Pakiramdam ko ay kinapusan ako ng hininga sa sinabi n'ya. Ano ba 'yan? hindi naman n'ya kailangang sabihin 'yun. Pwede namang tumayo na lang s'ya ng biglaan at pumunta dun 'no.
Napakamot ako sa ulo at in-arrange 'yung mga ginamit kong pang-gamot sa sugat. Napataas ako ng tingin at tiningnan s'ya.
"Ayaw mo bang lagyan ng band aid 'yan?" Tanong ko. Nakatalikod s'ya sa'kin at nakatingin sa washing machine. Ang puti naman ng likuran ng isang 'to. Itinaas naman n'ya ang kamay.
"Hindi na. Ako na maglalagay mamaya pagdating sa bahay. Thanks," Rinig kong tugon n'ya. Napangiwi na lang ako at tuluyan ng inayos ang mga gamot at inilagay ito sa lalagyan.
Pagkatapos ay tumayo na ako at pumuntang cabinet para mabalik na 'yon.
"Ok na 'to, magbibihis na ako ha." Tumango lamang ako sa kan'ya at 'di na nagsalita. Naka-sideview kasi ako dahil nilagay ko 'yung first aid kit sa cabinet at nakikita ko sa peripheral version ko na nakatingin s'ya sa'kin habang hawak-hawak ang boxer nito.
-
"'Di ka pa ba aalis?" Tanong ko. Napahikab ako kasi inaantok na ako. Nakabihis naman na s'ya. Ayos na 'yun, mukha 'tuloy siyang babaeng naka-dress sa suot n'ya.
Umupo s'ya sa isang silya na nakapalibot dito sa lamesa at inilapag ang magkabilang kamag sa lamesa.
"Teka nga, naka-oversized shirt lang ako. Anong pang-ibaba ko? are you serious?" Takang tanong n'ya sa'kin. Tinaasan ko s'ya ng kilay.
"Okay na 'yan, 'wag ka ng maarte...Inaantok na ako eh," Tugon ko at nag-stretching ng katawan. Mag a-ala una na rin ng umaga. Naudlot tuloy 'yung panonood ko ng movie.
Sinamaan n'ya ako ng tingin at kalauna'y binigyan ng are-you-serious-look. Pinagsawalang bahala ko na lang 'yon. Okay naman na 'yung long sleeve.
"O-ok, sige aalis na ako. 'Yung pajama ko at damit ha, labhan mo." Binigyan n'ya ako ng pagbabantang tingin mabilis s'yang naglakad papunta sa pusa n'yang natutulog sa tiles. Napasapo ako sa noo nang tingnan ako pabalik ni Deiver.
"K-kahit pajama na lang d'yan oh. Ayoko ng ganito." Pakiusap n'ya. Napabuntong hininga ako at tumayo. Ang arte n'ya ah. Kunsabagay, 'di naman sanay ang mga lalakeng mag-suot n'yan.
"Maghintay ka na lang dito. Kukuha ako." Nadala ako ng awa kaya agad akong pumunta ng kwarto at humagilap ng pajama.
Nang makalabas ako sa kwarto ay agad ko s'yang nakitang inaakay ang pusa n'ya na parang baby. Natutulog na kasi 'to. Napangiwi na lang ako at tumigil sa harapan niya bago inabot ang pajama.
"Eto na..." Sabi ko.
Tumingin s'ya sa'kin at hindi ko inaasahang ngi-ngiti s'ya.
"Thanks," Sambit n'ya bago inabot ang pajama at itinaas ito ng bahagya 'yon. Nabigla ako no'ng inilapit n'ya ang pusa sa'kin. "Pasanin mo muna si Dei. Magbibihis lang ako." Saka niya ipinilit na kargahin ko ang alaga n'ya.
Wala naman akong nagawa kaya inilahad ko na lang ang kamay ko para abutin ang pusang kinaiinisan ko. Hindi naman ako takot sa mga hayop pero 'di lang talaga ako mahilig sa mga ito. Ewan ko ba.
Pinagmasdan ko ang pusa. Kulay itim na may bahid ng dilaw sa kulay n'ya. Ang cool  naman.
Pumunta si Deiver ng banyo at isang minuto pa lang ang nakakalipas ay agad na siyang lumabas. Baka akala niya, sasaktan ko 'tong pusa n'ya. Siya na nga 'tong tinutulungan eh.
"Akin na," Kinuha niya ang alaga niyang pusa sa'kin. "Thank you so much for tonight."
"Sige." Sagot ko. Para namang baliw ang isang 'to. Iginaya ko s'ya palabas ng pintuan. Lumabas naman na s'ya ng tuluyan at agad na naglakad sa labas. Sa kalagitnaan ng gabi.
Padabog ko namang sinara ang pintuan.
-
"Alam mo, Xhecie! I really hate animals kasi. Lalo na 'yung mga insect and small animals. Napaka-kadiri! Kahapon nga, hinabol ako ng ipis." Kuwento ni Lexy habang tila nandidiri dahil siguro nai-isip n'ya ulit ito. Ako naman ay natawa. Sa pwede ba naman humabol sa kan'ya ay ipis pa talaga.
Ang pinaka-hate pa naman n'ya ay ang ipis at bulate.
Seatmate ko si Lexy. Napakaingay niya kaya masarap kasama. Madalas din nagku-kuwento tungkol sa mga bagay-bagay. Nakakatawa man 'yan o nakakainis na pangyayari.
Alas otso na ng umaga at nandito na ako sa school. Hinihintay namin ang research professor namin. May meeting kasing naganap kaya baka ma-late ang pagtuturo sa'min ngayon.
Ibinaba ko ang ballpen sa arm rest at saka nagtanong kay Lexy.
"Hate mo rin ba ang pusa?" Pabulong na tanong ko sa kan'ya at inilapit pa ang bibig sa tenga n'ya. Mukhang nandiri naman s'ya ng slight.
"I don't hate them ano. I just don't like black cats, malas daw kasi 'yun eh. That's all. Hindi din ako pwedeng humawak ng cats. Asthmatic kasi ako, right? hehe." Napatango naman ako sa sagot n'ya. Oo nga pala. May asthma s'ya.
Nag-usap pa kami ni Lexy about sa mga random stuffs at tawa naman kami ng tawa. Nang dumating ang professor namin ay natahimik kami bigla dahil seryoso ang mukha nito. Gan'to naman 'to lagi eh. Halos lahat naman ng guro namin, strikto.
-
Nang mag-dismiss ang research subject ay napagdesisyunan kong pumunta sa cafeteria. Mukhang kailangan ko ng mampalamig. Hindi pa naman ako gutom. Isa na rin dito ay kinulang ako sa tulog. Mag a-alas dos na ako no'ng nakatulog kanina. Ilang hours lang ang naging tulog ko.
Bitbit ang dalawang libro sa kamay ko ay tinungo ko ang cafeteria. Kailangan ko pa kasing mag-basa tungkol sa history na subject namin. Kaunte lang ang nabasa ko dahil puro gawa ako ng assignment at project. Kala ko kasi, wala na akong babasahin.
Mamayang hapon na din 'yung event ng school kasi paniguradong walang pasok ang lahat ng senior high. Pwede na ring mag-sibilyan mamaya. Naks! Lilibot-libot lang sa buong campus habang may program sa gymnasium. Sa preparasyon lang namin kami naging busy.
Nang makapunta sa cafeteria ay agad akong bumili ng mango shake at umalis na agad do'n. Wala naman masyadong tao kaso ayoko lang tumambay do'n. Mas gugustuhin ko bang maglakad lakad sa paligid habang nire-refresh 'yung nga information na nabasa ko sa historical.
Pumunta ako dito sa likod ng school. May duyan at pinagigitnaan ito ng dalawang puno. Umupo ako dito at agad na binuksan ang pahina ng isang libro. Mabilis ko namang naubos 'yung shake kaya nilingon ko ang buong paligid para masiguardong walang ibang tao. Itatapon ko sana 'yung lalagyan ng shake sa gilid. Wala kasing basurahan.
Napahinto ako nang mahagip ng tingin ko ang isang lalakeng nasa second floor ng isang two storey building. Lalakeng nakaupo sa lamesa na kalevel lang ng railings at nakatingin s'ya sa gitarang nasa lap n'ya habang pinapatugtog ito. Hindi naman s'ya mukhang kumakanta.
A-ah siya. Oo s'ya. Natatandaan ko. Siya 'yung lalake kagabi. Deiver nga pala ang pangalan n'ya.
Napatakip ako ng libro sa mukha nang napaangat ang tingin nito at tila nakita ako. Malayo naman ako eh,
-
Gaya nga ng inaasahan ko, relax-relax lang ngayong may program sa gym. Naglibot lang ako kanina at chineck kung may mga kulang pa para maayos. Nagkakagulo na din sa gym dahil start na ng program.
Nandito kami ngayon sa freedom wall. May pa-freedom wall. Si Lexy ang nagbibigay ng sticky notes sa mga gustong sumulat ng mensahe at may ballpen naman na nasa lamesa. Saka lang nila i-didikit sa freedom wall 'yung sticky notes na may sulat, at ayun na 'yun. Actually, tatlo kaming na-assign dito. May pinuntahan lang 'yung isa.
"Sticky notes. Para sa freedom wall." Rinig kong sabi ni Lexy sa mga taong dumadaan.  Madami naman ang kumuha ng sticky notes sa kan'ya at sumulat do'n. Nakalinya sila dahil iisa lang naman ang ballpen, kung ang iba ay may dalang ballpen, masuwerte sila.
Ako naman ay nakatayo lang dito. Kulay pink ang theme ng event. Oh diba, baduy. Nakatingin lang tuloy ako sa freedom wall at unti-unting lumalapit para basahin ang mga nakasulat do'n. Ang magkabilang kamay ko ay nasa likuran.
Halos ang iba ay sulat para sa crush nila.
"Hi Emmanuel C. Miss you! ♥"
"Notice me Drake Segues please... Crush na crush kita."
"Ang gwapo mo talaga Erwin!"
"To my crush, Niala... Ily."
'Yung totoo? valentines day ba ang event ngayon? Sa pagkakaalam ko ay nagpa-special event ang principal namin para sa mga visitor's na dumating. Meron ding mga booths. Ewan nga, mukhang student's day ngayon.
Nabigla ako nang may tila may nakabangga sa'kin sa likuran. Hindi ko naman ito pinansin dahil baka nagtutulakan lang na mga kapwa estudyante ko.
Ngunit nagulat ako nang may kamay na nanggaling sa likuran ko, mukhang may tao talaga sa likuran ko mismo. Nararamdaman ko kasi ang paghinga nito. Dinikit nito ang isang sticky note sa freedom wall, malapit sa harapan ko.
Napamaang ako nang mabasa kung anong nakasulat dito.
:) Xhecie...
Nilingon ko agad kung sino 'yun. Isang likod lang ng lalake ang unti-unting lumalayo ang nakita ko. Nagulat ako ng unti-unti itong humarap sa'kin,
Nakasimangot. Agad din siyang tumalikod at naglakad na papalayo. A-ah 'yung Deiver pala.