LINGGO at nasa tapat uli kami ng tindahan ni Aling Verta. Kinulit ko si Izza para samahan ako dito. Alas otso pa lang ng umaga ay nandito na kami Aling Verta Store. Naghintay kami sa pagbubukas nito ngunit lumipas ang halos isang oras ay walang lumabas para buksan ang tindahan.
"Kumalma ka Liezel! Para kang papatay ng tao." Awat ni Izza sa akin sa marahas kong pagkatok sa gate ng Aling Verta Store na sinabayan ko pa ng malakas na pagtawag sa pangalan nya.
But to my dismay ay wala pa ding sumagot at walang lumabas para pagbuksan kami. Nang mapagod ako sa pagkatok at pagsigaw ay napaupo na lang sa gilid. Hinarap ko si Izza para sagutin.
"Sabihin mo sa akin paano ako kakalma Izza. Kung ang kuya mo ay nagsisimula ng mahumaling sa akin! Hindi na normal ang buhay ko!" Halos maghisteryang sigaw ko kay Izza .
I'm not exaggerating pero talagang lumalala na ang kuya nya. Kahapon ay kalmado pa siya pero kaninang umaga ay mukhang gumagrabe na ang epekto ng gayuma. Nagulat ako kaninang paggising ko ay nasa bahay na sya at inaabangan ako.
"Good morning." Nakangiting bati nya
Muntik pa akong mahulog sa hagdan pagkakita sa kanya. Kagigising ko pa lang at ni hindi pa ako nakakapagmumog. Ang buhok ko ay ni hindi ko pa nasuklayan. Samantalang sya ay nakaligo na at bihis na bihis.
"Anong ginagawa mo dito?" Taka at inis na tanong ko
"Gusto lang kitang makita." aniya na ngumiti na naman.
Pumunta sya dito ng ganito kaaga para lang makita ako?
"Nagkita pa lang tayo kahapon." Pagsusungit ko
"Yun nga ang problema, magdamag pa lang kitang hindi nakita pero miss na kita." aniya na bahagyang nag iwas ng tingin.
Ayan na naman ang mga pambobola nya. Feeling naman nya eepekto sa akin yun? Nah.
"Ngayong nakita mo na ako pwede ka nang umalis." Pagtataboy ko, pilit iniignora ang mga sinabi nya.
Ni hindi man lang yata sya tinablahan nang pagsusungit ko. Nakangiti pa rin syang tumayo.
"Aalis na talaga ako. Nakita na kita kaya kumpleto na ang araw ko. Good morning uli." Aniya na hindi pa rin tinatanggal ang malapad na ngiti.
Kung ordinaryong babae lang siguro ako baka nahimatay na ako sa kilig ngayon. Pero buti na lang at hindi ako ordinaryong babae at isa pa alam ko namang dahil lang sa epekto ng gayuma kaya nya lang naman nasasabi ang mga bagay na iyon.
Tumalikod na siya at nagsimulang maglakad palabas.
Pinagmamaadan ko ang paglabas nya Ng mapansin ko ang pagtigil nya. Ano na naman kaya ang gagawin ng lalaking ito? Hindi nagtagal ay lumingon sya at muling tumingin sa akin
Tinaasan ko sya ng kilay. "Bakit na naman?"
"Wala lang. Nakalimutan kong sabihin na ang ganda mo." Aniya na ngumiti na naman.
Hindi na nya hinintay na makabawi ako at tuluyan ng lumabas na bahay.
Ang balak kong pagbaba ay naunsyami. Muli akong umakyat sa kwarto at hinanap ang aking phone at tinawagan si Izza na agad kong pinagsisihan ng magsimula na naman syang mang-asar.
Ayun nga ang nangyari. Pumunta sya nang sobrang aga sa bahay para lang makita ako. I wonder kung ano na naman ang gagawin nya sa susunod naming pagkikita. Kaya kailangan ko na talagang makabili ng pangontra.
"Mukhang wala yata si Aling Verta." Ani Izza ng lumipas ang ilang minuto ay walang nagbukas ng pinto.
"Hindi pwede kailangan ko na syang makausap!" I said miserably
Lumapit uli ako sa pinto at kumatok. Ngunit muli ay wala pa ring sumagot. Sa sobrang inis ko ay hindi ko napigilan at nasipa ko ang pinto.
"Tumigil ka nga Liezel! Walang mangyayari kung magwawala ka dito." Awat ni Izza
"Nakakainis kasi! Kailangan ko na sya! Kailangan ko na yung pangontra!" naiiyak na sigaw ko
Karma na ba ito sa akin dahil sa paghahangad ko na magustuhan ni Mark. Parusa ba ito ni Lord sa kin? Kung parusa nga sa akin to sorry na po Lord nagsisisi na po ako at diko na po uulitin. Tulungan nyo po sana ako na itama ang pagkakamali kong ito...
Napaupo na lang uli ako sa semento sa sobrang inis at panlulumo ko. Kung kinakailangang maghintay ako hanggang dumating si Aling Verta ay gagawin ko.
"Aling Verta!"
Pero mukhang diko na kailangang maghintay.
Napaangat ako ng tingin nang marinig ang pangalang tinawag ni Izza.
Nakabukas na ang pinto ng tindahan at nakatayo doon ang kunot-noong si Aling Verta.
"Anong kailangan nyo?"
Mabilis akong tumayo at lumapit sa kanya. Hinawakan ko pa ang dalawang kamay nya. Ngunit agad nya iyong binawi.
"Gusto ko po sanang bumili ng pangontra para dun sa gayumang binili ko nung isang araw." I said
Napansin ko ang pagkunot ng noo nya ng marinig ang sinabi ko.
"Pangontra? Wala akong ibinebentang ganon iha."
Bigla akong kinabahan ng marinig ang sinabi nya.
"Ano pong ibig nyong sabihin?" I have a hunch. But I don't want to confirm it.
"Walang pangontra sa gayuma." Sagot nya
Para akong binagsakan ng isang truck ng semento ng marinig ko ang sinabi nya. Ang kaunting pag-asa na mayroon ako ay tuluyang nawala.
"Kailangan mong maghintay ng tatlong buwan para mawala ang bisa niyon." Yun lang at pumasok na uli si Aling Verta sa tindahan.
Natulala ako. I feel like I can't absorb what she said.
So this means that my only choice here is to wait for 3 months. Hintayin na kusang mawala ang epekto ng gayuma. Pero anong mangyayari sa akin sa loob ng tatlong buwan? At anong gagawin ko kay Neil na ngayo'y nahuhumaling na sa akin?
Arghhhh! Mababaliw na yata ako.