MIRA P.O.V.
"Mira anong ginagawa mo? Huyyy!"
Sakit sa tenga ng boses nitong babae na toh talaga eh. Nananahimik ako tapos ganiyan nanaman siya. Tapos malalaman ko nalang may utang na loob na pala ako sa kaniya.
"Bakit ba? Ang ingay mo! Di ako makafocus!"
Seryoso naman akong tinignan nito.
"Okay ka lang ba? Sabihin mo anong problema?"
Napakunot naman ang noo ko. Anong problema? Eh siya nga itong may problema dahil ang ingay ingay.
"Wala akong problema. Ano bang sinasabi mo?"
Siya naman ang kumunot ang noo ngayon. Ako naman ay nagtataka sa kaniya.
"Mira. Ikaw ang pinakamagaling sa ating lahat dito pagdating sa code, setting up at sa pagmamanage ng network. Kaya nga hindi ka matanggal tanggal ng boss natin kahit maangas ka umasta. Ngayon, titigan mong maigi yung ginagawa mo."
Saad nito. Ako naman itong uto uto nagtataka ring tinignan ang ginagawa ko. Tinitigan ko itong maigi at doon ay napagtanto ko ang sinasabi niya. Mali ang code na nailagay ko at ang masama pa jan ay sa maling site ko nailagay. Mabuti nalang at hindi ko pa tuluyang naieenter dahil hindi ko na ito mabubura.
Tumingin naman ako sa kaniya at nakita ko ang nag aalala niyang mga tingin. Tinanggal ko ang aking mga kamay sa keyboard at mouse at itinukod sa aking tuhod ang aking palad at yumuko habang hinihimas himas ang aking hita. Bwisit kasi eh!
"Mira. Anong problema? Simula nung pumunta ka sa bahay ko ganiyan kana. Lutang ka. Anong problema?"
Habang nakayuko ay iniisip kong mabuti kung ano nga ba talaga ang nakakabagabag sakin. Simula nung umalis ako sa kweba na yun, hindi nako makapag-isip ng maayos. Tama ako. Dahil sa ahas na yun kaya ako nagkakaganito. Bwisit na ahas na yun talaga. Hanggang dito binubwisit ako.
"May mga fantasy kanang movie na napanood diba?"
Tanong ko kay Irene habang ganon pa din ang posisyon at nakalingon lang ang ulo sa kaniya. Alanganin naman siyang tumango.
"Oo?"
Sagot niya na alam kong may halong pagtataka.
"Naniniwala kaba sa mga fantasy? Naniniwala kaba na may nangyayari talagang ganon sa totoong buhay?"
Napaseryoso itong muli.
"Mira hindi ito ang tamang oras para pag-usapan yan."
"Basta sagutin mo nalang."
Iritable kong sagot. Alanganaman kaseng sabihin ko nalang sa kaniya. Alam ko namang hindi siya maniniwala eh kaya mas maganda kung itanong ko nalang sa kaniya through fantasy na napanood or nabasa niya.
"Ewan ko. I don't really know. May part sakin na naniniwala sa fantasy because of the mermaid and a fairy pero mas lamang sakin na hindi ako naniniwala. Ang mga malabong mangyari sa realidad ay sa fantasy lang natin makikita. Kapag fantasy ang pinaguusapan expect ko na mas marami ang kathang isip kaysa sa makatotohanang nangyayari sa real world. Bakit mo ba kase tinatanong?"
Bumuntong hininga ako at umiling iling. See? Mabuti nalang at tinanong ko dahil masasayang lang pala laway ko kung sasabihin ko sa kaniya.
"Wala. Pagod lang ako."
Muli kong itinutok ang aking paningin sa computer at inayos ang mga mali. Nakikita ko sa gilid ko na nakatingin padin sakin si Irene at mukhang seryoso siya.
"You called me yesterday at sinabi mong sabihin ko sa nanay mong mag-su-swimming tayo. Sabi mo magrerelax ka lang. Ang sabi mo kinabukasan kana uuwi at diretso ka ng papasok. But then you called me again at sinabing magpapasundo ka. Basa pa ang buhok mo non. It was afternoon Mira, afternoon. So papano ka napagod? Kung buong maghapon kang tulog sa bahay ko?"
Okay so I think mali yung palusot ko. Hindi na ko titigilan nito hanggang mamaya.
"Irene wag ka munang maingay pwede? Lalong hindi ako makapag isip ng maayos sayo."
Dahil sa sinabi ko ay alanganin siyang tumingin sa kaniyang computer pero halos hindi niya maalis alis ang tingin niya sakin.
"Magfocus ka d'yan. Wag mokong titigan nadidistract ako."
Sabi ko sa kaniya kaya nagfocus na din siya. Sana lang talaga hindi ko na makita yung bwisit na ahas na yun. Nakaka badtrip.
**************
Uwian na. Uwian na pero wala pa sa kalahati ang natatapos ko. Katabi ko pa din si Irene at pinapanood nalang ako. Tapos na kase siya sa trabaho niya pero ako iilan palang naseset up ko.
"Mira ako na. Sige na. Ako na tatapos niyan para mabilis."
Sinubukan nitong agawin sakin ang mouse pero hindi ko binigay.
"Kaya ko toh Irene. Wag kang mangelam. Umuwi kana kung gusto mo."
Sambit ko ng hindi tumitingin sa kaniya.
"Mira naman. Mapride ka talaga eh noh. Ako na diyan baka maabutan kapa ni sir. Alam mong nagchecheck yung dito tuwing gabi eh."
Inis ko siyang tinignan pero pilit niya pa ding kinukuha sakin ang mouse.
"Tsk! Ako naman mananagot Irene eh. Uwi kana lang don. Di ko naman sinabing antayin moko eh."
"Mr.Fuente goodevening po."
Napatingin naman ako sa lalaking dumating at dumating na nga si Sir Fuente. Ang pinakaboss namin sa lahat.
"Ohh. Ms.Quintos, bakit nandito kapa?"
Hindi ko narinig ang sagot ni Irene sa tanong ni Mr.Fuente pero narinig ko ang papalapit na yapak ni sir.
"Ms.Sanchez? Why are you still here?"
"Pasensya na po sir. Medyo blanko po kase ang utak ko ngayon kaya di ako makapag isip ng maayos."
Bumuntong hininga si sir at tumingin kay Irene sabay tingin ulit sakin.
"Ano gusto mo? Magoover time ka o bukas mo na din yan gagawin? Kaya lang may mga madadagdag bukas."
Tanong ni sir kaya napahilamos ako sa mukha at nilagay ang magkabilang siko ko sa table kung saan nakalagay ang computer at itinukod ang aling palad sa noo. Nakita nila ito ni Irene.
"Ahh sir. Ako nalang po tatapos."
Obvious na talaga. Wala ako sa huwisyo. Nanatili ako sa ganong posisyon at hindi ko man lang narinig na tinatanong na pala ako ni sir.
"Ms.Sanchez? Kanina pa kita tinatawag. May problema ba?”
Napatingala ako kay sir na nakatingin sakin pati si Irene.
"Ahh... Eh wala naman po sir. Medyo blanko lang talaga ang isip ko."
Tumango tango si Sir Fuente at tumingin kay Irene sabay senyas na tapusin na lamang ang trabaho ko. Wala naman akong magawa kundi ang umalis sa upuan ko upang paupuin si Irene. Lumipat na lamang ako ng upuan.
"Ms.Quintos. May pupuntahan pa ako. Ibibigay ko na lamang sayo ang susi ng opisina para ikaw na lang ang magbukas."
"Okay po sir.”
"Thank you. By the way, I have to go. My wife is waiting for me."
Nakangiting tumango si Irene. Si irene lang. Dahil ako nakatukod nanaman ang isang kamay sa noo habang ang siko ay nakatukod sa table. Tulala ako.
"Tapos na. Mauna kana lumabas Mira. Isa-sign out ko lang lahat ng accounts."
Tumango ako habang tulala pa din. Nakakabadtrip talaga yung ahas na yun. Ang sakit pa din ng pagkakauntog ko. Ano ba akala niya? Gwapo siya? Ampangit kaya niya. Gwapo man siya o pangit, halimaw pa din siya at hindi magbabago yun. May pangiti ngiti pa siya kahapon eh. Sarap dukutin ng mata at ipakain sa kaniya.
"MIRA!!!"
Napalingon ako kay Irene noong sumigaw ito at naramdaman ko ang lakas ng hangin ng sasakyang dumaan sa harapan ko. Sobrang lapit na nito at kung hindi naagaw ni Irene ang atensyon ko at nagtuloy tuloy ako sa paglakad baka tumilapon na ko ngayon.
Tumakbo ito palapit sakin at hinila ako sa gilid ng kalsada. Hindi ko namalayan na nasa gitna na pala ako ng high way.
"Ano ba Mira!!! Ano ba ha?! Muntik ka ng masagasaan sa kakatulala mo d'yan!!"
Galit na galit at ninenerbyos na sigaw nito sakin na hindi man lang pumapasok sa kokote ko. Bakit ba kase ako nagkakaganito ng dahil lang sa walang kwentang bwisit na ahas na yun? Hiling ko lang talaga sana hindi ko na makita pagmumukha non dahil dudukutin ko talaga yung dila niyang mahaba kapag nagkita pa kami ulit.