(CROSSE' POV)
Pang isang linggo ko pa lang dito bilang maid ay feeling ko ang tagal ko nang nakatira rito. Pakiramdam ko rin ay ako lang din mag-isa dahil si Maze ay lagi lang nasa loob ng kwarto n'ya. Siguro ay may ginagawa s'yang kababalaghan, hindi natin alam.
Tapos ko na ang lahat ng inutos n'ya kaya nagpaalam ako sa kan'ya na lalabas muna ako dahil may bibilhin lang.
Pumunta ako sa mall para bumili ng cellphone. Hindi ko na kayang mabuhay ng walang phone dahil bagot na bagot na ako sa bahay. Iniwanan ko rin kasi yung books ko sa condo namin ni Zax kaya wala akong ibang magawa.
Dalawa ang binili kong phone. Isang mumurahin at isang mamahalin. 'Yung mumurahin ay gagamitin ko lang kapag nand'yan si Maze kasi kapag yung mamahalin 'yung gagamitin ko ay baka isipin n'ya na ninakaw ko ito.
"I miss you!" niyakap ako ni Zax ng makita n'ya ako.
"Kakakita mo lang sa akin kahapon tapos miss mo na agad ako?" biro ko rito.
Tinulungan ko s'ya sa ilang gawain n'ya sa restaurant bago ako bumalik sa bahay. Nakakabagot naman kasi kung lagi akong nandoon at hindi manlang ako umaalis.
"Ay may nakalimutan pala akong sabihin sa'yo!" sabi nito nang paaalis na ako
"Ano na naman 'yon?"
"Yung cellphone mo naka-on, baka ma-trace ni Tita 'yung phone mo!" nanlaki ang mata ko sa sinabi nito. "Bakit ngayon mo lang sinabi!"
Alam na rin n'ya na yung makapatid ni Vlaze na si Maze ang nagtakbo ng phone ko pero sinabi ko sa kan'ya na 'wag itong sabihin kay Vlaze. Speaking of Vlaze, parang hindi ko pa nakikita iyon nitong mga nakaraang araw?
"Boba! Nakalimutan ko nga eh!"
Dali-dali akong lumabas ng restaurant n'ya at pumara ako ng taxi agad-agad.
Mabilis naman akong nakauwi at naabutan ko si Maze na nagkakape sa sala.
"Ang tagal mo naman sa labas," bungad nito. Namiss n'ya agad ako.
"Bakit, Sir? Miss mo agad ako?" Nginisian ko pa s'ya pero inirapan ako. "Ang tagal mo, kanina pa kita hinihintay dahil ipapalinis ko yung kwarto ko,"
Akala ko pa naman miss n'ya na ako.
Tamang tama, may chance na ako para makuha 'yung phone ko.
Kinuha ko na ang mga gamit panglinis saka umakyat sa kwarto n'ya. Gaya nang nakaraan ay puro papel lang ang kalat sa kwarto n'ya pero may iilan ding mga alikabok akong nahahawakan.
Dumiretso ako sa bedside table ni Maze at hinanap doon ang phone. "Kainis, nasaan na 'yon?"
Inabot pa ako ng ilang minuto pero wala akong nakitang bakas ng cellphone ko, nakakainis.
Pinagpatuloy ko na lang ang paglilinis ko sa kwarto hanggang sa luminis ito nang husto.
Pagkatapos ko maglinis ay bumaba na ako. Narinig ko na may kausap s'ya kaya naisip ko na huwag munang bumaba at tumambay muna sa balkonahe.
Mag gagabi na rin pala, ilang minuto na lang ay kailangan ko na magluto pero ayaw ko muna bumaba dahil baka mahimatay 'yung bisita ni Maze dahil sa itsura ko.
Next time nga ninipisan ko nalang yung nilalagay ko sa kilay ko para hindi 'to magmukhang linta. Well, hindi naman talaga sobrang pangit yung itsura ko ngayon, pangit lang, ganoon.
Nang nabagot na ako ay napag-isipan ko na rin ang bumaba.
"Sige po, ingat kayo," dinig kong sabi ni Maze ng pababa na ako. Paalis na ata yung kausap n'ya.
"Salamat rin sa'yo, hijo. Pakikumusta ako kay Raze,"
Raze? Sino naman iyon. Teka— yung boses...
Kaboses ni Mommy iyon!
Aakyat sana muli ako sa itaas ngunit nakita na ako nito.
"O, may kasama ka pala rito sa bahay, akala ko ay mag-isa ka lang," sabi nito at hindi naman kumibo si Maze.
Hindi n'ya nga pala ako makikilala.
Anong ginagawa—siguro natrace n'ya 'yung cellphone ko rito.
Hindi n'ya naman ako mapaghihinalaan dahil maganda 'yung anak n'ya tapos 'yung itsura ko ngayon ay hindi kaaya-aya.
Nang umalis na si Mommy dala ang mga alagad n'ya ay agad akong kumilos sa kusina at nagtanong kay Maze na kunyari ay hindi ko kilala si Mommy.
"Sir, sino po 'yon? Mommy n'yo po?"
"Wala kang pakielam."
Ang sungit , a. Siguro dahil miss na miss n'ya ako kanina.
Magtatanong pa sana ako pero nagulat kami ng makita namin si Vlaze na papasok sa loob.
"Hindi ba't si Ms. Anabelle Arellano 'yung kakaalis lang? Sugar mommy mo? Bakit ka naghanap ng sugar mommy, marami naman tayong pera? Ireto mo nalang iyon kay fafs," anito at itinuro pa ang labas.
Ano daw? Sugar Mommy? Mommy ko?
Palihim lang akong natawa.
"You know what? Napaka OA mo talaga mag-isip," walang ganang sabi ni Maze, "May kinuha lang 'yon dito,"
Ano naman 'yung kinuha?
"Ano naman 'yung kinuha?" tanong ni Vlaze, 'yan din iniisip ko eh.
"Yung phone ng anak n'ya. Naitakbo ko noong nakaraan nang may nagpapicture sa akin na babae sa mall tapos tumawag si Daddy, hindi ko namalayan na nadala ko pala. Tinrace daw n'ya yung phone para mahanap din yung anak n'ya pero sabi ko wala dito at 'yung phone lang 'yung hawak ko." mahabang paliwanag nito kasabay ng pagtingin sa akin ng makahulugan.
"A, akala ko pa naman sugar mommy mo na," ani Vlaze at tumawa-tawa.
"May pinakita s'yang litrato ng anak n'ya na naglayas daw, may kamukha iyon," bigla naman akong kinabahan sa sinabing iyon ni Maze.
Dahil doon ay napalingon ako sa kan'ya at nagulat ako nang mapagtanto ko na nasa akin din ang paningin n'ya. Nahahawigan n'ya ba ako doon? Pero imposible kase iba na medyo ang itsura ko.
"S-sino naman?" kinakabahan ding tanong ni Vlaze dahil alam n'ya na ako iyon.
"Yung babaeng dinala mo dito para maging maid ko, 'yung una." Nakahinga naman ako ng maluwag dahil dito.
Akala ko pa naman namukhaan n'ya na ako 'yon. Worth it pala yung pag make over ko nang kaunti.
Ilang minuto pa ay umakyat na si Maze sa taas kaya lumapit na nang tuluyan sa akin ni Vlaze.
"Buti hindi ka namukhaan ng mommy mo,"
Inayos ko muna ang niluluto ko bago sumagot. "Oo nga e, akala ko makikilala ako."
"Alam mo ba na may kamukha yung mommy mo?" sabi nito.
Maliban sa amin ng ate ko ay wala ng ibang kamukha si Mommy.
"Sino naman?" curious na tanong ko.
"Yung future mother in law ko,"
Napahinto ako sa sinabing iyon ni Vlaze.
"P-pinagsasasabi mo r'yan? May topak kana yata,"
"May topak talaga ako pagdating sa'yo,"
Aba, kanina pa 'to banat nang banat. Banatan ko kaya ito? O 'di kaya naman isama ko sa niluluto ko ngayon?
"Ewan ko sayo, Vlaze. Bakit ka nga pala na pa rito?"
"Wala lang, titignan ko lang magtrabaho ang isang napakagandang dilag,"
Babatukan ko na sana s'ya ng makarinig kami ng pag-ubo. Si Maze pero hindi ito nakatingin sa amin.
Isa pa 'tong lalaking 'to, wala rin magawa sa buhay n'ya. Wala ba silang pinagkakaabalahan o trabaho manlang, mayaman nga pala sila kaya kahit magpakasaya na lang sila sa buhay nila ay ayos lang.
"Hindi pa ba tapos 'yan? Kanina ka pa r'yan, ah."
"Hindi pa po, Sir. Tatawagin ko na lang kayo kapag tapos na." sabi ko rito at pinagpatuloy ang pagluluto.
"Landian kase nang landian," dinig kong bulong nito habang umaakyat sa taas.
"Anong nangyari roon?" tanong ni Vlaze na s'ya namang inirapan ko.
Nagtanong pa s'ya eh kaharot-harot n'ya. Marami na siguro itong naging girlfriend, masyadong madada, e.
Matapos ang ilang sandali ay natapos na ako sa ginagawa ko kaya tinawag ko na si Maze para kumain.
"Sir, luto na po 'yung pagkain."
Hindi ko na ito hinintay sumagot at bumaba na ako. Nakita ko si Vlaze na nandoon pa rin sa pwesto n'ya kanina.
"Dito ka na rin kaya magdinner, anong oras na rin e," aya ko rito.
"Sige ba—"
"At sinong nagsabi na papayag ako? Kuya, doon ka kumain sa inyo" biglang singit ni Maze, "Nandito ka pa pala, ang haba ng oras n'yo magharutan, a"
Grabe naman magsalita 'to, harutan agad? Nakita ko naman napanguso si Vlaze sa inasal ng kapatid.
"Ang sama mo naman parang hindi mo naman ako kapatid. Hayaan mo na akong magdinner dito kapalit ng paghahanap ko ng maid mo,"
Hindi nalang umimik si Maze, nagsimula na lang itong kumain. Dahil doon ay kumain na rin kami ni Vlaze kasabay s'ya.
"Alam mo ba na lalo kang gumaganda kapag naka-ipit 'yung buhok mo? Kitang-kita yung hugis ng mukha mo pati na yung ganda mo," ani ni Vlaze habang kumakain kami. Umakto naman si Maze na parang naduduwal.
Sukang-suka ata sa pinagsasasabi ng kapatid n'ya. Wala talagang magawa itong si Vlaze.
"Nga pala kapatid, may sasabihin pala ako sa'yo kaya ako pumunta rito," sambit ni Vlaze ng matapos itong kumain.
"Ako naman pala yung pinunta mo tapos mas nauna mo pang kausapin 'yung maid ko."
Dahil usapang magkapatid iyon ay binilisan ko ang pagkain at saka niligpit ang pinagkainan.
"Nagseselos ka naman agad. Mas love naman kita kaysa sa maid mo. Teka, saan kaba nagseselos? Sa kan'ya, o sa akin?" Humagapak pa ito ng tawa.
Ewan ko ba pero sa tingin ko pinanganak na may topak si Vlaze ng mommy n'ya. Kung ako siguro nanay nito, hindi ko na s'ya iluluwal.
Hinugasan ko na ang pinggan. Umakyat naman silang dalawa sa taas dahil nga may pag-uusapan sila at mukhang importante iyon. Matapos kong maghugas ay lumabas ako ng bahay para tawagan si Zax.
"Ano? Hindi mo pa rin nakukuha 'yong phone mo? Baka trace ni tita 'yon at iyon yung puntahan n'yang bahay," bungad nito.
"Nako Zax, pumunta nga si Mommy kanina rito. Buti na nga lang at hindi n'ya ako nakilala,"
Ikinuwento ko pa sa kan'ya ang buong nangyari mula ng umalis ako sa restaurant n'ya kanina.
"Buti naman at ganoon ang nangyari. Hindi ka naman talaga makikilala ni tita dahil sa itsura mo. Siguro kung nagsalita ka kanina at narinig n'ya, mabobosesan ka n'yon,"
Tama s'ya, mabuti nalang hindi ako nagsalita.
"Sige may aayusin pa ako dito sa restaurant, bye."
Pumasok na ako sa loob ng bahay matapos kong kausapin si Zax. Hanggang ngayon siguro ay hindi pa tapos mag usap yung magkakambal dahil hindi pa sila bumababa.
Siguro pinag-uusapan nila kung magpapakulay ba sila ng parehong kulay ng buhok para malito yung mga tao sa kanilang dalawa? O di kaya magpapanggap si Maze bilang Vlaze tapos si Vlaze naman magpapanggap bilang Maze-- okay, walang kwenta yung mga pinag-iiisip ko ngayon.
"Sige kapatid uuwi na ang iyong gwapong kakambal,"
"Mas gwapo ako sa'yo,"
"Hindi, ako ang mas gwapo"
Dinig na dinig ko iyan bago tuluyang umalis si Vlaze sa bahay.
Nagtatalo sila kung sino ang mas gwapo, e magkamukha lang sila. Kung ako talaga nanay ng dalawa 'to pag uuntigin ko sila sa tiyan ko.
----
Kinabukasan ay nagluto na ako ng almusal pero nakita ko na nagmamadali si Maze na lumabas ng bahay ng hindi manlang kumakain.
Anong meron doon?
Tinakpan ko nalang ang mga niluto ko kase baka sandali lang s'ya sa labas.
Habang mag isa ako ay inisip ko na naman ang mangyayari sa akin sa oras na umuwi ako sa bahay namin.
Ipakakasal nila ako sa lalaking hindi ko mahal kagaya ng ginawa nila kay Ate Sab. Actually, maayos naman ang pagsasama nila Ate Sab at nang asawa n'ya, ayaw ko lang na iba ang maging resulta sa akin ng iyon. Baka kase hindi ko makasundo yung ipapakasal sa akin tapos magkakasakitan lang kami.
Kung papipiliin ay gusto ko yung mahal kong lalaki ang pakakasalan ko para maging masaya yung buhay may asawa ko kapag nagkataon. Sana lang ay hindi na matuloy yung arrange marraige kung makikita ako ni Mommy.