Alas-sais pa lang ng umaga nandito na sa bahay si Morrie dahil aayusan niya daw ako. Talagang tuwang-tuwa siya sa akin dahil sa pagpayag ko nang hindi niya pinipilit kaya naman siya na raw ang bahala sa akin. Wala kasi akong alam sa mga ganito ganito. Sa totoo lang ayokong mag-paayos kaso, baka magtampo naman ito kaya hinayaan ko na lang.
" Shan, i-curl natin 'yang buhok mo ah para bagong style ka naman," sabi niya habang namimili ng damit sa closet ko.
" Do whatever you want Ririe, " I said half-heartedly.
" Ok! Dito ka na, aayusan ko na 'yang mukha mo," tawag sa akin ni Shai para maupo na ako sa harap ng salamin at masimulan na niyang lagyan ako ng kung ano-anong kolorete sa mukha. Kasalukuyan niyang inaayos ang kilay ko nang magkwento siya sa akin.
" Alam mo ba si Liam, pagkabalik niya galing canteen parang badtrip. No'ng tinanong ko kung bakit sabi niya sa akin 'wag ko siyang kulitin. Eh hindi ko naman siya kinukulit, tinatanong ko lang siya duhhh! " Kwento ni Morrie.
" Deserve HAHAHA, " pang-aasar ko sakanya.
" Huy, bes! Grabe ka ha. Pero ano kayang nangyari do'n, noon ko lang nakitang mabadtrip 'yon eh, " sabi pa ni Morrie. Kakaisip niya, muntik ng magmukhang higad ang kilay ko sa kapal.
" Ririe, mag-focus ka. Tignan mo 'yong kilay ko kulang na lang magsuntukan dahil nawawala ka na naman sa sarili mo, " paalala ko sakanya para ilayo ang topic naming dalawa. Hindi ako assuming, pero feeling ko kaya badtrip si Liam ay dahil do'n sa nangyari sa library. Ano nga bang nangyari do'n Shai? Hay ewan bahala na. Hindi ko pa rin alam sa sarili ko kung bakit ko sinabi 'yon pero may parte sa isip ko na umaayon sa ginawa ko. Ayoko na ngang isipin, ang aga-agang asungot sa isip ko.
" Ay sorry bes! Ayan, ok na! Magbihis ka na do'n mag-aayos na rin ako, " pagtataboy niya sa akin. Nagbihis naman ako kaagad sa c.r dahil pagtingin ko sa oras ay 7:30 na at 8:00 ang start ng event. I am wearing a wide leg black pants partnered with fitted white t-shirt top at pinatungan ko rin ng iyon ng black cardigan. Para sa aking paa, sinuot ko na rin ang black and white flat shoes ko. I guess, it's so simple yet looked presentable indeed like what Morrie told a while ago. Bagay rin sa akin ang ayos ni Morrie, hindi makapal ang make-up ko at pasok 'yon sa panlasa ko. Ang kulot sa harap ng aking mukha ay nagbigay ng mas presentableng anyo sa akin. Masasabi kong magaling nga si Morrie sa ganitong bagay.
Paglabas ko sa c.r, nakabihis na rin si Morrie. She looked beautiful on her above the knee sweet-heart dress. Mahaba ang sleeves ng mga iyon kaya nagmukha pa rin siyang presentable at pormal. Bagay na bagay kay Morrie ang dress na iyon at yumayakap ito sa balingkinitan niyang katawan. Bumagay rin ang kulay nito sa maputi niyang balat. Mukhang ayaw masabihan ng baduy ang best friend ko ah HAHAHA.
"Hindi ka na mukhang manang; di ka na masasabihan ng baduy, " sabi ko kay Morrie at namula naman siya agad dahil doon.
" Huy, hindi ah. Ikaw bes ah inaasar mo na ako ng inaasar ha! Nagagaya ka na kay Liam," sabi niya habang nakanguso pa. Talaga namang pa-cute palagi ito.
" Ok. Sabi mo eh," sabi ko na lang nang maalala kong malelate na nga pala kami.
" Tara na,Ririe. Magbaon ka ng jacket, kumuha ka diyan sa gamit ko. Mag-motor na tayo, malelate tayo nito kapag naglakad pa tayo. " sabi ko kay Ririe at kinuha ang susi ng motor ko. May motor ako pero minsan ko lang gamitin iyon dahil bawal pa. Kapag nag-eighteen na ako, pwede ko na iyon gamitin kahit kailan ko gusto. May isang taon pa ako bago ko magamit ng regular ang motor ko. Sa ngayon, ipapaalam ko muna kay mama na gagamitin ko ito.
" Ma! Gagamitin ko 'yong motor ah! Malelate na kami ni Morrie 'pag naglakad pa kami eh! " Sabi ko kay mama nang papalabas na kami sa pinto.
" Sige! Basta mag-iingat ha. Morrie medyo maikli 'yang suot mo paano ka sasakay sa motor? " Pansin ni mama sa damit ni Ririe
" Ayos lang po tita. Pinagbaon po ako ni Shai ng jacket, pang-taklob po. "
" Gano'n ba? Oh sige na, mag-ingat kayo ha ? " Paalalang muli ni mama
" Okay po, alis na kami ma, " palaam ko kay mama at lumabas na ng pintuan.
" Bye po tita! " Dinig kong paalam ni Morrie.
" Tara na Ririe! " Tawag ko sakanya ng makasakay na ako sa motor.
" Patagilid ka na lang sumakay para hindi na tumaaas 'yang dress mo sabay patungan mo ng jacket, " utos ko sakanya. Nang ok na siya, ini-start ko na ang motor at pinaandar ito.
Binilisan ko ang takbo ng motor dahil late na talaga kami. Malapit na kami sa school nang makita ko si Liam sa entrance ng school. Hininto ko sa parking lot ang motor ko at inalalayang bumaba si Morrie dahil inaalala ko ang suot niya.
" Marunong ka pa lang mag-motor, " biglang sabi ni Liam. Nandiyan pa pala siya. Tinignan ko naman siya, naka-pantalon at puting t-shirt rin mayroon din siyang suot-suot na jacket. Nakikita ko ang pagkamangha sa mukha niya nang biglang parang may maalala siya.
" Ay sorry, " sabi niya sabay talikod at pumasok sa loob ng school. Napangisi naman ako sa inasta niya dahil mukhang alam ko na ang dahilan niyon.
" Ano yun Shan? Ba't siya nag-sorry sa'yo? " Tanong sa akin ni Morrie
" Ewan ko. Tara! Late na tayo, mukhang nakaset-up na sila do'n, " yaya ko kay Morrie. Pumasok na kami sa loob at napakaraming estudyante ang nasa labas. Dumiretso kami sa room namin at tama nga ako dahil nakaset-up na ang photo booth namin. Agad lumapit sa'min si Misha, ang classroom president namin nang makita ang pagdating namin ni Morrie.
" Hi, Shai! Nadala mo 'yong polaroid cam mo? " Tanong ni Misha. Nagpresinta kasi ako na mayroon akong polaroid no'ng magtanong siya kung sinong mayroong available na pwedeng magamit. Plano kasi nilang ibenta ang bawat polaroid film sa mga mag-aavail para magkaroon kami ng fund. Sabi ni Misha magkakaroon din naman ako ng porsyento do'n dahil nga sa polaroid cam ko ang gagamitin pero tumanggi ako at sinabing palitan na lang nila yung mga film na magagamit at ayos na iyon sa akin.
" Oo, saglit lang, kuhain ko lang, " nakangiting sagot ko kay Misha. Misha is a friendly person kaya naman kumportable ako sakanya. Ang gaan ng personality niya at hindi ka maiilang kapag kausap mo siya. Inabot ko ang cam ko sakanya at nagpasalamat naman siya at sinabing iingatan ito.
Matapos ang pag-uusap namin ni Misha, uupo sana ako sa gilid ng makita ko si Ririe at Liam na mukhang nag-aasaran na naman. Kita sa mukha ni Ririe na parang napipikon na siya at tuwang-tuwa naman itong si Liam. Tumalikod ako at pumunta kay Misha.
" Misha," tawag ko sakanya dahil abala siya sa pag-aayos ng mga decorations sa booth.
" Oh, shai. Bakit?"
" May maitutulong ba ako? Wala akong magawa eh, " tanong ko sakanya dahil totoong wala akong magawa. Mamaya pa ang mga performances at ang mga booths ay hindi pa available dahil tinatapos pang iset-up ng bawat sections.
" Ah, sige! Sakto kailangan ko ng photographer, malelate kasi si Junnie kaya kung pwede ikaw muna since gamay mo rin naman iyang cam mo." Sabi sa akin ni Misha
" Sige! Maghihintay lang ako dito 'di ba?" Turo ko sa upuang nasa gitna mismo ng photo booth na nakalaan para sa photographer.
" Oo, standby ka lang dyan. Gagawin ko ng available ang booth natin para makarami tayo." Sabi ni Misha at umalis siya para gawin ang sinabi niya. Pag-alis ni Misha sumulpot naman si Morrie at Liam sa tabi ko
" Huy, bes! Photographer ka? Naks naman, " pang-aasar sa akin ni Morrie habang sinusubukan niya pa akong kilitiin. Si Liam naman, nasa gilid lang ni Morrie at sa ibang direksyon nakatingin.
" Tumigil ka nga Morrie! 'Wag kang magulo.
"Oh, ayan na may magpapa-picture na, tumabi ka muna." Sabi ko kay Morrie nang may dumating na grupo ng magkakaibigan. Tumabi naman siya at tinignan ko namang muli ang grupo. Kilala ko 'to ah sila Angel 'to. They were from HUMSS strand also but, different section. Kilala ko si Angel dahil once ko na siyang nakasama sa team quiz bee contest. Matalino, maganda, at mabait. In short, literal na angel siya para sa akin. Nginitian ko si Angel nang mapansin kong nakatingin siya sa akin.
" Hi! Magpapa-picture kaming anim, " mahinhin niyang sabi sa akin habang nakangiti.
" Oh, sure! How many shots ba ang gagawin niyo ? " I asked.
" Is it a polaroid cam? How much per shot?" Malumanay pa rin niyang sabi.
" One shot costs fifty pesos, " I said while fondly smiling at her. I guess, I adore her that much to be this giving of my emotion. Hindi ako palangiti pero kapag gusto ko talaga ang isang tao, I find myself smiling nonstop because of fondness.
" Oh, ok! We will take six shots para tig-iisa kami " she said giving back the smile I am giving to her.
" Ok, let's start! Feel free to use any props there! " Turo ko sa mga props na nakalagay sa gilid ng booth. The shoot started. They posed naturally in front of the camera that makes my work easier. Ibinigay ko sa kanila ang anim na polaroid film na may picture nila at tinaggap ko naman ang bayad matapos ang shoot. It was a great way to start this job, I thought. Nang mag-paalam sila Angel, nilapitan naman agad ako ni Morrie. Nandito pa pala itong dalawang 'to.
" Kilala mo 'yon bes?" Tanong sa akin ni Morrie. Sabi ko na eh, magtataka na naman 'to.
" Mmm, nakasama ko 'yon sa team quiz bee. " Sagot ko.
" Ah, mukhang close kayo. Hindi matanggal ngiti mo kanina eh," she accusingly said. Nakita niya pa 'yon? Napailing naman ako dahil do'n.
"Selos ka?" I asked her.
" No way! " Agad niyang sagot na kulang na alang isigaw sa tenga ko ang sagot niyang iyon.
" Mamaya may ikukwento ako sa'yo," dagdag niya pa. Tumango na lamang ako dahil tinatamad akong makipag-usap sa kaniya at naghintay na lang ako ng mga estudyanteng magpapa-picture. Dumami nga ang mga napapa-picture at nagpaalam naman si Morrie na lilibot daw sila ni Liam sa iba't-ibang booth. Sumang-ayon naman ako dahil suportado ko ang mga para-paraan niya para magpapansin kay Liam hehehe.
Mag-tatanghali na nang dumating ang talagang photographer ng booth namin kaya naman nakapagpahinga ako. Hinintay ko sila Morrie para sabay-sabay na kaming makapag-lunch. Nang dumating sila, nagulat pa ako no'ng makita kong nakapalibot ang braso ni Liam sa bewang ni Morrie. Mukhang kilig na kilig naman itong babaeng 'to dahil ngiting-ngiti siya pagkakita sa akin. Pumunta kaming canteen at sabay-sabay nag-lunch. Bumalik kami ng classroom dahil sabi ni Morrie magpapa-picture na kami para makalibot na kami sa mga booths ng different sections.
" Here, suot mo 'to para matchy matchy tayong tatlo," sabi ni Morrie habang isinusuot niya ang bunny headband sa ulo ko. Pagkatapos niyon, si Liam naman ang sinuotan niya ng headband.
Morrie decided na sa gitna namin si Liam for our first shot. Hinahayaan lang namin si Morrie dahil gustong-gusto niya ang ganitong mga ganap. Kami naman ni Liam ay tahimik which is napaka-unusual para sa gaya niyang bubbly ang personality gaya ni Morrie. We stand there, sa center ng booth at nakalayo ako nang bahagya kay Liam habang si Morrie naman ay nakakapit sa braso ni Liam.
" Shai, you should come closer to Liam para magkasya kayo sa frame, " utos sa akin ni Junnie dahil hindi niya mapindot ang shutter dahil nga hindi ako makita sa frame ng camera. Lumapit ako nang bahagya, pero nananatiling hindi nagdidikit ang balat namin ni Liam.
" Shai, you're still out of the frame. Kaunti pa para makuhanan ko na kayo," sabing muli ni Junnie.
" Shai, may problema ba ?" Tanong sa akin ni Morrie. Hindi ko siya sinagot at lumapit pa ng kaunti gaya ng sabi ni Junnie. Magkadikit na ang mga siko namin pero mukhang hindi pa rin maayos dahil umiling si Junnie.
"You should come closer now if you want this to end quickly," masungit na bulong sa akin ni Liam sabay hila sa bewang ko para mapalapit ako. I was dumbfounded by his sudden move kaya naman ang kinalabasan ng picture namin ay nakahawak si Morrie sa braso ni Liam habang ngiting-ngiti habang si Liam naman ay nakangisi at nakahawak sa bewang ko at ako naman ay naka-side view habang nakatingin kay Liam.
" Labas muna ako, " paalam ko kay nila Morrie dahil magpipicture pa sila ng solo ni Liam. Ako dapat at si Morrie ang magpipicture pero I insist na sila muna dahil hindi ko matagalan si Liam. Babalik na lang ako kapag turn na namin ni Morrie. It's bad to feel the intensity whenever he's near.