Jordan's Pov
Nagising na naman ako na sobrang ingay sa bahay. Lasing na naman ang tatay ko. Hindi ko na alam kung dahil pa ba kay Nica yang pinag iiinom nya o dahil sa sobra na ang pagkalango nya sa alak.
"Nasan ang walang hiyang babaeng yan! Ilabas mo yang magaling mong anak Minda! Kahit kailan ay hinding hindi ko matatanggap na anak ko yan dahil sa ginawa nya kay Nica!" sigaw ng tatay ko.
"Tumigil ka na Lando!" pag aawat ng nanay ko.
"Tay! Nakakabulahaw na tayo sa ibang tao. Tumigil na po kayo. Pwede ba! Huwag na kayong uminom kung magwawala na lang kayo palagi." rinig kong sabi ni Dina. Napabalikwas ako ng bangon ng marinig ko ang isang malakas na kalampag.
Nakita ko na napaupo si Jude. Hinahampas ito ng tatay ko ng sinturon. Dali dali akong lumapit at sinangga ang hampas na dapat ay sa kapatid ko.
"Ano ba tay! Hindi ba kayo titigil? Bakit kailangan nyong saktan ang mga kapatid ko?" sigaw ko. Grabe ang sakit ng likod ko sa hampas ng sinturon.
"Lahat kayo mga walang kwenta!" sigaw nya.
"Sige sino ang anak nyo na may kwenta? Yung paborito nyong anak na nagpakamatay?" galit na tanong ko.
"Nang dahil sayo kaya siya nagpakamatay! Malandi ka kasi!" galit na sabi pa ng tatay ko.
"Malandi? Yang Nica nyo ang malandi! Kung hindi siya pumatol sa boyfriend ko ay hindi siya mabubuntis." galit na sabi ko.
"Kung pinagbigyan mo na lang sana ang kapatid mo at pinakiusapan yang boyfriend mo eh di sana ay hindi nagpakamatay ang kapatid mo." sigaw ni tatay.
"Bakit nyo ako sinisisi sa nangyari? Kasalanan ko bang hindi siya gustong panagutan ng taong iyon! Kasalanan ko ba na ayaw nya makinig? Ako nga hindi bumukaka sa taong iyon at sya nagpabuntis pa. Ngayon sino ang malandi!" sabi ko.
"Gumawa ka sana ng paraan mabuti. Pinabayaan mong mamatay ang kapatid mo! Kaya kasalanan mo!" sigaw pa nya.
"Tama na Lando!" awat ni nanay. Nag iiyakan na ang mga kapatid ko.
"Ayokong magsalita ng masama sa kapatid ko dahil patay na siya pero ang tanga nya. Kinitil nya ang buhay nya at ng anak nya dahil sa katangahan nya. Ako na ang niloko ng dalawang iyon tapos ako pa may kasalanan sa pagkamatay nya? Nakakatawa kayo!" galit na sabi ko. Hinampas pa ako ng sinturon ng tatay ko. Hindi ako umiyak at umaray. Tiniis ko lahat dahil sobrang galit ko sa kanya. Ayokong makita nya na umiiyak ako.
"Ate!" sabay na sigaw nila Dina at Jude.
"Tama na Lando!" sigaw ni nanay. Tumigil naman siya.
"Tandaan nyo yang ginawa ninyo. Wala na kayo sa ayos. Kaming buhay, matino at nakakatulong sa inyo ang ginaganito nyo. Samantalang ang taas ng tingin nyo sa malanding anak nyo na nagpakamatay! Hindi ko na kaya pang mamalagi ang mga kapatid ko sa inyo. Sasama ba kayo sakin Dina at Jude? Eh kayo nanay?" tanong ko sa kanila.
"Sasama ako ate huhuhu!" iyak na sabi ni Jude.
"Ako din ate Jordan." naiiyak na sabi ni Dina.
"Ikaw nay?" tanong ko.
"Dito na lang ako sa tatay nyo." sabi nya.
"Mas pinipili nyo ang tao na yan kaysa sa amin. Bahala kayo." walang kabuhay buhay na sabi ko.
"Dina, Jude, magsimula na kayong mag empake at aalis na tayo." sabi ko sa kanila.
Napalingon ako sa tatay ko na nakahiga sa sofa. Kaya pala hindi na naimik dahil nakatulog na.
Ganyan kami palagi. Galit na galit ang tatay ko sakin dahil sa nangyari kay Nica ang kapatid ko na sumunod sa akin. Si Dina ang pangatlo at si Jude ang bunso at nag iisang lalaki sa aming magkakapatid.
Umalis kami ng bahay na hindi ko alam kung saan kami pupunta. Naglakad lakad kami baka makakita ng mauupahan. Napadaan kami sa isang simbahan at duon muna pansamantalang nagpahinga. Tinawagan ko si Alex para maitanong kung pede ang mga kapatid ko pansamantala.
"Oh pinsan, bakit ka napatawag?" tanong nya.
"Nagising ba kita? Nasaan ka? Insan, lumayas na kami sa bahay at kasama ko ang mga kapatid ko." sabi ko.
"Ano? Bakit? May ginawa na naman ba yang tatay mong lasenggero? Asan ba kayo at pupuntahan ko kayo dyan." sabi nya.
"Nasa simbahan kami. Antayin ka namin dito at saka ko na sasabihin sayo ang nangyari." sabi ko. Pinatay na ni Alex ang tawag pagkatapos nyang marinig kung nasan kami.
"Anong ginagawa nyo dito Jordan? At bakit may mga gamit kayong dala?" tanong ni kuya Oliver.
"Ah eh kasi...." yan lang ang lumabas sa bibig ko dahil hindi ko alam ang sasabihin ko.
"Jordan, magsabi ka sa akin ng totoo. May hindi ba magandang nangyayari sayo o sa inyo? Alam mo naman na concern ako sayo dahil parang kapatid na din ang turing ko sa inyo ni Alex.
"Inaantay lang namin si Alex. Ikaw bakit ka nandito?" tanong ko.
"Inaayos ko lang ang mga kakailanganin ng grandparents ko dito sa simbahan. Nagbayad na din ako. Jordan, kung handa ka nang magkwento nandito lang ako ha." sabi  ni kuya Oliver.
"Sige na kuya Oliver, baka hinihintay ka na ni Ella. Mamaya punta na lang ulit kami dun." sabi ko.
Nang umalis si kuya Oliver ay saka tumulo ang luha ko. Gustong gusto kong sabihin sa kanila pero ayaw kong magkagulo pa. Ayokong makulong si tatay, kahit naman ganun yun ay tatay ko pa din siya. Ayoko ding sabihin sa pamilya ni Ella dahil sobra na silang nagdudusa.
"Ano na naman ang nangyari?" tanong ni Alex na kakapasok lang ng simbahan.
"Kuya Alex, pinalo kami ng sinturon ni tatay.
"Ano? Grabe na talaga ang tatay nyo. Kung ako lang talaga ay papakulong ko na yang tatay nyo o di kaya ay ipapasok ko sa rehab." sabi ni Alex.
"Pakiusap, huwag naman. Ayoko namang makulong ang tatay ko." sabi ko.
"Eh ano? Aasa na lang kayo sa himala? Kala mo ba magbabago pa ang tatay nyo? Patingin nga ng mga latay nyo." sabi ni Alex. Pagkatapos ay pinakita ng dalawa kong kapatid ang mga latay nila.
"Grabe mga latay ng mga kapatid mo! Yan ba ang gawain ng isang ama? Dapat pa bang kaawaan yang tatay nyo? Pero sa mga sarili nyo hindi kayo naaawa. Gumising nga kayo sa katotohanan!" sigaw ni Alex. Kung di ko lang ito pinsan ay babatukan ko talaga to. Aba sigaw ng sigaw sa simbahan.
"Pwede bang makitira muna kami pansamantala sa inyo? Patatapusin ko muna ang libing nila grandma bago ako maghanap ng matitirahan ng mga kapatid ko." sabi ko.
"Ano ka ba! Pwede kayong tumira sa bahay tutal si mama lang naman nandun. Si tita nga pala hindi sumama?" tanong ni Alex.
"Ayaw eh. Dun na lang daw siya kay tatay." sagot ni Dina.
"Naku magagalit ang kapatid nya sa kanya. Naku ewan ko na lanv kung ano ang sasabihin ni mommy kay tita." sabi ni Alex. Kapatid kasi ni nanay ang mommy ni Alex.
Umalis kami sa simbahan at isinama kami ni Alex sa bahay nila. Maliit lang ito kasi dalawa lang sila tita at Alex sa bahay na iyon. At pagwala si Alex ay si tita lang ang naiiwan. Sinabi ni Alex kay tita ang lahat ng nangyari. As usual nag iyakan to the max kami. Tinanggap ni tita ang mga kapatid ko.
"Ano Jordan? Sasabay ka na ba pumunta kina Ella?" tanong nya.
"Oo sasabay na ako. Hintayin mo ako." sabi ko.
"Ate sasama kami ni ate Dina. Tutulong kami sa pagseserve ng mga pagkain." sabi ni Jude.
"Ay pwede! Masyadong marami ang bisita nila kaya naman makakatulong sila dun." sabi ni Alex. Tumango na lang ako.
Nagpunta kaming apat sa bahay nila Ella. Ipinakilala ko ang mga kapatid ko kina tita Letty. Natuwa naman sila sa mga kapatid ko dahil mababait daw at masisipag. May nakakakita ng mga latay ni Jude pero sabi namin ay nabangga lang ito. Magiging issue pa kasi ito. Medyo marami ang tao sa lamay kaya naman medyo nagkakabungguan kapag nagkakasalubong kami. Napaaray ako ng bigla akong mabunggo ni Alex. Natapunan pa ako ng tubig kaya naman umakyat ako para magbihis. Papahiramin daw ako ni Ella ng damit. Nagpunta ako sa isang guestroom duon. Nakatalikod ako kaya hindi ko alam kung sino ang pumasok. Napasigaw ako ng biglang may humawak sa likod ko.
"Aray! Ano ba naman Ella!" sigaw ko. Lumingon ako dito pero laking gulat ko ng hindi si Ella ang pumasok.
"Anong ginagawa mo dito Joseph?" nagtatakang tanong ko.
"Hubarin mo ang blouse mo!" sigaw ni Joseph.
"Lumabas ka na nga. Pwede ba hindi ako nakikipagbiruan sayo. Magpapalit na ako ng damit!" naiinis na sabi ko.
"Patingin muna ako ng likod mo. Kanina pa kita pinagmamasdan kaya alam ko na may problema sa likod mo. Kanina ka pa naaray. Maghuhubad ka ba o pwersahan kitang huhubaran? Hindi ako nagbibiro. May mga latay ang mga kapatid mo kaya gusto kong makita ang likod mo!" galit na sabi ni Joseph.
"Ayoko!" matigas na sabi ko.
"Huwag mo akong galitin. Gusto mong  sapilitan kitang hubaran?" banta nya.  Wala akong magawa kundi sumunod nakita ko kasi sa mga mata nya na seryoso si Joseph. Tumalikod ako at naghubad ng blouse.
"Wtf! Sino may gawa nyan?" sigaw nya.