Nanayo lahat yata ng balahibo ko sa katawan ng tuluyan kaming makapasok sa tindahan. Muntik pa akong mapasigaw ng mag-isang sumara ang pinto.
"Tindahan ba talaga 'to?" Natatakot na bulong ko kay Izza habang mahigpit na nakakapit sa braso nya
"Oo naman. Nakita mo naman yung signboard sa labas diba?" Aniya
Ni hindi man lang sya mukhang natatakot. Samantalang ako heto at mukhang maiihi na sa salwal anytime. Marahil siguro ay dahil nanggaling na sya dito. Sa kanya ko actually nalaman na may nag eexist palang ganitong uri ng tindahan. Sabi nya ay isinama sya isang beses dito ng isa sa mga pinsan nya. Sya din ang nagsabi sa akin na legit at effective ang mga produkto dito sa Aling Verta Store.
Ako nga pala si Liezel, 19 years old, at sya naman ang kaibigan kong si Izza. We've known each other since birth. Magkaibigan ang pamilya namin at magkatapat lang din ang mga bahay namin. Sabay kaming lumaki at solid talaga ang pagkakaibigan namin. Sa sobrang solid ay alam namin ang halos lahat ng sikreto ng isa't isa. At magkasama din kami kahit sa anong kalokohan.
And today nasa Aling Verta Store kami. Isang tindahan na kilala para sa pagbebenta nang iba't-ibang uri ng gamot. At narito kami para bumili ng isang espesyal na gamot. Gamot para sa sawing puso.
Gayuma.
"Ahhhhh! Multo!!"
Hindi ko napigilang mapasigaw ng malakas ng bigla kaming may masalubong na babaeng mahaba ang buhok at nakadamit ng kulay puti na hanggang sakong ang haba. Lalo pang humigpit ang yakap ko kay Izza na wala man lang reaction. Hindi ba nya nakikita ang white lady sa harapan namin?
Natigil lang ako ng batukan ako ni Izza.
"Tumigil ka nga! Si Aling Verta yan." Bulong nya sa akin.
Aling Verta? Ang matandang gumagawa ng gayuma?
"Bat di mo sinabing mukha palang white lady si Aling Verta? Di sana naihanda ko yung sarili ko." Diko napigilang ibulong kay Izza.
Tumingin uli ako kay white lady aka Alinv Verta. Nakakatakot talaga ang itsura nya. Ang mahaba nyang buhok na hanggang baywang ay nakalugay. Seryosong seryoso ang kanyang mukha at medyo maputla rin ang kulay ng balat nya. Pwedeng pwede syang gumanap na multo sa mga horror film.
Hindi ako sinagot ni Izza sa halip ay pinandilatan lang nya ako ng mata. Warning na tigilan ko na ang kung ano anong pinagsasabi ko.
Okay fine. Kahit nakakatakot naman kasi talaga ang itsura nya..
"Pasensya na po." Hinging paumanhin ko na lang kahit sa totoo lang ay natatakot pa din ako.
Tinanguan nya lang kami. "Kayo ba yung tumawag kanina?" Tanong nya sa amin.
Bumitiw na ako sa pagkakakapit kay Izza nang masiguro kong hindi multo ang nasa harapan namin.
"Kami nga po." Sagot ko
"Kanina ko pa kayo hinihintay. Sumunod kayo sa akin." Nagsimula syang maglakad at sumunod nga kami.
Napakapit na naman ako kay Izza nang makaramdam na naman ako ng takot habang naglalakad kami. Baka naman di na kami makalabas ng buhay dito.
Nanlalamig nako kahit tirik na tirik pa ang araw sa labas. Para akong baliw na palinga linga sa paligid at naghihintay na may biglang lalabas mula sa kung saan na may hawak na kutsilyo at bigla na lang kaming pagsasaksakin.
"Tumigil ka nga!" Inis na sigaw ni Izza habang pilit akong inilalayo. Ngunit lalo ko lang hinigpitan ang pagkakakapit ko sa kanya.
Paano naman kasi, kung nakakatakot ang lugar na ito mula sa labas ay lalo naman ngayong nasa pinakaloob na kami. Madilim sa loob ng tindahan. Mapusyaw lang ang ilaw na nagmumula sa mga itim na kandilang nakalagay sa gilid. Ang mga bintana ay natatabingan nang makakapal na kurtina na kulay pula. May mga nakadisplay din na ibat-ibang uri ng mga vodoo doll. Mga manikang ginagamit sa pangkukulam.
"Maupo kayo."
Sa sobrang kapraningan ko diko napansin na nakarating na pala kami sa isang kwarto. Infairness mas okay naman ang itsura nito kesa sa labas. Walang mga vodoo dolls at itim na mga kandila. Tanging isang kabinet at maliit na mesa ang naroon na may nakalagay na mga maliliit na bote na may ibat-ibang kulay ng likido.
Naupo kami sa dalawang monoblock chair na naroon.
"Kanina ko pa hinanda ang gamot na kailangan nyo." Ani Along Verta
Nakahinga ako ng maluwag matapos marinig ang sinabi nya. Akala ko ay magtatagal pa kami sa loob ng tindahan.
Lumapit ito sa mesa at mula sa mga bote ay dumampot ito ng isa na kulay pula. Iniabot nya iyon sa amin.
Nanginginig ang mga kamay ko nang abutin ko iyon.
"Ito na po ba yung gayuma?" Tanong ko
Tumango sya. Pinagmasdan ko ang likidong nasa bote. Matingkad na pula ang kulay nito. Hindi ako makapaniwala na may hawak akong gayuma ngayon.
Matagal ko nang naririnig ang salitang gayuma. Pero never kung naisip na nag eexist pala talaga to in real life.
"Medyo may kamahalan yan iha, bestseller kasi namin yan."
"Naku wala pong problema, handa pong magbayad tong kaibigan ko kahit magkano. Diba Liezel?" Ani Izza
"Oo naman. Magkano po ba?" tanong ko habang titig na titig pa rin sa pulang likido
"Limang libo."
Muntik ko ng maibagsak ang gayuma pagkarinig ko sa presyo. Ang mahal pala. Magreseller na lang kaya ako ng mga produkto nya at mukhang magandang ibusiness to.
"L-limang libo?" Hindi makapaniwalang tanong ko. Tinignan ko si Aling Verta, nagbabakasaling nagbibiro lang sa presyong sinabi nya.
Pero ng tignan ko sya ay walang bahid ng pagbibiro ang mukha nya. Sa halip seryosong seryoso ito to the point na mas lalo pang naging nakakatakot ang itsura nya.
"Oo limang libo. May 20% discount ka na nga dyan iha dahil kilala ko itong kasama mo. Kung ayaw mo ay ibalik mo na lang." Akma sanang kukunin ni Aling Verta ang gayuma sa akin pero kaagad ko yung inilayo.
"Naniniguro lang po ako. Actually heto na nga at magbabayad na ako."
Binuksan ko ang aking sling bag at inilabas roon ang aking mahiwagang pitaka. Nagsimula akong magbilang.
Jusko! Anong pumasok sa kukote ko at napasubo ako sa ganitong bagay. Sa ngalan talaga ng pag-ibig nagiging tanga at kapit patalim talaga ang tao.
"Heto na po yung 5 thousand."
Inabot iyon ni Aling Verta pero hindi ko magawang bitawan. Ilang buwan ko bang pinag-ipunan ang perang ito? My gosh. Kung hindi ko lang mahal na mahal ang Mark na iyon ay hindi talaga ako gagastos!
"Ayaw mo yatang ibigay iha?" Ani Aling Verta nang hindi ko pa rin binibitawan ang pera
"Ibigay mo na." Bulong ni Izza
Dahan-dahan na akong bumitiw. Paalam 5 thousand.
Agad itinago ni Aling Berta sa katabing cabinet ang perang ibinayad ko.
"Kanino mo ba gagamitin ang gayumang iyan, iha?"
Napatingin ako kay Aling Verta. Hindi ako agad nakasagot. Bigla akong nakaramdam ng hiya. Huhusgahan nya ba ako pag nalaman nya kung kanino ko gagamitin?
Ilang segundo na ang lumipas ng hindi pa rin ako sumagot. Siniko na ako ni Izza. Tinignan ko si Aling Verta at naghihintay sya ng sagot ko.
Fine!
"Sa kaibigan ko po..." Nahihiyang sagot ko.
There, I said it! Wala nakong pake kung ano man ang isipin nang matandang ito. Whether she think na masama akong kaibigan or what. Nakapagdecide nako. Besides nagbayad naman ako.
"Mukhang nafriendzone ka ha?" Natatawang sambit ni Aling Verta
Wow ha. Medyo may pagka millenials pala si Aling Verta.
"Ganun na nga po." napipilitang sagot ko
Bigla kong naalala ang kababata ko. Si Mark, ang lalaking ilang taon nang itinatangi ng puso ko. Pero ayun nga nafriendzone ako. Ilang beses ko ng binalak magtapat pero hindi ko magawa dahil sa natatakot akong mareject at masira ang friendship namin. Ilang porsyento lang ba kasi ang chance na may gusto din sya sa akin? 1%? 5%? Masyadong maliit para sumugal ako.
Sinubukan ko ng kalimutan na lang yung feelings ko para sa kanya pero makulit tong puso ko.
Kaya heto kapit sa patalim ako ngayon. Gagayumahin ko na lang sya para kapag nagtapat ako ay hindi nya ako ireject. Bagkus tatanggapin nya ang pag-ibig ko at magtatapat din sya ng kanyang feelings para sa akin. At sa huli magiging masaya kami. Simple as that.
"Paano po ba gamitin ito?" Curious na tanong ko.
"Ang kailangan lang ay ipainom mo lahat iyan sa lalaking napupusuan mo. At pag nainom na nya kailangang ikaw ang unang makita nya."
"Ganun lang kasimple?" Naninigurong tanong ko. Ineexpect ko pa naman ay may kakaibang twist. Parang yung mga napapanood ko lang pala sa TV.
Tumango si Aling Verta. "Pero tandaan mo iha tatlong buwan lang ang epekto nang gamot na yan."
Biglang nanlaki ang mga mata ko matapos marinig ang sinabi nya. Tatlong buwan lang? Akala ko pa naman ay unli ang effect nito. So iyon siguro ang twist. 3 months effect and after that balik sa realidad na uli.
"Ee bakit ganon naman po? Di ibig sabihin after 3 months hindi na uli nya ako mahal?" Naiinis na tanong ko. Akala ko pa naman ay may forever na ako sa gayuma na ito.
"Kaya nga ang dapat mong gawin ay paibigin mo sya sa loob ng tatlong buwan. Para walang maging problema pag nawalan na ng bisa iyan."
"Paano kung hindi ko sya mapa-ibig? Pwede bang bumili na lang uli ako?" Desperadang tanong ko. Kahit bumili pako ng sampu nito ok lang.
"Pasensya na iha. Pero isang beses lang pwedeng gamitin iyan sa isang tao."
"Ano? My gosh! Anong gagawin ko pag natapos ang tatlong buwan?" Natatarantang tanong ko.
"Wag ka ngang nega! Mahaba na ang tatlong buwan para magawa mo iyon." Pagmomotivate ni Izza.
"Bat di na lang po kayo gumawa ng gayuma na forever ang effect?" Biglang suhestiyon ko kay Aling Verta.
Mas okay iyon kesa dito sa 3 months. Mas sigurado.
Bigla naman syang tumawa ng malakas sa sinabi ko. Yung tawa na akala mo nababaliw na sya.
"Hindi mo ba naiintindihan?" Mahiwagang sambit nya ng sa wakas ay tumigil sya sa pagtawa.
"Naiintindihan ang ano?" Naguguluhang tanong ko. Nginitian nya ako ng makahulugan.
Imbis na sagutin ako ay tumayo na si Aling Verta.
"Kailangan nyo ng umalis at magsasara na ako." Seryosong sambit nya
"Pero hindi pa po ninyo sinasagot ang tanong ko." Pangungulit ko
"Ano ba Liezel. Tumigil ka na nga. Nakakahiya kay Aling Verta." Bulong na naman sa akin ni Izza
Bago pa ako makapagprotesta ay hinila na ako palabas ni Izza.
"Maraming Salamat po Aling Verta." Paalam niya
Nang tuluyan kaming makalabas ay doon pa lang ako binitawan ni Izza. Kainis! Hindi ko man lang nalaman ang gustong sabihin ng matandang iyon.
Nagsimula na kaming maglakad palayo sa tindahan.
"So ano ng balak mo?" Tanong ni Izza
Tumigil ako sa paglalakad at napaisip.
"Balak?"
"Oo as in kung paano mo gagamitin yan. Hindi pa naman siguro nagbago ang isip mo?"
Ako magbabago ng isip?
No way!
"Syempre kailangan nating planuhin kung paano natin mapapainom ang gayuma kay Mark." Sambit ko with an evil grin on my face.
"Tutulungan mo ako at bawal tumanggi."
" Ano pa nga ba." ani Izza while rolling her eyes at me. Maldita talaga tong babaeng to.
Inilabas ko ang maliit na bote na naglalaman ng gayuma mula sa aking bag. Pinagmasdan ko ang pulang likido sa loob. Ang likido na siyang sagot sa matagal ko ng pangarap. Konting panahon na lang at mapapasaakin na si Mark. Ngayon pa lang ay ramdam ko na ang tagumpay ng aming plano.