"You two squat there until my class is over! do you understand?!" mataras nitong sabi at nakataas ang isang kilay.
"O-opo mam." Sagot nilang pareho at pagkatapos ay bumalik na ito sa loob ng classroom nila.
"Ano raw? naitindihan mo ba yung sinabi n'ya?" bulong ni Kim sa kaibigan pero umiling lang siya ng ulo at syaka nila sabay itinaas ang dalawang braso habang naka-bend down ang dalawang tuhod.
"Ewan ko rin e, squat lang ang naiitindihan ko." Ang sabi na lang niya.
"Furi, ano pala ang kakainin natin mamayang recess?" tanong ni Kim sa kaniya.
"Ewan ko nga e, nagugutom na ako." Mahinang tugon niya sa kaibigan.
"Ako nga. Parang gusto ko tuloy kumain ng siopao."
"Anong palaman pala ang mas gusto mo sa siopao? asado o bola-bola? isa, dalawa, tatlo!"
"Asado!" sabay nilang sabi pero mahina lang tapos napangiti silang dalawa.
"Hindi nakakapagtaka, magkaibigan nga tayong dalawa." Pabulong na sabi ni Furi kay Kim.
"Coke o sprite?"
"Coke!" sabay ulit nilang sabi.
"Parang gusto ko rin kumain ng sundae," ani ni Kim at tumigin siya kay Furi.
"Isa, dalawa, tatlo!"
"Chocolate!" ang sinabi Furi samantalang, "Strawberry!" naman ang kay Hani.
"Uy, mas masarap kaya yung chocolate flavor." aniya sa kaibigan.
"Hindi kaya! mas masarap ang strawberry flavor no!" sabay binelatan pa siya ng dila ni Kim.
"Nakakatawa ka mukha kang pitbull!" pang-aasar niya pero hindi naman ito nagpatalo sa kaniya kaya inasar din siya nito.
"Kesa naman sa'yo mukhang kwago! laki mata!" sabay tawa niya.
"Ah gano'n? sige, humanda ka sa akin ngayon!" seryosong sabi niya habang tinataad ang mangas ng kaniyang uniporme sa braso.
"Si Matt!" biglang turo naman ni Kim sa gawing likuran niya.
"Weh? hindi mo na ako maloloko kala mo."
"Hindi kita niloloko, papunta rito ngayon si Matt." Mahinang saad pa rin niya at syaka naman lumingon sa likuran si Furi. Halos nanlaki ang mga mata niya sa gulat nang makita niyang si Matt nga ang tinutukoy nito at papunta ngayon sa direksyon nilang dalawa.
"A-anong gagawin ko? p-paano kung makita n'ya akong ganito? nakakahiya!" natatarantang aniya sa kaibigan habang inaayos niya ang buhok at bangs sa noo.
"Yumuko na lang tayo, para hindi n'ya makita ang mga mukha natin." Pagkasabi niya ay napayuko na lang silang pareho. Dumaan naman si Matt sa harapan nilang dalawa at pumasok ito sa loob ng classroom nila.
"Teka, pumasok siya sa loob?" pagkasabi ni Furi ay mabilis silang sumilip sa may bintana at tinitignan nila ang binata. Napansin nila na isa-isa nitong inaabot ang exam papers sa mga kaklase niya.
"Ano yung binibigay niya?" nagtatakang sabi ni Kim.
"Pss! uy, ano 'yang hawak mo?" tawag ni Furi sa kaklase nilang nakaupo malapit sa may bintana.
"Test paper." Sabay ipinakita niya sa dalawa.
"By the way Matt, there are two more girls outside this class room. Pakibigyan mo na nga rin sila ng test paper." Utos ni Mrs. Chili sa binata at kaagad naman silang bumalik sa pagkaka-squat nila kanina nang marinig nila ang sinabi nito.
"K-kim! ano raw ang sabi ni Mrs. Chili?" tanong ni Furi sa kaniya.
"Hindi ko rin alam e, pero parang may inuutos siya kay Matt."
"Ano daw 'yon?"
"Ewan ko, hindi ko alam. Ayan na s'ya!" pagkasabi niya ay yumuko ulit silang dalawa.
"Heto, test paper." Sabi ni Matt sa kanila at una niyang inabutan ng test paper si Kim.
"Salamat." Nahihiyang aniya at sunod niyang nilapitan si Furi na todo ang pagyuko na halos hanggang tuhod na niya.
"Oh," abot niyang sabi sa dalaga habang kinakapa naman nito ang ibinibigay niyang test paper.
Nasaan na 'yon? ang sabi nito sa kaniyang isipan at patuloy pa rin niyang kinakapa kung nasaan na ang test paper na inaabot nito sa kaniya.
Nakakainis naman e! bigla tuloy siyang napatingala at nagulat nang makita niya ng harap-harapan si Matt na nakatitig sa kaniya habang nakalagay ang dalawang kamay sa likod.
"Oh," muli siya nitong inabutan ng test paper na may guhit ng ngiti sa kaniyang labi. Napanganga at natulala na lang ang dalaga habang kinukuha ang binibigay nito sa kaniya.
Sinundan pa niya ito ng tingin hanggang sa makapasok siya ng classroom nila.
"Wow Furi!" sabay napatingin siya kay Kim na nakaupo sa sahig at naka-tumbs up pa sa kaniya.
Bigla namang nirolyo ni Furi ang test paper at pinamulsa sa kaniyang palda.
"Anong ginagawa mo?" pagtataka ng kaniyang kaibigan.
"Huwag kang madamot, share na lang tayo d'yan." Sabay umupo siya at tumabi kay Kim na hanggang tenga ang pag-ngiti.
"Teka nga lang. Huwag mong sabihing iuuwi mo 'yang test paper?" gulat ngunit pabulong nitong sabi. Hindi naman siya sinagot ni Furi bagkus ay ningitian lang siya nito.
Napapailing na lang ng ulo si Kim sa kabaliwan ng kaniyang kaibigan at itinuonan na lamang niya ng atensyon ang test paper na hawak.
xxxxxxxxxxx
(Sa School supplies shop)
"Ano kaya ang mas magandang kulay? ano sa tingin mo?" tanong ni Furi sa kaibigan niyang si Kim habang namimili sila ng picture frame na nasa harapan nila.
"Aanhin mo ba kasi yung picture frame?" usisa nito sa kaniya.
"Wa-wala lang."
"Sus, kunwari ka pa! sigurado naman ako na lalagyan mo lang ng picture frame yung test paper na inabot sa'yo kanina ni Matt!" pagkasabi niya ay tumalikod na lang siya at iniwan ang kaibigan.
"Huy, teka lang! tulungan mo akong mamili dito!" tawag niya pero hindi siya nililingunan nito at dinededman lang siya. Kaya muli na lang siyang tumingin sa mga picture frame at napakamot sa kaniyang ulo.
"Pwede na siguro 'to? teka, kasya kaya 'to sa loob?" ilalabas na sana niya yung test paper mula sa bulsa ng kaniyang palda, pero binalik din niya ito kaagad nang makita niya si Matt na kasama ang ilang mga kaklase nito.
"Ays! kamuntikan na!" bulong niya sa sarili sabay kumuha siya ng isang picture frame at dali-dali siyang nagtungo sa kabilang pwesto. Kung nasaan naman si Jeff na kasalukuyang namimili ng i.d lace strap.
"Oh? siya na naman?" ang sabi naman ng binata habang pinagmamasdan niya ang dalaga na tulirong naglalakad sa direksyon nito.
"Anong ginagawa niya?" pagtataka niya ng mapansing panay ang paglingon nito sa likuran at hindi tinitignan ang kaniyang dinaraanan.
Bigla tuloy umiral ang pagkapilyo nito at naisipan niyang banggahin siya ng pasadya upang inisin muli ang dalaga.
"Aray ko!" sigaw niya ng maapakan nito ang kaniyang kanang paa, kaya kaagad itong napalingon sa kaniya at nagulat nang makita si Jeff sa kaniyang harapan.
"Ikaw na naman?!" aniya at nakaturo pa siya sa binata.
"Gan'yan ka ba talaga mag-sorry sa taong naapakan mo ng paa?"
"Ba-bakit ka kasi nandiyan? umilag ka na lang sana!"
"Wow naman! ikaw na nga 'tong nakaapak sa akin, ikaw pa 'tong galit." Aniya pero panay pa rin ang paglingon ni Furi sa kaniyang likuran.
"Teka, kanina pa kita napapansin na parang may tinataguan ka. Sino ba 'yon ha? syota mo ba?" pang-aasar nito sa kaniya pero bigla naman siya hinaharangan ng tingin ni Furi at itinataas pa ang dalawang braso niya upang hindi nito makita sina Matt na nasa likuran lang din niya.
"Huwag kang magulo, hindi ko makita." Saad niya habang nawiwili naman si Jeff sa pang-aasar sa dalaga.
"Wala sabi 'yon e!" sigaw ni Furi habang tinatalunan niya ito upang harangan ng tingin. Subalit sa kasamaang palad ay bigla naman tumagilid ang isa niyang paa niya, kung kaya't na-out of balance siya pero mabuti na lang ay mabilis din siyang nahawakan ni Jeff sa kaniyang bewang niya.
Nagkataon namang napalingon sina Matt sa direksyon ng dalawa habang nakatitig sila sa isa't-isa.
"Hindi ba't si Jeff 'yon? sino naman kaya yung babaeng kasama niya?" ani ni Trixie, isa sa mga kaklase ni Matt at close friend niya.
"Bago na naman ba yung girlfriend niya?" pagtataka namang sabi ng isa pa nilang kasama.
"Sa ibang shop na lang tayo pumunta." Biglang sabi ni Matt at padabog na ibinalik ang notebook na hawak niya kanina.
"Huh? sandali lang, Matt!" sumunod naman sina Trixie sa kaniya. Habang naiwan pa rin tulala at magkatitigan ang dalawa na sina Jeff at Furi.