Marami ang nagulat sa nangyari, may mga nagpalakpakan at namangha sa teamwork namin.
Tinanggal ko na ang barrier na promoprotekta kina Lesther, Seina at Dino. Masigla silang naglakad papunta sa kinaroroonan ko at pati narin si Kyer.
"We won, ang galing mo magplano Shun." saad ni Dino na tila tuwang tuwa.
"Nanalo tayo bilang grupo, kung wala ang tulong ng isa't isa ay hindi tayo mananalo." sabi ko naman in a casual way.
"Pero ikaw parin yung planner sa grupo." sabi naman ni Kyer ng nakangiti sabay akbay sakin.
"Oo nga kuya Shun, ang galing mo mag isip ng strategy at parang wala kang takot sa kalaban tas parang sanay kana sa ganong mga scenario." pabibong sabi naman ni Lesther na ngiting ngiti.
"Ahhhmmm, yung ending part talaga kanina diba? yung pagsigaw ni Seina? hahaha." biglang pagsingit ni Kyer. Medyo nagulat naman ako sa kanya, pakiramdam ko sa kanya ayaw niyang palaliman pa namin yung sinabi ni Lesther. Pero hindi ko nalang pinansin kasi baka naman natuwa lang talaga siya kay Seina at okay na rin yun dahil ayoko ko rin naman pag usapan pa yung mga ganong bagay na patungkol sakin.
"Ah hehe...." yun lang naging sagot ni Seina, halatang nahihiya.
"Ikaw ba nagturo ng sasabihin niya Shun? haha" si Dino naman ang nagtanong sakin habang natatawa. Napatingin naman sina Kyer at Lesther sakin.
"Hindi no, siya mismo nag isip ng sasabihin. Diba Seina?" pagdedepensa ko naman.
"Sa totoo lang, kusa lang lumabas yun sa bibig ko." sagot naman ni Seina.
Natigil ang pag uusap namin ng may sumingit.
"Bravo, Bravo, ang grupo niyo talaga ang nagpaexcite sa karamihan sa manonood, the team of yours have shown us the best strategy among all the team na lumaban ngayon, plus hindi namin inaasahan na mananalo kayo dahil isa lamang ang attacker sa team niyo but then you prove us wrong. The team of yours is quite interesting, I hope to see more interesting strategy from your team in the fight lalo na sa gaganaping Clash of the Best Magician dito sa paaralan ng Shanya." mahabang litanya ng Headmaster, siya mismo ang lumapit sa amin, mukhang naamuse siya o mas magandang sabihin na minaliit niya ang kakayahan namin kanina kaya masyado siyang nagulat sa pagkapanalo ng grupo namin.
Ngiti lamang ang ginante namin sa headmaster, hindi kasi namin alam kong paano magreact sa biglang pagsulpot niya.
Umalis na kaming lima sa gitna at naiwan naman ang headmaster sa gitna dahil may iaannounce daw siya.
"Well, nandito narin naman ang karamihan ng mag aaral sa Ashanya. Naisipan kong ngayon na sabihin ang pinal na araw kung kailan ipagdadaraos ang Clash of the Best Magician dito sa paaralan
ng Shanya at yun ay sa huling araw sa buwan na ito. Ang ibang detalye tungkol dito ay ang nakaassign na propesor niyo na ang magsasabi, at nga pala, kanselado ang training ng first year sa hapon dahil narin alam naming napagod kayo sa laban. Salamat sa pakikinig." Mahabang litanya ng Headmaster namin, umalis narin naman siya pagkatapos niyang magsalita.
Marami namang nagbulong-bulungan tungkol sa sinabing Clash of the Best Magicianng Headmaster, pero don ako natuwa sa pagkansela ng pagsasanay mamaya.
Mabuti naman at nakansela ang combat training mamaya, nanghihina na kasi ako. wala sa wisyong saad ni Seina. Ngumiti nalang kami bilang pagsang-ayon.
"Kuya Leo, narinig mo yun kanina? sabi ni Headmaster aabangan niya ang team namin sa gaganaping Clash of the Best Magician, napabilib namin siya." masiglang saad ni Lesther na nasa gilid ko lang, nang lingunin ko siya, nakita ko na kaharap niya ang lider-lideran ng mga elementalist. Mag-isa nalang siya wala na yung mga chaperone niya kanina.
Kung hindi ako nagkakamali ng hula, ang lalaking kaharap ni Lesther na siyang may taglay ng apat na elemento ay ang kuya niya? Nang tingnan ko ang mga reaksyon ng ibang ka-team ko ay medyo hindi ko mabasa, marami kasing emosyon ang nakikita ko sa mga mukha nila, may gulat, tuwa, at pagkamangha. Ako naman medyo nag aalangan dahil narin sa may kaugnayan siya sa palasyo dahil nga't siya ang itinakdang maging susunod na hari.
Kinompose ko yung sarili ko dahil ayoko kong mahalata.
"Maganda nga ang pinakita niyong laban kanina. Kahit nga ako nagulat sa naging resulta." sagot naman ng Leo, yun kasi ang dinig kong tawag sa kanya ni Lesther.
Nagulat naman ako na sa huling sentence na sinabi niya sakin siya tumingin at may halo itong pagdududa. Kumunot naman ang noo ko dahil sa way ng pagtingin niya sakin, natigil naman ang tingin niya sakin ng magsalita si Seina, hindi na ata napigilan ang tuwa na makaharap ang sinasabing itinakda. Tsk. Piling ko maattitude tong Leo nato.
"Grabe, diba ikaw si Leo? ang may taglay ng kakayahan ng apat na elemento, ang nakatakdang susunod na hari?" sunod sunod na tanong ni Seina na halatang tuwang tuwa.
"Oo ate Seina, siya nga. Si kuya ang susunod na mamumuno dito sa Ashanya." Masiglang sagot naman ni Lesther, naging seryoso kasi ang mukha ni Leo sa mga tinanong ni Seina. Parang ayaw niyang pag-usapan ang tungkol doon.
Napatingin naman ako kay Dino, naansin ko kasing tila nadidismaya siya sa naririnig niya. Napaisip naman ako, kung tutuusin kasi kung totoo man na may gusto nga siya kay Lesther ay mahihirapan siya dahil sa kuya nito. Kawawang Dino pagnagkataon, kung titingnan kasi tong Leo nato ay parang napakasungit.
Si Kyer naman ang tinapunan ko nang tingin at tila nag iisip ito ng malalim dahil parang nakatingin lang ito sa kawalan habang nag uusap ang iba dito.
"Lesther, may kailangan pa akong gawin ngayon. Nga pala, wag na wag kang lalabas ng paaralan dahil delikado at wag kang masyadong pakampante sa paligid mo, mag ingat ka palagi." Seryosong paalala ni Leo kay Lesther, at walang ano ano ay umalis ito na di manlang nagtapon ng tingin sa ibang kasama ng kapatid niya. Tsk.
Well, wala naman akong paki kaya ayon nagdesisyon na akong bumalik sa dorm kasi medyo napagod ako at
nanghina dahil siguro don sa anti-shriek building barrier na pinakawalan ko. Malaki kasi ang enerhiyang kakailangan dahil ginawa ko pa itong bala sa pana. Nagsialis narin naman kasi yung iba dito sa field.
Pati narin yung apat ay nagdesisyon naring bumalik sa dorm, nahiwalay samin si Seina dahil nga sa iba ang dormitory ng mga babae dito.
(Leo POV
Nandito ako ngayon sa dorm ko pilit pinapakalma ang sarili. May kung ano sa loob ko na gustong kumawala. Naalala ko kanina, nang kinakausap ko si Lesther doon sa field, doon nag umpisang may kong ano sa loob ko na gustong lumabas, pinakiramdaman ko ang paligid pero hindi ko matukoy kung ano nga ang dahilan ng nangyayari sakin. Okay pa naman ako nang dumating kami doon sa field kasama ang apat kong kaibigan hanggang sa matapos ang laban nila Lesther pero nong lumapit ako sa team niya ay doon na ako nakaramdam ng kakaiba, pinilit kong wag ipahalata yun. Nang kausapin ako nang kapatid ko tungkol dun sa napabilib ng team niya ang headmaster ng Ashanya ay doon ko naalala na isa sa team niya ang kaninang pinagdududahan ko dahil hindi ko matukoy ang awra na nagpapaligid dito, isa siyang barrier builder pero parang hindi siya natatakot sa kalaban niya galing sa offence team at yung pagsangga niya sa water tornado nong water elementalist ay hindi normal para sa isang ordinaryong barrier builder, marahil hindi iyon pinansin pa ng karamihan dahil masyado silang napabilib sa naging resulta ng laban kanina. Pero nagdududa talaga ako sa Magician na yun. Nang sinagot ko si Lesther kanina ay tiningnan ko yung Barrier Builder na teammate niya para sana basahin at alamin ang tinatago nito, kaya ko kasing basahin ang utak ng isang tao, ano pa at naging isa akong quadruple elemental user diba? Pero nagulat ako at hindi ko mapasok ang isip nito, naisip ko rin na marahil naglagay siya ng pananggalang para hindi mabasa ang nasa utak niya na siya ring nagpaduda pa lalo sakin. Sa tingin ko konektado ang nangyayari sa akin ngayon sa Magician na yun. Ano kaya ang itinatago niya? Kinailangan ko naring umalis kanina dahil sa hindi na kumportable ang lagay ko kanina. Isa rin sa nagpapaduda sakin ngayon kung konektado ba yung Magician na yun sa mga yuminian, nabalitaan ko kasi na nagsisimula na naman silang manggulo sa Ashanya. Kailangan kong matyagan ang lalaking yun lalo na at ka-team niya si Lesther.)
Nagising ako mula sa mahimbing kong pagtulog dahil nauuhaw ako, babangon na sana ako nang mapansin kong may kung anong umiilaw sa taas ng katawan ng natutulog na si Lesther.