Chynna
"By the way..." pagbasag ko sa kalandian nila. "Nang nagliligawan pa lang kayo, ano 'yung mga ginawa ni Felix para mapasagot ka?"
"Ligaw?" pag-ulit ni Ate Letlet at sa napatungo naman ako. Curious talaga ako sa mga pinagdaanan ng dalawang ito at baka makatulong rin kay France. Lumingon siya kay Felix na busy nang kumain ng chocolate ice cream at napatigil sa pagsubo nang makita kaming nakatitig sa kanya.
"Po?"
"May ginawa ka ba nung nanliligaw ka pa lang sa akin?"
"Nanligaw."
"Gaga."
"Ano ba?"
Inirapan namin siya dahil sa kasabugan niya. Para siyang nakadroga pero pagkain ang droga niya.
Base sa aking experience sa first love ko, lagi niya akong dinadalhan ng mga cute plushies at mga creative scrapbooks with stolen pictures ko kasi ganoon niya raw ako kamahal. Cheesy and cringey pero nakakakilig.
Napailing ako ng bahagya nang maalala ko iyon dahil hindi rin maganda ang pinagdaanan ko sa piling niya pero nagpapasalamat pa rin ako dahil nabigyan ako ng pagkakataon para mahalin siya.
"Ano mga ginawa ko nung nanliligaw pa lang ako?" pag-ulit ni Felix ng tanong na para bang ngayon lang nagreregister 'yung tanong ko. "Ano nga ba ginawa ko? Puro kain lang ginawa ko sa mga araw na 'yon."
"No! Remember the time you bought me a cake as huge as this?" alma ni Ate Letlet habang dinidemonstrate ang size ng cake na natanggap niya noon. "It was a Mocha cake - my favourite flavor."
"Hindi ko na matandaan... may binigay ba ako na ganoon?" napahawak sa batok si Felix at pinipilit alalahanin ang pinaka-memorable na natanggap ni Ate Letlet mula sa kanya.
Hinampas siya ng mahinhin ni Ate Letlet at nakipagtitigan. Para silang nasa staring contest dahil walang kumukurap sa kanila. "You've forgotten?"
"No... no... I just need a minute to recall everything that happened back when I was still courting you." giit ni Felix habang hinihimas ang likod nito.
"Weh? Nakalimutan mo talaga eh!" pang-aasar ko sabay higop sa tea na iniinom ko. Kininditan ako ni Felix ng patago. Sign na wala nga siyang matandaan at para bang sinasabi na mag-go with the flow na ako. "Lakas ng tama mo lods. Tigil mo na iyan."
———
"So ito plano natin." napatagil ako sa pagsasalita nang mapansin ko na hindi nakikinig si France kaya binatukan ko siya ng bahagya para makapag-pokus siya sa mga sasabihin ko.
Napakamot ulo siya kaya tinawanan ko lang siya. "Makinig ka - nagtanong ako kana Ate Letlet at sa boyfriend niya kung ano mga kaganapan sa ligaw phase nila."
Inabot ko ang isang scratch paper kay France kung saan nakasulat ang mga ideas na nakuha mula sa kwento ng lovebirds. "Done na tayo sa flowers and obviously failed."
Napabuntong hinga ako at tinuro ang plan B na gagawin namin mamayang hapon. "Ito ang gagawin natin. Gets?"
Nakipagtitigan ako sa kanya at kinindatan. "Don't worry, sagot ko na 'yung ibibigay mo." niyakap ko siya para palakasin ang loob niya. Dama ko ang kaba niya dahil sa panginginig niya pero hindi ko na ito sinita dahil natural lang naman ang kaba kapag nanliligaw.
"Oh sige na... mauuna na ako, titingin pa ako ng magagandang pangregalo." tumayo ako at isinuot ang bag. Tumayo na rin siya kasabay ko at mas nauna pang naglakad papaalis kaysa sa akin. Kabadong-kabado talaga siya jusko, kinakabahan na rin tuloy ako mamaya at baka'y mautal siya...
Ay wait
Mute nga pala siya
Ano ba 😭
"China!" napalingon ako sa likuran ko dahil sa tawag ng isang lalaki - si Felix pala. Nakakaasar talaga siya hindi naman kasi China name ko eh. Chynna kasi, Tsi-na.
Agad kong inilabas ang cellphone ko at tinawagan si Ate Letlet. "Tatawagan ko si Ate bahala ka. Susumbong kita."
"Sumbong mo blehhh."
"Ano ba kailangan mo?"
"Chill, crush ko Ate mo hindi ikaw."
"Alangan, jowa mo 'yun eh."
"Tanggapin mo na kasi, wala akong crush sa iyo."
"Ambisyoso."
Tumawa siya kaya napangisi na lang ako. "Narinig ko usapan niyo ni France, sino liligawan niyo? Kaya ka ba nagtanong kanina about ligaw?"
Napatango ako at napahawak sa batok. "Kaso nga lang, kabado si France eh parang dehado kay Danmark."
"Danmark?" umupo kaming parehas at sa nakikain siya nang makita na may nilabas akong biscuit sa bag. "May gusto rin si Danmark kay Pirana?"
"It's Peruianna okay? Not Pirana."
"Sornaman, simpleng name lang, pinapakumplikado spelling eh."
"Anyways, hindi kami sure if may gusto si Danmark kay Peruianna dahil best friends sila eh." pagbago ko ng topic at napahalumbaba na lang.
"Best friends lang pala eh, don't overthink that much." aniya ni Felix na busy kumain ng biscuit na dapat ako ang kakain. "Huwag niyong bigyang malisya ang closeness ng dalawa, lalong makakasira 'yun sa current status ni France at Peruianna."
Napatingin ako sa kanya at bahagyang namangha na marinig 'yun sa kanya. "Trust, respect, at honesty ang three fundamental things na dapat mayroon ang magjowa." dagdag niya pa.
"Selosa kaya si Ate Letlet."
"Weh? Hmm yes one time nagselos siya pero inexplain ko naman 'yung part ko at inintindi niya ito. May topak lang talaga siya madalas pero ang cute niya kaya kapag inaatake siya ng sumpong." mariing saad niya.
"Sumpong... ano 'yun, baby?"
"Oo, baby ko."
"Bwiset kayo, landi niyo." tumayo akong muli at inagaw ang biscuit sa kanya. "Mauuna na ako, may pupuntahan pa ako."
"Okay, ingat."
———
"The time has come, act normal lang - huwag mong ipahalata na kabado ka." pagpapaalala ko kay France sabay abot sa kanya ng isang box ng chocolate na nabili ko kanina. Lumingon siya sa akin at bakas sa mukha niya ang takot na baka ma-reject siya. Tinapik ko siya sa balikat at nginitian. "Isipin mo lang ang mga magagandang resulta." tinulak ko siya ng bahagya at binuksan ang pinto para sa kanya.
Dahan-dahan niyang pinasok ang classroom at nanginginig na iginala ang mga mata para hanapin si Peruianna. Hindi pa man siya tuluyang nakakalapit kay Peruianna nang huminto siya. Nagtaka ako kaya nilapitan siya at nagulat nang makita si Peruianna na kumakain ng chocolate kasama si Danmark habang nagtatawanan.
Hinawakan ko siya sa braso para mabaling ang tingin niya sa akin. "Mag-best friend sila, natural lang iyon." napakagat labi siya at parang iiyak na pero sinampal ko siya ng biglaan. "Ay sorry... basta! Lapitan mo muna siya bago ka umiyak diyan."
Nagtitigan pa kami bago siya humarap kay Peruianna kaya napagpasyahan ko na lang na samahan siya. "Peru!" tawag ko kay Peruianna kaya napalingon silang dalawa sa amin ni France.
"Si Chynna ba 'yun?"
"Oo at si France."
"France? Ano pala ang ginagawa niyo dito? Akala ko nakauwi na kayo kasi hindi namin kayo mahanap kanina ni Danmark."
"May pinuntahan lang kami... by the way, may ibibigay si France."
Siniko ko nang bahagya si France para senyasan siya na ibigay na ang chocolate kay Peruianna. Ginawa niya naman at napangiti naman si Peruianna sa ginawa niya.
"Ano ito?"
"Chocolate... tinulungan ko si France mamili niyan."
"Ay wow naman... pero baka bukas ko na makain ito ah, kakachocolate ko lang ngayon."
"Okay lang..." nagkatinginan kami ni France at napayuko. "At least nagustuhan mo di'ba?"
"Oo naman!"
———
"Pfft-" bago pa man makatawa si Ate Letlet ay agad tinakpan ni kuya Jan ang bibig niya.
Nakakainis, nagfail na naman 'yung plano ko. I mean, nagustuhan naman ni Peruianna pero ang awkward dahil nandoon si Danmark at talagang may pa-chocolate pa. Napaghihinaan tuloy ng loob 'yung manok ko.
"Argh!" sigaw ko at padabog na umakyat sa kwarto ko.
"Okay lang 'yan, may next time pa!"