MAKAHIYA
T-tore Purgatoryo? Patay na ba'ko? Ito na ba ang Afterlife?
     "Mnnnnmn....mnnnmm" Ang sarap wrestling-in nitong babaeng 'to. Paano ako sasagot sa kanya kung ayaw niyang alisin ang kamay niya sa bibig ko.
     "Napakalaki ng pagkakasala mo sa Batas Makata–"
     "Hmmmmnn...hmnnmm—"
     "–dahil sa mga tinuran mo kani-kanina la—aray!"
Hindi na'ko nakapagpigil at kinagat ko siya sa kamay upang mapabitaw sa'kin.
     "P-pwede ba? Kung...kung p-patay na'ko, gusto kong ako mismo ang haharap kay San Pedro!" May irita kong bulalas pero sa loob-loob ko ay kinakabahan na'ko.
'Dios ko! Sana sa may ilaw ako mapunta.' usal ko sa aking isip saka inisa-isa ang mga pagkakasalang nagawa ko sa buong buhay ko. Kahit ma-delay muna ang grand entrance ko sa langit ayos lang, basta gusto ko maging angel.
             Nakita kong nangunot ang noo ng babaeng humawak ng bibig ko. Kasing edad ko lang yata. Maganda siyang babae na kulay lila ang bistidang suot, matangkad,matangos ang ilong, morenang balat na kapares ng kanyang tsokolateng mga mata. Meron din siyang anik-anik sa ulo na mga lilang kristal na liwanag na nakapaligid sa kulot na kulay gabi niyang buhok.
            Samantalang mukhang foreigner naman ang nasa likod niya dahil blonde ang hanggang balikat nitong buhok, kulay abo naman ang kanyang mga mata at kulay lila rin ang kanyang bistida. Medyo mas matanda rin siya sa'min dalawa ni morena ghorl.
In short, napapaligiran ako ng mga magaganda.
Ay mali, pinapaligiran nila ang aking mala-dyosang ganda.
     "Patay? Anong sinasabi mo, Binibini?" Nagtatakang tanong ni morena ghorl.
     "Patay as in dedbol, tepok, tegibels ganon!" Parehas nanlaki ang kanilang mga mata at sabay nagmasid sa paligid.
Luh! 'Di yata sila aware na dedo na'ko! Maganda pa rin naman kasi ako.
Marahas akong hinawakan sa braso ni morena girl. Ano ba yan! Dapat yata sadista ghorl ang itawag ko sa kanya.
     "Hindi ba't sinabihan na kita! Wag na wag mong lalabagin ang pangunahin at pinakamataas na Batas Makata!" Pabulong ngunit puno ng gigil niyang sabi sa'kin.
Inis akong napakamot ng ulo.
     "Ano ba yan! Kahit dito sa Afterlife dapat mag-aral pa rin ng batas-batas! Halos mahilo-hilo na'ko sa CEDAW Law, Family Code, 1987 Constitution, repa-republic act, article ganyan, section ganito!" Puno ng inis kong sabi pero parang mas naistress siya sa akin.
Siya pa may ganang ma-stress eh kung siya kaya biyayaan ng maliit na utak?
     "Ano ka ba! Hindi ka ba talaga nakikinig sa'kin? Atsaka ano ba yang sinasabi mo? Batas Makata lang ang sinabi ko—"
     "Eh yun na nga, 'yang Batas-Batas Makata na yan! Ilan bang article yan tsaka section? May link ka ba para mabasa ko, tsaka pa-connect ng wifi, pahiram na rin ng phone mo de-key pad yung akin eh." Yamot kong sabi sa kanya.
Napabuntong hininga na lamang siya.
     "Mayroon kaming silid-aklatan at mayroong isang silid doon kung saan nakapaloob ang mga aklat ng Batas Makata—"
     "Wait-wait-wait! Anong sinabi mo? Mga aklat sa loob ng isang silid? As in isang buong kwarto ang kailangan para sa mga aklat ng Batas Makata na 'yan?" Nanghihina kong sabi at tumango siya bilang sagot kaya parang magiging panibago 'cause of death' ko iyon kahit patay na'ko.
Grabe dobol deds ako.
     "Eh 'di naman ako naabisuhan na kailangan pang mag-aral dito, mamaya masagot ko ng mali si San Pedro kahit pinaka-review-review ko na. Sayang brain cells ko ghorl, sa impyerno niyo na lang ako dalhin kung ganon, iharap niyo sa'kin si satanas!"
     "Ano bang pinagsasabi mo? Siraulo ka ba?"
     "Di'ko feel sa heaven noh! Mamaya matalino silang lahat dun, ako lang bobo. Baka masampolan ko pa sila ng 1+1 Magellan!" Gigil kong sabi kaya natawa yung si blonde ghorl samantalang nangingiti si sadista ghorl na pinipigilan ang pagtawa.
Luh! Mukha ba'kong joke?
     "Mukhang masama ang pagkakabagok ng iyong ulo, Binibini." Natatawa pa ring sabi ni blonde ghorl.
     "Hay! Ang sakit niyo sa ulo! Sige na, ready na'ko! iharap niyo na sa'kin si satanas para matapos na'to—"
     "Hindi ka pa naman patay, Binibini."
Nanlaki ang mata ko.
     "Hindi pa'ko tsugi?" Gulat kong tanong at sabay silang umiling habang nakangiti.
     "Eh bakit may purgatoryo kayong sinasabi kanina?"
 
Tumingin-tingin muna sa paligid si sadista ghorl bago tumingin at lumapit sa'kin.
Luh! Mukhang mahalay si ghorl! Pag-iisipan ko kung papalitan ko ang 'sadista ghorl' name code niya sakin.
     "Nilabag mo lang naman kase ang—"
     "—PANGUNAHIN AT PINAKAMATAAS NA BATAS MAKATA!" Sabay-sabay kaming napalingon nang biglang nahawi ang lilang kurtina sa katabi kong kama kung saan nanggaling ang boses.
            Isang Greek god ang sumalubong at lumapit sa'min at umupo pa sa kama ko, mga kasing edad ko lang din o mas matanda ng isa o dalawang taon sa'kin, jusko! Parang si Eros! Nakasuot ito ng pulang roba kung saan sumisilip ang matitipuno nitong dibdib at may benda sa ulo katulad ko. Ginto ang kulay ng kanyang kulot na buhok, a-abuhin din ang kanyang mga mata na may mahahabang mga pilikmata. Matangos ang ilong at pulang rosas ang kaniyang mga labi, tila gatas din ang kanyang makinis at maputing kutis kasabay ng kislap ng kanyang mahabang tingga sa kaliwang tenga na may mga diyamante.
Ito ang bahaging biglang lilitaw ang kababayan kong pinagkaitan ng ganda at sisigaw ng... 
     "SANA ALL!"
            Napalingon silang tatlo sa akin. Gulat ang mukha ni blonde ghorl, samantalang pinanlalakihan ako ng mata ni sadista ghorl, si bebe cupid naman ay gulat din pero agad ding nakabawi at sumilay ang malokong ngiti sa mga labi.
Nangunot ang noo ko. Napa-sana all yata ako ng malakas.
     "Oh? Warshock much?" Pang-aasar ko pa sa kanila.
Bigla namang hinigit ni sadista ghorl ang braso ko kaya bahagya akong napangiwi.
     "Ayusin mo ang iyong lengguwahe—"
Naputol ang sasabihin ni sadista ghorl nang humalakhak animo'y demonyo si bebe cue.
     "Helot. Helot. Helot. Ito na nga ba'ng sinasabi ko! Tama ang hinala kong kaanib ka ng mga tulisan!" Mapanganib na akusa ni bebe cue habang umiiling at ginagaya ang tunog ng butiki animo'y dismayado sa nalaman.
"Handa ka bang harapin ang malaking kaparusahang ipapataw sa iyo ng Mataas na Hukuman ng Tore Purgatoryo?" Mapanuya niyang tanong na animo'y hinahamon si sadista ghorl. "Matagal na'kong pabalik-balik sa Tore Purgatoryo, sa tingin mo may dapat pa'kong katakutan?" Walang emosyong pakli niya sa mababang boses na sanhi upang dumilim ang ekspresyon ng lalaki.
"Pagsisisihan mo ang pagtulong sa isang tulisan, Babaylan, 'pagkat batid nating siya ang huling nakalaro ng namayapang punong binibini ng aristokrata."