"O, GUARDIE straight duty ka pala ngayon?" Hindi pa nakakababa ng motor ni Red si Euna ay napuna agad niya na hindi pa umuuwi ang night shift guard on duty nang umagang 'yon na pumasok siya sa convenience store na pinapasukan.
"Oo, Euna, wala pa kasing pinadala na bagong makakapalitan ko ang agency. Mamaya pa lang nila ihahatid sa client for interview, kaya paniguradong bukas pa ang start ng duty niyon."
"Ah, so, umalis na si Manong Rob? Nag-retired na siya gano'n? Biglaan naman yata..." Nagtatanong ang tingin na binigay ni Euna kay Red nang iabot niya pabalik dito ang helmet na siyang ginamit niya.
"Ahm, yeah, yeah, nag- resign na si Manong Rob sa agency nila, Babe. Nag- start na siya sa ibang trabaho. Hindi ko pala nabanggit sa'yo na natuloy siya sa trabahong pinaglipatan niya." Nakangiting wika ni Red sa kaniya.
"Ah... talaga... E, 'di, goods naman pala for Manong Rob. Hindi na siya mangangamba na mawalan ng trabaho. Kawawa nga lang 'tong si Guardie."
"Ayos lang, Euna. Naku, wala 'to. Kasali sa trabaho namin talaga ang ganito."
"Pinaidlip ka ba nila Reyna kagabi?" Biro ni Euna sa guard na kintawa lang nito.
Nakakaidlip naman kasi 'to kahit dalawa o tatlong oras. Parang sila rin na mga nagtatrabaho ro'n, wala namang tao na tatagal na nakadilat sa gabi kung kailan dapat na matulog ang mga katawan.
Napalingon si Euna kay Red, na nananatili pa pala ro'n at hindi pa umaalis, nang hilahin nito ang palad niya at halikan ang likod niyon. Isa sa mga gesture ni Red ang gano'n 'pag nararamdaman nito na medyo inis siya or off siya sa nagawa nito. Tulad na lang nang minsan na nagpabaya 'to sa toothpaste, iniwan na nakabukas ba naman at kumalat 'yon sa lababo. Inis na inis no'n si Euna pero isang lambing lang at halik, rumurupok na siya kay Red. Pero alam niyang alam ni Red na iba 'yon sa ngayon.
"Babe, sige na, pasok ka na. Nakalimutan ko lang pong banggitin." Pinisil ni Red ang ilong niya bago siya halikan nito sa noo— sa noo siya hinalikan nito nang hindi mag-initiate si Euna ng goodbye kiss na gaya nang nakagawian nila dahil nagtatampo siya sa boyfriend niya.
Oo, nagtatampo siya na wala itong nabanggit sa kaniya tungkol kay Manong Rob na imposible na makalimutan nito dahil nagtatanong naman siya tungkol 'don na palagi na lang iniiwasan na sagutin nito at iyon ang problema— iniiwasan nitong sagutin kahit hindi man lang sana detalyado ang tanong niya. 
Hindi naman ang pagtulong nito kay Manong Rob na makakuha ng ibang trabaho ang ikinaiinis ni Euna, kundi ang halatang pag-iwas ni Red sa mga tanong niya tungkol do'n.
Ang kaniya lang, bakit nito inililihim sa kaniya kung saan nito inilapit ng trabaho si Manong Rob? Bakit ang bilis naman din na makalipat ni Manong Rob e, narinig niya pa last time na wala 'tong driver's license ah...?
Nakakapagtaka lang.
Kung sasagot naman si Red sa mga tanong niya, hindi naman siya mag- iisip ng kung ano-ano. kaso, mas pinili nito na iwasan ang mga tanong na gumugulo sa kaniya kaya magdusa 'to sa inis niya.
So far, 'yon pa lang ang unang beses na seryoso siyang nainis sa nobyo. Kaya hindi niya 'to tinugon na, inirapan pa niya 'to bago niya tuluyan na talikuran.
HINDI siya nasundo ni Red that night. Nagpasabi naman 'to na hindi makakasundo at may mahalaga lang daw na pinuntahan. Hindi naman 'to ang unang beses na hindi siya nasundo ng boyfriend mula nang maging sila. Hindi rin naman 'too inoobliga ni Euna na sunduin at ihatid siya. Kung hindi man makakasundo ay ang mahalaga lang sa kaniya ay magpapasabi 'to para hindi siya mag- alala. Isa 'yon sa mahalagang 'boyfriend duties' para kay Euna.
Sa relasyon, dapat malawak ang pang- unawa mo at hindi niyo nakakalimutan na habang tumatagal kayo at lumalalim ang kung anong meron sa inyo, may sari- sarili pa rin kayong buhay para hindi niyo nasasakal ang isa't-isa. 'Yon ang isa sa susi para sa healthy na relasyon.
Pero pwede namang magtampo dahil nagtatampo naman na siya kanina pang umaga. Kaya bahala 'to, hindi niya 'to rereply-an hanggang mamaya!
Dahil hindi man 'yon ang unang beses na hindi siya nasundo ni Red, 'yon naman ang unang beses na hindi siya nasundo nito nang may tampuhan sila.
"ANG aga naman niyang Hen's Donuts na 'yan," bati ni Euna sa dalawang pamangkin at kay Reyna kinaumagahan.
Maaga silang nagsisigising sa tuwing araw ng Linggo at nagsisimba kasi silang lahat bago pumasok ang kung sino man sa kanila ni Reyna.
Day off ni Euna gayon at alam niyang dumating sa bahay nila kagabi si Red habang tulog na siya sa kadahilanang namulatan niyang may Hen's Donuts na nilalantakan ang mga kasama sa bahay. 'Yon kasi ang paboritong pasalubong ni Red sa mga 'to sa tuwing paparoon. Kapag umuuwi si Red sa bahay nila nang tulog na si Euna, sa kwarto 'to ni Ian natutulog.
Nakagawian na ni Red na sa kanila paminsanan matulog lalo na 'pag hindi siya nasusundo or pag napag-usapan nila na manood lang maghapon, magdamag ng Netflix.
"Hen's Donuts is life!" Ginulo lang ni Euna ang buhok ng pamangkin na si Arabella bilang tugon. Hindi yata 'to nagsasawa sa pasalubong na 'yon ni Red sa mga 'to.
"Hindi ka na ginising ni Red kagabi at alas onse na siya umuwi rito naman," ani Reyna, makahulugan din siya nitong pinagmasdan.
Euna rolled her eyes. Nasa mga tingin ni Reyna na alam nitong tila may tampuhan sila ni Red.
"Hindi talaga niya 'ko gigisingin kasi hindi ako nag- reply sa kaniya. alam niyang hindi din ako gigising," ngali-ngaling isagot niya kay Reyna, ngunit minabuti na lang niyang ilabas sa problema ni Red ang kaibigan niya.
"Good morning, Babe..."
Hah! gising na pala ang damuho! at ngayon ay pinagtimpla pa siya ng kape at nilapag 'yon sa harap niya, parang kakapasok lang niya ng banyo ay nagising na 'to.
Tumikhim si Reyna upang kunin ang atensyon nila. "Ah, maiwan na muna namin kayo rito, bibihisan ko lang ang mga bata sa 'taas at nang makagayak na sila," paalam ni Reyna, na hindi naman hinintay na ang sagot sa kanila ni Red, inakay na nito sina Ian at Arabella paakyat.
Napuna ni Euna na nakagayak na si Red. Handa na 'to sa pagsama sa kanila sa pagsimba, nauna pang gumayak sa kaniya nga. Siya na lang pala ang hindi pa nakagayak para magsimba.
Mukhang misa na ng alas otso ang aabutin nila at mag- iinarte pa siya nang kaunti sa boyfriend— naman! At alam niyang alam ni Reyna 'yon kaya iniwan sila nito.
Nang ilapit ni Red ang inuupuan niyang monoblock chair palapit sa gawing likuran ni Euna, naamoy niya kaagad na bagong- ligo nga ang jowa niya— na ngayon ay nakapulupot na ang mga braso sa bewang niya at nakadantay ang chin sa kaniyang balikat— kaya mas lalong nalanghap niya ang bango nito.
Shocks, nakakahiya sa amoy niyang amoy panis na laway pa!
Akmang tatayo sana si Euna para lumayo kay Red at nang makaligo na siya, hindi siya hinayaan nito, na inaasahan naman na niya. Mag-iinarte nga siya kasi 'di ba? Humigop na lang si Euna ng kape bilang indikasyon na hinihintay niyang magsalita ang nobyo.
"Babe, I'm sorry, something important came up yesterday night..."
Lihim na inungusan ni Euna ang pagsasalita na naman ni Red ng wikang Ingles. Hindi lang niya alam kung nakakatunog ba 'to o hindi, na pinagtatakhan niya ang fluent na pagsasalita nito ng English.
Hindi naman sa minamaliit niya ang boyfriend pero for a rider job? Kung ganoon naman pala ka- fluent mag- English 'to, aba, pwede pa sanang iba ang trabaho na kinarir nito. Ang Pilipinas pa naman ay isa sa bansa kung saan 'pag magaling kang mag- English, angat ka at kapag nagkamali ka sa salitang 'yon, iba- bash ka na at gagawing katatawanan.
"Na sasabihin ko sa'yo, soon. Sa ngayon kasi mahirap pa na i- explain. I hope you'll understand me, Babe, but promise, soon, very very soon, sasabihin ko rin sa'yo," dagdag pang pakiusap ni Red sa kaniya.
Isang sulyap na pinaparating ni Euna na sa nobyo na nagtatampo siya rito lang ang tinugon niya. So, hindi pa 'to handa na sabihin sa kaniya, so, kailan pa kaya 'to magiging handa?
"Babe, I'm really sorry..." Dinampian ni Red ng mumunting halik ang palad niya at pinisil-pisil nito 'yon habang paulit-ulit 'tong nagso-sorry.
Naiinis na binawi no Euna ang palad niyang hawak ng nobyo. "May karugtong pa ba yan, Red? Kung wala na ay hayaan mo 'kong makatayo na. Magsisimba pa tayo."
Buntong-hininga na hinayaan na siya ni Red na makapag- banyo. "Yeah, I'll wait for you here."
  Hindi na pinansin ni Euna ang huling tinuran ni Red sa kaniya dahil naiinis siya talaga. Hindi niya alam kung ano na ang kaniyang iisipin. Kung patuloy pa ba niyang iisipin ang mga pagtataka na nararamdaman niya o hahayaan na lang niya ang nobyo sa trip nito, as long as hindi naman malaking bagay ang pagkukulang nito sa kaniya—o hindi nga ba?
Kung maliit na bagay lang 'yon kasi para kay Red ay bakit hindi nito masabi-sabi sa kaniya ang tungkol do'n? As if hindi niya naman 'to mauunawaan.
At bakit gano'n na lang kung tumingin 'to? Na parang nagpapaunawa ngang talaga. Na parang hinihiling na balewalain niya na lang sana ang kung ano man na 'yon.