NAGISING sa dis oras ng gabi si Kyla, habang inikot-ikot na rin ng kanyang paningin ang kabuuan ng silid na tinutulugan niya. Nakahiga pa ito sa kama ng ito'y mag-unat ng kanyang mga kamay. Halatang napasarap ang tulog niya dahil gabi na't hindi pa siya nakakapaghapunan. Marahil, ay dahil sa dalawang magkasunod na gabing nagpuyat ito kakagawa ng proyektong nawalan rin naman ng grado.

Gusot ang mukhang napatayo ito, at maingat na naglakad patungo sa pintuan papalabas ng kuwarto, para lang mamangha sa kanyang nakikita.

"Wow," naibulalas niya.

Mula sa muwebles at tiles na ginamit sa flooring, hanggang sa chandelier na nakakabit sa kisame. Halatang mamahalin, at naghuhumiyaw ito sa karangyaan.

"Ganda ah. Naghuhumiyaw ngang talaga sa malaking halaga ang bawat presyo ng mga kagamitan dito." Anitong lalo pang iginala ang paningin sa paligid.

Mula sa glass wall ng bahay, ay kitang-kita nito ang ganda ng labas na siya rin namang natatakpan ng kadiliman. Napanguso ito ng wala itong makitang bituing maningning sa kalangitan. Gustong-gusto pa naman sana nitong mag-star gazing sa labas. Lalo pa't, nasa ganitong lugar siya.

"Sabagay, masarap pa rin namang mahiga sa buhangin." Pabulong niyang wika. Sumilay ang lungkot na nakatago sa kanyang mga ngiti.

Tuluyan nitong narating ang pintuan at agad na binuksan. Ingat na ingat pa itong hindi makagawa ng alinmang ingay sa iisiping baka tulog na ang mga tao sa paligid niya. Pagbukas pa lang nito sa pinto'y, sumalubong sa kanyang paningin ang maganda at malawak na sala. Mabango ito na pakiwari niya ay pinaliguan ng pabango. Malamig sa pakiramdam dahil nakabukas ang ventilation sa kabuuan ng bahay, at kay sarap naman sa paningin, dahil ito ay maaliwalas at malapad.

Nakangiti nitong hinahaplos ang bawat bahagi ng bahay na kanyang madaanan. Pakiramdam tuloy niya, ay para siyang nakapasok sa loob ng pantasya niya. Natigilan siyang bigla.

Pantasya nga bang talaga? Minsan na rin naman siyang nakaapak sa ganitong kaganda na bahay, kaya lang, dahil na rin sa katagalan noon ay nakalimutan niya na yata ang pakirandam ng may marangyang buhay.

'Ang laki,' anang kanyang isipan nang madako ang kanyang paningin sa magara at malaking piano sa kanyang harapan.

Napadako naman ang kanyang mga mata sa glass door na siyang nagsisilbing pinaka the best, na spots pagdating sa mga view kapag umaga. Dahil mula sa loob ay kita mo na agad ang lahat. At mula sa loob ay maaaninaw mo na ang ganda ng tanawin. Hindi niya malaman kung saan siya dinala ng kidnapper niya. Paano ba naman ay tulog na tulog ito sa kotse ng binatang nang-kinapped sa kanya.

Hindi na nakatiis pa si Kyla, agad na siyang lumabas ng tuluyan upang magliwaliw sa maaaring makita ng kanyang mga mata. Huli na niyang napansin ang suot-suot nitong shorts, na sa sobrang eksi, kulang nalang at lumabas ang kanyang kaluluwa sa ilalim. Pinarisan naman iyon ng isang maluwang at panlalaking t-shirt.

Napamulagat siya sa kanyang naiisip, tutop nito ang kanyang bibig, napapaikot ito habang patuloy sa pagsipat ng kanyang kasuotan, na ni sa panaginip ay hindi man lang nito maisip at magawang palitan…

Nang tulog at walang malay.

"Sh*t," usal niya.

Napatampal naman ito sa kanyang noo, dala ng naiisip. "May nangyari kaya sa amin?" pabulong na tanong niya sa kanyang sarili. "Imposible naman," naipilig niya ang kanyang ulo, gawa ng naiisip nito. Kunot na kunot ang kanyang noo habang patuloy na kinakausap ang sarili.

"Hindi naman ako nalasing para may mangyari sa amin, pero bakit…" Natigagal ito habang tutop na naman nitong muli ang kanyang bibig, dahil sa kanyang mga naiisip.

Muli nitong pinakiramdaman ang sarili. Wala naman siyang napapansin o nararamdamang masakit sa kanyang katawan, lalo na sa parteng ibaba. Maya-maya pa ay napatampal na naman itong muli sa kanyang noo, dahil sa bagong naiisip nito. Kung nakakapagsalita lang siguro ang kanyang noo, isisigaw na siguro nito sa kanya ang ‘bugbog na ako, tama na’ na mga salita.

"Walang hiyang lalaking iyon ah," Nakapameywang niyang wika. "Binihisan ba naman ako?" kunot na kunot na ngayon ang kanyang noo. "Kung ganu'n, ibig sabihin—“ muli nitong natutop ang sariling bibig kasabay ng kanyang paniningkit.

Lingid sa kanyang kaalaman, mula sa hindi kalayuan. May isang binatang nakasandal sa malaking puno't kanina pa pala siya pinagmamasdan. Nangungunot din ang noo nito habang nakatanaw sa kanya. Mula sa binti't mga paa, hanggang sa kabuuan ng dalaga, lahat ay hindi nakaligtas sa paningin niya. Seryoso niya itong pinagmamasdan ng tahimik, hanggang sa makita niya itong magsalita ng mag-isa. Napatawa ito ng mahina dahil sa pabago-bago ng reaksiyon ng dalaga.

Amuse? Nako, sobra pa. Dahil aliw na aliw itong pinapanood ang pagsi-sentimo ng dalaga. Naisipan na lamang nitong lapitan ito kalaunan.

Napasipat muli si Kyla sa kabuuan niya. Napapaisip habang nasa ilalim ng baba ang kanyang hintuturo. "Kung binihisan niya ako, at ganito na ang suot-suot ko," napaawang ang bibig nito, tila gulat dahil sa kanyang natuklasan. "Hindi na ako virgin kung ganu'n? Pero,"

"Bakit ka lumabas ng nakaganyan lang?"

Napalundag ito, "Ay! Igorot." Gulat niyang sabi na lalo niyang ikinainis. Rason para maputol ang sentimento nito kanina lang. "Ano ba naman, ba't ka ba nanggugulat diyan, ha?"

"Ano'ng sabi mo kanina?" Hindi nakatiis na itanong ng binatang papalapit na sa kanya. Napamulagat naman si Kyla ng makita ang binata sa ayos nito. Kung ganoon ay nag-swimming pala ito. Teka, saan ba siya dinala ng kumag na 'to? "Ulitin mo nga ang sinabi mo kanina, Miss Kyla Rodriguez."

Napalunok ang dalaga. Kapag nakadamit ang lalaki ulam na, pero kapag ganitong nakahubad naman siya. "Ulam na ulam talaga." Wala sa sariling naibulong niya.

Nangunot tuloy ang noo ng binata. "What?"

Sa pagkabigla nito'y ipinilig niya ang ulo. Napapalunok ito habang hindi makatingin sa mukha nito. "Ano, kuwan. Eh kasi," natigilan siya. "Nagugutom na kasi 'ko. Wala ka man lang pagkaing iniwan doon para sa'kin." Nakanguso niyang sabi. "Gutom na ako eh, hayan tingnan mo't pakinggan ang nagra-rambolang mga alaga ko sa tiyan." Atungal niya.

Hindi ito nagsalita bagkus, mataman lang itong nakatitig sa kanya. Bumuntong hininga ang binata. Naisip niya tuloy, bakit ba niya binitbit ang babaeng ito, na kung tutuusin naman ay maingay din palang tulad ni Mariane? Pinagmasdan pa muna niya ito saka tinalikuran, nang nakangisi.

"Okay, let's go. Kumain na tayo." Aya nito sa dalaga. Nagpatiuna na rin itong maglakad para lang muling matigilan, nang mapansin nitong hindi nakasunod ang dalaga sa kanyang likuran.

Tumaas ang kilay nitong nilingon si Kyla. "Akala ko ba gutom ka na? Ano pa't nakatunganga ka lang diyan? Akala ko pa naman at kumakarambola na ang mga bulate mo sa tiyan." Sabi pa niya. "Hindi mo ba alam na gabi na at baka pagdiskitahan ka pa ng kung sinu-sino lang diyan?" Wika ng lalaki sabay hugot ng tuwalyang ipinamunas nito sa basang ulo at ipinaikot sa beywang ng dalaga.

"Magpahinga ka na." Mahinang wika ni Javy sa gilid ng kanyang tainga at waring nagdudulot ng bahagyang kiliti sa pandinig ng dalaga.

Tiningnan siya nito. "Akala ko ba kakain tayo?"

"Kakain nga," ngisi si Javy. Tuloy natulala na naman ang dalaga sa kaguwapuhan niya. "Pinagpapahinga ko lang sandali ang kidnapped victim ko. Mabait kasi akong kidnapper." Dagdag niya sabay kindat pa nito sa kanya.

Biglang nakaramdam ng pagkailang si Kyla, naibaling nito ang paningin sa kawalan. At nang may maalala ay bigla rin namang nagusot ang kanyang mukha.

"Oh, ba't sambakol na man 'yang mukha mo ngayon." Pansin ni Javy sa natitigilang dalaga.

Hindi niya matingnan ang binata. "Ginalaw mo ba ako habang tulog?" Nahihiya pa nitong tanong sa lalaki dahilan para lumapad ang kanyang pagkakangisi. Lalo na nang makita nito kung papaanong naglikot ang dalaga sa kinatatayuan niya ngayon.

"Bakit mo natanong?" Bahagya itong lumapit sa kanya. Tuloy nahigit nito ang kanyang hininga ng makalapit ito sa kanya. Ikaw ba naman makakita ng pandesal na matigas sa gabi. "Bakit Kyla?" Tanong nito.

"Kuwan, k-kasi..." Nangangatal niyang wika sa binata. "Iyong damit ko kasi eh," sambit niyang kinakabahan. Sinulyapan naman ng lalaki ang kanyang kasuotan.

"What's wrong with that?"

"B-biglang, naiba k-kasi." Napamura pa ito dahil sa pagkautal niya't pangangatog na rin. Para siyang tinatambol sa kaba at sa bilis ng tibok ng kanyang puso.

"Oh, I see. Iyon lang pala. Pinalitan ko ang damit mo. Buti nga't nagkasya sa'yo ang t-shirt ko. Akalain mong bumagay sa'yo." Ngisi ni Javy. Tuwang-tuwa ito habang inaasar ang dalaga. At mas lalo itong natuwa ng makita nitong suot na nito ang damit niya.

"I-ikaw, ikaw ang nagbihis sa'kin?" Mulagat ang mata ng dalaga habang tinitingnan ang binata. Nakaturo pa ang hintuturo nito sa mismong mukha niya.

Ni minsan ay hindi naisip ng binata, na magdala ng babae sa resort niya. Kahit si Mariane na kaibigan lang kung ituring niya'y, hindi pa rin nakakarating sa pag-aari niya. Hindi niya matukoy kung bakit sarap na sarap itong asarin ang babae. Ang totoo pa nga niyan ay matagal na niya itong gustong lapitan, pero dahil sa dami ng lumalapit sa tahimik at simpleng dalaga'y, nagpasya na lang ito na iwasan ito. Ngunit, parang parot din pala ito kapag nag-ingay.

Lihim siyang napapangiti sa nakikitang reaksiyon nito. Ngunit, sa halip na ipakita iyon sa kanya'y, tinaasan niya lang ito ng kilay.

"Huwag kang mag-alala, nakapikit ako habang binibihisan ka kanina. Kaya naman, wala kang dapat na ikatakot sa mga nakapa kong bulubundukin kanina."

Sa narinig ay biglang nanginit at namula ang pisngi niya. "Bastos, manyak! Hindi mo ba alam na virgin pa ako?"

Si Javy naman ang napanganga. "You're a virgin?"

"Oo! Malamang, manang nga diba?"

"That's great! Now I know. I'm a miners actually."

"Huh," hindi makapaniwala ang dalaga. "Pinagtitripan mo ba ako, Mr. Del Prado?"

Umiling ito sa kanya. Sabay turo sa sarili nitong mukha. "Mukha ba akong mapagbiro? Don't worry, kinapa ko lang naman. Hindi ko naman tiningnan."
Sa muli ay napatawa ng malakas ang binata, na ikinainis naman ng dalaga.