Tips 103:
Huwag na huwag kang papayag na magbonding ang iyong kaibigan at iyong kasintahan.
~
JEDIDIAH
NIGHTINGALE
Hinihintay ko ang aking kaibigan dito sa labas ng kanilang bahay. Hindi na ako pumasok pa pagka't palabas na raw siya. Napapayag niya nga akong sumama para sa pagkikita nila ng kaniyang kasintahan. Makikilala ko na rin ang kaniyang nobyo na siyang pinaghandaan ko.
Ilang sandali pa ay tila ba may isang reyna na naglalakad patungo sa akin.
Napakaganda talaga ni Jonna lalo na ngayong siya ay nakasuot ng dress. Habang naglalakad siya patungo sa akin ay muling bumabagal ang aking mundo. Sigurado na talaga ako sa kaniya kaya kung hindi man magiging kami ay nais kong magkaroon nang sign sa araw na ito. Isang sign na hindi talaga kami para sa isa't isa.
Ako ay kaniyang tinapik dahil sa aking pagiging tulala hanggang sa umalis na kaming dalawa.
Sa isang mall kung saan may mamahalin na restaurant ay roon kami nagtungo hanggang sa aminin niyang marami raw kaming magiging kasama. Ang totoo raw ay magkikita silang magkakaibigan nang kasama ang bawat kasintahan nila. Itinuro ng waiter ang reserved seat namin kung saan nauna nang dumating ang iba pa. Ngunit sa pwesto na naituro ng waiter ay may isang lalaking pamilyar. Malayo pa lang ay napansin ko na siya.
Muli akong tinapik ng aking kaibigan habang ipinapakita ang nakakainsulto niyang mga ngiti.
“Je, matikas ka dapat ngayong araw!”
Nagtungo na lang kaming dalawa sa kinaroroonan ng kaniyang mga barkada. Ako ay nakayuko pagka't hindi ko maintindihan kung bakit nandito ang lalaking tinutukoy ko. 'Yung lalaking akala mo na siyang nagmamay-ari ng matayog na gusali. Hindi ako makapaniwala na siya ay kaibigan ni Jonna at mas magtataka ako kung siya ang kasintahan ni Jonna. Kung siya man ang nobyo ng aking kaibigan ay tutol ako.
“Oh, you're so gorgeous today!” Bati ng lalaki nang may ngiti at para bang kay bait sa araw na ito.
“As always naman, Ian!” Kasagutan ni Jonna at nagbeso silang dalawa hanggang sa hawakan niya ang aking kamay. “Guys, si Jedidiah nga pala. Ang aking boyfriend!”
Nanlaki ang aking mga mata sa ginawang pagpapanggap ni Jonna. Nang dahil doon ay hindi ako naniniwalang may jowa siya. Mabuti na lang at hindi niya jowa si Ian. Kung nagpapanggap lamang siya ay lulubusin ko naman.
“Sisimulan na ba natin ang challenge?” Katanungan ni Ben na siyang isa sa mga kaibigan nila.
Napatingin ako kay Jonna pagka't ako ay nagtataka sa nasabing katanungan. Hanggang sa ipaliwanag nila ang lahat na tuwing nagkikita silang magkakaibigan ay may isang nagaganap na challenge. Nang dahil sa ngayon lang daw nagdala ng kasintahan si Jonna at ang lahat ay may kapareho. Isang matinding challenge raw ang mangyayari.
Napansin ng aking kaibigan na walang kapares si Ian at para bang nagsisisi siyang isinama pa niya ako. Nararamdaman kong may panghanga siya kay Ian. Sobrang ganda at laki ba naman ng katawan. Aminado akong mas gwapo siya sa akin pero mas masarap ako.
“Where is your girlfriend?” Katanungan muli ni Ben na para bang nararamdaman na hindi matutuloy ang kaniyang balak.
“I'm sorry guys pero iyon ang dahilan kaya nagnais akong magkita tayo. She was thinking that I cheated on her and yes, we broke up. But don't worry she will come here for a purpose,” maamong pahayag ni Ian at ramdam kong mahal na mahal niya ang kaniyang kasintahan.
Hindi talaga natin maaaring husgahan ang mga taong nakikilala natin sa unang pagkikita.
“Kung ganoon ay ikaw ang magbigay ng challenge,” desisyon ng kaibigan nilang si Sandy habang nakatingin sa jowa.
“Susundin ko ang nais ni Ben na subukin ang bawat isa sa pamamagitan ng exchange of date.”
Anong klaseng challenge ang kanilang naiisip? Isa itong walang kwentang bagay. Lalo lang silang mag-aaway ng kaniyang kasintahan at maaring ang iba pa nilang barkada.
Ang lahat ay pumayag naman dahil hindi lang daw ang kanilang pag-iibigan ang masusukat kundi ang kanilang pagkakaibigan. Nabanggit din ni Ian na nais niyang gawin ito para sa kaniyang kasintahan. Napansin naman nila na ang aking wangis ay salungat ngunit wala naman akong mapagpipilian.
Nagdesisyon silang simulan na ang laro at lahat sila ay nasasabik. Hindi na raw namin hihintayin pa ang kasintahan ni Ian pagka't nasisiguro niyang darating ito. Upang maging patas ang pagpapalitan ng kasintahan ay humingi kami ng papel at humiram na rin ng ballpen sa waiter. Isa-isa kaming nagsulat ng pangalan sa papel na siyang inilagay namin sa baso. Huwag ninyong isipin na maaring lalaki sa lalaki o babae sa babae ang magiging partner. May dalawang baso, isa para sa mga babae at isa para sa aming mga lalaki.
Ang kaibigan kong si Jonna na siyang kasintahan ko sa araw na ito ang unang bumunot. Napansin kong malungkot siya pagka't ang inaasam niya ay hindi niya nabunot. Ang kaniyang nabunot ay ang pangalan ng kaibigan niyang si Ben. Nais ko lang din ipaalala na posibleng ang mabunot ay yung jowa rin namin. Sana lang ngunit nasimulan na ni Jonna ang challenge. Ngunit ayos lang kasi always naman kaming may date as a friend.
Sumunod naman na si Ian at ang nabunot niya ay ang kaniyang kaibigan na si Sandy. Ang kasintahan naman ni Ben na si Shai ay ang siyang naging kapareho ng kasintahan ni Sandy na si Raf. Ang bawat magkapareho ay nagtabi nang upuan pagka't may karagdagan pa sa rule.
Ibig sabihin ay hindi ako part ng game pagka't malabong darating pa ang kasintahan ni Ian. Isa pa ay hindi ko iniisip na papayag iyon. Ako ay magtutungo sana sa banyo ngunit hindi sila pumayag at sabay-sabay silang nakatutok sa aking likod.
“What happened, guy?” Pagtataka ko at kinakabahan akong baka may consequence para sa walang partner.
Si Jonna ay mas nawala sa mood at nakangiti naman si Ian, ang iba naman ay natutuwa rin at ako lang talaga ang nagtataka.
“I'm sorry for being late!”
Isang pamilyar na boses ang aking narinig ngunit mabait lang sa puntong ito ang varyasyon. Nakatutok pa rin ang lahat hanggang sa ako ay lumingon na. Muli na naman akong nasurpresa nang tadhana at nakaramdam nang kasiyahan na parang forever.
Abot langit ang aking mga ngiti. Ang sign na nais ko ay dumating na.
Siya nga ang para sa akin at hindi ang kaibigan kong si Jonna. Siya ang aking magiging kapareho sa challenge kaya binabawi ko na ang salita kong walang kabuluhan ang larong ito. Mahalaga pala ito at nararamdaman kong magiging totoo kaming magkasintahan pagka't may hindi sila pagkakaunawaan ni Ian.
“Destiny forever...” sambit ko habang tulala at natapik ako ni Jonna.
“What a coincidence, again!” Sabi ng dumating at abot-langit ang aking mga ngiti.
“It's a destiny,” sabi ko at tumayo na ako upang bigyan siya ng upuan.
“So, what's the game today?” Nasasabik na katanungan niya.
Nakangiti pa rin ako habang si Jonna ay hindi makapaniwala na ang nanalo pala sa beauty pageant ay ang siyang jowa ni Ian.
“Getting forever,” kasagutan ko sabay ngiti at nakangiti rin siya.
Nakakapagtataka!
Ipinaliwanag na kay Shaina ang challenge at ako ay nasasabik na. Naghihintay si Ian na umalma ang kaniyang kasintahan ngunit nagkakamali siya. Ang mga kaibigan ni Ian ay napatingin sa kaniya pagka't mukhang napasubo ito. Napansin ko rin ang kaibigan kong si Jonna na biglang natutuwa para sa sarili at para sa akin.
“Ang huling rule ay isang buong araw ang challenge na ito,” sabi ni Ben at tumayo na silang dalawa ni Jonna. “You mean, you can now date your girlfriend for this day and whoever break the rule will pay ten thousand pesos to every player,” dagdag niya pa at hinawakan na niya ang kamay ng kapareho.
Bago pa tumayo ang dalawang natitirang partner ay niyaya na ako ni Shaina. Ipinapakita niya kay Ian na nasasabik siya para sa aming date. Hanggang sa ako ay nagulat nang hawakan niya ang aking kamay. Kaagad naman na napunta ang aking mga tingin sa kasintahan niya. Galit na galit ang lalaki pagkatapos ay tumayo. Nagkatitigan ang magkasintahan na para bang ako ang dahilan nang kanilang tampuhan.
Magiging dahilan pa lang!
Bago pa magkaroon nang kaguluhan ay niyaya na ni Sandy si Ian upang umalis na.
Nang makaalis sina Ian at Sandy ay binitawan na ni Shaina ang aking kamay. Ang kaniyang mga tingin sa akin ay nag-iba. Siya ay naging mabangis pagka't nagpapanggap lamang pala siya.
“Saan mo gusto magpunta o kumain?" Tanong ko ngunit umalis siya at sinundan ko naman. “Aking mahal, huwag mo naman akong iwanan!”
“Ang kapal mo!!!”
Siya ay nginitian ko lamang at nilapitan pagkatapos ay hinawakan ang kaniyang mga kamay.
“Baka nakakalimutan mong tayong dalawa ay magkasintahan sa araw na ito,” at itinulak niya ako palayo.
“At sa tingin mo ba talaga ay sang-ayon ako sa katangahan na ito?”
“Hindi ba? O hindi?”
“Eh, kasi naman may nalalaman pa siyang paghatid sa kaibigan niyang si Jonna. Hindi ko magawang magselos pagka't halos perpekto na si Ian at wala namang kasintahan si Jonna. Napapansin ko pang may pagtingin ang babaeng iyong sa kaniya,” pagbabahagi niya at ako ay natawa. “At masaya ka pa?”
“Oo, pagka't ako ang kasintahan mo ngayon at pwede naman na totohanin natin.”
Ako ay nakatanggap nang malakas na sapak at iniwan niya ako.
Ang totoo ay natatawa ako pagka't bistado ang kaibigan kong si Jonna. Wala siyang jowa. Nagpapanggap lamang siya katulad nang pagpapanggap niya sa harap ng mga kaibigan niyang kami ay mag-jowa. Nais ko sanang ipaalam kay Shaina na kasintahan ako ni Jonna upang mabawasan ang kaniyang dinadala ngunit hindi ko itutuloy pa.
Hanggang maabutan ko siya sa mga dress section ng mall. Tumitingin siya ng mga kasuotan hanggang sa napatingin din ako sa mga ito. Isang dress na napakaganda ang aking napansin. Nasasabi kong maganda ito pagka't bigla ko lamang naalala ang maganda kong lola. Nararamdaman kong bagay na bagay sa kaniya ang dress. Hindi ako nakapagpigil ay hinawakan ko ito.
“May sugar mommy ka ba?” Pagbibiro ni Shaina at tumawa pa nang sobrang malakas.
Nakaramdam ako nang hiya ngunit sumabay ako sa kaniyang pagtawa. Ngunit tumawa na rin ako dahil mas malala kung isipin niya ako ay isang barbie. Ilang sandali pa ay siya ang nainis.
Babae talaga!
“Naalala ko kasi ang aking lola,” paliwanag ko at bigla niyang kinuha ang dress. “Anong ginagawa mo?”
Babae talaga siya pagka't ang hirap intindihin.
“Alam ko na kung saan tayo dapat na mag-date, aking mahal,” at kinindatan niya ako na siyang muntik nang magpaubos ng aking hininga.