SA WAKAS! Natapos rin namin ni Karen ang aking project. Tumingin ako sa wall clock ng Library. Medyo maaga kami natapos sa aming ginawa. May 20 minutes pa kami bago magsimula ang klase. Mabilis talaga magsulat si Karen habang ako naman ay mas gumagaling kapag under pressure. Since maaga pa, kaya nagpasya kaming kumain muna sa Canteen. Pa thank you ko na rin sa tulong ni Karen sa akin.
Nagtungo na nga kami sa Canteen. "Anung gusto mong kainin. Libre kita." Sabi ko kay Karen habang tinitignan ko naman kung magkano ba ang pera ko sa wallet.
"Himala! Ikaw Chanda? Manlilibre? Ehhh kuripot ka pa sa inuyat. Ikaw itong laging nagpapalibre sa amin". Sagot naman niya sakin habang nakakunot ang noo at may pagtataka sa mga mata nito.
"Aba! Ayaw mo ba? Minsan na lang ako manlilibre, ayaw mo pa. Besides pa thank you ko na rin sa help mo sa aking about my reporting." Tugon ko sa kanya with some worried.
Makikita mo ba naman sa wallet mo na 50 pesos na lang ang laman. Mamaya magmaganda pa si friend Karen at magturo ng mahal na foods. Lagas ang savings natin. Sana sa mura lang niya magyaya kumain Hahaha.
"Sige! Bili mo nalang ako nang French fries with some Kwek Kwek and Sago at Gulaman. Mura lang yan ahhh. Para hindi mabigat sa bulsa mo." Wika niya habang nakayapos sa braso ko. Alam naman niya na hindi ganun kalaki ang baon ko. Kaya siguro ang pinabibili lang niya ay Kwek Kwek which is 10 pesos, French Fries 10 pesos and 8 pesos na Sago at Gulaman. With a total of 28 pesos. Kaya may sukli pa ang aking 50 pesos ko.
After namin nabili lahat ng foods and drink. Naghanap kami ng mauupuan sa Canteen. Medyo hindi pa naman ito puno at sakto may napili kami. Umupo kami sa puwestong malapit sa labasan ng Canteen. Tinignan rin namin kung malinis ito at maayos. Nang masiyasat na namin na ayos ang uupuan namin ay pumuwesto na kami at inilapag sa lamesa ang mga napamili naming pagkain.
Nagsimula nang kumain si Karen sa mga napamili namin. "Hindi kaba bibili ng pagkain mo?" Tanong ni Karen habang pasubo ng Kwek Kwek na binili ko for her.
"Hindi ako nagugutom kasi kumain ako sa bahay bago pumasok tapos may baon pa akong Mamon at Zesto." Balik ko naman sa kanya. "Sige na! Kumain ka lang diyan. Ok lang ako dito at nang matapos na tayo dito sa Canteen. Para makapasok agad tayo sa Classroom kapag naglabasan ang mga pang umaga." Utos ko kay Karen
Sa School kasi namin, may pang umagang class which starts at 6:05am to 12:05pm. After nila, kami naman ang papalit sa Classroom representing afternoon classes. 12:15pm to 6:15pm ang School hours namin. May 10 minutes na pagitan from Morning session at Afternoon session. Ginawa ito ng School para may panahon from uwian ng mga pang umaga hanggang sa pagpalit namin sa kanilang Classroo. Habang naghihintay ang mga Students sa kanilang School hours, maraming puwedeng tambayan sa School grounds. Like mga upuan sa Garden, mga upuan malapit sa mga Gates, sa Canteen, sa Library, sa Stage, sa Gym after ng P.E classes and specially sa pasilyo ng ground floor kung saan makikita ang iba`t ibang rooms for Speech lab, Science lab and some of the offices nang School Officer. Kaya maraming place ang puwedeng tambayan while nagpapalipas ng oras ang mga students.
Habang kumakain si Karen at may kinukwento sa akin na kung anu_ano with emotions pa.Nag-iisip naman ako. Lumulutang ang isip at diwa dahil kay Tisoy. Hindi mawala sa aking isipan si Tisoy. Panay isip ako sa mga kaganapan sa Jeepney. Iniisip ko kung paano kaya kung iba ang naging aksyon ko sa pagkikita namin ni Tisoy. Paano kung ibang reaksyon ang pinakita ko noong nasa Jeep pa kami. Baka nagawa ko pang sundan siya or more ay makilala siya. Biglang may humampas ng kanyang kamay sa table namin. Kaya naman nagulat kaming dalawa ni Karen at muntik pang matapon ang Sago at Gulaman na iniinom ni Karen.
"Hoooooooyyyyyyy! Mga Sisters. Nandito pala kayo sa Canteen. Hindi man lang kayo nagsabi na tatambay kayo dito today." Wika nang isang pamilyar na mukha.
"Baklang ito! Kakagulat ka naman. Pasalamat ka at hindi ko binuhos sayo itong Sago ko. Kakagigil ka! Hindi naman kagandahan." Bulyaw at insulto ni Karen sa taong naghampas sa table namin. Well, si Ishy pala ito. Ang gay bff namin ni Karen. Actually, Ishmael ang true name niya kaso Ishy nalang daw ang itawag namin para pa girly effect.
"Mga bakla, ang aga ninyo pumasok. May himala na ba ngayon sa mundo at maaga ang pagkakalat ninyo ng lagim sa School natin?" Asar ni Ishy sa amin. Ganyan naman siya. Laging okray ang inaabot namin pero mabait siya at maaasahang kaibigan. Palabiro lang talaga siya at feeling mas maganda sa amin ni Karen.
It`s my turn to answer..."For your info chararat, galing kami sa Library kanina. Since ako na ang nakasalang for reporting sa Social Studies History keme subject natin, kailangan kong magresearch for it. Buti nga nagkataon na maaga rin pumasok si Karen at natulungan niya ako. Maaga ko tuloy natapos yung research ko about the country of Jordan. Pero Karen, bakit nga ba maaga ka pumasok today? Hindi mo naman alam na papasok din ako nang maaga today ahhhh?" Tanong ko kay Karen.
"Naku! Wala naman kasi magawa sa bahay. Kaya eto tambay na lang ako sa School. Kung hindi ka nga dumating, sigurado nasa Batibot ako ngayon. While reading some Pocket novel." Sagot ni Karen.
Ang Batibot ay sementong upuan na nakapalibot sa isang malaking puno. Maraming puno sa aming School. Kaya marami ring batibot. Presko at malilim sa Batibot. Kaya madalas dito ang tambayan ng mga pang hapon na Estudyante. Habang naghihintay sa pag-uwi ng mga pang umaga.
"Gaga, nasa Batibot ka looking for some boys na naman. Huwag nga ako bakla." Pang-aasar ni Ishy kay Karen, sabay kuha ng upuan sa kabilang lamesa at umupo sa harapan namin.
"Naku bakla!' 'Wag mo ako itulad sayo. Mga gawain mo, sa akin mo ibabato. Mahilig lang ako magbasa. Ikaw ang puro boys hunting." ani ni Karen.
Akmang kukuha si Ishy ng Fries ni Karen kaso tinapik niya ang kamay nito at sabing "Palibre ka kay Chanda. Libre lang niya ito. Babawasan mo pa." With pacute eyes at nguso. Nagsabi nga si Ishy sa akin na bilhan ko naman daw siya ng French Fries din. Kinukulit ako kaya naman para matigil na si bakla sa pa ngungulit sa akin, "sige sige bibili na kita pero french fries lang ahhh. Wala na akong pamasahe mamaya pauwi." Sambit ko. "Paano kapag nabulunan ako? Wala bang Sago at Gulaman na magtutulak sa kinain ko?" Hirit ni Ishy.
"Tutulak ka namin ni Karen para mawala ang bara sa lalamunan mo. Arte nito, ikaw na nga lilibre choosy ka pa." Sagot ko naman kay Ishy habang natatawa si Karen.