Ikatlo
"KANINA KA pa walang kibo dyan ah? Ngayon mo lang ba narealize na gwapo ako?" Hindi ko pinansin ang sinabi ni Wantripor. Hindi parin kasi ako matauhan. Hindi ko alam kung ano nang nangyayari sakin.
Relax ka lang Kaye. Kakakain mo yan ng kangkong eh.
"Hoy! Anong ganap mo sa buhay? Mananatili ka na lang bang ganyan? Malalagot ako nito kay Master eh" Epal talaga to kahit kailan. Walang magawa sa buhay.
"Anong gusto mong gawin ko? Tumawa sa sitwasyon na to? Nako buti na lang hindi ko dinala yung daster ni nanay"
"Ano ba gusto mong mangyari ngayon? Simot na laway ko sayo, kanina ka pa nakatulala dyan eh"
Napanguso na lang ako saka sinabi ang gusto kong mangyari. "Ipaliwanag mo na kasi sakin lahat Wantripor, para naman hindi na maging magulo isipan ko"
"Yan! Yan ang kanina ko pa gustong marinig sayo! Ba't ngayon mo lang naisip yan?"
"Mukhang napasobra ka ata sa kape. Tinanong ko na yan sayo kanina! Pero anong sinabi mo?" Sabi ko at ginaya ang postura niya. "Ipapaliwanag ko sayo mamaya" Dugtong ko na ginaya pa ang boses niya.
Bahagya pang nangunot ang noo niya na parang inaalala ang mga naganap kanina at saka napapitik na lang sa hangin.
"So saan natin pag uusapan?" Tanong nito. Ako naman ang nangunot ang noo.
"Anong saan? Kailangan ba may lugar? Dito na lang"
"Wag dito! Dapat sa memorable! Ngayon lang ako magtatapat sa hindi namin kauri tungkol sa aming secret noh"
Napangisi ako ng may nagpakita sa utak ko. Sakto pa at nakita ko pa sa gilid ng mata ko. Yung tipong ilang taon mo na gustong mapuntahan tapos dito mo pala siya malalasap.
"Bida ang saya"
"Ang pangit mo talaga pumili ng taong papasukan noh?" Inis na sambit ko lay Wantripor.
"Kasalanan ko bang ito lang ang laman ng bulsa niya?" Inis ring sambit sakin ni Wantripor saka sumubo ng yumburger daw tawag doon.
Paano ba naman kasi, andami dami na naming inorder doon sa pilahan ng jolibee tapos nung bayaran na, 150 pesos lang pala ang laman nang wallet ng pinasukan niyang pulis. Buti na lang hindi nainis yung taga order, inulit niya ulit. Tig isang burger lang kami. Kaya ayun, first time ko pa man din dito tapos, epic fail pa.
"Andami-dami kasi dibang mumurahing kainan sa tabi tabi, dito pa sa malaking bubuyog na may malaking tiyan pumunta" Sabi nito saka humigop ng malamig na tubig. Panulak ng chibog.
"Sige na sige na, bago muna tayo magsimula, Nero na lang muna ang itatawag ko sayo, masyadong nakakailang kapag number eh"
"Ba't Nero?" Tanong nito.
"Nero dahil uhmm...numero kasi ang pangalan mo tapos pinaikli ko lang yung nero sa numero" Sabi ko saka tumingin sa kanya."Ayos ba?"
Bigla siyang nag-isip pagkatapos ay ngumiti. "Pwede na!"
"Oh ano na? Paubos na burger ko, magpaliwanag ka na!"
"Ok ano ba gusto mong malaman?"
"Lahat, gusto ko malaman lahat" Sabi ko saka humigop din ng tubig. Nainis na lang ako ng maramdamang hindi naman malamig ang tubig ko.
"Sige, teka sisimulan ko sa organisasyon namin, makinig ka"
"Ok go na"
"Meron kaming organisasyon, kaso walang pangalan. Wag ka na magtanong dahil ang sagot, tamad daw si Master magbigay. Mas madali pa daw ang mangulangot kaysa daw mag isip ng pangalan ng organisasyon namin". Umpisa pa lang, napangiwi na ako. Hindi aasenso yung organisasyon nila.
"Oh tapos?"
"Yun nga, ang organisasyon namin ay sobrang laki, as in. Parang isang bilyon ata bilang namin, ganon. Ang organisasyon namin ay itinayo para protektahan ang mga kuwento, parang ganon"
"Ipaliwanag mo nga, naguguluhan ako"
"Simula't sapul na simulan ng akda ang kwento nila, alam na namin ang mga bida. So, kunwari kapag may ginawang masama si Akda doon sa bida, parang challenge ba ganon, kami ang nag-aayos non"
"Ba't naman may mga akda na ipapahamak ang mga bida nila?"
"Para maintriga, yung mga nagbabasa na mga katulad mo. Tapos biglang madami ng magbabasa kasi nakakachallenge daw yung kwento"
"Saan kayo kumikilos?"
"Ahm, kumikilos kami kapag yung akda ay may balak na masama sa kaniyang bida, yung parang papatayin siya o kaya papalitan na ng bago"
"Ngeks, dapat hindi kayo nangingialam sa may akda, kwento niya iyon eh. Kung anong gusto niya sa kwento niya gagawin niya" Sabi ko na susubo sana kaso nakita kong ubos na pala ang burger ko.
"Hindi mo naiintindihan, kada isang kwento kasi, may isang katulad ko nagbabantay ng kwento. Kapag yung akda ay pinalitan or tinanggal yung bida nung kwentong binabantayan ng isa saamin, napaparusahan kami"
"Anong parusa?"
"Maglalaho kami kasama ng bida nung kwento" Hindi ko alam pero kinabahan ako sa sinabi niya.
"Bakit niyo ba ginagawa ito"
"Dahil once na maglaho kami, magugulo na yung kwento"
"Ahh okay, medyo may pumapasok na sa utak ko, tapos?"
"Yun nga, nakakaramdam si Master ng panganib sa mga kwento kaya kapag may masamang mangyayari sa loob ng kwento, kumukuha siya ng mga taong nagbabasa doon sa mundo niyo tapos papapuntahin kayo dito, kasama naming mga nangangalaga"
"Ahh, ibig mong sabihin ang Master niyo ang nagpadala sakin dito?! Loko yun ah! Nananahimik ako sa bahay tapos hihilain niya ako dito!" Nagulat naman yung ibang kumakain sa ginawa ko kaya nginitian ko na lang sila.
"Shsh, wag ka maingay. Baka marinig tayo ni Master eh"
"So paano ako napunta dito?" Tanong ko.
"Nung mga oras kasi na nalaman namin na may balak palang gawin na masama yung may akda sa bida, kung sino yung unang magbubukas nung app na iyon, iyon ang mapipili" Sa sinabi niga iyon ay halos napapikit na lang ako sa inis. Dapat pala pinakinggan ko muna yung mga sigaw ni Aling Puring eh.
"So yun nga, may balak na masama si Akda kay Brix o kay Hanna kaya ka napunta dito, para ayusin iyon"
"M-may mga naging k-katulad ko ba" Kinakabahan kong tanong.
"Oo, pero ni isa sa kanila, walang nagtagumpay" Sabi nito kaya biglang kinabahan ako. Parang mas gusto ko pa atang magtinda ng kangkong forever kaysa dito.
"Anong m-mangyayari saakin? M-maglalaho din ba a-ako?"
"Hindi" Sabi nito kaya naginhawaan ako.
"Hindi, mananatili ka na lang dito sa kwento" Hindi pa pala.
"Sana panaginip na lang ang lahat" bulong ko na lang sa hangin.
"Wag kang mag-alala, pakners kaya tayo" Napangiti na lang ako sa sinabi ni Nero.
"So paano ka nga makakapasok sa katawan ng tao? Ano yon? Wala kang sariling katawan?" Tinanong ko na rin yung bagay na yon kasi hindi ako makapaniwala na pwede siyang makapasok talaga sa iba. Lupit naman nito.
"Meron akong sariling katawan, kaso hindi ko pa pwedeng gamitin" Saad niya.
Bakit?
"Bakit?" Tanong ko agad. Syempre, itanong na natin lahat.
"Makukuha ko pa yung katawan ko next month, sa 15th birthday ko" Nanlaki pa yung mga mata ko na tumingin sa kaniya.
"Ibig sabihin, mas matanda pa ako sayo?"
Kung pagiging matured lang ang pag-uusapan, syempre halatang mas matanda ako. Mukhang bata lang mag-isip to eh. Pero kung yung kinatagal na sa mundong ibabaw, mukha kasing mas matanda siya.
"Duh, mukha na ba akong u-ugod ugod?"
"Matanda kasi yung kinapitan mo ngayon, so feeling ko matanda kausap ko ngayon" Pagdadahilan ko.
Inalala ko yung mga panahon na nasa bahay namin. Yung mga sigaw ni nanay, mga chismis ni Aling Puring, mga paechos ni Chichay. Napangiti na lang ako. Makikita ko pa ba ulit sila?
"Ahmm, miss. Kanina pa po kayo tapos kumain. Marami pa pong naghihintay na costumer"
Napatingin ako sa kaharap ko kanina na kagagaling palang ng banyo.
"Sige po, aalis na po kami" Sabi ko saka tumalikod. Doon ko pinakita ang sama ng tingin ko. Alam kong tapos na kami kumain, kaso hindi ba pwedeng makiupo lang sana? Nagsinungaling pa siya na maraming naghihintay pero wala namang mga nakapila.
Kung ayaw niyang naandon kami, sabihan niya mismo sa mukha ko. Hindi yung kung ano-ano pang mga palusot yung sasabihin niya. Hindi naman siya yung may-ari nung kainan.
Echusera si ateng jollibee.
"Hoy! Nero!.. pst!" Pagtawag ko sa taong pinaglalaruan yung makinang pangtuyo ng kamay. Tumingin lang siya sakin at saka pinagpatuloy ang paglalaro.
Bata talaga.
Agad kong binilisan ang paglalakad ko sakan hinila siya palabas ng jollibee. Nakayuko pa ako dahil alam kong pinagtitinginan na kami ng mga tao. Hiyang hiya na ako sa kalagayan ko samantalang si Nero ay puro sigaw naman.
"Ano ba?! Bitiwan mo ko!"
"Masasapak kita bago kita bitawan, t*ngina mo" Bulong ko bago buong lakas siyang hinila.
"Bakit ano bang meron? May problema ba?" Tanong niya ng nasa labas na kami.
"Kainis na babae yon, porket wala ng kinakain? Paaalisin na kaagad?" Bulong ko na lang.
Hindi ko naman alam na iyon ang magiging unang karanasan ko sa paborito kong lugar. Akala ko pa naman ay magiging masaya iyon kahit na walang masyadong chibog. Hindi nakakatuwa.
"Tara na nga!" Pagtawag ko sa kaniya at saka naunang maglakad.
"Hoy! Teka! Hintayin mo ako!" Narinig ko pang sigaw niya pero hindi na ako nag-abala pang tumingin.
Napatingin ako sa isang lalaking naglalako ng mga fishball at iba pa. Meron din pala niyan dito?
"Bilisan mo Nero!" Sabi ko saka tumakbo doon.
Agad akong kinalabit ni Nero. Napatingin naman ako sa kaniya ng nagtataka.
"May pera ka pa ba?" Tanong niya. Agad naman akong napanguso. Kinapa ko pa ang bulsa ko at pinatunog iyon para marinig kung may barya pa, pero dahil wala akong narinig, napabuntong hininga na lang ako.
"Tara na nga" Bulong ko saba lakad papalayo. Sana pala una ko itong makita para sana ito na lang kinain namin. Hindi na nga sulit yung jollibee kanina, may epal pang trabahador sa kanila. Sana lumago po ang business niyo ate!
"Teka, saglit lang" Tumigil ako nung bigla akong hawakan ni Nero sa braso. Nagulat ako nung may ipinakita siya saking papel. Sa inis ko ay kinotongan ko siya.
"May singkwenta ka pa pala!" Sabi ko saka agad na kinuha iyon at bumalik kay kuyang tindero. "Kuya, bente pesos na fishball saka dalawang palamig" Agad kong inabot ang pera na sinuklian naman ako ng sampo.
Agad akong kumuha ng 40 pirasong fishball. Hindi ko pinasobrahan dahil hindi naman ako masamang tao. Napatingin naman ako kay Nero na puro subo lang.
"Ba't ganon? Parang walang lasa?" Tanong niya ng mapansin na nakatingin na ako sa kaniya.
"Ha?" Tanong ko bago isinawsaw yung isang piraso sa matamis na sawsawan. "Meron namang lasa, pero hindi masarap"
"Isinasawsaw pala to?" Tanong niya saka isinawsaw sa din iyon. Tinignan ko ang reaksiyon niya nung tinikman niya iyon. "Nagkaroon na ng lasa"
"Bes, diba siya yung pinagtangkaan ni Brix na magnanakaw kanina?"
"Hala oo nga? She's the girl bes"
Napatigil ako sa pagkain ng marinig ang mga boses ng mga grupo ng babae malapit samin. Hindi ko naintindihan ang kanilang mga sinasabi pero nakatingin sila mismo sakin. Problema niyo mga mare?
Natapon yung ibang fishball ko ng bigla hawakan ni Nero ang braso ko. Napatingin naman ako sa kaniya ng nagtataka.
"Tara na Kayle," Pagsabi nito.
"Teka lang, isasawsaw ko lang to" Pagtaboy ko saka isasawsaw na sana ulit yung fishball sa kaninang pinagsawsawan namin ng biglang lagyan iyong ng lalaki ng nga sandok.
Napatingin ako sa kabilang bahagi ng makita ang tatlong magkakaibang klase ng sawsawan. Doon ko lang napansin kung ano ang sinawsawan namin ni Nero.
Put*ngina.
-Lila