Nathan Jace
WALA akong alam! wala akong alam na ang girlfriend ko ay girlfriend din ng kapatid ko.Wala akong ideya na maloloko ako ng isang babae. Tsk! She's really different. At ngayon nga ay kausap ko ang babaeng nagpaikot sa aming magkapatid.
"I'm sorry Nathan kung hindi ako nagsabi ng totoo" Panimula nito. Bumuntong-hininga ako bago sumandal sa pader at inilagay ang dalawang kamay sa bulsa ng aking pantalon.
"N-Nathan kausapin mo naman ako oh.Magsalita ka naman. Tell something please" Pakiusap nito. Tumingin naman ako dito, diretso sa mga mata nito pero napansin ko na wala sa mga mata nito ang pagsisisi.
"I have nothing to say about how good you are on cheating. Parehas mo kaming naging boyfriend ng kapatid ko. That's it.  Congratulations" walang emosiyon na sabi ko dito. I just want to tell her the truth. I really have nothing to say with her because we're done already. Napailing-iling ito sa sinabi ko.
"Nathan ano ka ba? Bakit ganyan ka? Ba-bakit hindi ka manlang nasaktan sa natuklasan mo?" Hindi makapaniwala na tanong ni Shane Gray. Hindi nalang ako umimik dahil alam ko na lalo lang itong masasaktan kapag nagsalita pa ako. "Nathan Jace!" sigaw na nito sa akin para makuha ang atensiyon ko. Hindi pa rin ako umimik at binalewala ito. Hinampas ako nito sa balikat pero hindi ko pa rin ito pinansin.
"Nathan ano ba? Magsalita ka nga pwede?" Halata sa boses na naiinis na ito pero hindi pa rin ako natinag. Katahimikan ang sunod na namayani sa pagitan naming dalawa. "Minahal mo ba ako?" basag nito sa katahimikan no'ng hindi ito nakatiis. Matagal bago ako nagsalita.
"Ayokong sabihin na hindi pero 'yun ang totoo"
"H-huh? "
"A-ang alam ko, iisang tao lang ang minahal ko simula pa pagkabata" seryosong pag-amin ko dito habang nakatingin sa mga mata nito. Sinubukan ko lang namang makipagrelasyon para kalimutan ang nararamdaman ko sa taong iyon pero sa tingin ko ay hindi pa rin ako nagtagumpay.  Hindi ito umimik. Narinig ko nalang na umiiyak na ito. Napabuntong-hininga ako.
"Pinapaubaya na kita sa kapatid ko" balewalang dagdag ko pa.
"P-pero Nathan----" Pagtutol pa sana nito pero hindi ko na ito pinansin dahil nagsimula na akong umalis sa lugar na 'yun palayo dito.
––
Ethan Jake
     
Lahat ko narinig ang sinabi ni kuya.  Hindi ko alam na nagkaroon ng relasyon ang dalawa. Hindi ko rin inaasahan na magagawang ipaubaya ni kuya ang girlfriend nito. At hindi ko rin alam kung sino ang tinutukoy ni kuya na mahal nito. Simula pagkabata? Ang alam ko na ka-close ni kuya noong kabataan namin ay si----.
Sino nga ba?
     
Ah si Iyah.
      
Si Iyah ay anak ng isa pang bestfriend nina daddy at ang pagkakaalam ko ay nagmigrate na ang mga ito sa Amerika. Napatingin ako sa direksiyon na pinagmulan ni kuya kung saan nito iniwan si Shane Gray. Gusto kong magalit sa ginawang panloloko sa amin ni Shane pero hindi ko magawa dahil nananaig ang pagmamahal ko dito. Love really makes people stupid. Hays!
"Oh kuya nandito ka lang pala.   Kanina ka pa hinihintay ni Riesha sa Van eh. Saan ka ba galing?" painosente kong tanong. Lumingon-lingon ito sa paligid.  Napakamot pa ito sa batok at para bang nagdadalawang isip pa kung sasagot. Sa huli ay tumingin ito ng diretso sa akin at ngumiti.
"Alam ko na lahat kuya, kaya huwag kang ganyan" sabi ko sa isip ko habang nakatingin kay kuya at hinihintay ang palusot nito.
"A-ah d'yan lang sa tabi-tabi.  Naglakad-lakad lang" Palusot naman nito. Ngumiti nalang ako ng pilit.
"Ah gano'n ba? OK" sabi ko nalang. Tumango naman sa akin si kuya.
"Ahm kuya nakita mo ba si Shane Gray?"
"Ah oo, natanawan ko s'ya no'ng naglalakad-lakad ako kanina" Itinuro nito ang pinanggalingan nito kanina. Ngumiti naman ako ng ibinaling nito ang tingin sa akin.
Wala ka talagang plano kuya huh? Na sabihin na nagkaroon kayo ng relasyon ni Shane Gray!
"B-bakit EJ?" Baling sa akin ni kuya na ikinabalik ng aking ulirat.
"Ah- eh gusto ko sana s'ya imbitahan sa bahay" Sagot ko dito.  Tumango-tango naman ito.
"Bahala ka" sagot ni kuya bago nagsimulang maglakad palayo.
"Thanks kuya" habol ko dito. Lumingon naman ito para magkibit-balikat. Napabungtong-hininga naman ako habang sinusundan ito ng tanaw.  Siguro wala nga talaga itong balak na sabihin sa akin ang totoo marahil para hindi na ako masaktan.
––
Riesha Faye
Kaasar talaga ang magkapatid na iyon! Saan na ba 'yun nagpunta?  Hays!  Panay tanong ko sa isip habang naghihintay sa loob ng van at habang nagtatablet na rin. Kaboring talaga ang araw na ito. Tsk! Maya-maya ay nakarinig ako ng kaluskos mula sa kasunod na upuan. Napalingon ako doon at nakita ko si Nate na umaayos sa pagkakaupo nito. Dumukwang ako dito.
"Saan ka galing?" Agad na tanong ko dito. Hindi ito sumagot, pumikit lamang ito. Napanguso tuloy ako. "Hoy Nate kinakausap kita. Sumagot ka naman" reklamo ko dito. Hindi pa rin ito umimik kaya umayos nalang ako ng upo at nagpabulong-bulong.
"Kahit kailan talaga ang sungit,  ugali na rin n'ya ang hindi sumagot sa mga tanong ko. Kaasar s'ya ha.  Kambal ba talaga sila ni Ethan?  Bakit si Ethan----" Naputol ang pagbulong-bulong ko nang sumikbay sa akin si Nate. Agad na isinandal ang likod sa upuan, nagcrossarms at pumikit. Inaantok ba s'ya? Napatitig ako sa mukha nito. Ang gwapo n'ya huh! Ano ka ba Riesha Faye? Napapitlag ako ng bigla itong magsalita.
"Huwag mo nga akong titigan" masungit na suway nito sa akin. Kapal ha! Hindi nalang ako umimik at umayos nalang ako ng upo. "Tsaka 'yung kanina na ginagawa mong pagpapasyon, huwag muna ulit iyon uulitin huh?" dagdag pa ni Nate habang nakapikit pa rin.
"Anong pinag-----" Hindi ko na naman  naituloy ang pagtatanong sa pasyon na sinasabi nito dahil naalala ko ang kanina'y pabulong-bulong ko dito.  Bigla ko tuloy itong nahampas sa balikat. "Hindi ako nagpapasyon noh. Tsaka bakit ka ba dito umupo sa ta-----" For the nth times, hindi ko na naman naituloy ang sasabihin ko dahil dumating na si Ethan kasama si Gray. Napasimangot na naman ako.
"Tsk! Ang bruhilda. Ang sama mo na Riesha ha!" Nasa isip ko. Ngumiti sa akin si Ethan.
"Hi Riesha" Bati pa nito sa akin. Pilit ko itong nginitian.
"H-hi din Gray" baling ko sa babae habang nakapaskil ang pekeng ngiti. Ngumiti din ito sa akin. 
"Hi" balik bati nito sa akin.
"Ahm Riesha, isasama ko s'ya sa bahay ngayon. Ok lang ba sayo?" Ethan asked. Dahil sa sinabi ni Ethan kaya muntik-muntikan ng mahulog ang luha ko but NEVER. Iiyak ka lang Riesha sa taong mahal na mahal mo ok? Ngumiti naman ako kay Ethan kahit nakaramdam ako ng kaunting inis.
"Why not? Girlfriend mo naman s'ya eh kaya ok na ok lang sa akin" sabi ko pa habang nakangiti ng pilit. Ngumiti sa akin si Ethan bago nito inalalayan maupo si Gray. Nakaramdam ako inggit.
Nang umaandar na ang van ay saka lamang ulit nagsalita si Ethan para naman sa kapatid nitong si Nate, nasa likod namin ang mga ito ni Nathan.
"Ahm kuya tumawag nga pala sa akin kanina si mommy"
"Anong sabi?" tanong naman ni Nate na hindi lumilingon sa kapatid.
"Darating daw ang kambal ngayon at doon sa bahay tutuloy" nakangiting balita ni Ethan.
"Sina Jerwin at Jervin?" paninigurado ni Nate na saglit tumingin kay Ethan.
"Exactly! Hahaha those two bastards" tuwang-tuwang sabi ni Ethan.
––
Pagdating sa bahay ng mga Bueneventura ay agad kaming pumasok sa kabahayan at sumigaw na s'yang madalas naming gawin dahil nakasanayan na namin.
"Tita I'm home!" sigaw ko pagkababa ng sasakyan.
"Mom, Dad we're home!" nagkasabay pa na sigaw nina EJ at Nate. Matapos naming sumigaw na tatlo ay sabay-sabay kaming naghubad ng sapatos para pumasok sa kabahayan, gumaya naman si Shane sa ginawa namin.
Nang mahubad na ang sapatos ay nagpatiuna na sina Ethan Jake at Shane Gray sa amin ni Nathan Jace. Napasimangot ako ng makita ko ang mataray na paglalakad ni Shane Gray habang inaalalayan ni Ethan.
Napansin ko bigla na ako nalang pala ang nasa may pintuan at nag-aalis ng sapatos. Nakita ko si Nate na nakatalikod habang nakasukbit sa isang balikat nito ang backpack at nakalagay ang dalawang kamay sa bulsa ng slacks nito.
Nagmadali na rin ako sa paghuhubad ng sapatos para habulin ito. Nang makalapit dito ay agad ko itong tinalon para hambalusin ang ulo nito, ang tangkad eh. Inalis naman nito ang isa nitong kamay sa bulsa ng slacks nito para mahawakan ang ulo na hinampas ko. Nang mag-angat ito ng tingin para pagalitan ako ay nasa may hagdan naman na ako at binelatan ito. Mahirap na, baka masungitan na naman ni Master.
"Bleeehhhh! Hahahaha" Asar ko pa dito.
"Rieha Faye!" sigaw nito pero patakbo na akong umakyat sa sarili kong kwarto at doon nagtatawa.
Pagkatapos magbihis ay bumaba na ako sa aking kwarto para tumuloy sa sala. Nakayuko ako habang naglalakad kaya naman nagulat ako ng may bigla na lamang tumalon sa akin para akbayan ako at guluhin ang aking buhok. Sino ba ito? Nag-angat ako tingin. Nakatayo ang isang lalaki na halos singkit na ang mata dahil sa pagkakangiti nito sa akin. Gwapo rin at medyo kahawig nina Ethan at Nathan. Napasimangot ito bigla sa naging reaksiyon ko. Sino ba ito?
"Ba't ganyan ang reaksiyon mo?  Hindi mo na ba ako natatandaan?" Nakanguso na tanong pa nito sa akin. Umiling naman agad ako. Tumawa naman ito at muling ginuyumos ang aking buhok. "Si Chocolate talaga oh" natatawang sabi pa nito habang ginugulo ang buhok ko.
Napakunot-noo naman ako at napaisip. Chocolate? Iisang tao lang ang tumatawag sa akin ng gano'n noong bata pa ako dahil may kaitiman ako noon at ang tawag na iyon ang aking kinaiinisan sa taong ito.
"J-Jervin?"