Sa klase ay wala lalo kaming pansinan ni Ayessa. Halos irapan na lang din ang aming interaksyon sa dumaang mga raw na iyon.
Maldita rin talaga 'to!
Kaya naman sa ayaw na makasalamuha siya, sumasama ako sa mga kaklase kong hindi rin siya kalapit. Naiinis pa rin kasi talaga ako sa pagiging brat niya!
"Café, Leticia" aya ni Clea sa akin.
Isa si Clea sa pinakabrat sa aming room. Hindi lang dahil kilala ang kaniyang tatay na isang tanyag na Arkitekto kun'di dahil isa rin siyang Eleazar.
Matunog ang apeliyidong iyon. May ilan ding mga Eleazar sa school at kapwa mga pinsan ni Clea. Kapwa mga spoiled brat din.
Inilingkis ko naman agad ang kamay kay Clea at matamis na ngumiti. Nginitian niya rin ako ngunit nangibabaw pa rin ang kamalditahan sa kaniya.
Mukha namang mabait si Clea lalo na sa pakikitungo nila sa akin nila Kathleen at Mia. Kapwa mga spoiled brat din pero kaya ko pa namang pagtiisan.
Sinulyapan ko si Ayessa na kunot-noong nakatingin sa akin tsaka umirap. Inirapan ko lang din ito at nagpatangay na kila Clea palabas ng school.
Ang aming napag-usapan ay walang iba kun'di si Ayessa.
"Ayessa seems so weird" si Mia.
Sinang-ayunan siya ni Kathleen na kaniyang katabi. "She is! Feeling entitled pa"
Nag-apir ang dalawa. Si Clea naman ay tahimik lang na diretso ang tingin na akala mo'y naglilibot ang isip.
"You guys are close, 'di ba, Leticia?"
Nalingon naman ako kay Kathleen na iba na ang suot na ngisi sa akin. Alangan akong umiling at napabusangot. "Hindi kami close" sagot ko.
Maarteng napa-O si Kathleen at nagkatinginan sila ni Mia. Nakita ko na ring napatingin sa kanila si Clea na tumaas na ang kilay.
"Oh, sorry about that. Kami na ngayon ang friends mo, don't worry" si Mia na inilingkis na rin ang kamay sa aking kabila.
Hindi ko naman maiwang mapanguso dahil talaga itinuring na nila akong kaibigan agad! Mababait naman pala talaga.
Nakarating kami sa gate. Ako nama'y natigilan nang may biglang dumating na isang puting van sa aming harapan.
Agad na kumalabog ang aking dibdib dahil sa unang pumasok sa aking isip. Uso na naman ba ang nangunguha ng bata ngayon? Baka kidnap-pin kami!
"Leticia? Come in na"
Napabalik ako sa aking sarili nang marinig ang tawag sa akin ni Clea. Lalo akong nagulantang nang makitang nasa loob na sila ng sasakyan at hinihintay na lang ako.
"U-uh, oo, sorry..." Bulong ko at pumasok na rin sa sasakyan.
Sinabi ni Clea sa driver kung saan kami tutungo at doon ko napagtantong service pala ito ni Clea.
Pasimple kong inilibot ang tingin. Ang katabi ko ay si Clea habang ang dalawa ay na likod. Napunta naman ang tingin ko sa hindi pamilyar na lalaking nasa harapan kasama ng driver.
"Cleo, can you give me tissue?" Si Clea na lumapit sa lalaking nasa harap.
"'Di mo abutin" masungit na turan ng lalaki.
Kinurot ni Clea ang tainga nito sanhi ng pagsigaw ng lalaki. "If I can reach it I wouldn't ask for your help, idiot" si Clea
Nagpigil namana ko ng tawa sa bangayan ng dalawa. Magkapatid siguro sila dahil halata naman at sa pangalan pa lang.
Nakarating kami sa isang café. Taste of Hans ang pangalan at halos pumintig ang mata ko sa ganda ng interior nito. Ang cute at ang lambot sa mata! Paniguradong babae ang may ari nito dahil nangingibabaw ang pastel pink sa kabuoan ng café.
Nagsi-order na ang tatlo at mukhang madalas talaga sila dito dahil halos kabisado na rin nila ang kanilang inoorder. Ang kay Clea pa nga ay wala naman doon sa menu. Siguro'y customized.
Pumili na lamang ako ng isang pamilyar sa akin na chocolate almond drink. Small lang din dahil hindi ko kaya ang grande na katulad ng kina Clea!
At small lang din talaga ang kaya ko. 120 na agad ang akin!
Kaya naman halos makipagpabagalan ako sa pagong sa paghigop ng aking inumin nang dumating ang aming order. Para naman masulit ko ang 120 ko!
"So sabi mo hindi kayo close ni Ayessa, right?" Si Kathleen na sinimulan na naman ang usapan kay Ayessa.
Tumikhim ako at tumango. "Uh, oo. Nag-away kasi kami"
Mukha namang naintriga na sila at kapwa nagsilapit pa. Si Clea ang nanatiling nakasandal sa sofa ngunit nakaabang din ng kwento.
Ikinwento ko ang nangyari noon. Halos hindi ko na rin naidetalye pero nakuha nila ang kabuoan ng nangyari.
"Oh..." Humigop si Mia. "So they insulted you?"
Dahan-dahan akong tumango. "Parang gano'n na nga..."
Naaawang tumingin sa akin si Kathleen tsaka ngumiti kalaunan. "That's okay! We're your friends naman na. Hindi ka na nila maiinsulto pa" anito na nakapagpangiti naman sa akin.
Sila ang mga spoiled brat na deserve na maging kaibigan ko!
Sila ang mga naging kasama ko sa mga sumunod na araw. Nagiging komportable na rin ako lalo na't talagang hindi nila ako hinahayaang ma-left out at mailang!
Kahit na sila'y mayayaman, hindi nila pinamukha sa aking ibang-iba ako sa kanila.
"Tara sa amin! Papakilala ko kayo kay Mama" bungad ko sa kanila noong matapos ang klase namin at kami ngayo'y tutungo na sa cafeteria para magrecess.
Gulat na ngumiti si Mia. "Really? Oh my gosh, tara! Para iba naman ang mapuntahan natin"
Humawak ako kay Clea kaya naman napatingin ito sa akin. "Matutuwa si Mama sa inyo" masaya kong turan.
Clea smiled. "Can we see her make our order, then?"
Nawala ang ngiti ko at napanguso. "Sa Sabado pa ang deliver namin eh. Malinis naman kami gumawa!"
Kapwa kami nagsipasok sa cafeteria. Bumili ng pagkain at nagsiupo sa isang apatan na mesa.
Hindi naman nauubos ang aming usapan lalo na kaming tatlo nila Mia at Kathleen. Tahimik lang si Clea pero minsa'y nakikipagtawanan din. May mga ilang estudyante rin lumalapit sa amin. Mga kaibigan din nila sa ibang section at grade.
Pagkatapos kumain ay bumili pa sila ng fries at ngayo'y hinihintay na lamang na ihango sa kumukulong mantika. Hindi ko sinasadyang madala ang mata sa kaninang binilhan ng burger at natagpuan si Maria Ayessa na katatanggap lang din ng kaniyang burger.
Umagaw naman sa aking pansin ang kadarating na lalaking lumapit kay Maye at kinurot ang tagiliran nito. Handa nang sapakin ni Ayessa si Lomi kung hindi lang niya ito nakita. Nagngisihan sila at mukhang nag-usap pa saglit.
Iniwas ko naman ang tingin at napabusangot. Sila nga pala ang talagang magkalapit dahil childhood friends sila!
Naramdaman ko naman ang kamay ni Clea sa aking braso tsaka na kami tumungo papalapit kina Ayessa dahil doon patungo ang bukana ng canteen.
Dahil naroon sila Lomi at ang kaniyang mga kaibigan, hindi ko inasahang makikipaglapit pa sila Mia sa kanila.
"Hi, Lomi!" Si Mia.
Nagkatyawan ang mga kasama ni Lomi nang malingon sa amin. Kita ko rin ang pagpunta ng mga tingin ni Ayessa at Lomi sa akin kaya halos hindi ako makagalaw.
Ilang asaran at harutan pa mula sa mga kaibigan ni Lomi ang natanggap namin lalo na kay Clea na balak pang hingin ang number nito.
Pero gulat ko na lang din nung ako na ang itulak nilang mahingan ng number! Ibibigay ko sana pero syempre, nando'n si Lomi! Baka isipin niya hindi ako seryoso sa kaniya.
At buti na lang, binawal ni Lomi ang mga kaibigan at hinatak na paalis dahil kung hindi, baka talaga ibigay ko ang number ko.
Disappointed na napatingin sa akin si Mia nang makaalis sila Lomi. "Sayang! Lance's a nice catch!"
"Right! He's the captain of the basketball team!" Si Kathleen na dumagdag pa.
Hilaw na lamang akong ngumiti at kapwa kami'y aalis na nang makita kong umabante si Clea sa paglalakad para maabutan si Ayessa na nasa harapan namin.
"Maria... Ayessa" si Clea na kakaiba na ang ngising suot.
Ngayon ko lang siya nakitang ngumiting ganoon. Para siyang may binabalak na kung ano. Ganoon na rin nang makita ko ang katulad na ngiti nila Mia at Kathleen na mukhang alam na ang balak ni Clea.
Agad kong iniwas ang tingin kay Ayessa nang lumingon ito sa amin.
"Leticia said she likes Lomi. Kaso humahadlang ka raw?"
Ganoon na lang din ang panlalaki ng mata kong nilingon si Clea. Huh?!
Hindi ko naman sinabi iyon ah! Oo, sinabi kong crush ko si Lomi pero hindi ko naman sinabing hinahadlangan ako ni Ayessa sa kaniya!
Ang sabi ko lang ay magkalapit si Ayessa at Lomi dahil naging magkaibigan sila dati! Pero hindi ko sinabing hinahadlangan ako!
Ayessa eyed me with full of judgement. Hindi siya nagsalita pero halatang naintriga sa sinabi ni Clea.
Clea chuckled and smirked. Bumaling siya sa dalawang kaibigan na kapwa suot na ang mga malditang maskara. "She's even with Shan yesterday," tsaka siya bumaling kay Ayessa. "Are you two-timing them, Ayessa?"
Shan? Sino si Shan?
Kita ko ang pagpipigal ni Ayessa ngunit agad ding itinago suot ang ang malamig na ekspresyon.
"So what?" Anito at tinalikuran kami.
Napakurap-kurap ako at nagulantang sa nangyari. Ano bang nakain ni Clea para sabihin iyon?
I heard Mia and Kathleen's chuckle. Napabaling ako kay Clea na hindi na tulad ng ngiti kanina ang suot. Kalmado itong nakaharap sa akin na para bang hinihintay ang aking reaksyon sa nangyari.
Nagsibalikan na kami sa room. Halos hindi ko na rin magawang irap-irapan si Ayessa dahil sa kanina. Hindi naman kasi totoo iyon! At iisipin naman niyang si Ayessa, sinisiraan ko na siya sa iba!
"I'm excited. Sabi mo fresh sa inyo, hindi ba?" Si Kathleen.
Papunta kami ngayon sa amin at gaya nitong nakaraan, sa service kami ni Clea nakasakay. May service din pala ang dalawa ngunit kay Clea lang itong sinakyan namin.
"Oo! Mapuno kami sa amin kaya presko ang hangin"
Akala ko pa nga'y mahihirapan ang aming sinasakyan patungo sa amin dahil medyo bako-bako ang daan sa kantong paliko sa amin ngunit wala kaming naramdamang kaldag habang dumadaan doon. Siguro kasi dahil nakasasakyan kami.
Tinuro ko sa driver ang aming bahay at nagpark na lamang sa aming harap. Nauna akong bumaba ng van at kapwa nagsisunod ang tatlo. Hindi ko naman maiwasang mapangisi nang yayain ko na sila sa amin.
"Oh... Mahangin nga" si Kathleen na natawa pa habang sumusunod sa akin.
Lumilinga-linga sila sa aming bakuran at ako naman itong patalikod na naglalakad para kaharap sila.
"Welcome sa amin" sabi ko at pinagmasdan silang tignan ang mga bulaklak ni Mama sa harap.
"Ang liit pala ng bahay niyo, noh..." Si Mia. Her expression is flat kaya hindi ko mabasa kung natutuwa na siya o hindi.
"Oo, tatlo lang din kasi kami" sabi ko naman at binuksan na ang pinto ng bahay.
"Pasok kayo!" Anyaya ko at dinala sila sa aming sala bago iwan para tawagin si Mama sa likod ng bahay.
"Ma! Nandito ang mga kaibigan ko!" Tawag ko rito at nakita lang nang makita itong lumitaw sa likod ng nakasampay na mga kumot.
"Oh? Hindi ka naman nagsabi, Ciacia! Teka, maghahanda ko kayo ng meryenda" si Mama na pumasok sa kusina.
Binalikan ko naman ang mga kaibigan na nakaupo sa aming kahoy na sofa at kapwa ginawa pang sapit sa pwet ang mga maliit na unan.
Binuksan ko na rin ang aming electric fan at itinutok sa kanila. Kapwa nagpapaypay na sina Mia at Kathleen ng mukha at mukhang naiinitan.
Si Clea ay tahimik lang na nakaupo at rinig na rinig ko ang kaniyang buntong hininga.
Napalabi naman ako at binalikan si Mama sa kusina para kunin ang meryendang inihanda nito. Ako ang nagdala ng juice at kasunod si Mama na inilagay sa aming center table ang meryendang ginawa.
"Meryenda kayo, mga anak! Kayo pala ang kaibigan ni Ciacia" si Mama na malaki ang ngiting bumati sa kanila. Sinalinan ko naman ng juice ang mga baso nila.
Si Clea ang ngumiti kay Mama. "Thank you po for the food" anito na ikinangiti ko naman at nilagyan ang huling baso ng juice.
Uminom agad si Mia ng juice. Ganoon din si Kathleen na napairap na habang pinapaypayan pa rin ang sarili.
"It's very hot po pala dito, noh?" Si Kathleen.
Tumaas naman ang dalawang kilay ni Mama at bahagyang natawa. "Presko rito, hija. Mahangin pa" si Mama na nakangiti kay Kathleen.
Gumuhit ang irita sa mukha ni Kathleen at uminom na lang ulit ng juice. Saglit pang bakipag-usap si Mama sa kanila ngunit si Clea lang din ang sumasagot at halos mukhang pilit pa. Hindi ko maiwasang mabilasa.
"Gusto niyo bang makita ang mga baby pictures ni Ciacia? Cute siya roon" hagikgik ni Mama at umalis na para kunin ang mga iyon.
Napailing naman ako at nginitian ang mga kaibigan. "Pasensya na kay Mama. Masaya lang talaga iyon dahil may kaibigan akong dinala rito"
Nagkatinginan sina Mia at Kathleen. Kita ko pa ang bahagyang pag-irap ni Kathleen tsaka tumayo at isinukbit na rin ang kaniyang bag. "Ang init talaga. Tara na, guys?" Maarte nitong turan na ikinasunod naman ni Mia sa kaniya.
Napatingin naman si Clea sa dalawa kaya napatayo na rin ito. "We're gonna get going, Leticia."
Napakurap-kurap ako at pinigilan pa sila. "Agad? Teka, tawagin ko si Mama--"
"Just bid her our goodbyes" si Mia na dahan-dahan ko na lamang na ikinatango. Hinatid ko naman na sila sa gate at kinawayan nang makaalis na.
Sinundan ko ng tingin ang kanilang sasakyan hanggang sa mawala na ito sa aking paningin. Mahabang buntong hininga ang aking napakawalan. Iba talaga ugali ng mayayaman.
Pagkabalik ko sa loob ay natigilan pa ako nang makita si Mama na tinitignan ang aking mga baby pictures mag-isa sa sala.
Lumapit naman ako sa kaniya. "Ma, umalis na sila--"
"Grabe naman 'yang mga kaibigan mo, 'nak." Himig ko ang lungkot sa boses ni Mama.
I sighed again and sat beside her. She continued as she picks up my baby pictures. "Ang presko-presko na nga rito tapos naiinitan pa. Ni hindi rin binawasan ang ginawa kong meryenda."
Niyakap ko ito patagilid. "Hayaan mo na, Ma. Ako na lang ang uubos"
Sinimangutan ako ni Mama na ikinangiti ko naman at niyakap pa siya nang mahigpit.
Hindi na muna pinagtrabaho ni Papa si Mama simula noong manakawan siya pero dahil nanghihinayang si Mama sa perang nanakaw, gusto niyang bumawi. Ako naman itong hindi rin kaya ang paglalambing ni Mama, tinulungan ko na rin siya. Sinuggest ko na magpaorder kami online lalo na't uso rin naman iyon.
Hindi na rin dapat kako mga kakanin ang ibenta niya dahil masyado nang common iyon at kaya naman iyon ng tao. Kaya naman ginamit ko ang mga pagkain na minsan naming kinakainan nila Clea.
"Shawarma, Takoyaki, at Baked mac. Itong tatlo, anak?" Si Mama.
Tumango ako at nagsearch na rin ng tungkol sa mga iyon. Medyo hindi kadalian ang paggawa lalo na sa takoyaki na paniguradong magtatagal kami pero kaya naman. May alam na rin naman si Mama rito kaya kakayanin. Tsaka, para naman kakaiba na ang iluto namin! Puro na lang kakanin eh nakakasawa na kapag palihim akong kumakain!
Gumawa ako ng poster ng aming tinda at ipinost iyon online. May ilan akong mga kaklaseng umorder at mayroon din sa ibang section lalo na't friends ko rin halos ang tao sa school namin.
Nangunguna ang comment ni Lomi kaya hindi ko maiwasang mapangiti.
Lomeo E. Alfanta
Paorder po 4 takoyaki, 2 shawarma, at 1 baked mac :)
"Ma, ang daming order ni Lomi!" Tawag ko kay Mama at pinakita ang order nito.
Nakangiting tumingin sa akin si Mama. "Boyfriend mo?" Panunuya nito.
Napanguso ako. How I wish! "Crush ko, Ma" sabi ko at hinanap ang aming chat ni Lomi.
Me:
Dedeliver ko ba?
Agad iyong si-neen ni Lomi tsaka nagtipa. Natawa naman ako nang makitang hindi pa niya tinatanggal ang nickname kong inilagay sa kaniya. 
iLOMInati:
Pick-up-in ko
Me:
Alam mo ba ang amin?
iLOMInati:
hinde. sama ako sayo bukas uwian
Kagat-labi na akong nagtipa ng mensahe dahil ramdam na ramdam ko ang pag-alon ng aking tiyan sa kaniyang sinabi. I-li-ligal ko na ba siya kila Mama at Papa?
Me:
okay :))))
iLOMInati:
Creepy mo naman
Abot tainga na ang ngiti at hindi na rin nawala noong kinukuha ko ang address ng mga d-deliver-an namin sa Sabado.
Kaya naman kinabukasan ay hindi pa ako makapaghintay na matapos ang klase para makasama si Lomi. Kina Clea pa rin ako nakasama lagi pero dumidistansya muna ako dahil hindi ko nagustuhan ang kanilang pakikitungo kay Mama noong pumunta sila sa amin.
Tsaka, iyong tungkol pa sa inimbento ni Clea tungkol kay Ayessa! Kahit na hindi kami ayos ni Ayessa, hindi ko naman ginusto na sabihan siya ni Clea nang ganoon lalo na't galing pa raw sa akin!
"Uh, mauuna na ako, Clea. May dadaanan pa kasi ako para sa paorder" pagsisinungaling ko at nauna nang lumabas ng room para makaalis.
Tsaka, cleaners ako! Tumakas lang ako dahil ayokong paghintayin si Lomi lalo na't tatakas lang din daw siya sa last subject nila ngayon na computer.
"Cake!" Napalingon ako sa tumawag at nagulat nang bigla na lang lumitaw si Lomi sa aking gilid na galing pa sa pagtakbo.
Hinawakan niya ang braso ko at tumatakbong kinaladkad. "Bilisan mo at hinahabol ako ni Lance!"
At sa sinabi niyang iyon, binilisan ko na rin ang takbo ko at natatawa pa dahil mukha kaming mga kawatan na nakikipag-unahan sa dagat ng mga estudyante.
Kaya naman halos kapusin kami ng hininga nang makalabas kami ng gate. Kapwa kami nakayuko habang ang mga kamay ay nakatukod na sa tuhod. Hingal kaming nagkatinginan ni Lomi tsaka nagtawanan.
"May service ka ba?" Tanong ko at kinuha ang aking tumbler sa bag para uminom.
"Wala. Sumasabay lang ako sa mga pinsan ko."
Muntik pa akong masamid sa kaniyang sinabi. Siya lang yata ang mayaman na walang service?
"Bakit wala?" Tanong ko.
Tinaasan niya ako ng kilay at uminom din sa kaniyang tumbler. "Bakit kailangan ba? Tsaka may sasakyan naman ako. Tinatamad lang ako magdrive kaya sumasabay ako kila Art"
Ah may sasakyan naman pala. That's worse.
"Eh magtatricycle tayo!"
Ngumisi si Lomi. "E 'di, tara!" Aniya tsaka pumunta sa likod ko para itulak ako sa paglalakad.