Alexandria
Kanina pa ako nakatangang naghihintay dito sa bench. Hinihintay ko ang mga kaibigan ko. Hindi pa naman kami mala-late pero bakit kasi ang babagal nila?
Nakapahalumbaba lang ako sa sementong mesa hanggang sa makita ang Professor naming naglalakad sa hallway papasok ng Aurum Building na may dalang medyo marami.
Pinagtitinginan siya ng mga ilang mga estudyanteng nakatambay rin sa mga labas ng building nila. Kahit kailan talaga ay napapansin siya, may gawin man siya o wala.
May mga nag go-good morning pa nga sa kaniya pero hindi man lang niya pinapansin.
Hindi ata niya ako nakita kahit na narito lang ako sa harapan ng Aurum. Malakas ang loob kong lapitan siya para sana tulungan.
"Good morning, Miss Liandro. Tulungan ko na po kayo." Pagpipresenta ko sa kaniya. Nilingon lang naman ako nito pero umiwas lang din ulit.
"No need." Napakunot ako ng noo. Sure ba siya?
"Kaso parang nahihirapan kayo magdala niyan e." Ako nga ang nahihirapan sa mga dala niya e. Patong-patong ba naman na mga papel. Kung ano mang mga laman niyan ay hindi ko na alam.
"Good morning, Miss." Bati ng isang lalaking nakasalubong namin. Kumindat pa ito na ikinasinghal ko ng mahina.
"You—" Tawag ni Miss Liandro sa lalaking nakalagpas na sa amin. Napatingin ako sa Propesor namin. Pagagalitan niya kaya ito?
"Yes, Ma'am?" At talaga nga namang ang laki pa ng ngiti niya.
"Come here." Lumapit ang lalaki sa amin. Ano kayang balak nito? "Your both hands." In-extend ng lalaki ang dalawang kamay nito. Nagtataka na rin siya at tuluyang nawala ang ngiti ng nilagay ni Miss Liandro ang mga papel sa ibabaw ng dalawang kamay niya. "Follow me."
Laglag panga akong nakatingin sa tumalikod na propesor. Ako ang nagpipresenta na tumulong pero hindi ako ang pinansin?
"W-Wait, what?" Napairap naman ako dito sa lalaking ito.
"Follow her daw. Baka magwala pag ang bagal mo gumalaw." Hindi maipinta ang mukha nitong tumango sa akin at sumunod kay Miss Liandro. Ang malala, parang hirap na hirap pa ito. Binigay ba naman ang lahat ng papel sa kaniya.
Nailing na lang talaga ako bago bumalik sa kinauupuan ko kanina at nagpahalumbaba na lang ulit.
Ibang klase. Nag effort akong lumapit pero hindi man lang na appreciate. Pero iyong lalaking kumindat lang sa kaniya ay nautusan pa niya.
"Alex, kanina ka pa?" Nakita ko sila Chabe na nagbaba ng mga duffle bag sa table kaya umayos ako ng upo at tinitigan ang mga dala nila.
Tumango ako sa kanila.
"Bakit may mga dala na kayong duffle bag? Mukha pang maraming laman. Naglayas ba kayo sa mga bahay-bahay ninyo?" Natatawang tanong ko sa mga kaibigan kong pare-parehas na hindi maipinta ang mga mukha.
Napaikot pa ng mata si Carli. Dapat dito ay dinudukutan ng mata e. Natututo na siyang magtaray kagaya ni Chabelita.
"Kasi kailangan."
"Why though?" Napayakap ako sa sarili ng humangin ng malakas.
"Start na ang practice namin Alex." Carli groan. "Second-week pa lang ng pasok pero excited na ang University sa event. Coach wants us to practice na para sa sports day next month." Natawa ako ulit sa mga ito. Hindi na kasi maipinta ang pagmumukha nila lalo na si Chabe.
Siguradong magiging busy na naman sila nito.
"Nagmamadali ba ang University? Baka makaapekto sa acads ko ang practice e." Reklamo naman ni Chabe. Sasali sali ng volleyball tapos nagrereklamo pag nasasagasaan ang klase niya.
Siraulo talaga ang isang to.
Ang Sports day kasi is a big event of BLU. The Students Council is the reason why Sports Day is going to start next month na agad-agad. Ang alam ko kasi Mrs. Gonzaga prepared for this and already talk all the President of some Universities that's why she asked for the Students Council to prepare this already.
This sports day, syempre mga students ng ibang school ay maglalaban laban.
And sports day is one of the events na kaabang-abang talaga dahil na rin naeere siya in television, sports channels of course. And because the BLU is the only one that has this kind of event, some Universities want to join and collab.
Witty University.
"Mawawalan ako ng time para maghanap ng chicks niyan." Reklamo naman ni Leo. Napaismid naman si Chabelita sa kaniya. Babae na naman ang iniisip nitong lalaking ito. "Pero marami namang tatambay sa court ko mamaya. P'wede pa akong magpacute doon." Pahayag ni Leo. Kahit kailan talaga ay ang hilig niya sa babae. Hindi ko na lang talaga alam sa isang ito.
Basta ang sigurado ko ay mga fans na naman niya ang nando'n sa court nila mamaya. Magrereklamo siya na may practice pero tuwang-tuwa pag sumisigaw ang fans niya pag naka three points siya.
Ibang klase rin kasi ang isang ito e.
Marami kasi siyang fans na patay na patay sa kaniya, patay na patay sa abs niya. Mga mahaharot e. Pakitaan lang ng abs ay halos maglupasay na sa sahig ang mga kababaihan. Dahil sa malandi rin naman itong si Leo ay talaga nga namang nagpapapansin pa siya.
"Tara pasok na tayo." Aya ko sa kanila. Tumango naman sila sa akin. "Puro ka na naman babae, Leo. Itigil mo 'yan. Pare-parehas ba kayong may practice mamaya?" Tanong ko. Nagsimula na kaming maglakad para pumasok ng building at umakyat ng 2nd floor para sa unang klase kay Miss Liandro.
I mentally sighed ng maalala ko siya lalo na kaninang nakita ko siya. Siya rin ang babaeng naging dahilan kung bakit malaki ang eyebags ko ngayon.
Hindi ako nakatulog kagabi.
Lunes na naman kasi e.
"Yes, sa akin meron na. After class kasi may practice na kami Alex e. Hanggang 7 pm daw kami. Hindi bale ay apat na araw lang sa isang linggo." Sagot ni Leo habang nagkikibit balikat.
"After class pa naman pala e."
Apat na araw na lang pala ang practice nila ngayon. Kung sabagay ay dati tuloy-tuloy na isang buwan ang practice nila e. Walang tigil dahil malaki rin naman ang makukuha nila pag nanalo sila sa limang University na bibisita dito para makilaban.
"Hoy, kami din!" Natutuwang sabi ng kambal na nagsabay pa talaga.
"Mabuti para hindi lang ako." Natawa ako ng mahina. Damay-damay talaga ang gusto ng isang 'to e. Leo thumbs up pa sa kanila at kumindat. "Hindi nga lang tayo makakagala pagkatapos ng klase sa hapon niyan."
Oo nga naman pero ayos lang din naman sa akin. Sila naman ang mukhang gala e. Kung saan-saan napupunta at kung ano-anong klaseng kalokohan ang pinaggagawa. Nadadamay lang ako minsan.
Mabuti na lang din talaga at pare-parehas na sila ng schedule sa practice.
"Ang sakit naman sa katawan niyan." Reklamo ko sa kanila kahit na hindi ko nararanasan.
Iyon na nga e. Ayokong maranasan kasi siguradong masakit sa katawan. Marami na akong pinagkakaabalahan para sumali sa mga ganiyan. Hindi naman ako sporty na tao e. Iba ang hilig ko.
Gaya ng mga baril— char.
"Ikaw ba? Wala ka bang laban?" Oo nga ano? Sa tanong ni Chabelita ay may naalala ako. Balita kasi sa akin ng mga kabanda ko ay may battle of the bands' kami at naisali na daw kami ng may hawak sa amin na prof. Ang galing nga e. Wala munang pasabi.
Ang kaso baka kausapin ko si Mrs. Gonzaga tungkol dito. Sports day kasi 'yong battle of the bands at ayoko namang sumabay sa araw na 'yon kasi gusto kong mapanood itong mga kaibigan ko sa mga laban nila.
"Meron daw sabi e. Sinali daw kami sa battle of the bands without asking my band. Galing nga ni prof dahil naisali kami agad ng walang pasabi." Natatawang turan ko sa kanila. Dapat nga ay kinausap muna kami ni Prof. Prof sa music 'yon kaya siya din ang may handle sa mga banda ng University.
"At least hindi lang kami ang magiging busy. Pati ikaw din." Mayabang na saad ni Leo pero binatukan lang siya ni Carlo.
Hindi ko naman kailangan problemahin ang practice e.
"Kahit naman hindi mag practice 'yang si Alex e. Baka manalo na sila agad-agad niyan." Sabi niya kay Leo. Napatango naman ang dalawa.
Hindi naman gano'n 'yon. Oo nga kahit hindi na ako magpractice but that doesn't mean na mananalo na kami agad. May mas magaling pa sa akin kumanta e.
"Oo pala." Bumagsak ang mga balikat ni Leo bilang sang ayon kay Carlo. "Pero kawawa ka! Hindi mo kami madalas makakasama!" Ayan, yumabang na naman.
Kaya ko namang mag isa e.
"Lonely ka girl? HAHAHAHAHA!" Asar ni Carli sa akin na talaga nga namang tinawanan pa ako pero umiling lang ako sa kanila.
"Buti nga iyon e." Binaba ko ang bag ko sa upuan ko ng makarating kami sa loob ng classroom. Naghagdan lang kami kasi 2nd floor lang naman e.
"Anong mabuti do'n?!" Exaggerated na sigaw ni Leo at Chabelita. Sabay na sabay pa talaga.
"Syempre walang magulo. Tahimik buhay ko!" Ngumiti ako ng nakakaloko sa kanila kahit na sumama na ang tingin nila sa akin. Akala mo naman bago e. Lagi namang ganito ang sagot ko pag minsang ganito sila.
"Ang sama mo bhe." Napalo pa ako sa braso nitong sadistang si Chabe. Nahawa na rin ata sa kakabhe ni Carli.
"Basta galingan niyo na lang. Tsaka marami din namang time para magkakasama tayo. Wag nga kayong clingy." Asar ko pa sa kanila. Pero I'm expecting na magiging busy din ako in the next day.
Hindi lang naman sila ang magiging busy dahil marami din akong gagawin.
"Oo nga no? Buti na lang."
Hindi na kami nakaimik ulit dahil pumasok na ang nag iisang dyosa ng University na usap-usapan sa lahat ng page at group chat sa lahat ng social media. Kahit na masungit siya, she still gains a lot of fans and popularity.
Nagbaba siya ng gamit niya sa mesa.
Ang ganda talaga ng kapreng ito.
"Hoy!"
"Ay kapre!" Hindi ko napigilang mapasigaw dahil sa panggugulat ni Chabe sa akin.
Hindi ko inaasahan na mapapasigaw ako kaya napatingin ang lahat ng kaklase ko sa akin maski na si Miss Liandro.
Kahit kailan talaga itong si Chabe!
"Miss Gabriel, is there something wrong? Why are you shouting?" Napangiwi ako at sinamaan si Chabelita na nagpipigil ng ngisi.
Lagot ito sa akin mamaya.
"No, m-ma'am. Sorry nagulat lang po ako." Umupo ako ng maayos para makurot si Chabelita sa tagiliran niya. Napaigik siya pero wala akong pakialam. Kasalanan rin naman niya e.
"Be quiet." Tumayo siya ng maayos sa harapan namin. Mangangalay na naman ako sa pagkakatingala, kainis. "For starters, good morning. Who are the parts of sports day here? I want to remind those who have practice this afternoon and for the whole month for the Sports day that make sure to complies every activity for this subject and does not be late. The practice won't affect your class with me so I'm assuming that no one will fail this subject just because of that practice and events."
Kung sabagay, naiintindihan ko si Miss Liandro. Dahil noong nakaraang taon ay may mga bumagsak na estudyante dahil hindi nakapagcomply at dinahilan ang practice kahit hindi naman gaano naapektuhan.
Hindi naman umimik ang mga kaklase ko. For sure naman kasi na marami sa mga kaklase ko ang kasama sa ilalabang sports day. Ako naman ay taga nood lang syempre. Taga sigaw gano'n.
Nagsimulang mag discuss si ma'am pero parang wala akong naiintindihan kahit na isa. Hindi ko maitatanggi na magaling siya magturo na parang professional ang dating nito sa harapan naming lahat habang nagsasalita at nagpapaliwanag.
Lahat ng mata ay nakatutok lang sa kaniya. Halata ang pagkamangha sa mga estudyante at alam ko na pati ako ay gano'n din.
Naalala ko ang nangyari kahapon sa grocery store at no'ng lunch.
Hindi ko mapigilan na titigan ang mapupula niyang labi. Teka, nakalipstick siya ngayon! Kaya pala mukhang fresh na fresh siya ngayon. Kasi kahapon halata na may konting makeup ito pero sigurado akong wala siyang lipstick no'n. Ang labi lang ata niya kahapon ang hindi napahidan. Ngayon naman ay may kakaiba sa kaniya dahil mukha na siyang hindi na bored sa itsura niya.
Nakabun din ang mahaba nitong buhok. Her expression is still the same. Hiding her facade makes her more look interesting. She has complicated emotion that is too hard to read kahit pa mag mukha siyang bored mahirap pa rin basahin.
Her action seems limited. She's cute when she's discussing with her hand to express herself for her.
Damn! She's hot!
Ibang iba talaga siya pag nasa harapan na at iisipin mo talagang matagal na siyang nagtuturo dito sa galing niya at sa katalinuhang meron siya.
"Alright! We are now done with the lesson for today and make sure to do your assignment. I'll collect it on Wednesday and I'll create a group chat. I'll disseminate a form for all of you to fill out. So class dismissed."
Assignment?
Wait, dismissed na? Bakit parang ang bilis naman? Parang kakaumpisa lang ng klase hindi ba?
Gano'n ba ako kalutang kaya hindi ko napansin ang oras?
"Miss Gabriel, stay for a moment." Napatingin ako kay Ma'am Liandro ng tawagin niya ang pangalan ko. Pagagalitan ba ako nito kasi hindi ako nakinig sa klase? Napangiwi ako mentally.
Mukhang nakita niya ang pagiging lutang ko at kakatitig dito.
"See you at lunch bhe! Good luck!" Natatawang umalis sina Carli. Naiwan naman si Leo kaya tinaasan ko ito ng kilay. Akala ko ay aalis na siya pero lumapit pa ito sa akin para bumulong sa akin.
"Sunggaban mo."
"Tangina mo talaga Leo!" Hindi ko napigilan na magmura ng ngumiti pa ito ng nakakaloko sa akin. Bwisit talaga siya kahit kailan.
Nagmamadali naman siyang tumakbo palabas kasabay ng iba pa naming mga kaklase.
Mahina akong napapaungol dahil sa inis. Napapapadyak pa ako dahil sa mga kalokohan nila.
Natigil lang ako ng mapansin kong masama na ang tingin at aura ni Miss Liandro.
Patay na naman ako dito dahil napalakas ang pag mumura ko.
"Didn't I tell you to watch your mouth, Miss Gabriel?" Napangiwi ako sa narinig. "You keep cursing every time. Come here." Nahihiya akong lumapit dito habang nakayuko. Nakakahiya naman kasi talaga.
Magmumura na nga ako tapos professor pa ang makakarinig. Ang problema ay si Miss Liandro pa talaga ang nakakatiming na makarinig nito.
Mamaya ang kalabasan ay masama pa ako nito dahil sa ugali kong 'yon.
"S-sorry, M-miss. Si a-ano kasi e." Napakamot na lang ako sa kilay dahil sa inis na naramdaman kay Leo. Hindi ko alam kung paano mag e-explain dahil lalabas na pointless din. "Bakit po pala, Miss?" Tanong ko.
May parang hinahanap na ito sa bag niya kaya hinintay ko na lang siya.
"I think this is yours." Napatingin naman ako sa binaba niya sa table bago ako tumingala para tignan siya.
Binaba niya ang isang notebook na kulay itim at may sulat sa harap na 'Lotus'. Kilala ko ang notebook na 'to.
Tumango ako at inabot ito. Para makasiguro ay binuklat ko pa para makita ang laman. Oo nga, sa akin nga talaga ito.
Pero paano naman napunta sa kaniya ang notebook ko? Ilang araw ko ng hinahanap ito e. Tapos hindi ko mahanap kahit na baligtarin ko pa ang condo ko.
"Thank you, Miss Liandro. Sa akin nga 'to at medyo matagal ko na rin hinahanap e. Saan niyo po napulot?" Nakakapagtaka naman kasi na sa dinamirami ng tao dito sa eskwelahan ay sa kaniya pa talaga napunta.
Hindi ko rin ine-expect na siya ang magbabalik sa akin.
"Library." Library?
"Library, Miss?" Tanong ko. "Hindi pa po kasi ako nagpupunta ng Library."
"I don't know." Natigilan ako. Ano daw?
Hindi ko siya maintindihan bigla. Sabi niya library tapos ngayon 'I don't know' na daw.
"E 'yong totoo Miss?" Ngumiti ako sa kaniya ng nagtaas siya ng kilay sa akin.
Ang galing na gumaganda siya lalo kahit na nakataas ang kilay. Ano bang klaseng babae ito at lahat ng ginagawa ay maganda pa rin.
"Ano, sige na nga po. Salamat na lang ulit Miss Liandro!" Nilakihan ko ang ngiti ko sa kaniya. Natutuwa kasi ako sa itsura nito.
"Take care of your things, Miss Gabriel." Tumango ako ulit sa kaniya at tumitig. Mas maganda pala siya sa malapitan no? Kaso ngalay naman ang makukuha ko sa kaniya.
"Miss, ayaw mo bang mag flats? Kasi nahihirapan akong nakatingala sa iyo e." Kamot ulo kong komento. Mataas na naman kasi ang heels niya e.
"Ako pa ba ang mag a-adjust? You're just short." Magsasalita pa sana ulit ako para depensahan ang sarili ko kaso nagsalita na naman ito. "Don't you have any class?" Napatingin ako sa malaking orasan sa taas ng itim na board.
Malapit na pala akong ma-late.
"Oo nga po pala. Sige po ma'am mauna na ako. Salamat po ulit dito ha?" Tumango ito habang seryoso pa din ang mukha. Palabas na ako ng may maalala ako kaya lumingon ako ulit dito.
Halata din ang pagkunot ng noo niya.
"Ang ganda mo today ma'am." I winked at her at mabilis na tumakbo paalis.
Ramdam ko ang pamumula ng pisngi ko habang tumatakbo paakyat ng 3rd floor. Gumagamit lang naman kasi ako ng elevator pag sa mataas na floor na ang punta ko o sa rooftop na.
Well, okay na rin nakausap ko si Miss Liandro. Bonus na doon ang notebook kong naging dahilan para kahit papaano ay natulungan akong makausap siya.
Oo, gusto ko kasi siyang makausap.
Dahil may gusto akong malaman. Hindi ko naman inakala na ngayon na pala 'yon.
Malapit na ako sa sunod na klase ko ng tumigil ako sa pagtakbo.
Nakita ko ang isang babaeng ang ganda ng lakad suot ang uniform ng mga taga Argenti Building.
Tumigil naman ito hindi kalayuan sa kinatatayuan ko.
"Alexandria." Napalunok ako sa lamig ng boses niya. As usual, malamig talaga ang boses ng drummer sa banda namin.
And yes, kabanda ko ito dito sa University. Drummer siya at isang babae.
"Alicia." Halos manginig ang boses ko sa pagbanggit pa lang ng pangalan niya. "Anong— anong ginagawa mo dito sa Aurum?" Lakas loob kong tanong.
Alam kong dapat ay komportable ako sa kaniya dahil sa kabanda ko siya at kilala pero tinatalo kasi ako ng lamig sa boses nito.
At tsaka may kasalanan kasi ako sa kaniya kaya ganitong kinakabahan ako.
"I came here to find the VP of Student Council. Don't you have any class right now, Alex?" Napabuntong hininga na lamang ako. "And I want to ask Prof if he can back out in the battle of the bands."
Sure talaga akong ayaw din nila na matuloy ito. Kahit ang iba pang kasama sa banda ay ayaw rin nila.
"Baka pumayag din siguro si Sir kung magmakaawa tayo—"
"No. I'm going to talk to him. You're late for your class." Napasapo ako sa noo ko.
Late na nga talaga ako sa klase ko.
"Mauna na ako sayo, Alicia." Paalam ko sa kaniya na ikinatango na lamang niya.
Nagmamadali akong iniwan siya doon at nagpunta sa klase ko. Gaya ng inaasahan ay late nga talaga ako at napagalitan pa ng prof namin.
Hindi ko naman sinasadyang ma-late.
At mas lalong hindi ko inaasahan na makikita si Alicia dito sa Aurum dahil sa Argenti sila.
Bahala na.