" Bruha!! Asan kana? 1st day of school malalate ka, ano kaba naman " Inilayo ni Kate ang cellphone sa tainga niya sa lakas ng boses ni Khiana. Isa sa mga kaibigan niya
" Ito na nga eh !! Malapit na "
" Bilisan muna, ikaw nalang ang wala dito narito na yong dalawa " sabi ni Khiana na ang tinutukoy ay ang dalawa pa nilang kaibigan na sina Bhea at Demie. Mula first year magkakaibigan na sila. Kaya namn ganun nalang sila ka-close sa isat isa. Kung magsigawan at maglaitan ay parang hindi magkakaibigan. Pero sanay na sila sa isat-isa kaya naman hindi pa sila nag-aaway kahit minsan.
" Oo na, mamaya na tayo mag-usap mas lalo mo lang akong pinapatagal eh "
" Ok sigeh, Ba-Boo " paalam ni Khiana at saka pinatay ang tawag. Pag-angat ni Kate ng uli ay may nabangga siyang lalaki at nahulig ang cellphone niya. Pinulot niya ang kanyang cellphone at saka tumingin dun sa lalaki. Paalis na sana ito nang pigilan niya ito.
" Hoy !! Sandali " sigaw ni Kate
" Bakit " naiinis na tanong nung lalaki.
" Hindi ka man lamang ba mag-sosorry " mataray niyang sagot.
" Bakit nasira ba ang phone mo? " Tanong ng lalaki.
Nainis si Kate sa tanong nito, naningkit ang mga mata niya.
" Hindi " malamig niyang sagot. Hanggat maari pipigilan niya ang magalit dahil ayaw niyang masira ang araw niya. Nakatingala siya sa lalaki dahil matangkad ito, samantalang siya ay maliit lang.
" Hindi naman pala eh, bakit ako mag-sosorry? Saka sino bang nakabangga, diba ikaw? Sa susunod kasi tignan mo dinadaanan mo hindi yong tatanga-tanga ka. Ituon mo yang mga mata mo sa dinadaanan mo wag sa cellphone " pagkasabi nito ay tinalikuran na siya ng lalaki.
" Antipatiko, ang yabang mo, may araw ka rin " sigaw niga ngunit hindi ata narinig ng lalaki. Kaya naman inis na inis siyang pumunta sa kanilang classroom. Sa section III- PINK sila napasamang mag-kakaibigan, kaya naman masayang-masaya sila ng malamang magkakasama sila sa isang section. Pagpasok niya, nakita agad niya ang mga kaibigan. Lumapit siya sa mga ito na makikita parin sa mukha niya ang pag-kainis.
" Oh. Anong nangyari sayo " tanong ni Khiana na halatang nagtataka sa itsura niya
" Oy. Kate first day na first day bad trip ka? " Tanong naman ni Demie
" Oo nga, hindi na maipinta yang mukha mo, Bakit nga ba? " Tanong naman ni Bhea
" Sukat ba naman kasi sa dinami-rami ng lalaki dito sa campus yong bwesit na un pa ang nakabangga ko, napakayabang, akala mo kung sino "
" Ano ba kasing nangyari? " Tanong ni Khiana. Ito ang pinaka-madaldal at mausisa sa kanila. Si Demie naman ang mahilig mang-trip at si Bhea naman ang pinaka-tahimik. Si Bhea lang din ang may lovelife sa kanila. One year na sila nito ng Boyfriend niyang si Nayjheel. Samantalang siya ayun nakiki-sabay nalang siya sa trip ng mga kaibigan. Pero siya ata ang pinakamasungit sa kanilang apat. Lalo na sa mga boys na nagpapakita ng interest sa kanya, wala pa kasi sa isip niya ang pakikipag-relasyon. Hindi katulad Khiana na hindi na mabilang sa daliri ang mga naging boyfriend nito. Maganda naman kasi ito, matangkad at maputi kumpara sa kanya. Namana daw niya sa ina ang height niya dahil maliit lang din ang kanyang ina.
" Hoy. Ano? " Pangungulit parin ni Khiana kaya napilitan siyang magkwento at ayun pinagtatawanan siya ng mga kaibigan
" Sige pagtawanan niyo lang ako " naiinis niyang sabi sa mga kaibigan
" Alam mo nabasa ko na yan eh, nagkabanggaan sila, magiging magka-away, tapos magkakabatian, magiging close sa isat isa hanggang sa magka-inlove-an, and then sa huli sila din ang magkakatuluyan " sabi ni Khiana na nag-aaksyon pa ang mga kamay pagkatapos ay pumikit at parang nangangarap na ganin ang mangyayari. Kaya nilapitan ito ni Kate at binatukan
" Aray!!, Masakit kaya. Binabatok-batukan mo nalang ako ah, isipin mo mas malaki ako sayo. Pag ako nainis ihahagis kita sa ikapitong bundok, yang liit mong yan " nakangusong wika ni Khiana
" Ede ikaw na ang matangkad, subukan mo kayang magseryoso baka mainlove kana. Para hindi naman kawawa yong mga nagiging boyfriend mo " sabi ni Kate na tumirik pa ang mga mata. Sa dinami-rami kasi ng mga nagiging boyfriend nito ay wala pang seneryoso. Katwiran nito na hinahanap lang daw niya yong taong magpapatibok ng puso niya
" Wow, bakit may love life kana ba?. Alam mo pala ang salitang inlove kung ikaw muna kaya bago ako " sumbat ni Khiana
" Hoy! kayong dalawa tumigil na nga kayo baka mamaya away na yan ahah " singit ni Demie
" Oo nga para kayong aso't pusa " sabi ni Bhea
" Ano ba kayo kahit lagi kaming ganito hindi namin magagawang mag-away noh. Kahit bansot-bansot lang ito si Kate " nakangiting wika ni Khiana at saka tinapik ang balikat ni Kate
" Oo nga dina kayo nasanay sa amin ni bawang " nakangiting sabi ni Kate. Bawang ang tawag niya kay Khiana dahil napakaputi nito.
" Halina nga kayo " naiinip sa sabi ni Bhea
" Saan tayo pupunta? " Tanong ni Kate
" Sa tambayan " sagot ni Demie
" Wait 1st day of school tapos tatambay lang tayo " sabi ni Kate
" Anong gagawin natin dito, eh wala pa naman tayong klase. May meeting daw ang mga teacher's baka sa hapon na tayo maharap ng mga yon " sagot ni Demie
" Ano pang hinihintay natin? Tara na " sabi ni Khiana sabay hila sa mga kaibigan. Pumunta sila sa may gate, dito sila tumatambay. Malamug kasi dito at may mga upuan na nakapa-ikot sa may puno
" Mag-isip nga kayo ng gagawin natin " sabi ni Kate ng makaupo na sila.
" No need, kilala nigo naman ako diba, di ako nauubusan ng trip " nakangiting sabi ni Demie
" Ano na namang trip yan? " Kinut-noong tanong ni Kate
" Simple lang, may tatlong pink at tatlong blue na papel dito " sagot ni Demie sabay labas nung maliit na box sa kanyang bag at ipinakita ito.
" Ano namang gagawin natin diyan? " Tanong ni Bhea
" Kakainin siguro " sabi ni Kate sabay irap kay Bhea
" Bansot!! " Sabi naman ni Bhea at ginaya pa ang ginawang pag-irap ni Kate sa kanya.
" Makinig kaya muna kayo " naiinis na sabi ni khiana
" Ok " sabi naman ng dalawa