo ng Dalaga. Nagpaalam na din si Lewis para makapagpahinga na si Leiza.
Alas singko na ng hapon nagising ang aktres. Nabasa niya ang chat ni Lewis na nagpadala pala ng pagkain niya para sa hapunan dahil baka hindi na ito makapagluto. Naantig si Leiza sa mga efforts na pinapakita sa kanya ni Lewis pero hindi yun ang makakapagpatinag sa kanya para tumigil sa hangarin niyang makapaghiganti sa binata.
Nagpasalamat siya sa binata na kinatuwa naman ni Lewis dahil kahit papaano ay naappreciate ni Leiza ang kanyang effort.
Mga alas nuwebe ng gabi ay nakatanggap ng text si Leiza mula kay Kevin. Inimbitahan siya na mag lunch bukas. Agad naman pumayag si Leiza para maikwento na din niya kay Kevin ang tunay niyang koneksyon kay Lewis .
Ayaw din kasi niya mamisinterpret ni Kevin ang hindi niya pagpapaligaw noon dito sa binata. Bigla niyang naalala ang pagtatapat sa kanya ni Kevin noon.
" Leiza , I really like you. Pwede ba akong manligaw?" tanong nito sa kanya,
Kahit gusto man siya pagbigyan ng Dalaga ay hindi yun makakatulong upang maisagawa niya ang kanyang plano laban kay Lewis. Ayaw din naman niyang gamitin ang binata sa paghihiganti niya kay Lewis. Matinong lalaki si Kevin ,hindi niya deserve ang magamit.
Dahil sa sobrang pagod pa din ay hindi namalayan ni Leiza na nakatulog na pala siya .Hindi na din niya nasagot ang tawag ni Lewis na gusto din siyang yayain bukas para lumabas .