“Gusto mo kasi ikaw lagi ang bida! Lalo na sa mga lalaki kaya nga inagaw mo sa akin si Reese di ba?”
Kita ko ang pagapigil ni Xav sa kaniya.
I laughed. “Kasalanan ko bang ang panget mo na kaya iniwan ka?”
Namula siya sobrang galit. Kumawala siya kay Xav bago niya tinaas ang braso para sana sampalin ako nang mapigilan ko ito.
“See? Kaya ka iniwan kasi puro ganda at palambot lang ang alam mo!” Sabi ko at pabigla siyang tinulak kaya natumba ulit siya. “Ayan ang may pwersa kong tulak.”
Nagpatuloy ako sa paglinis at medyo malayo na ako. Nakikita ko kahit hindi ko tignan ang pagtayo ni Andrea at ang pag pagpag ng damit niya.
“Kaya iniwan ka ng tatay mo dahil ang sama ng ugali mo! At malandi ang nanay mo!”
“Stop,” awat ni Xav kay Andrea.
“Oh, bakit? Totoo naman, ah!” Naglakad siya, hindi ko makita kung saan siya nagtungo dahil nasa lapag lang ang tingin ko.
Hindi malandi ang nanay ko kaya bakit ko pa siya papatulan. Wala naman katotohanan ang sinasabi niya kaya bakit ko pa ipagtatanggol ang sarili ko? Magmumukha lang na totoo iyon. Pero kung hindi rin ako magsalita ay inaamin ko na totoo iyon kaya hindi ko na alam kung anong dapat kong gawin. Hindi ko lang mainindihan itong si Xav na hindi man lang niyang kayang pigilan itong babaeng nilalandi niya!
Nahinto ako sa pag mo-mop nang marinig ko ang pagtumba ng timba kung saan ko pinipiga ang maruming tubig na galing sa mop. Matalim kong tinignan si Andrea na naghahamon pa sa tingin niya sa akin. Alam ba nilang nakakangawit at nakakapagod ang paglilinis ng mahabang hallway na ito?
“Oh bakit? Galit ka na ba?”
“Stop. We should go na, Andrea,”mabilis na sinabi ni Xav sa kaniya.
Kailangan kong kumalma dahil hindi ko ito matatapos kung hindi ako kakalma.
“Please. Pauwiin nyo naman ako! Alam mo ba kung gaano kahirap mag mop ng buong hallway?! Ha?! Alam mo bang may natitira pang floor ang kailangan kong i-mop?!” Nakatingin lang sila sa akin habang sumisigaw ako rito. Hindi rinig ng mga nag t-training ng basketball dahil nasa kabilang building sila. “Putangina! Pwede ba, Xav! Pauwiin mo na nga ‘yan! Umalis na kayo rito! Bago pa maputol ang pasensya ko.” Nanghina na ako sa huli.
I saw how Xav gently held Andrea’s arm. Umirap ako para mawala ang nagbabadyang luha at nagsimula na ulit akong mag mop. Naririnig ko pa rin ang pagrereklamo ni Andrea kay Xav na hindi pa raw siya tapos sa akin. Naalala ko tuloy ang tingin sa akin ni Xav, awang awa siya sa akin. Hindi ko kailangan ng awa niya. Kaya kong gawin ang nakalaan na consequence sa akin dahil sa ginawa ko.
At talagang kakampihan niya ‘yun. Baka nga girlfriend niya pa iyon, eh! Hindi lang ako makapalag ngayon dahil nga kailangan kong bilisan maglinis dahil gabi na at ang kapatid ko. Kahit na nakila Min naman siya ay kailangan ko pa ring umuwi ng maaga.
Minop ko ulit ang maruming tubig hanggang sa matapos ko na ang lahat ng floor. Tinignan ko ang relo ko at mga 8 na ng gabi. Nagmadali akong pumasok sa cr a nilinis ang mop bago ako dumiretso sa POD office para kunin ang gamit ko. Kumatok muna ako bago pumasok. Nadatnan ko si ma’am na may ginagawa sa lamesa niya. Minsan ay dito natutulog si ma’am dahil malayo ang inuuwian niya.
“Oh, tapos ka na?”
“Opo. Uwi na po ako, ma’am.” Sinuri niya ako bago unti-unting tumango.
“Sige, Ingat ka. Nga pala, collect ka ng 5 pesos sa klase nyo para sa booth nyo."
Tumango ako.
Kinuha ko na ang gamit ko. Inayos ko ang pagkakaipit ng buhok ko at nagpunas ng pawis bago ako nagtungo sa court kung nasaan sila Gio. Magpapaalam lang ako tapos aalis na rin ako. Nadatnan ko silang nagpapahinga kaya kinawayan ko na siya. Agad siyang tumayo at tumakbo palapit sa akin. Natanaw ko pa ang dalawang hinahanap ko kaninang kaibigan ni Andrea.
“Ayos ka lang?” Tanong niya pagkalapit niya sa akin.
I nodded and give him a gatorade. “Dumaan ako kanina sa canteen kaya binilhan na kita.”
“Wow ang sweet!” Ginulo niya ang mukha ko at pinakatitigan ako na parang may mali. “Pagod na pagod ka. Gusto mo sa amin ka muna matulog? Sabay na tayo at malapit naman na kami matapos.”
Umiling ako. “Huwag na. Kaya ko na!”
“Nakita ko nga pala na magkasama sila Xav at Andrea kanina na bumaba noong pumunta ako sa POD. Nagkita kayo?”
Binuksan niya ang gatorade.
Inayos ko ang bag ko bago tumango.
“Anong ginawa sayo?” Nagtaas siya ng kilay habang umiinom.
“Wala. Alam mo na. ‘Yung dati niya pang sinasabi sa akin.”
Iyon ang laging ganti sa akin ni Andrea kapag naiinis na siya sa akin. Kaya wala akong magawa kung hindi tumahimik na lang at tumawa sa gilid dahil paulit ulit siya.
"Naku! Kung alam ko lang edi dapat pinabugbog ko na 'yon sa mga kasama ko ngayon," sabi niya sabay lingon sa loob ng court.
Nakita ko ang paglalakad din ni Reese papunta sa amin.
"Sa atin lang ito, ah. Huwag mong sasabihin kay Reese."
Nagtaas siya ng kilay. "Dapat niyang malaman pinaggagawa ng ex niyang pangit!"
Nagtawanan kami at umiling ako.
"O, Shia. Uuwi ka na?" si Reese na nagpupunas pa.
"Ah, Oo."
Tumango siya at sakto namang tinawag na uli sila ni coach kaya nagpaalam na ako sa kanila.
Naglakad na ako at bumiyahe. Nahirapan akong sumakay na papuntang novaliches dahil punuan na, uwian na ng mga nagtatrabaho eh. Nakatulog ako habang nasa jeep kaya muntikan na akong makalagpas buti na lang ginising ako ng katabi kong matanda na parehas kaming bababaan.
Pagod na pagod ako pagkarating ko ng bahay. Halos makalimutan ko na nga kuhanin ang kapatid ko kaya ang ending ay pagkagising ko ay nagdala na lang ako ng gamit ng kapatid ko para makaligo roon kila Min.
"Shia, baka naman nahihirapan ka na. Pwede ka naman sunduin ng tito Arturo mo pauwi." Si tita Rosa habang hinihintay ko si Min sa labas ng bahay nila.
Pinapapasok nila ako pero umayaw na ako.
"Okay lang po. Nakakahiya naman po. Kayo na nga po halos nag aalaga sa kapatid ko tapos iistorbohin ko pa po kayo." Umiling ako.
Nakakahiya na kahit halos pamilya naman na ang turing namin sa isa't isa.
"Uy, Shia! Nag chat sa akin si Gio!" Salubong ni Min nang makalabas sa bahay nila.
Tumawa ako.
"Ano na naman?"
Nagkwentuhan kami habang nasa jeep papuntang school. Tinext pala sa kaniya ni Gio ang nangyari kagabi kaya halos tirisin niya sa galit si Andrea.
"Naku! Syempre pumalag ako pero tinahimik ko na rin ang bibig ko dahil hindi ako matatapos maglinis." Nag abot ako ng bayad namin. "Tsaka kasama niya rin si Xav."
Ngumiwi siya. "Akala ko ba si Jane? Tapos ngayon si Andrea? Grabe, ah!"
"Diba diba! Grabi siya!"
"Hija, ang ingay nyo. Pwedeng pakihinaan ang mga boses nyo?" saway sa amin ng isang babae na nasa harap namin.
Sabay kaming nagpaumanhin at turuan pa ni Min.
"Ikaw kasi! Napakachismosa mo!" Humalakhak kaming dalawa at napatingin ulit sa babae dahil baka magreklamo na naman.
Pagkarating namin sa school ay binaba ko na agad ang bag ko at nagsimula nang mangolekta ng limang piso.
"Hoy! Mangongolekta ako limang piso para sa booth daw natin." sigaw ko kaya napalingon silang lahat sa akin.
Kaunti pa lang ang nandito dahil maaga pa naman.
"Para saan?"
"Para nga sa booth!" iritado kong sinabi.
"Oh, bat galit ka?!" hinawakan niya pa ang dibdib niya kaya hindi ko mapigilang tumawa.
"Che!"
Nagsimula ako sa first row. Nakalahad ang palad ko at nagbibigay naman sila hanggang sa mapunta ako sa grupo nila Reese.
Kinalabit ko si Edgar na nakikipagdaldalan. Masungit niya akong binalingan.
"Ano?"
"Ano?" Ginaya ko siya sabay lahad ng palad ko.
Tinignan niya iyon. "Wala! Hindi pa nga nagrerecess, eh!"
Nagtaas ako ng kilay. "Walang pambayad ng limang piso pero may pambili ng taho?"
Nakita ko ang baso ng taho sa lamesa niya kaya alam ko. Nilingon niya iyon at kinuha sabay shoot sa basurahan.
"Eh-"
"shh! Amina bayad mo!" Kulit ko sa kaniya. Nagtatawanan na ang kasama niya dahil napakakuripot.
"Ano ba yan, Shia! Parang others naman ako!" reklamo niya at sabay hampas ng limang piso sa lamesa niya.
Masungit kong kinuha iyon at sinunod ang iba. Ang iba ay nagrereklamo pa pero nagbibigay din naman. Nang matapos ay tumambay ako sa hamba ng pinto para mahingan agad ng limang piso ang mga papasok.
Hinarangan ko agad si Gio na halatang kagigising lang.
"Ano?" tanong niya.
Ngumiti ako sa kaniya at nilahad ang isa kong kamay at ang isa naman ay ginawa kong five.
"Ang aga aga, Shia, naniningil ka!" Tinabig niya ako at tuluyang pumasok.
Napaawang ang labi ko.
Sinundan ko siya at piningot. Sumigaw siya sa sakit at pinapapalo ang kamay ko.
"Bitawan mo ako! Min, ohh!" Nagsumbong pa siya kay Min eh tumatawa lang naman si Min.
"Bayad muna!"
"Oo na!"
Agad niyang kinapa ang bulsa at nilabas ang sampong piso. Kinuha ko iyon at binulsa bago siya bitawan.
"Hoy! Sampung piso yon! Ibalik mo lima ko!" reklamo niya at sinubukan kunin pero umiiwas ako at tinatadyakan ang hangin.
Walang pakialam ang iba naming kaklase dahil may sari-sariling kinaaabalahan.
"Wag na! Okay na ito para malaki pera natin!"
Nagmaktol siya at nabunggo pa ang isa naming kaklase. Tinawanan ko siya kaya mas lalo siyang nainis. Patuloy niya akong hinahabol para kuhanin ang sobra niyang limang piso. Halos maikot na namin ang buong room dahil sa kaniya.
"Ano ba, Gio! Sabing dagdag na nga ito!" sabi ko sabay takbo nang mahuli niya ako at sakto namang may nabangga ako kaya napaharap kami roon at nagulat nang makitang si Xav iyon.
"Hala, Shia!" si Gio na parang walang kinalaman. Tinulak niya pa ulit ako kaya tumama ako sa dibdib ni Xav.
Inis kong hinampas si Gio na kinatawa niya at sabay takbo papunta kay Min.
"Napakaharot."
Rinig kong sinabi ni Xav bago siya dumiretso sa upuan niya. Umirap ako at sinundan siya, hindi ko pa nasisingil.
Taka niya akong pinagmasdan habang nakalahad ang palad ko sa harap niya.
"Lima. For our booth."
He stared at me at pinilig ang ulo para makita ang iba kong kaklase bago binalik sa akin.
"Really? five pesos? Kulang yan sa booth pa lang."
"Huh? Kasya na yan!"
Umiling siya. "Thirty tayo. Five times thirty is one fifty. Wala pa nga iyan sa ibebenta natin, eh!"
"Palamig lang naman ang atin! Hindi naman yung mga mabibigat na pagkain!" dahilan ko.
Kaya nga pinili ko na lang ang drinks dahil mga kuripot ang mga kaklase ko!
"You think. Kakasya iyan sa ilan? At tsaka kung tayo lang ang booth na drinks kakasya ba ang isa sa mga students dito?" Inayos niya ang salamin niya.
Umirap ako. "Edi abonuhan mo!" sabi ko. "Mayaman ka naman," I murmured the last one.
Umirap siya at biglang tumayo at naglakad papunta kay Prince. Nagtaka ako at tumango tango naman si Prince bago tumayo at pumunta sa harap.
"Guys! Nga pala may booth tayo at ang booth natin ay drinks. So…" He glanced at Xav na katabi ko nang nakatayo ngayon sa gitna. "Pwedeng pakidagdagan at gawing twenty pesos ang ibigay nyo kay Xav and Shia?"
"Ang laki naman Pres!" reklamo ni Edgar.
"Magbibigay ka o magbibigay ka?"
Nagkamot ng ulo si Edgar at kinalabit ako sabay bigay ng fifteen pesos dagdag niya sa five pesos na binigay niya. Nagsitayuan na rin ang iba at halos ikangiwi ko dahil kay Xav sila nagbibigay.
"Guys, baka nakakalimutan nyong ako 'yung treasurer?" reklamo ko.
Nagtawanan sila.
"May nakakatawa?"
Umirap ako at binigay kay Xav ang hawak kong pera tutal siya naman ang gusto nilang bigyan.
"Hoy! Sad girl na si treasurer!" Asar nila sa akin kaya umirap ako sa kanila.
Bahala kayo riyan. Nasulyapan ko pa si Xav na pasulyap sulyap sa akin kaya inirapan ko rin siya. Doon ka na sa mga babae mo pangit!
Habang papunta kami sa cafeteria ay nasalubong namin sila Andrea na masama ang tingin sa amin… well sa akin talaga. Hindi naman nagpatalo ang mga kaibigan ko at sinamaan din sila ng tingin. Nagawa pang tarayan at mag hair flip ni Gio kahit wala namang na-flip.
Nagtawanan kami nang makaupo at makabili na.
"Iyong babaeng iyon parang siraulo!" Humalakhak si Gio at binangga bangga niya pa si Prince gamit balikat.
"Sinabi mo pa!" dagdag ko at sinulyapan si Min na nakasimangot. "Hoy anyare sayo?"
Sinulyapan niya ako at pinakita sa akin ang cellphone niya bago tumungo sa lamesa. Nagtaka naman sila Gio kaya lumiyad sila palapit sa akin dahil nakaharang ang lamesaa sa amin.
"Let's end this. I have cancer and I only have 5 days. I'm sorry. I Love you. Till our next eclipse, my moon."
Binasa naming tatlo iyon at nagkatinginan bago sabay na tumawa. Pinahahampas ko si Gio. Kaya inis niya akong pinagmasdan habang natatawa pa rin.
“Seryoso ka talaga riyan, Min?”
“Ano sa tingin mo?!”
Patuloy pa rin kami sa pagtawa habang umiiyak siya. Alam na rin nila Gio ito dahil wala siyang matatago sa dalawang lalaking ito!
“Alam mo Min, ganiyan ang mga palusot, lalo na sa rp, na kunwari may sakit.” Humalakhak si Prince at sinuklay ang buhok ni Min. “Tigilan mo nga ang pag iyak mo!”
“O nga! Baka naman pangit ‘yan!”
Binatukan ko si Gio dahil sa sinabi. Sinamaan siya ng tingin Min.
“Ang kapal naman ng mukha mo!”
Sumubo ng isang biscuit si Gio bago nagyabang. “Talaga! Ni hindi mopa nga siya nakikita! Ako nga nakita mo na!”
Medyo nalito ako sa sinabi ni Gio na may halong ibang meaning ngunit agad ding nawala sa isip ko iyon nang makabalik na kami sa room.
Nagsikuhanan kami ng mga PE shirt sa locker namin dahil PE namin ngayon at mag va-volleyball daw kami sabi ni ma’am. Nasa likod lang ng room namin ang locker kaya madali lang at lalabas na lang kami patungo sa cr para magpalit. Minsan ang iba ay sa loob mismo ng room nagbibihis, katulang ng mga lalaki. Sa tinatamad ako ay sa loob na rin kami nagbihis ni Min.
“Hoy, Min! Bakit kayo dito magbibihis! Boys lang pwede!”
Agad kong tinarayan ang nagsabi non. “Bakit kayo lang ba pwede?”
Natanaw ko ang isa kong kaklase na tinakpan ng polo niya ang CCTV bago humarap sa akin at nag thumbs up. “Kayo muna magbihis Shia!” Ang mga ibang lalaki naman ang tinignan niya. “Guys, Talikod muna.”
Ang iba ay tumalikod habang ang iba ay inurong ang locker para may space sa likod nito at doon kami magpapalit. Nakita ko si Gio sa loob at parehas kaming napatili nang halos makita ko na ang pwetan niya.
“Bastos si Shia!!” Halos umabot sa ibang room ang sigaw niya habang kami ni Min ay tawang tawa.
“Hindi ka kasi nagsasalita!”
Nakitawa na rin ang iba kaya mas lalo siyang nainis at lumabas na sa likod ng locker. Tsaka kami nasimulang magpalit ni Min. Naririnig ko pa ang tawanan ng iba sa labas at ang ibang tapos na magbihis. Inuna naming dalawa ang pants namin dahil napapatungan naman ito ng palda. Nang matapos ay tinaas namin ang palda namin hanggang leeg bago namin tinanggal ang polo sa ilalim at sinuot ang PE shirt.
Nang matapos ay agad kaming lumabas. Halos masuffocate ako sa likod dahil ang sikip at parang naiipit ako shuta!
Habang tinutupi ko ang mga damit ay halos lumuwa ang mata ko nang mahagip ng mata ko si Xav na naka PE. Nahuli ko siyang inaayos ang buhok habang naglalakad papunta sa upuan na katabi ko. Lalong nakita ang tangkad niya dahil sa PE uniform, though matangkad din naman siya sa normal na uniform namin, pero iba ngayon! Ang linis niya tignan ngayon, though malinis naman talaga siya tignan!
Kung hindi ako nagkakamali ay ngumisi siya nang mapansin ko ang pagtitig sa kaniya. Bumaba ang tingin ko sa baba niya at halos patakan ko ng holy water ang mata ko nang makita ko ang bakat. Potangina. Sinusubukan talaga ako ni God!
“Eyes up here, Miss.” He snapped his fingers which made me back to my senses.
Agad kong pinagdudtong ang kilay ko at tinalikuran siya para ilagay sa bag ko ang uniform ko. Last na subject na namin ito kaya ayos na na malukot ang blusa ko. Halos uminit ang pisngi ko nang marinig ko ang tawa niya. First kong narinig iyon at tinayuan ako ng balahibo roon kahit pinagpapawisan ako.
Nang humarap ako ay nilalagay na niya sa bag ang damit pero nakangisi pa rin.
“Ano ba nginingisi mo riyan?!” Iritado kong tanong at sinabit ang Id ko sa leeg.
Ang ingay ng room namin kaya dumagdag din iyon sa inis ko.
“Your face.”
Nangunot ang noo ko. “What’s wrong with my face, huh?”
Naririnig ko pa ang reklamo ni sa harap. “Ano ba itong PE uniform! Bumabakat ang aking alaga, eh-Aray!”
“Bibig mo!” saway ni Min kaya nagtawanan ang iba.
“Oh, bakit? Oh girls! Hinay hinay sa pagbaba ng tingin sa amin ah! Baka may iba kayong makitaA AHh Mama!” Hinabol na ni Min si Gio dahil hindi humihinto sa pagsasalita hanggang sa makalabas na sila.
Nagumpisa nang palabasin ang lahat kaya inirapan ko si Xav na napakabagal sumagot sa akin. Nakikitawa rin siya kila Min kaya di masagot ang tanong ko. Wala namang dumi sa mukha ko dahil nagpunas ako kanina. Papansin lang ito!
“Your face is cute.”
Halos maestatwa ako nang marinig ko iyon sa dumaang si Xav na nauna pang lumabas sa akin. Namilog ang mata ko at agad na sinundan ng tingin kung saan lumabas si Xav. Tama ba ang pagkakarinig ko? Cute? Ako? Mukha ko? Pinagloloko niya ba ako?!
Nabalik ako sa wisyo ng tawagin ako.
“Hoy, babaita. Diyan ka na lang ba?” Nakataas ang kilay ni Prince na naghihintay sa akin na lumabas dahil i-lo-lock pa ang pinto.
Pumalakpak ako at inalis sa utak ang sinabi ni Xav. “Oh, heto na!”
Umirap siya sa akin bago ko siya hinintay sa pag lock ng pinto. Nagkekwentuhan kami ni Prince habang paakyat sa gym. Sa taas ang gym nain habang ang main namin ay sa baba ng kabilng building. Agad na mukha ni Xav ang nakita ko na nakapilig pa sa kabila na parang inaabangan talaga ang paakyat. He smirked before he stood up straight kaya natakpan siya ng taong nasa harap na niya.
Umirap ako sa hangin bago ko naramdaman ang init ng pisngi ko. Pinilit kong huwag ipahalata kay Prince na namumula ako ngunit agad niyang pinisil ang pisngi ko kaya sinamaan ko siya ng tingin.
“Ano?!” Iritado kong tanong habang nakasandal ako sa bakal na nagpapatayo sa net ng volleyball.
Ang dalawang sila Gio at Min ay nagbabardagulan don sa gilid kaya kaming dalawa ang magkasama.
“Anong problema?” natatawa niyang tanong.
Pinanood ko ang pag uusap nila Xav at Jane sa sulok habang inaayos ni Jane ang buhok niya.
“Wala.”
“Anong wala?” he frowned bago sinundan kung saan ako nakatingin. Tumango tango siya.”They look good together, noh?”
Agad ko siyang nilingon at nakita ko ang mapangasar niyang ngiti at tingin kaya mas lalo akong nairita. “Ano ba, Prince! Wala akong gusto kay Xav!”
Natatawa siyang nagtaas ng dalawang kamay na parang nagsusurender. “Chill! Wala naman akong sinasabi na may gusto ka sa kaniya! ‘Wag kang defensive masyado,” pabulong niyang dinagdag ang huli kaya mas lalong nanlisik ang mata kong nakatingin sa kaniya.
“Anong sabi mo?! Defensive? Ako?! Hindi kaya!”
Humagalpak siya tawa kaya umirap ako nang umirap. Nang dahil din sa tawa niya napatingin sa amin si Xav at naabutan niya akong umiirap. Kinawayan niya si Xav kaya hinampas ko ang kamay ni Pince na kumakaway na lalong nagpatawa sa kaniya.
“Tss. Bahala ka nga riyan!’
Inis akong naglakad papunta sa benches at naupo roon, sumunod naman siyang tumatawa pa rin. Naupo na rin sa tabi namin sila Gio at Min na tintanong pa kung anong nangyayari. Pinandilatan ko ng mata si Prince kaya umiling siya at kunwaring pinadlock ang bibig at tinapon ang imaginary susi.
“Ay! May tinatago silang secret, Min oh!”
Umiling iling si Gio at nagkunwaring parang may masakit pa sa dibdib.
"Bayaan mo sila! Di natin sila bati,” si Min at hinapit pa si Gio sa braso niya palapit sa kaniya. Nagulat si Gio roon at agad ding nakabawi bago ngumuso at kunwaring galit sa amin ni Prince.
Hindi nagtagal ay dumating na si ma’am. Grinoup kami sa apat na grupo at may tig a anim na members. Halo halo kaming mga babae at lalaki kaya fair lang. Sakto namang minamalas at ang kalaban namin ay ang grupo kung nasaan si Xav, Jane, at Prince at ang tatlong hindi ko kilala. Kilala mo naman sila pero wala akong pakialam sa kanila.
Sa amin naman sa grupo ko ay sina Jerome, Gio, Franchesca, Clark, at si hindi ko kilala. Puro malalamya pa ang napunta sa akin, maliban na lang kay Jerome at Gio na marunong mag laro nito.
Ang mga ibang naiwan na grupo ay nakaupo na sa benches at handa nang manood. Kung kukulangin sa oras ay sa susunod na PE na raw sila maglalaro.
“Paano ba ‘yan, ayos ah!” paalala ni Gio sabay tingin sa akin.
“Oh,bakit?”
Porket ba nasa kabila si Xav hindi ko na aayusin para matalo sila? Syempre mas lalo kong gagalingan!
“Nandon si Prince. Bayaan mo ‘yun! Tamaan mo pa sa mukha, okay lng !” natatawa niyang sinabi.
Agad akong nag iwas ng tingin dahil sa naisip kanina. Bakit ko ba naisip na dahil kay Xav iyon? Nakalimutan kong kakampi pala nila si Prine. Pinilig ko ang ulo ko at napatingin sa grupo nilang nakabilog nang biglang sumungaw ang ulo ni Prince na saktong nagkatinginan kami. Humagikgik siya at tinuro si Xav na busy makinig sa instruction ni Jane.
Umirap ako at nagulat nang biglang bumungad sa harap ko ang mukha ni Gio na dikit ang kilay sabay tingin sa kung nasaan si Prince.
Ngumuso si Gio at hinarangan ang tingin ko kay Prince at hinila papunta sa bilog naginawa ng mga kakampi ko.
“Bawal ka maki-interact sa kalaban natin, Shia!” paalala niya na inirapan ko.
“As if namang magaling ‘yan? Badminton lang alam non!”
“Di ka sure jan!”
Pumito na si ma’am kaya nagsipuntahan na kami sa pwesto namin. Nasa gitna ako sa harap, katapat ko si Jane na ang amo ng mukha kaya naiirita ako! Sa kanan ko ay si Gio at katapat niya si Prince. Pinapatawa ni Gio si Prince kaya namumula na si Prince kakapigil ng tawa. Sa kaliwa ko naman ay si Franchesca na ang katapa ay si Xav na nakatingin sa akin.
I furrowed. Bwisit to! Ano bang tinitingin tingin nito?! Dukutin ko matamo, eh! Umirap ako sa kaniya kaya nakita ko na naman ang pag ngisi niya.
Nag serve na si Jerome kaya pumwesto agad ako. Nasalo iyon ng nasa likod at dumiretso kay Franchesca na tumalbog lang nang mababa kaya agad ko iyon sinalo at pinalo papunta sa kabila.
Lagi kaming naglalaro nila Prince nito tuwing walang pasok kaya kahit papaano ay marurunong kami kahit nakikisaling kitkit lang kami sa mga bakla na naglalaro.
“Go mga bebe labs!” Sigaw ni Min ng manalo kami sa unang point.
Lumingon naman si Gio at nag flying kiss pa siya bago siya umikot at dumiretso sa dulo para mag serve.
“Gagalingan ko sayo bebe labs!” Sigaw din ni Gio kaya humiyaw ang mga kaklase ko.
Ngingiti ako habang pinagmamasdan si Min na namumula dahil sa pang aasar ng iba sa kaniya. Binalik ko ang tingin sa harap at nahuli na naman na nakatingin sa akin si Xav kahit hindi kami magkatapat. Nagtitigan kami at nagulat ako nang biglang tumama sa ulo niya ang bola.
Nagtawanan kami dahil halos mapaupo siya. Si Gio pa naman ang nag serve. Agad na pumunta sa kaniya si Jane at tinignan ang natamaan habang si Gio ay tatawa tawang pumunta. Si ma’am ay natatawa rin dahil sa mga kaklase kong tawang tawa.
“Ayos Ka lang ba, Vasquez?” Si ma’am at hinawakn ang ulong natamaan habang pinapatahimik niya kami.
“Sapul na sapul,Gio Ah!”
“Sira!” Tumawa si Gio. “Ayos ka lang Xav? Kung saan ka kasi nakatingin!” sabay sulyap sa akin ni Gio na nagpainit ng pisngi ko.
Nakita ko ang pagsulyap ni ma’am at ni Jane kaya gusto ko na lang magpalamon sa lupa. Katangahan kasi! Alam na naglalaro eh titingin kung saan saan!
Nagpatuloy pa rin kami sa paglalaro. Pinaupo na si Xav at pinalitan siya ng taga ibang group kaya nagsimula na ulit kami. I dribble the ball and look at the other team. Muntik pa akong matawa nang makita ko ang mukha ni Prince na seryoso. I looked at his side at napadesisyunan na doon ko itira ang bola.
Binato ko ito sa ere at tumalon bago ito hinampas papunta sa kanila. Agad akong pumwesto at nang pumunta na ito sa amin nagsalita si Gio.
“Shiara!”
Alam ko na ang gagawin tuwing tinatawag niya ako sa buong pangalan habang naglalaro kami. Tumakbo ako papunta sa gitna when he toosed it. Tumalon ako at hinampas ito pababa with my full strength. Agad na naghiyawan ang mga kaklase ko, especially Reese’s group.
“Ang galing mo baby Jude!” Hiyaw ni Min na agad kong sinimangutan. Tinawag ba naman ako sa pangalawa kong pangalan. Alam naman niyang ayaw ko nun dahil pangalan ‘yun ng papa ko. Agad siyang nag peace sign na ikinatawa ko. Well, she was used to calling me in my second name. So, ayos lang naman. And Jude is beautiful name naman.
Natanaw ko si Xav na tinitignan ang camera niya kaya hindi ko na lang siya pinagtuonan ng pansin.
Nag apiran kami ni Gio bago ako naglakad papunta ulit sa dulo para mag serve. Last na raw ito dahil uwian na. Nagsidatingan na rin ang ibang mga nakikiusyoso. At ang iba sa mga kaklase ko ay bumaba na para kuhanin ang mga gamit.
Nakita ko pa ang grupo ni Andrea na agad na tumabi kay Xav na ikinagulat nito. Hindi siya na cr-creepihan jan kay Andrea? Pero kung na cr-creepihan siya edi sabihin niya jan kay babaita para nang matauhan na nakakatakot siya.
Bumuntong hininga ako at nag serve na ulit. Simpleng serve lang ang ginawa ko dahil bigla akong tinamad. Hindi umabot ang pagsalo ni Jane roon kaya nanalo na kami. Ayan si Jane naapektuhan tuloy ‘yung pag received niya dahil kay Andrea. Natawa ako dahil sa naisip. Letse ka talaga self.
“Shia, baba lang ako, gamit mo? Kuhanin ko gamit ko,” paalam sa akin ni Gio.
Tumango ako. “Okay. ‘Yung sa akin kukuhanin din ni Min, tulungan mo na lang.”
He nodded before he run and go downstairs. Umupo sa isa sa benches at pinanood ang ibang nakikivolleyball na. Nandito pa si ma’am at nakipagkulitan sa mga ibang strand. Pawis na pawis na ako at wala akong dalang pamunas dahil nasa baba pa. Dapat nga ay bababa talaga ako pero pinigilan ako ni Min at maupo na lang daw ako rito at magpahinga dahil siya na raw bahala sa bag ko.
Nag angat ako ng tingin nang mapansin ang bimpo na nakalaylay sa gilid ko, nakita ko si Xav na nakatayo at hawak ang bimpo na iyon. Napatayo ako at gulat na nakatingin sa kaniya. Magsasalita na sana ako nang tawagin ng kung sino ang pangalan ko at nakita ko na lang si Reese na papalapit at may dala ring bimpo.
“Ah?” maangang kong bulong sa sarili ko na paniguradong narinig ni Xav.
Dalawang gilid ko ay may nakatayong lalaki na may hawak na bimpo. Halos mahiya ako dahil ang iba ay nanonood na sa aming tatlo.