General Point Of View
KASALUKUYANG ALIGAGA ang lahat ng empleyado dahil may mahalagang panauhin ang bibisita sa kanilang kompanya. Kahit mismo ang kanilang CEO na si Macky ay hindi rin mapakali at hindi alam ang gagawin.
Hindi maipagkakaila na isa ito sa matagal na niyang hinihintay. Ang bumisita ang napaka-succesful na tao sa buong mundo na halos namamahala ng mga condominiums, hotels and malls. At isang karangalan kung ma-iibigan ng mga ito na mag-invest sa Esguerra Company. Dahil malaki ang magiging ambag nito para mas umangat pa ang nasabing kompanya.
"Mga bakla! Bilisan niyo yung kilos niyo, pumwesto na dito yung mga sasalubong sa kanila. Gusto ko gandahan niyo yung pagbati ah." Aligagang ulat ni Macky. Nagtinginan naman ang tatlong magkaibigan at napahinto sa pag-aayos ng mga gamit.
"Kung kami na lang kayang tatlo ang sumalubong sa kanila baks, whatchuthink?" Suhestiyon ni Angel.
"Nah." Hindi mapakaling umiling si Macky. "Sasamahan niyo ko sa loob, baka magkanda-utal ako do'n. Alam niyo naman na kapag hindi ako komportable sa mga nakapalibot sa'kin--grabe yung kaba ko. Kaya kapag kasama ko kayo sa loob baka lumakas yung loob ko kasi alam kong nasa paligid ko lang kayo." Dagdag niya pa.
"Aww, so sweet of you baks! Lemme' hug you sis!" Sabi ni Diane at yayakap sana siya nang lumayo si Macky sa kaniya.
"Kilabutan ka nga sa gusto mong mangyari tyeh! Hindi ko 'yon sinabi dahil gusto kong makatanggap ng yakap mula sa'yo at sa kahit sino pa sa inyo!" Nandiri si Makcy sa sinabi ni diane. Umupo siya sa swivel chair niya at parang naiiyak na tumingin sa'min dahil sa kaba. "Kinakabahan talaga ako ng malala mga tyeh!" Eksahiradang aniya sa'min.
"Kinakabahan ka because?" Walang ano-ano'y tanong ni Kyla, ginagaya ang tono ng pananalita ng isang sikat na artista, si Kris Aquino.
Agad na lumipad ang masamang tingin ng tatlo kay Kyla nang umandar na naman ang kabaliwan nito. Sa kabila ng paghuhumirinto ng puso ni Macky sa kaba ay nagagawa pang magbiro nito.
"H-hehe... A-ano ka ba baks! Alam kong kaya mo 'yan. Fighting!" Biglang bawi ni Kyla, napailing na nakangiwi na lang ang tatlo sa kaniya. "Saka... marami ka ng nabudol na mga investors dati, remember? Kaya walang imposible kung may mabudol ka ulit. Talent mo na ata 'yan e!" Dagdag pa ni kyla at tumawa ng malakas.
Natawa din si Angel at Diane ngunit si Macky ay kunwaring sumambot ng kung anong bagay malapit sa kaniya at akmang ibabato ito kay Kyla. Agad na tumakbo si Kyla papalapit kay Diane upang magtago sa likod nito.
"Siraulo ka talaga!" Kunwaring singhal ni Macky kay Kyla na bahagyang sinilip siya mula sa likod ni Diane para mag-peace sign sa kaniya.
"Bitawan mo nga yung damit ko!" Reklamo ni Diane kay Kyla dahil nilukot na ng kamay nito ang tela ng damit niya sa likod.
Bubuwelta na naman sana si Kyla nang biglang may kumatok sa Office ni Macky kasabay ng pagbukas ng pinto at pagsilip ng isa sa mga empleyado niya.
"Sir Macky, Mr. Dela Cruz is already here."
Agad na pumwesto ang mga nakatalaga sa kani-kanilang gawain. Ang apat na magkakaibigan ay pumasok na sa office ni Macky at hinintay ang pagpasok ng kanilang bisita.
Naging maganda ang pagbati ng mga inatasan ni Macky para salubungin ang mga bisita pero ang taong nasa unahan ay nakahalukipkip lang at walang reaksyon ang mukha. Ang mga nasa likod naman ng taong 'yon ay nginitian ang mga bumati sa kanila. Subalit ang lalaking wala pa ring ekspresyon ang mukha ay nagsimula ng maglakad papasok sa opisina ng may-ari ng kompanya.
"Good afternoon Mr. Klyn Dela Cruz." Salubong na pagbati ni Macky na nakangiti.
"Good afternoon." Malamig na tugon ng lalaki. At sinimulan niyang tignan ang mga taong nasa loob ng silid.
Nahinto ang kaniyang paningin sa isa sa mga babaeng nasa likod ng taong bumati kanina na kasalukuyang nakangiti sa kaniya. Napaiwas siya ng tingin ngunit binalik niya rin agad rito kalaunan. At sa hindi maipaliwanag na dahilan ay doon pa lamang siya natigilan. At napatitig sa babaeng nakaagaw ng kaniyang atensyon ng 'di oras.
Nangunot lang ang noo ng lalaki ng tumaas ang parehong kilay ng babae habang nakangiti pa rin. Hindi na niya namalayan na nagawa na pala niyang pag-aralan ang mukha ng babaeng umaagaw sa kaniyang atensyon. Iilang minuto lamang 'yon pero para sa lalaki ay parang napakatagal na nakalapat ang paningin niya rito.
"... and she's my secretary, Ms. Kyla Agpalza." Pakilala ni Macky sa babaeng tinititigan pa rin ni Mr. Dela Cruz.
"Nice to meet you sir!" Masayang bati ni Kyla sa lalaki. Gustuhin man ni Mr. Dela Cruz na ngumiti din sa babae ay hindi niya nagawa. Gayunpaman ay nakangisi siya sa kaniyang isip dahil sa katotohanang alam niya na ngayon ang pangalan ng babaeng umantig sa interes at atensyon niya.
Tinanggap niya ang kamay ng babae na nagngangalang Kyla. Napamura pa ang lalaki sa isip nang makaramdam siya ng tila kuryente nang magdaop ang kamay nila.
"N-nice to meet you too, Kyla?"
Ngumiti si Kyla na halos hindi na kita ang mga mata. "Yes Sir, please take a seat." Inimuwestra pa nito ang upuan sa tapat ng table ni Macky.
Nakatitig pa rin siya kay Kyla habang at matapos niyang umupo. Naramdaman ng lalaki ang mga kasama niya na umupo rin sa tabi niya ngunit hindi na niya nagawang lingunin pa ang mga ito dahil hindi na talaga maalis ang tingin niya kay Kyla.
Nag-umpisa na ang kanilang pagpupulong. "Mr. Esguerra... kilala si Mr. Dela Cruz na hindi basta-basta nagbibigay ng tiwala, especially when it comes to business." Panimula nang isang kasama ni Mr. Dela Cruz. "So, if you would let us, 1 week observation muna ang mangyayari sa kompanya niyo para i-figure out kung maganda nga ba talaga ang pagpapatakbo mo dito." Dagdag pa nito. Tumango-tango naman ang CEO at hinayaan ulit magpatuloy sa pagsasalita ang nasa harapan niya.
"Wala pong problema." Tugon ni Macky.
Sa kabila ng diskusyon. Hindi na talaga magawang maalis ang tingin ni Klyn Dela Cruz sa babaeng nasa harapan niya na nakikinig din sa sinasabi ng katabi niya.
What the hell is happening to me? Why can't I take my eyes off you? Dammit! Anas ni Mr. Dela Cruz sa kaniyang isip habang nakatitig pa rin do'n sa babae.
Natinag lang si Mr. Dela Cruz nang salubungin ni Kyla ang tingin niya, bakas na sa mukha ng babae ang pagtataka kung bakit siya tinititigan ng lalaki.
Agad na humarap ang babae sa katabi niyang kaibigan at kinalabit ito, lumingon naman ito sa kaniya. "May dumi ba ko sa mukha?" Mahinang bulong nito.
"Wala naman." Bulong din na sagot ni Angel.
"Muta? Wala?" Tanong pa ni Kyla. Iling na lang ang sinagot ni Angel sa kaniya at tinuon na ulit ang pakikinig sa nagsasalita.
Napanguso si Kyla at tumingin ulit sa lalaking tinititigan siya, ilang siyang ngumiti dito dahil wala pa ring reaksyon ang lalaki ngunit nagagawa siyang titigan ng harapan.
"Meron pong tao na mag-sstay dito for 1 week. Siya ang mag-oobserve sa company niyo at--" Naputol ang sinasabi ng katabi niya nang magsalita si Mr. Dela Cruz.
"At ako 'yon." Natuon ang atensyong ng lahat kay Mr. Dela Cruz.
Nagulat naman ang mga kasama niya. "W-what Sir?" Tanong ng katabi niya.
Sinamaan niya ng tingin ang nagtanong. "Are you deaf? I said I insist. Ako ang mag-oobserve sa company na 'to. Tutal ako naman talaga ang mag-iinvest dito. So, I want to see personally with my two eyes kung mapagkakatiwalaan ba talaga 'tong company na 'to. I will start my observation by tomorrow." Dire-diretsong ulat ni Mr. Dela Cruz at agad na tumayo. "The meeting is end here." Naglakad na ito papalapit sa pinto ngunit bago pa man niya ito buksan ay tumigil ito upang lingunin na naman si Kyla.
Naupo ng maayos si Kyla at inosenteng nginitian ulit ang lalaki. Doon na hindi napigilan ni Mr. Dela Cruz na ngumiti rin. Bagaman bahagya lamang 'yon at sinusubukan pang pigilan ay hindi na rin niya natiis dahil talagang nahahawa siya sa ngiti ni Kyla.
This is insane... Wika pa ni Klyn sa kaniyang isip bago napailing. Hindi rin makapaniwala sa sarili kung bakit ganito ang iniaasta niya. Napapikit pa siya at huminga ng malalim bago tuluyang nilisan ang silid.
As their visitors left the office napahawak naman si Macky sa kaniyang sentido. "Why?" Tanong ni Diane.
"Namomoblema, isn't it obvious?" Tugon ni Macky kay Diane.
Si Angel naman ang nagsalita. "Bakit ka naman namomoblema? Dahil ba do'n sa pag-stay dito ni Mr. Dela Cruz for observation? Wala namang problema sa company mo ah."
"Tangeks! Hindi dahil do'n! Kampante kaya ako sa company ko. Mababait naman mga employees ko--at saka gaya ng sabi mo walang problema sa company ko." Sabi ni Macky.
"Eh, ano nga?" Tanong ni Kyla.
"Eh, feeling ko kasi iba attitude niyang Mr. Dela Cruz na 'yan e. It seems na mahihirapan tayong suyuin siya. Yung aura niya palang kanina--at saka nagwalk-out bigla. Walang good manners 'yung lalaking 'yon." Mapanghusgang wika ni Macky. "Nakakatakot pa yung ekspresyon ng mukha niya paiba-iba, parang lagi siyang may nilalaro sa utak niya. Basta 'yon. Iba pakiramdam ko diyan kay Mr. Dela Cruz na 'yan." Dagdag pa ni Macky.
"Napaka-judgy mo tyeh! Magtigil ka nga! Baka gano'n lang talaga siya. Cold sa una pero once na makilala mo--mabait naman pala. Marami akong nae-encounter na taong gano'n 'no!" Sabat at katwiran ni Kyla.
"Luh? Bakit parang pinapagtanggol mo siya? Bet mo 'yon 'no?" Nanunuksong tanong ni Macky.
"Baliw hindi! Mali kasi na pinag-iisipan mo siya ng hindi maganda. You should be nice to him kasi magiging investor siya sa kompanya mo. Bakla ka!" Anas ni kyla.
"Okay fine! As if I have a choice. Nako! Kung hindi lang siya kailangan ng kompanyang 'to, hindi ko talaga siya pakikisamahan." Ani Macky.
"Eh tutal mukhang si Kyla ang may kayang pakisamahan 'yon... bakit hindi na lang siya ang makisama kay Mr. Dela Cruz? " Napatingin ang tatlo kay Diane dahil sa sinabi nito. "Nice suggestion right?" Nakangising suhestiyon ni Diane. Sinamaan naman siya ng tingin ni Kyla.
"Yeah right! Make him agree to invest to my company Ky!" Lumapit si Macky kay Kyla at hinawakan sa magkabilang balikat. Bahagyang umawang ang labi ni Kyla. Napatingin siya sa dalawang kaibigan niya pa na nakangiti sa kaniya.
"Desisyon! Bakit ako?" Tanong ni Kyla sa tatlo, puno ng pagkalito.
"Naisip ko... tama nga si Diane. Magaling ka makisama ky, nakilala kitang gano'n. At saka feeling ko talaga may masasabi akong hindi maganda kapag nandito na siya at ayoko namang ilagay sa panganib 'tong kompanyang 'to. Kaya please ky! Do this for me." Mahabang sabi ni Macky.
Kyla's Point Of View
ANO BA 'TONG pinasok ko? Bakit ba kasi ako? At bakit kasi pumayag ako? Wala ka talaga Ky!
Apat kaming magkakaibigan, at yung dalawang babae ang kasama ko sa apartment. Si Macky ang CEO ng Advertising Company ng pamilya nila. Si macky pa mismo ang nagpasok at nagbigay sa'min ng trabaho. Ako yung secretary niya, si Diane at si Angel naman ay karaniwang empleyado sa company.
Ang totoo, tumanggi kami nung sinabi niya sa'min na gusto niya kaming makasama sa company. Pero sinabi niyang hindi pa daw kasi siya sanay humandle ng company kaya gusto niyang may katulong siya, at kami ang naisip niya.
Maaga akong nagising. Alas-singko na pero tulog pa 'tong mga katabi ko. Sa totoo lang ay malilikot silang matulog, hindi ko naman masabi na gano'n din ako dahil tulog nga ako. Buti na lang talaga ay king size 'tong kama namin kung hindi kanina pa sila nalaglag sa sahig.
Agad akong tumayo at nagtungo sa banyo, naghilamos at nagmumog. Pagkatapos ay bumaba na ako para magluto ng aming almusal. May ham, tocino, bacon, at nagluto rin ako ng fried rice. Pagkatapos ay pumanhik ulit ako sa itaas at ginising ang mga kaibigan kong tulog mantika.
"Mga tyeh! Luto na yung almusal. Sabay-sabay na tayong kumain, dali!" Paggising ko sa kanila. Ilang minuto pa ay tumayo na rin ang dalawa. Bumaba na kami at kumain ng almusal.
Pagkatapos namin maggayak ay bumiyahe na kami patungo sa'ming trabaho, ako ang nagda-drive ng kotse ngayon habang ang dalawa kong magaling na kaibigan ay nasa backseat. Hindi talaga ako nagmukhang driver nila sa totoo lang.
Nang makapasok kami sa company building ay agad kaming tumakbo patungong elevator dahil hinabol namin ang pagsara nito, habol namin ang hininga namin nang makapasok sa elevator.
Nagke-kwentuhan kami at nagtatawanan nang bumukas na ang elevator dahil floor na namin. Pero laking gulat namin nang sumalubong sa'min ang rebulto ng isang lalaki na nakatitig sa'min. Agad kaming bumati nang makilala namin siya.
"Goodmorning Mr. Dela Cruz." Bati naming tatlo. Nagsalita naman agad ito.
"All of you are late." Mataman niyang usal sa'min. Nagtaka naman kami. Tinignan ko ang relo ko. Alas-siyete trenta pa lang. Alas-otso ang pasok namin.
"Ah sir, 7:30 palang po. At sa pagkakaalam po namin ay 8 po ang oras ng pagpasok namin so, it means may 30 minutes pa bago mag alas-otso." Paliwanag ko. Pumabor naman ang mga katabi ko.
Napataas ang isang kilay ni sir. Atitod..."The hell I care? Kapag nauna ang boss niyo kaysa sa inyo ibig sabihin late na kayo. Time is important so bakit mo pa hihintayin na mag-alas otso bago pumasok?" Katwiran ni Sir at humalukipkip sa harap namin ngunit ang paningin ay napako sa'kin.
Ang laki naman ng problema nitong lalaking 'to. Desisyon!
"We're so sorry Sir. It will never happen again." Nakangiting paumanhin ko sa kabila ng sinasabi ng isip ko. Ngumiti rin siya sa'kin at ang hindi ko inaasahan ay nang humakbang siya papalapit sa'kin para itinapat ang kaniyang bibig sa tainga ko. Nagsitayuan ang balahibo ko nang maramdaman ko ang init ng hininga niya.
"Good girl." Bulong ni Sir sa'kin at ti-nap ang tutok ng ulo ko. Napalunok ako at pinanood ang paglabas niya ng elevator. Ang mga kaibigan ko naman ay nakatingin sa'kin at parang may ibang pinapahiwatig pero binalewala ko na lamang ito at iniwan sila.
"Ms. Kyla, dito daw po yung pwesto niyo." Bungad sa'kin ni Alyana. At tinuro ang table na nasa harap ko.
"Huh? Bakit?" Tanong ko sa kaniya.
"Sa'yo daw po kasi magtatanong si Mr. Dela Cruz sa mga info about sa company kaya gusto niya po na malapit ka sa kaniya para hindi daw siya patawag ng patawag sa'yo." Paliwanag ni Alyana.
"Nasa'n si Macky?" Tanong ko.
"Wala pa po, pero tinawagan na po siya ni Mr. Dela Cruz about this and umagree na po siya." Alyana said. Tumango na lamang ako bilang tugon. Umupo na ako at tinutok ang atensyon sa computer.
"Uy, ky! Bakit diyan ka nakaupo?" Tanong ni Angel. Inangat ko ang tingin sa kaniya at bumuntong hininga.
"Dito ako pina-pwesto ni Mr. Dela Cruz e." Sagot ko.
"Ah okay. Sige, trabaho na ko ah. Goodluck girl!" Nakangiting aniya bago tumalikod sa'kin. Wala naman akong nagawa kundi humalumbaba.
"Ms. Kyla! Help me to carry this!"
Aligaga akong luminga sa paligid para alamin kung saan nagmumula ang sigaw na 'yon. Agad akong napatayo nang makitang si Mr. Dela Cruz 'yon na ngayon ay may bitbit na dalawang kape at may isang paper bag.
Mabilis akong lumapit at sinalubong siya. Iniabot niya sa'kin ang dalawang kape kaya kinuha ko 'yon para tulungan siya. Habang naglalakad kami pabalik sa table, ay hindi ko maiwasan ang magtaka. Ang dami-dami namang tao dito bakit sa'kin pa siya nagpatulong? Napailing na lang ako at pinagsawalang bahala ko na lamang 'yon.
Nang makarating kami sa pwesto namin ay nilapag ko na ang kape at gano'n din ang ginawa niya sa paper bag niyang dala.
"Sit." Utos ni Sir sa'kin. Tinignan ko siya na parang natatanong ng 'bakit' look.
Lakas maka-aso ser...
"Umupo ka sabi ko." Pag-uulit ni Sir.
"Opo." Sa kabila ng tinugon ko ay nanatili akong nakatayo.
Nangunot ang noo ni Sir. "I said umupo ka--hindi mo ba 'yon maintindihan?" Masungit niyang tanong sa'kin.
Pasimple akong ngumuso ng bahagya. "Oo nga po, kaya nga po opo sabi ko po." Banat ko. Napatitig siya sa'kin at pinaglapat ang labi niya. Bumuntong hininga pa siya upang pigilan ang pagtawa niya.
"It's not funny." Tanggi niya na sinusubukan pa ring pigilan ang pagngiti.
"Ayweh? Bakit parang nagpipigil kang tumawa aber?" Nakangiting tanong ko sa kaniya.
"I'm not. Napaka-luma na ng joke na 'yan. Nothing new?"
"Hindi naman halata na gusto mo pang makarinig ng joke mula sa'kin 'no?" Sarkastikong tanong ko. "Well, sorry! Ayokong mag-spill ng joke sa mga taong boring at hindi man lang marunong tumawa. Yung wala man lang kasupport-support. Like you!" Kunwaring anas na dadag ko pa.
"Whatever." Pigil pa rin ang ngiti niyang tugon. "Just sit, eat your food and drink your coffee." Utos niya ulit habang inilalapag ang mga pagkain sa mesa.
"Huh? Diba sa'yo yan?" Takang tanong ko.
Napatingin siya sa'kin. "Yeah, sa'ting dalawa. Can't you see? Dalawa 'yan diba?" Masungit niyang ani.
"Sungit naman nito." Bulong ko sa hangin. Natigilan naman ito sa ginagawa at tumingin ulit sa'kin kaya bahagya akong kinabahan.
"What did you say?" Tanong niya na hindi man lang kumukurap ang mata na nakatingin sa'kin.
"A-ah wala, m-may sinabi ba ako?" Maang-maangan kong tanong pabalik sa kaniya.
"Tsk. I heard you said something." Giit niya sa'kin.
"Narinig mo naman pala nagtatanong ka pa." Bulong ko ulit. Nakita ko naman siyang napangisi kaya nagtaka ako.
"Huwag mo kong subukan Ms. Kyla Agpalza. Baka hindi mo magustuhan kapag nagalit ako." Nakangisi pa rin siya. Mahihimigan ang pagbabanta ngunit hindi naman ako natakot.
"Bakit ka naman magagalit e wala namang akong ginagawang masama?" Matapang na tugon ko.
"Hmm... I see. Papalagpasin kita ngayon. But for now, let's just eat. Gutom na ako e." Sabi niya. Medyo nakampante na ako at pagkatapos no'n ay kumain na kami ng matiwasay. May mga pagkakataon na nahuhuli ko siyang tumitingin sa'kin.
"May dumi ba ako sa mukha Sir?" Hindi ko na napigilang magtanong. Ito na ang pangalawang beses na naitanong ko 'yon.
Wagas naman kasing makatitig, desisyon...
"None." Bahagya siyang nakangiti sa'kin. Nakaramdam ako ng ilang nang makitang bumaba ang tingin niya sa labi ko. Dali-dali akong kumuha ng tissue at pinunasan agad ang labi ko. Nakita ko siyang nagpigil ng tawa bago nakangising umiwas ng tingin. Napatitig ako sa kaniya na may halong kuryosidad.
Ano kayang iniisip ng lalaking 'to?