Pumunta nga sa bahay namin si Morrie para kausapin ako tungkol sa foundation day. Hindi pa rin kasi siya maka-get over na pumayag ako nang ganoon nalang. Parang ayaw niyang maniwala sa akin at may gustong patunayan.
" Bes, totoo nga ? Sasali ka talaga? Hindi ka nagbibiro kanina? " tatalon-talon na sabi ni Morrie sa kama ko. Nandito kami ngayon sa kwarto ko at feel na feel ni Morrie ang guluhin ako dahil lang doon.
" Mukha bang nagbibiro ako, " I said as a matter of fact.
" Eh kasi, no'ng sa field trip nga eh hirap na hirap akong pilitin ka kahit less effort lang naman ang gagawin mo at mag-eenjoy ka lang. Ano pa ngayon na kailangan mo talagang mag-effort to at least look presentable, sociable, at lahat ng may 'ble' sa dulo, " she said persistently.
" Ano bang gusto mo ? Pipilitin mo pa ako? Sige, 'di na ako sasali. Pili- , " 'di ko na natuloy ang sinasabi ko dahil may sagot na agad siya.
" Hindi kasi 'yon bes. Syempre gusto ko sumali ka at ayaw na kitang pilitin pa para roon. Nagtataka lang ako, baka naman may particular reason ka kaya ka sasali? " She asked suspiciously.
" Ano bang gusto mong palabasin? Sabihin mo nalang," walang gana kong sabi.
" 'di kaya dahil kay Liam? Napansin ko lang kas- Aray naman Shai! " hinatak ko nang bahagya ang buhok niya bago pa siya makapagpatuloy sa sinasabi niya.
" Walang connect 'yang sinasabi mo. In short, nonsense, " irap ko kay Morrie.
" Hoy, meron. Malay mo naman na-inspired ka since tatlo na tayo. Ikaw ha gusto mo pala marami bago ka papayag." Hindi ko alam kung saan nanggagaling ang sinasabi nitong babaeng 'to. Pero kung totoo 'yong mga napapansin ko sakanya, hindi magandang inaasar niya ako tungkol sa lalaking iyon.
" 'Wag mo na ngang ipilit. Hindi ba pwedeng magbago ng isip? Tama si Ma'am, we should start socializing dahil kailangan 'yon sa strand natin. Lalo na ako, bukod sa hindi talaga ako marunong makihalubilo, gusto kong maging teacher at kailangan marunong ako no'n." Paliwanag ko sakanya.
" Ah, " tango niya pero halatang hindi pinaniniwalaan ang sinabi ko.
" Bakit ako ang inaasar mo do'n? Hindi ba kayo ang close ? Ano nga ulit ang sabi niya sa'yo no'ng field trip? Ah, oo naalala ko na, 'Huy! Morrie, tayo nalang tabi, ' tama ba ako ? " bawi ko sakanya habang ginagaya ko ang boses ni Liam.
" At ano nga bang ibig sabihin no'ng pag-ubo niyo no'ng tinanong ko siya kung may gusto ba siya sa'yo? " I continued, while looking at her intently and accusingly. Kailangan ko na talagang makumpirma ang mga nahahalata ko sa kanya para alam ko kung paano ako mag-aadjust.
" W-wala, " huli ka gaga. Namula pa nga.
" Ah! So, parehas lang kayong may plema no'ng araw at oras na yo'n? Gano'n ba ? " walang kwenta kong tanong dahil alam ko na ang sagot HAHAHA.
" Baboy mo naman Shai! Anyways, may naiisip ka ng susuotin? Kasali ka ba sa gagawa ng booth? " gusto ko siyang palakpakan dahil hindi halata yung pag-change topic niya. Promise, hindi halata, napaka-smooth.
" May gusto ka sakanya? " Seryoso at diretso kong tanong sakanya. Hindi naman ako ganoon kainteresado pero, dahil kaibigan ko siya kailangan kong bantayan siya lalo't hindi pa namin kilala nang lubusan ang lalaking yo'n. Kailangan ko rin maging sensitive sa galaw ko kahit hindi naman kami talaga masyadong nagkaka-interact ni Liam.
" W-wala ah! " tanggi ni Morrie.
" I know you too well, Ririe. I just need the confirmation honey, " I said confidently dahil totoo iyon. Masyado ko siyang kilala para pagsinungalingan niya.
" Bes, 'wag kang maingay ha! Ano ba yan! Ba't mo kasi alam, " parang batang atungal niya sa akin.
" So ano nga? "
" Well, I-I have a little crush on him. Little lang bes ah! Promise, cross my heart to infinity! Little lang talaga. Bes, huhu! 'Wag mo 'kong aasarin kapag kaharap siya ah! Please! " pagmamakaawa niya sa akin na akala mo doon nakasalalay ang buhay niya.
I knew it!
" What about your other crushes? " Yes, as I have said, I know her too well. Siya yung tipo ng babae na maraming nagugustuhan. Ang reason niya, para marami raw siyang choices. NBSB pa rin siya gaya ko, pero kababasa niya ng romance books, gusto na niyang i-adapt 'yong mga nababasa niya sa buhay niya. I support her sa kung anong gusto niya. 17 years old na siya at alam niya na ang tama at mali. As long as hindi naman serious relationship ang pinagsasabay-sabay niya that's fine for me.
" Crush ko pa rin syempre. Dagdag lang si Liam kasi alam mo 'yon, parang ang ideal niya. Matangkad, gentleman, friendly, matalino, at kung ano-ano pa, " she said while literally smiling like an idiot looking nowhere. Nag-imagine pa nga. Binato ko siya ng unan para magising sa pagde-daydream niya.
" Kilalanin mo silang lahat mabuti Ririe. Guard your heart for all the possible heartache. Don't settle for the bare minimum, ok? " Sabi ko sakanya dahil ang totoo ayokong masaktan talaga siya dahil sa pag-ibig. Masyado siyang impulsive lalo na't kapag nauto siya nang husto,ibinibigay niya ang lahat at nawawala siya sa sarili niya. Crush means the start of everything for her. Iyon daw ang umpisa ng lahat hanggang sa mapunta sa malalim na relasyon. Kaya naman kahit crush lang, nasasaktan siya at naapektuhan kapag may ginagawa sa kaniyang hindi maganda ang mga 'crush' niyang iyon.
Naalala ko tuloy 'yong nangyari sakaniya nung grade 10 kami, 'yong crush niyang basketball player, gwapo nga masama naman ang ugali. Pagkatapos niyang sabihan ng mga sweet words si Morrie at araw-arawin ang pagchachat dito, nanligaw siya ng ibang babae nang mapansin niyang bumibigay at nagiging clingy na si Morrie. Isang linggo ring naging tulala no'n si Morrie at walang buhay na pumapasok kasabay ko sa school. Sobrang tahimik niya rin na kabaligtaran ng ugali niya. Muntik ko nang sugurin iyong lalaking 'yon nang isang araw marinig ko si Morrie na umiiyak sa C.R. Gusto kong wasakin 'yong pinto para buksan niya. Nang hindi niya binuksan ang pinto, binantaan ko siya na pupuntahan ko 'yong lalaking 'yon at hindi ako nagbibiro tungkol do'n. Pinagbuksan niya ako at unang beses kong nakitang gano'n si Morrie. I didn't expect her to be like that. I hugged her, dahil iyon lang ang kaya kong ibigay sakaniya ng mga panahong iyon. After that day, she went back to her usual self na parang walang nangyari. I guess she tried her best to move on kaya hindi ko na siya tinanong tungkol do'n para hindi na niya maalala. But, then on, hindi nalang iisa ang crush niya, kailangan daw marami na para may reserba kapag nag-fail 'yong isa. Her definition of crush slowly became shallow; a pastime.
" Ay bes, anong heartache heartache ka diyan. Walang gano'n bes HAHAHA. Crush lang yo'n oy! But, opo I will follow your advice master Shan. Thank you and I love you, my forever sissy! " she said jokingly while hugging me from behind. Pero alam kong pinapagaan niya lang ang loob ko at sinisigurado niya na hindi na siya ulit masasaktan pa. Gagawin ko rin ang lahat para hindi siya masaktan sa kahit anong paraan.