"Tila hindi para sa'min yung ingay ng bawat palakpak.
Mga humahangang ngiti at mapagmalaking tingin.
Ilang araw na lamang mahahawakan ko na yung diploma, sana"
Nagpadaloy sa pagsasalita si Erin, tila seryosong nakatitig sa naglalarong mga kasama.
Halos isang linggo na kaming nawawala, ni walang mga taga bayan ang bumisita rito.
Isang ilog lang ang nagbibigay liwanag sa gubat, maging ako man ay nangangamba na sa kalagayan namin ngayon.
"Ikaw ba?"
biglang tanong ng babaeng nasa tabi.
Nabaling lang ang atensyon ko rito at hinintay syang magsalita.
"Di mo ba pinangarap maipagmalaki ng parents mo? Makasuot ng toga, tumanggap ng diploma. Masabihan na "Proud kami sa yo 'nak" mabigyan ng atensyon?"
Di ko masyadong pinansin ang sinabi nito, mas nangingibabaw sa mata ang lungkot na di pinapahalata.
Nginitian ko lang sya at ibinaling ang tingin sa harap.
"Gusto. Pero sa sitwasyon natin ngayon, ayoko munang mag isip ng tapos. Alam kong mas maraming nasasaktan sa pagkaligaw natin. Ayokong mas mag alala sila, kahit sobrang layo natin dama ni Mama yung nararamdaman ko".
Ilang sandaling katahimikan.
"Baka nga hanggang ngayon di pa nila alam na nawawala ako"
Napatingin ako rito, pero wala akong nasagot.
"Hoy ano yan ha? Tong dalawang to talaga, ligo na!"
Sigaw ng kung sino mula sa nagkukumpulang mga kasama.
Napangiti na lamang ako ng pilit sa ginawang ingay ni Warren.
Tapos na yata sa paglalaro, papunta yata ang mga ito sa di kalayuang parte ng ilog.
"Tama ka, kahit madami silang pagkukulang sa'kin, alam kong ramdam nila ang kalagayan ko ngayon"
Bigla itong tumayo mula sa pagkakaupo, mga naglalakihang bato ang naging tambayan namin ng panandalian.
"Tara na" wika ni Erin.
-----------------------------------------------------------------------------------------------------------
Sunod sunod na tawag ang natanggap ko mula kay Andi.
"Ano na Catherine? Balita?"
Nagdadalawang isip pa akong magsalita, pano ko naman sasabihin na hanggang ngayon wala paring approval ni Mama ang consent na to?
Ano pa bang ini expect ko sa parents na may ibang pamilya na?
"Wala parin eh" nakapikit kong sagot sa kabilang linya.
"Tatawagan ko sya!"
"Hoy!!! Andi wag - -" di pa ko tapos magsalita binabaan na ko.
Naman kasi!
Alam kong di ako papayagan ng mga yun, bukod sa sobrang layo ng University na pupuntahan namin. Kailangan pa naming magstay dun ng ilang araw.
This week lang kasi yung binigay na time sa'min mga Grade 12 students para sa College Entrance Exam.
Naprocess ko na lahat ng kailangan, yung consent nalang yung kulang.
"Erin? Anak? May pagkain na don sa baba, mag lunch ka na"
Biglang sulpot ni Manang Lucy, tinanguan ko na lang sya tsaka iniwan ang phone sa kwarto.
Kumain na lamang ako ng makabalik na ng campus. May kailangan pa kami ayusin para sa Graduation namin next month.
Agad akong sinalubong ni Andi ng makapasok ng gymnasium.
"Tinawagan ko si Tito, bukas daw bibisitahin ka nila"
Ngumiti na lamang ako ng pilit sa narinig.
Yung tito ni Andi ang asawa ni Mama ngayon. 3 years ago nung magsama sila, gusto man nila akong kunin pero ayokong makisiksik sa panibago nilang pamilya.
Alam kong maling desisyon pero yung 3 years na yun, umaasa akong uuwi si papa. Na kahit dalawa na lamang kami patuloy parin syang sasama sakin, pero akala lang pala.
Agad kaming pumwesto sa mga designated seats, alphabetical yung arrangement kaya nasa first row si Andi.
Mas binigyan namin ngayong ng atensyon yung graduation song, compared sa last week. March 21 na ngayon then by April 5 magaganap ang Graduation Ceremony. 
Di ko muna naisip kung magiging masaya ba ako sa araw na yun oh hindi.
Matapos ang kalahating oras ay binigyan muna kami ng iilang minuto para mag break.
"Grabe nangawit na yung panga ko Cath, buti nga ikaw nasa likod di mahahalata if ever di ka magsasalita" biglang reklamo ni Andi habang umiinom ng tubig.
Di ko nalang sya sinagot at binalingan ng atensyon ang hawak hawak kong tubig.
"Sandali! Cath tingnan mo dali! Andito yung New Teacher ng kabilang strand! Tingnan mo!" masayang sabi nito tsaka siniko siko pa ko.
"Agay! Ang obvious mo naman, bakit ba?" Nagugulohan kong tanong habang tinakpan yung dala dala kong tubig.
Sinundan ko lang kung saan nahinto ang tingin nito, palagi ko itong naririnig sa iba kong kaklase. Nakita ko rin naman to before pero panandalian lamang. Iba pala hitsura nito ng malapitan. Dati kasi parang naka sideview lang or nakatingin sa daan.
"Haysss! Masyadong perfect diba?"
Natatawa ako sa narinig, agad ko syang tiningnan na parang ginayuma ng kung sino.
"Everyone back to your seats na" wika mula sa isang Guro.
Patuloy lang yung pag eensayo namin, habang di ko maiwasang tingnan yung lalaking tinutukoy ni Andi. Nasa baba ito ng stage kaya kita ko kahit sa malayuan.  Mukha syang guro na hindi tumatanggap ng jokes sa estudyante. Pero malay natin, di kasi tumitingin sa harap dun lang sa kausap niya.
Pagkatapos ng ilang oras ay nakauwi kami ng matiwasay. Pero di ko pala yun madala hanggang bahay.
"Bless ma, Tito" bungad ko sa kanila nung naka upo lamang ito sa sala.
Tumango lamang ito tsaka binabaan ang volume ng tv.
"Tumawag si Andi kanina, ba't di mo tinawagan Mama mo Erin?" Tanong ni Tito sa'kin.
"Sure ka na ba diyan sa University na gusto mo?" Sunod na tanong ni Mama habang binaba ko yung bag sa sofa.
Di naman sya mukhang galit, siguro napakiusapan ni Tito Mike kanina.
"Oo, tsaka halos lahat sa Strand namin required na sumama. Gusto ko lang subukan" paliwanag ko rito.
Di pa ito sumagot, di ko na rin siya tiningnan. Nakatungo lang ako sa oras na to.
"Hayaan mo na ang bata mag decide Tin, mas mabuting alam niya ang gusto niya, diba Erin?" biglang wika ni Tito Mike na sinang ayunan ko naman.
"Sige, basta ba magsabi ka samin sa susunod pag meron kang kailangan na gaya nito. Di yung sa kaibigan mo pa namin malalaman".
Tumango lang ako tsaka binigay yung folder sa kanya.
"Dito kayo matutulog?" Biglaan kong tanong.
Agad lang ito nagkatinginan.
"May maagang meeting si Tito Mike mo, sa susunod nalang anak ha?"
Tumango  nalang ako kahit may kung anong sakit sa dibdib.
Pumasok ako ng kwarto tsaka humiga ng panandalian.
Di ko maiwasang umiyak, di ko alam kung kailan ulit mangyayari yung panahong magsama kaming tatlo kahit isang oras lang.
Wala akong nagawa para mahinto yung paghihiwalay nila dati.
Siguro nagawa nilang gawin yun dahil di ako worth it samahan. Di naman ako ganun ka talino, spoiled pa. Kaya never ako maging dahilan para maging buo kami uli.
Sinubukan kong pagbutihan yung pag aaral ko kahit sa ganung paraan maging kumpleto kami.
Kaya lang sobrang hirap.
"Check niyo muna yang mga folders niyo baka meron kayong nakalimutan" suhestiyon ni Tita Mira.
"Okay na nga Ma, to naman pang ilang beses mo na sinabi yan?" Natatawang tanong ni Andi sa mama nito.
"Yes tita, okay na po lahat"
"Oh siya, mauna na ako ayaw yata akong makita nitong kaibigan mo Erin"
"sus kala mo talaga, bye Ma. Love you" pahabol ni Andi
"Sige tita" wika ko rito.
Ganito rin si Mama at Papa sakin dati, kung pwede na nga lang isama yung parents baka nagawa na namin.
Pero dati lang yun.
Nakatayo lang kami habang hinihintay dumating ang school bus.
May iilang students na taga ibang strands, habang sa amin naman ay halos kumpleto.
Tanaw na namin ang bus ng bigla may kung sinong siko ang kumuha ng atensyon ko.
Binigyan ko si Andi ng mapagtanong tingin.
Umikot lang ang mga mata nito na tila may pinahihiwatig sa gilid.
Sinundan ko ang tingin, mula rito ay tanaw ko ang lalaking may katangkaran na tila nahuling dumating.
May kung ano sa sikmura na agad akong napalunok.
Pinaglakihan ko ng mata si Andi.
"Please lang, kahit ngayon lang magbehave ka" wika ko rito na hindi na sya tiningnan.
Di ko maitatangging sobrang iba ng awra niya ngayon, lalo pa't di sya naka unipormeng pang guro.
Para tuloy kaklase lang.
Agad kaming umupo sa pangalawang dapit, nagtutulakan pa kaming mapunta sa may bintana.
Halos lahat ay nasa likuran para di masyadong mabantayan ng guro.
Tiningnan ko si Andi na sobrang saya sa pwesto niya.
Ilang sandali pa'y pumasok ang iilang guro na sasama samin. Para tuloy kami may field trip.
Nahinto yung lalamunan ko ng biglang pumasok yung lalaking kanina namin pinag - usapan.
Agad akong nakarinig ng mga nagbubulongan at pinipigilang kilig ng mga babae.
Tila ito may binibilang mula sa likod.
Doon ko lang din napansin na walang nakaupo sa kabilang upuan mula sa una hanggang pangatlo ay puro bakante.
May kung anong humugot sa tiyan ko na di ko maintindihan.
Naramdaman ko na naman ang siko nitong isa na tinatago ang ngiti sa dala dalang panyo.
"Sir Lao, may space pa po ba dyan?"
Biglang sigaw ng kung sino sa likod na dahilan ng hiyawan ng lahat.
"Yes, not occupied, you can seat here"
Dahil sa naging sagot nito tsaka nagsimulang mag ingay yung naiipit na kilig ng ibang babae. Parang wala siyang kaalam alam sa nagawa niyang ingay.
"Inunahan pa'ko" mahinang sabi ni Andi.
Natatawa akong tumingin sa kanya.
"Excuse me girls, if you need any space you can put your bags here"
Para akong nanlalamig sa narinig.
Nanlalamig pero tila mainit yung tenga ko na di ko mapaliwanag.
Di paman ako nakasagot eh agad nakuha yung bag ko tsaka itinabi sa gawi nito. Pano nangyari yun? Binigay ko ba?
Agad kong napansin ang hawak na phone, tiningnan ko si Andi na nagawa pang mag text sakin.
From : Andi
Crush mo no? Hahahhaha aminin!
Agad ko itong natago baka mabasa pa ng kung sino sa likod.
Ano bang nangyari sa babaeng to! Di ko nalang sya pinansin at mas tinoon ang atensyon sa byahe.
Ilang oras ng biyahe ng huminto ang bus para mananghalian.
Kanya kanya kaming diskarte, may iilang may sariling baon at ang iba naman ay sa labas kumain.
Agad kong napansin ang numerong tumambad sa hinahawakang phone.
Sinagot ko ito ng walang pagdadalawang isip
"Pa?"
Seryoso lang ang tingin ko sa harap ng di napansin ang gawang pagdaan ni Andi mula sa pwesto nito.
"Sorry nak, di ako nakauwi this week. San ka ngayon?" Tanong nito sa kabilang linya.
Sinabi ko rin naman na ang totoo kung san ako ngayon. Kahit kasi anong sabi kong pagpapakonsensya di pa rin yun maging dahilan para ako yung una niyang pipiliin.
Alam kong malalapitan ko sila ni Mama, pero sa ibang sitwasyon pakiramdam kong may hadlang samin. Hindi sa lahat ng oras kaya kong lumapit sa kanila, hindi gaya ng dati.
Matapos ang ilang sandali ay nagpatuloy ang biyahe. Unti unti ko ng nararamdaman ang sakit ng katawan sa pagkakaupo.
Nakatulog lang si Andi habang busy ako kakascroll sa Instagram. Ilang sandali pa'y napansin kong puro puting litrato ang lumalabas sa screen. Doon ko nalang din napagtantong wala na palang signal.
Dahil sa inip, nilibot ko ng tingin ang mga kasama na may iba't ibang ginagawa. Karamihan dito ay natutulog , nakikinig ng music at nakatoon lang ang atensyon sa cellphone. May mga iilang nagkukwentohan at may sariling mundo.
Naalala ko ang lalaking nasa kabilang upuan. Liningon ko ito, tila nakapikit na may suot na earphone. Kaya lang, di ko akalaing lilingon ito ng ilang segundo.
Agad akong napalingon sa harap, nakaramdam ng hiya sa nagawang pagtitig.
Napapikit nalang ako at sumandal kay Andi na mahimbing na natutulog. Pero patuloy paring tumatakbo ang isip sa nagawang kahihiyan.
Pinilit kong makatulog sa ganung sitwasyon at ng kalaunan ay di ko na mawari ang mga pangyayari.
"Cath? Cath? Gising na!"
Bumalik ang diwa ko sa reyalidad matapos marinig ang boses ni Andi. Doon ko nalang din napansin na kanina pa ito hawak ng hawak sa kamay ko.
"Andito na tayo" mahina nitong sabi
Tumango nalang ako at inayos sa pagkakaupo ang sarili. Sunod sunod ang paglabas ng ibang kasamahan.
Hinanap ko ang ibang gamit at ng maalala kung saan napunta ang isang bag agad bumalik yung kahihiyan kanina.
Wala naman siguro sa kanya yung ginawa kong pagtitig. Dahil sa naisip ay tila nagkaroon ako ng lakas ng loob.
Ilang estudyante pa ang dumaan bago makita ang nasa kabilang upuan.
Ready na rin itong tumayo pero hinintay lamang ang iba na makadaan. Nagdadalawang isip pa ako kung anong sasabihin.
Di nalang ako tumingin at akmang kukunin yung bag na nasa tabi nito.
"Sorry, I almost forgot. Here's your bag" biglang wika nito dahilan para matingnan ko siya ng diretso.
"Thank you........... Sir" nahihiya kong sabi tsaka kinuha ang bag. Di ko na alam kung sumagot o wala, basta agad nalang akong lumabas ng bus.
Sumalubong sakin ang malamig na hangin. Napangiti ako sa presko nitong pakiramdam. Para akong nanggaling sa giyera at umabot sa ligtas na lugar.
"Ang ganda nga dito Cath. Grabe!!" wika ni Andi na nagsimula ng kumuha ng litrato. Napalingon ako sa bus na kakarating lamang, mukhang mga estranghero.
Agad itong mapapansin sa dala dala nilang ingay.
"Di kaya may ibang events or competition din dito? Like sinabay lang sa entrance exam?" Tanong ni Andi bigla na di ko naman din masasagot.
"Nope, gaya niyo lang din. But mostly guys prefer to create attention lalo pa't meron silang chances." agad kaming napalingon sa pinanggalingan ng boses.
"Sorry, I just answered your question" sagot nito tsaka ngumiti samin.
Ano daw? Guys prefer to create attention chuchu, ano bang pinagsasabi nito.
"Okay lang sir, New Teacher po kayo?" Napatingin ako sa katabi na mukhang gusto makipagchismisan.
"Yes, just started this month. I'm Lawrence Cornitez" agad nitong pakilala samin.
"Andrea  po sir"
Tumango lang ito tsaka lumingon sakin, mukhang kasali yata ako sa chika.
"Catherine po"
"Nice to meet you, you are from the Academic Strand?"
Tumango lang ako tsaka napatahimik ng biglaan, di kaya napansin niya yung nagawa kong kahihiyan?
Tiningnan ko si Andi na patuloy parin ang chismis.
May iilang mga bus na naman ang dumating pero di ganun kaingay gaya kanina. Halo halo ang mga ito, mukhang matatalino at matured.
Tanaw ko yung bus na may lulan ng maiingay na estudyante, halos mga lalaking nagkukwentohan.
Di kaya ito yung ibig sabihin ni Sir kanina? Sabagay mas maiingay talaga ang mga boys lalo pa't ipagsama sama ang mga ito.
Mukhang may mga babae din namang kasama pero nasa apat lang yata.
Agad nabaling ang tingin ko sa malayo, ng mapansin na mukhang ako yung tinitingnan ng iilang lalaki.
Ang kapal ko ngayon. Pero parang yun talaga eh, syempre ako lang yung nakaharap sa gawi nito habang yung mga kasamahan ko eh nakatingin sa harap.
"Hoy! Tinitingnan mo?" Tanong ni Andi nasiko pa tuloy ako.
"Ano ba?" Mahina kong sabi habang nilibot kunwari ang tingin kung asan na ang kausap nito.
"Wala na, iniwan na ako huhu ang gwapo niya cath at ang friendly pa OMG" sabi nito na may pa gigil at yakap effect pa sakin.
Hinanap ng mata ang lalaking pinagchichisman, nasa babaan lang ito ng bus kasama ang ibang teacher, mukhang may pinag usapan yata.
Patuloy parin kaming naghihintay sa susunod na gagawin, mukhang tatlong oras nalang at magdilim na ang paligid.
"Dito na ko sa baba, dyan ka sa taas Cath" wika ni Andi at agad nilagay sa deck nito ang iilang gamit.
At pumili pa talaga ha, well wala naman akong choice since siya yung unang pumasok.
May 8 na double deck kada kwarto. Dito muna kami panandalian mag stay for 3 days.
Di pa namin lubusan nalibot yung lugar. Mukha syang isang lungsod pero napalibutan ng gubat.
Inayos ko na rin ang gamit ng makapagrest kahit ilang minuto lang. Halos mga classmates ko lamang ang kasama namin dito, puru kasi kami babae sa section namin at ganun rin sa iba. Siguro dalawang bus ang nagamit ng school papunta rito.
Humiga lang ako matapos inayos ang gamit.
"Anong oras nga tayo bukas Shane?"
rinig kong tanong ni Andi sa baba.
"8 AM yata, pero dapat before 8 nandon na tayo"
"Kim, paki abot nung pouch"
"Gutom na nga ako eh"
"Wala kasing signal diba?"
"Labas tayo tara!"
Naghalo na lahat ng narinig pero wala parin akong imik. Napagod yata ako sa biyahe kahit pwet lang yung gamit.
Ilang sandali pay tumambad si Andi sa gilid pero di ko ito nilingon.
"May date kami ni Sir Lawrence, sama ka?"
Natawa nalang ako sa sinabi nito.
"Asa ka pa" Sagot ko sa kanya ng mapansing nasa mood ito ng kalukohan.
"To naman di mabiro, kain muna tayo gutom nako Cath!"
Inirapan ko nalang sya tsaka bumangon sa pagkakahiga. Tong babaeng 'to talaga!
Paglabas namin ng kwarto, mapapansin na hindi pa tapos mag ayos ang lahat. May nakakasalubong kaming mga kaklase dati na nasa ibang strand na.
May iilang di namin namumukhaan.
Nakuha ng atensyon namin ang mga gurong nasa may lobby. Mukha di pa ito tapos sa pinag usapan nila kanina. Tanaw ko ang isang guro, para syang presidente ng student council na pinasali lang sa usapan. Seryoso itong nakatingin sa mga kasama.
Agad kong naramdaman ang siko ni Andi. Pag talaga ganto yung paraan niya ng pagtawag mukhang alam ko na kung sino yung tinutukoy nito.
"Feeling ko close na kami ni Sir mula kanina" kinikilig nitong sabi na ako lang ang nakakarinig.
"Akala mo lang yun! Ganyan din yan sa lahat". sagot ko rito na mukhang di nya nagustohan.
Nagpatuloy lang kami sa paglalakad at lumabas.
Simple lang ang lugar, pero masayang tirhan.
May mga bahay sa harap at iilang mga tindahan.
Tanaw namin sa di kalayuan ang usok na sa tingin koy may iniihaw. Nagutom ako bigla sa naisip kaya't nagpatuloy kami sa paglalakad.
"So 67 sakin, then 55 sa kanya?" Tanong ni Andi dun sa Ate na mukhang bata pa samin.
"Yes po, 122 lahat"
Agad na lamang itong binalot at kinuha ang bayad.
Tumitingin lang ako sa paligid dahil naninibago pa rin ako rito.
Nang maglakad pabalik tsaka pa namin kinain yung biniling barbeque.
Naalala ko tuloy si Papa dati, parati niyang binibilin sakin na wag bibili ng mga pagkain na nasa labas unless alam mo kung paano ginawa. Pero ang lahat ng iyon ay parang wala na ring saysay.
Pagdating namin doon ay may iilang di pamilyar ang mukha na nakatambay sa labas. Mukhang taga ibang school, halo halo ang mga ito may grupo ng lalaki at babae.
Medyo nahiya pa akong dumaan sa tapat ng mga ito.
May iilang kakalabas lang din at mukhang merong pupuntahan.
"Cath, san kayo galing? Nako kanina pa kayo hinanap ni Mam Ruiz" salubong sa amin ni Kim mukhang kami lang yata ang sadya nito.
Binilisan namin ang lakad.
"Bakit raw?" Tanong ko rito.
"Kinakabahan ako Cath"
Liningon ko si Andi na bakas ang kaba sa itsura.
Malayuan pa lamang ay kita na na may nagkukumpulan sa kwarto.
Binigyan nila ng espayo yung tinutukoy na naghihintay samin pero di lang pala sya, may mga kasamahan pa.
"San kayo galing?" Bungad na tanong ng babaeng nasa 40+ ang edad.
Agad kong nilibot ang tingin, mga kasamahan namin sa kwarto at dalawa pang guro kasama na don si Sir Lawrence. Medyo nahiya pa tuloy ako!
"Sorry po ma'am, lumabas lang po kami para bumili ng pagkain" nakatungog paliwanag ni Andi.
Ako man ay kinakabahan dahil para kami masermonan sa oras na to.
"Hindi ko pa kayo pinayagang lumabas at di rin kayo nagpaalam sa kahit isa samin. Pano nalang kung may nangyari sa inyo sa labas? Kargo pa ng school dahil di kayo na bantayan" wika nito dahilan para mapayuko nalang din sa narinig.
"Oh siya, Mr. Mendoza will guide you for your schedule tomorrow. Dapat before 7 naka ready na ang lahat ng di tayo mahuhuli. Understood?" Napatingin ako rito tsaka malimit na ngumiti.
"Thank you Ma'am" wika ni Andi.
Umalis na ito dahilan para mabuhayan ako.
"Girls, wag niyo nang ulitin yun without any consent from us okay? Di yon galit mukha lang galit" mahinang sabi ng Guro na tinawanan pa namin.
Pansin kong nakatayo lamang sa gilid ang isang kasama pero di ko ito nagawang tingnan.
"So Girls, Tomorrow dapat before 7 ready na ang lahat. I'll check you again later. Walang lalabas okay? Kung meron kayong concern puntahan niyo lang ako sa may lobby". Paalala nito samin.
"Opo Sir" sagot namin dito at hinintay silang umalis.
Buti na nga lang hindi yung isang guro ang napunta samin.
Tanaw ko ang likuran ng mga ito papalayo.
"Fresh Grad yata si Sir Lao, ang gwapo lang grabe"
Wika ni Shane na liningon namin lahat.
"Hoy bebe ko kaya yun!" Sagot naman ng katabi ko.
Mukhang may debate pa yatang magaganap kaya umuna na kong pumasok ng kwarto at tinahak ang pwesto.
May ibang nakahiga lamang at nakatoon ang atensyon sa cellphone.
Naisip kong mag facebook pero wala nga palang signal.
Kinabukasan
"Basta yang mga folder niyo, e secure niyo na baka mahighblood na naman si Senyora" paalala ni Kim na busy kakaayos ng kilay nito.
Liningon ko lang ang mga kasamahan na may sariling ginagawa habang ako eh ready ng lumabas at tahakin ang paaralan na pupuntahan.
Nakaupo lang ako sa pwesto ni Andi ng mapansing may kumakatok na sa pinto.
Wala akong choice kundi alamin kung sino ang mga ito.
Bumungad sa akin si Sir Mendoza na nakauniporme pa.
"Good Morning sir, ready na po kami" wika ko rito ng nakabukas lang ng kaonti ang pinto.
Liningon ko ang mga kasama at sinuri kong tapos na ang mga ito magbihis. Nang makontento at binuksan ko ng lubusan ang pinto.
"Mukhang di pa yata kayo ready ah?" Tanong nito ng mapansin na busy pa ang mga kasamahan sa pagpapaganda.
"Ready nako sir!" Masayang sabi ni Andi na ngayon lang natapos mag ayos ng sapatos.
"Sige may ilang minutes pa naman tayo, nasa lobby na ang lahat. Kung sinong tapos nang mag ayos pwede ng sumabay sakin"
Napatango nalang ako at sinunod ang suhestiyon nito.
Kapansin pansin ang preskong mga hitsura dahilan para makaramdam ako ng kaba sa mangyayari ngayong araw.
Ilang sandali pay may isang direksyon lang na tinitingnan ang grupo na nasa harap ko ngayon.
Sinundan ko ang mata ng mga ito, di ko paman nakwento ang sasabihin agad kong naramdaman ang siko ni Andi.
Naibalik ko ang atensyon sa harap.
Pansin kong may iilang babaeng kinikilig, sabagay sino ba naman ang di mukhang gwapo kung bagong ligo at sobrang ayos.
Dumaan na ito sa harap namin sunod sunod ang mga estudyante nito.
Ilang minuto pa ay kumpleto na ang mga kasamahan ko kaya agad na kaming lumabas.