"Bro! Talent portion na susunod! Ano bang ipapakita mo? " aligagang tanong sa akin ni Sidney.
Ano kaya kung kumanta na lang ako? 'Yun lang naman ang kaya kong gawin.
"Nordel pahiram na lang ng gitara mo kakanta na lang ako," sabi ko sabay kindat ko sa kanya.
Kita ko naman na namula sya sa pagkindat ko kaya napatawa na ako. Ano bang meron sa akin bakit sila namumula kapag nilalandi ko sila? Ahaha mga maruropok. Siguro kung nagkataong babae ako hindi nila ako palalagpasin.
"Kakanta ka Martin? 'Yung iba naman! Palagi na lang 'yan ang nakikita ng mga estudyante sa'yo dito eh, ang gawin mo na lang 'yung maiimpress sila. 'Yung hindi nila maaasahan na gagawin mo 'yun, 'yung hindi pa nila nakikita. Para narin maimpress ang judges." sabi ni Greg.
"Oo nga para sure ball na manalo tayo sa contest na 'to. Nakasalalay dito ang electric guitar mo oh," pagsang-ayon naman ni Daryl.
"Eh, ang tanong ano nga ang gagawin ko? Wala naman akong kaalam-alam dito eh, hindi naman talaga ako bakla," sabi ko.
"Ganito. Umarte tayo pero ang kailangan isang lalaki lamang at isang babae ang sasama sa'yo sa pag-arte." suhestyon ni Nordel.
"Sino naman ang kukuhanin nating babae?" tanong ni Lux.
"Basta 'wag si Griselle. . . " Mabilis kong singit.
"Ay! 'Yun pa naman ang nasa isip ko! Bakit ba ayaw mo kay Griselle? Magaling 'yung umarte—"
"Basta ayaw ko okay? Tapos na 'yon!"
"Eh, pano na ngayon? Sino na ang kukuhanin natin?"
"Kahit sino na lang d'yan! Pero 'yung may istura naman ah! Baka naman basta na kayo kuha d'yan eh, muka namang linta," sabi ko.
"Sige, sige. Masusunod mahal na reyna ng kagubatan," sabay alis nila at ako naman naiwan mag-isa para hintayin silang makakuha ng magandang dilag.
Wala pang isang minuto ay nakabalik na ang tropa ng may ngisi. Senyales na mukang may ginagawang kalokohan. Kita kong tinatakpan nila ng panyo ang muka ng babae. Siguro gusto nila akong isorpresa.
"Mahal na reyna ng kagubatan narito na po ang inyong hinihiling na babae." sabi ni Aione na akala mo ay kawal ng mga palasyo kung mag-salita.
Dahan-dahan nilang tinanggal ang panyo sa muka ng babae. Nang makita ko na ang kabuoan ng muka ay nanlaki ang mata ko. Bakit si Griselle ang kinuha nila? Sinabi ko na sa kanila na 'wag si Griselle eh! Kaya pala ang laki-laki ng ngisi nila na halos kitang-kita na ang kanilang pink na gilagid.
Bigla na lang sumagi sa isipan ko ang nangyari sa amin ni Griselle sa CR. Grabe bakit ba napakadesperada ng babaeng 'yun sa'kin? Lagi n'ya na lang pinag sisiksikan ang sarili n'ya sa akin eh hindi ko naman sya gusto.
Muntikan ko nang ilagay ang kamay ko sa dibdib ni Griselle nang maalala ko ang sinabi sa akin ni mama na 'wag na muna daw akong mambababae. Agad kong itinulak si Griselle palayo kahit na gusto ko pa syang halikan.
"A-ano bang problema mo Griselle ah?! Bakit ka ba ganyan?!" sigaw ko sa kanya. 
"K-Kase m-mahal kita Martin! Mahal kita!" pag-amin nya habang nakatingin sya ng diretso sa mga mata ko. Nagsasabi nga sya ng totoo.
"Pero hindi kita mahal," sa pagkakasabi kong iyon parang gumuho ang mundo nya.
"Pero bakit mo ako rin ako hinalikan?" bwisit naman oh.
"Hindi ko alam Griselle! Gago ako nakalimutan mo na ba?! Kaya p'wede ba layuan mo na ako kung ayaw mo pang masaktan. Ginagamit lang kita sa pangangailangan ko kaya hindi mo dapat akong mahalin. Ginagago lang kita—" kasabay no'n ang paglapat ng palad nya sa pisngi ko. Napakagat ako sa labi ko ng dahil sa irita. Tumingin ako sa kanya at kita kong nagsisimula na syang umiyak.
"Anong sa tingin mo? Maaawa ako? Na pupunasan ko 'yang mga luha mo? Tch! Tabi!" sabay hawi ko sa kanya at binuksan ang pintuan at lumabas na.
Nabalik na lang ako sa huwisyo ko nang bigla akong sigawan ni Arthur sa tenga. Nabingi naman ako sa ginawa nya kaya sinuntok ko sya sa muka. Napahawak naman sya sa muka nya kase medyo malakas din ang pagkakasuntok ko.
Nagsitawanan naman ang mga tropa ko kase dumugo 'yung ilong ni Arthur. Pinaulanan naman ako ng mura ni Arthur kase takot sya sa dugo kaya bigla syang nanlumo. Tinawanan ko na lamang sya kase napakalaki nyang tao takot sya dugo? napaka-pathetic.
"Mamaya ka sa'kin Martina tatanggalin ko 'yang ulo mo sa baba hayop ka!" galit na sabi sa akin ni Arthur habang pinipigilan sya ng mga tropa ko kase balak nya akong bugbugin. Tumawa na lang ako kase ang panget nya kapag nagagalit.
Muka syang si Empoy kapag nagagalit ahaha. Biglang tumakas 'yung kagwapuhan nya kapag galit.
"Ganito kase 'yan Martin. . . Gusto mo bang malaman ang istorya kung bakit ang napili namin ay si Griselle?" mayabang na tanong ni Conor.
"Tangina may istorya pa?! Pero okay sige kwento mo sa'kin. . . " sagot ko.
"Eto kase 'yan. . . . Nagtatalo pa kami nina Theo, Aione at Lux sa pagpili ng babae kanina. Halos mag-suntukan na kami ng dahil sa pagtatalo para lang sa'yo Martin! Tapos ganito na ang nangyari. . ."
"Bwisit mas maganda nga si Loraine kesa sa Yumi mo!" sigaw ni Lux kay Aione.
"Bakit si Loraine?! Mas magada at mas magaling si Yumi!" sigaw naman ni Aione kay Lux.
"Ano kaya kung si Erina na lang ang isali natin? Maputi at makinis 'yon!" suhestiyon naman ni Theo.
"HINDI! TUMIGIL NA KAYONG TATLO! NAIINIP NA SI KAMAHALAN!" sigaw ni Conor.
"Sino ba talaga ang kukuhanin nating babae? Mauubusan na tayo ng oras!" problemadong sabi ni Lux.
"Ganito. . . Si Griselle na lang kaya? Tutal may itsura din 'yon at magaling umarte. Perpektong-perpekto!" suhestiyon ni Conor.
"'Di ba ayaw nga ni Martin kay Griselle? Mukang may nangyari ata sa kanila kanina—" napahinto sa pagsasalita si Lux nang sumingit itong si Griselle. Mukang narinig ang pinag-uusapan nilang apat.
"Pinag-uusapan n'yo ba ako? May binabalak na naman ba kayong masama 'no?" Taas kilay na pagkakasabi ni Griselle.
"A-ah hindi 'no! Namimili lang kami ng magagandang babae d'yan—"
"Ah namimili?" sabay irap ni Griselle.
"Ah—mali ka ng iniisip! Hindi kami nambababae! Para 'to kay Martin sa talent portion. . . " Sabi ni Theo.
"Talent portion?. . . . Ako na lang ang isali n'yo."
"Talaga? Sigurado ka? Baka naman magkalat ka lang sa gitna ng stage—"
"Tahimik! Basta ako ang sasama kay Martin,"
"Okay, hindi mo 'to pagsisisihan ah?"
"Oo na!" sigaw ni Griselle.
" Oh, sabi ko sa inyo si Griselle na eh, napakakulit n'yo!" sabi ni Conor sabay takip nya ng panyo sa muka ni Griselle.
"T-Teka, teka. Bakit mo tinatakpan ang muka ko?" tanong ni Griselle.
"Syempre para masurpresa ang gagong 'yon. Kaya 'wag kang malikot kung ayaw mong itali ko 'to sa leeg mo," sabay tawa ni Conor.
"At 'yon ang istorya kung bakit si Griselle ang nasa harapan mo ngayon. Nagmamahal, kuya Conor Santos. . . " nakapikit pang pagkakakwento ni Conor at parang si Charo Santos pa kung mag salita.
"At kelan ka pa naging Santos? Javier ka! Javier! Ipinagkakait mo na ba ang angkang Javier?!" sabay batok ni Theo kay Conor.
"Aray ano ba?!"
"At sino naman ang gaganap na lalaki?" tanong ko.
"Si Oliver. . . " Mabilis na sagot ng tropa. Na ikinagulat naman nya.
"Ano ako?! Nananahimik ako dito oh, iba na lang!" relamo nya.
"Sige umayaw ka at sasabihin ko kay Miss G ang sikreto mo." biglang nanlaki ang mata ni Oliver sa sinabi ni Nordel.
"O-Oo na gagawin ko na. " pilit na pagkakasabi nya.
" Oh, ayon! Practice na habang may oras! Galingan n'yo ah,"
Talent portion na at sobrang sama ng loob namin ni Oliver. Hindi namin alam na ganito pala ang iaarte namin! Mga walang hiya talaga ang mga tropa ko lalo na si Conor. Ang lalalakas ng trip nilang mga gago sila. Sana hindi na lang ako sumali sa contest na 'to!
"Oh, Martin ikaw na ang sunod. Don't forget to smile ah? Fighting!" Sigaw ni Sydney.
"Tahimik!" sigaw ko.
Umakyat na kaming tatlo nina Griselle at Oliver sa stage. Pilit kong pinapangiti ang sarili ko pero hindi ko magawa.
"MARTINA, OLIVERA, GRISELLEDA! FIGHTING!" sigaw ng tropa kaya mas lalo akong nainis.
Narinig ko na ang background song kaya nagsimula na kaming umarte ni Oliver. Mamaya pa kase ang scene ni Griselle.
(O kay sarap sa ilalim ng kalawakan
Kapag kapiling kang tumitig sa kawalan
Saksi ang buwan at bituin sa pagmamahalan
Nating dalawa, nating dalawa) background song is playing
Aarte kami ni Oliver na naglalandian kaya sobrang awkward nito para sa'ming dalawa. Kung alam ko kang na ganito ang plano ng mga tropa ko sa talent portion eh, hindi ko na itutuloy ang pagsali. Nakakabugnot!
Baklang mapera kase ang role ko at si Oliver naman ay boyfriend ko kaya kami naglalandian ngayon. Tapos 'di nagtagal makakahanap si Oliver ng bagong babaeng makakasama. Ipagpapalit nya ako doon at ako ay maiiwan ng luhaan. Kakanta ako habang sumasayaw dahil nga broken hearted. 'Yon ang napagplanuhang palabas ng tropa. Bwisit.
"'Wag mo akong iwan! Dito ka lang sa tabi ko! Oliver!" Umiiyak kong sabi habang hawak ko ang kamay nya.
Ang scene na kase ay iiwan na ako ni Oliver at sasama na sya kay Griselle.
"Ano ba bitawan mo nga ako!" sabay tulak nya sa'kin kaya ako ay napaupo sa stage kasabay no'n ang paghiyaw ng mga tropa ko.
"GOOD JOB MARTINA!" tangina nyo!
Umalis na silang dalawa ni Griselle at naiwan akong luhaan sa stage. Kaya oras na para kumanta habang sumasayaw.
Nagsimula na ang intro kaya naghanda na akong kumanta. Kailangan pa cute at pambabae ang boses ko dahil nga bakla.
"If you ever leave me baby,
Leave some morphine at my door
Cause it would take a whole lot of medication
To realize what we used to have, we don't,
Have it anymore!" Hiyang-hiya na ako sa mga ginagawa ko dahil medyo nagsisintunado ako sa pagkanta ko pero todo support parin ang mga tropa ko.
"PARA SA ELECTRIC GUITAR! "
Matapos ang aking palabas ay bumaba na ako ng stage at dumiretso sa mga tropa ko. Ngising-ngisi pa sila na akala mo'y nanalo sa loto. Humanda kayo sa'kin mamaya pagpabas natin ng school. Makita nyo.
"Ang galing mo Oliver—augh!" bigla na lamang sinikmuraan ni Oliver si Sydney ng dahil sa inis.
"Anong magaling?! Ikaw kaya ang magkaroon ng girlfriend na bakla! Tanginang gago!" sigaw ni Oliver. Nagulat ako sa sigaw nyang iyon dahil na kahit minsan hindi sya nagagalit o nagmumura. Ngayon lang talaga sya namin nakitang ganito. Nakakagulat.
"Ahh, si Martin ang mas magaling—augh! Tangina!" agad kong sinipa ang kanyang patutoy kaya nagtatatalon sya ngayon.
Natapos na ang program kaya inaanunsyo na kung sino ang mga nanalo sa kompetisyon. Sana ako ang first para 4 thousand ang makuha ko. 4 thousand na lang kase ang kulang para makabili na ako ng electric guitar.
"Helen Gaga 9th runner up! Congratulations! Here's your price!" Agad na pumunta ang gaga sa stage at ngiting-ngiting kinuha ang mga price.
"Paula Oswalt 3rd runner up! Please accept your price!"
Patagal ng patagal mas lalo akong kinakabahan. Sana ako ang first runner up. . .
"And the first runner up is. . . . Martina Alicia Berusa!" nang dahil sa narinig ko ay napatalon ako sa tuwa kaya 'yung mga nababangga at nasasaling ko ay lumilipad na kung saan.
Nagpunta na agad ako sa stage at kinuha ang lahat ng price. No'ng nahawakan ko na ang pera ay parang kuminang bigla ang mata ko at wala sa sariling napangisi.
Bumaba na ako ng stage kahit hindi pa ako nakakapag pa-picture sa professor ko. Kapag kase nananalo sa mga competition dito ay nag papaselfie sa mga professor. Pero ako wala na bahala na sila.
"Mga pare! Nanalo ako!" sabay yakap ko sa kanila. Napatigil ako nang narinig ko silang humahagulhol.
Anyare?
"Bakit kayo umiiyak?" tanong ko.
"P-pre! Proud na proud kami sa'yo! Nagawa natin! Sawakas!" naiiyak na sabi sa akin ni Greg.
"Nye! Para dun lang umiiyak na kayo? Pero mga pre samahan nyo ako sa Maynila bukas ah? Bili tayo gitara" sabay ngiti ko.
"Talaga tol?! Bibili kang gitara?! Libre mo naman kami sa pamasahe!" sabi ni Sidney.
"Lul! Kuripot ako kaya mag dala kayo ng sarili nyong pera! Saka mambababae pa ako dun. Ang dami kaya dung chiks!"
"Damot mo!" sabay-sabay nilang sabi.
Naglakad na ako pauwi sa amin. Medyo hindi na ako nahihirapang kumilos kase nakasuot na ako ng uniform ko. Actually nasira ko 'yung gown eh kaya ang tarantado ko talaga. Sa kapatid pa naman 'yun ni Theo kaya malamang malalagot sya sa ate nya.
Binura ko na lang ang lipstick ko sa aking labi gamit aking braso. Natanggal ko na rin naman kanina ang mga kolorete sa mata ko kase astig akong nilalang.
Makapasok na ako sa bahay ay agad akong sinalubong ni mama ng nakangiti kaya nginitian ko rin sya. Pero nawalang bigla ang ngiti nya at napalitan iyon ng simangot.
"B-bakit ma?" tanong ko.
"Bakit may kayat na lipstick ka dyan sa labi mo? Nambabae ka na naman ano?!" galit na sigaw sa akin ni mama.
Patay!
"H-hindi ma! Ang totoo n'yan eh, sumali lang ako sa Ms. Gay kaya may lipstick ako!" sabay yakap ko sa kanya.
"Talaga? Hindi ka nag sisinungaling?"
"Opo ma, saka ma, alis po pala ako bukas punta akong Maynila"
"Bakit naman aber?" sabay taas nya ng kilay.
"Eh bibili lang po ako ng gitara. Tutal wala namang pasok bukas" sabay ngiti ko.
"Bakit naman ang layo at sa maynila pa?"
"Miss ko na sina ate ma eh," pagsisinungaling ko. Ang totoo nyan eh, mambababae lang ako.
"Bahala ka." Sabay alis nya.
"Yes!" bulong ko at dumiretso na sa kwarto.
"MARTIN! Tara na baka mahuli tayo sa byahe!" sigaw ng tropa ko mula sa labas ng bahay kaya napatakbo na ako palapit sa kanila.
Makarating kami sa terminal ng bus ay agad kaming sumakay doon. Nsg agaw-agawan pa kami sa upuan dahilan para mapagalitan kami ng driver. Umupo na ako malapit sa bintana at sakto nga naman may nakatabi pa akong chiks na napakaputi! Sino kaya 'to? Grabe ang ganda nya.
May pagka-goth ang babae kaya malamang sobrang dark ng make up nya na bumagay naman sa kanya. Pansin ko naman na may bitbit syang gitara at mukang kagagaling lamang sa gig.
Napatingin ito sa akin siguro nahalata nya na nakatitig ako sa kanya. Biglang kumunot ang noo nya at naging iritado ang muka.
"What are you looking at?" tanong nito. Grabe parang musika ang boses nya sa tenga ko! Ang ganda ng boses nya!
Saka englishera ang babaeng 'to ah? Hindi ba sya marunong mag tagalog?
"S-sorry" na lang ang nasabi ko saka ako umiwas ng tingin. Ang puso ko napakabilis tumibok! At ngayon lang uli 'to nangyari sa akin! Grabe naman 'tong babae na 'to ang lakas ng tama sa akin!
Muli akong tumingin sa kanya habang nakangiti. Napatingin naman ito sa akin ng seryoso. Inilahad ko naman ang kamay ko sa kanyang harap para makipag kamay.
"I'm Martin and you are?" tiningnan lang nito ang kamay ko saka nya sinabi ang. . .
"I'm not interested" masungit na sabi nya.
Sungit naman! Mamaya ka sa aking babae ka! Hindi dapat binabalewala ang gwapong tulad ko! Humanda ka. Ginalit mo ang jun—este ang isang Martin Aciey De Raya ah. Tch!