"By any chance, pumunta kaba dito sa mall noong isang araw?"
Tinignan muna ako nito bago sumagot, "Hindi,"
So wala sa kan'ya yung phone ko?
"Actually, itong mall ay pagmamay-ari namin. Sadyang ngayon lang ako pumunta dito kase bibili sana ako ng bagong phone,"
Bibili s'ya eh sa kanila naman 'tong Mall. Pwede naman s'yang kumuha na lang ng hindi nagbabayad, 'di ba?
Anyway, kung hindi s'ya pumunta dito noong isang araw. Edi yung Maze nga 'yung mga hawak ng phone ko ngayon.
"Nasaan na pala si Kuya Jax?" pag-iiba ko ng usapan. Baka kase kung ano ang isipin n'ya sa tanong ko.
"Aray naman! Ako 'yung nandito pero iba yung hinahanap mo. Sinasaktan mo ang damdamin ko," umakto pa ito na parang nasasaktan talaga.
Sa tingin ko s'ya yung may saltik
"Para kang sira, bakit hindi mo s'ya kasama?"
"Bakit? Kailangan ba magkasama kami lagi? Hindi naman magkadikit yung bituka namin," ngumisi pa ito ng nakakaloko.
"Alam mo, ikaw, imbis na sagutin mo na lang yung tanong ko, kung ano ano pa pinagsasasabi mo,"
"Bakit galit ka? May gusto ka kay Jax 'no? Ikaw ah,"
Wala na akong nagawa kundi ang iwanan s'ya. Hindi ko alam kung bakit ba ako nakikipag-usap sa kan'ya.
"Uy! saglit lang! Hatid na kita!" sigaw nito pero pumara na agad ako ng taxi para hindi n'ya ako maabutan.
Sinabi ko sa taxi driver ang address ng resto ni Zax. Doon muna ako tatambay.
"O, anong ginagawa mo dito? May paper bag ka na naman na dala. Pasalubong ba sa akin 'yan?" Kinuha nito ang paperbag na hawak ko at nang makita iyon ay binalik din sa akin agad.
"Colleen Hoover books? Hindi ba meron naman na mga pdf n'yan? Bakit hindi ka na lang magdownload?" tanong nito
"Wala nga yung phone ko, tinakbo nga, remember?" kumunot naman ang noo nito.
"Anong pinagsasabi mo? Kanina lang hawak mo yung cellphone mo ah?"
"Hindi pala akin 'yon,"
"Anong hindi sa'yo? Ganoon na ganoon 'yung phone mo ah?"
"Akala ko nga ayun na yung phone ko. Kay Vlaze pala 'yun tapos... tapos... tapos..." Binatukan naman ako nito.
"Sinong Vlaze? 'Yung kaibigan ni kuya? Nagkakasama pala kayo?"
S'ya naman ang binatukan ko, "Anong nagkakasama? Pinahatid ako ng kuya mo sa kan'ya kahapon diba? Tapos nakita ko yung phone n'ya tapos kinuha ko kasi akala ko sa akin,"
"Ayan! Kuha ka kase nang kuha!"
"Good afternooonnn—oh pretty girl! Dito ka rin pala pupunta? Sabi sa'yo hatid na kita kanina eh,"
Jusko si Vlaze na naman.
"M-magkasama kayo kanina?" tanong ni Zax.
"Nagkataon lang na nandoon din pala s'ya sa mall," paliwanag ko. "Sige una na ako at babasahin ko pa 'to. Pumunta lang ako saglit kase akala ko bankrupt na 'tong restaurant mo," tapos ay tumayo na ako.
"Aalis ka na naman? Hatid na kita, mamaya nalang ako kakain," Napairap ako sa sinabi ni Vlaze.
Mukha ba s'yang taxi driver? Kanina pa s'ya alok nang alok na ihatid ako. Alam ko na mangungulit s'ya kaya naman pumayag na ako.
"Ano ba 'yung binili mo kanina sa mall?" panimula nito.
"Ah wala, libro lang. Wala kasi akong ibang magawa sa bahay kaya magbabasa nalang ako,"
Wala pang isang oras ay nakapunta na kami doon sa destinasyon namin. Akala ko pagkahatid n'ya ay aalis na s'ya pero nagkamali ako. Balak n'ya pang ihatid ako hanggang sa room namin.
Papunta na kami sa room namin ni Zax nang may nakita kaming mga nakaitim na lalaki.
"Bakit may nga lalaki rito?" takang tanong ni Vlaze.
Sa totoo lang ako rin nagtataka. Didiretso na sana ako ng makilala ko ang isa sa mga lalaki doon.
Napamura ako rito. Mga bodyguard ni Mommy tapos 'yung isa ay secretary n'ya! Nandoon sila mismo nakatayo sa room namin ni Zax!
Nalaman ata ni Mommy na nandito ako.
Wala na akong sinayang na oras at hinila ko si Vlaze pabalik doon sa parking lot bago pa nila ako makita.
"Bakit? Kilala mo ba yung mga 'yon?" tanong nito.
"Oo, mga tauhan iyon nila Mommy at sigurado akong pinapahanap n'ya ako," sagot ko
"Pinapahanap? T-teka... hindi mo sinabi sa mommy mo kung nasaan ka?" tumango naman ako "Bakit?"
Tsismoso talaga 'to.
"Secret,"
Saan naman kaya ako nito? Magcheck in nalang kaya ako sa Hotel? Kaya lang malalaman parin ni Mommy, e.
Anong gagawin ko? Saan ako pupunta?
Kapag umalis naman 'yung mga tauhan ni Mommy sa condo babalik parin sila para kuhanin ako eh.
Habang nag-iisip ako ay biglang tumunog ang cellphone ni Vlaze.
"O, bakit napatawag ka?" tanong nito sa kabilang linya
"Bakit ba kasi kailangan mo no'n? Mag-isa ka lang naman kaya mo na 'yan!"
Hindi na sana ako makikinig pero malakas talaga ang boses ni Vlaze.
"So, saan naman ako hahanap ng maid mo, aber? Maghanap ka na lang online nang hindi mo na ako ginagambala!"
Siguro 'yung Maze yung kausap n'ya. Yun kase yung tumawag sa phone ni Vlaze noong nakaraan at nagpapanahap ng maid---wait, what if...
Kinalabit ko si Vlaze para sabihin ang naisip ko.
"Naghahanap ng maid yung kapatid mo? Sabihin mo may nahanap kana."
"Huh? Sino naman?"
"Basta sabihin mo may nahanap kana!" Sinunod n'ya naman ang sinabi ko
"Oy, may nahanap na raw ako," sabi nito sa kabilang linya.
"Sige, sige, bukas na agad?" muling sagot nito sa linyo "Okay, bye,"
"Sino naman yung nahanap mo?" tanong nito pagkapatay ng tawag.
"Hulaan mo."
"Mukha ba akong manghuhula sa'yo? Sabihin mo na kasi," nakangisi ito habang hinihintay ang sagot ko.
"Ang nahanap ko ay si—" Sinadya kong putulin ang sinasabi ko dahil natatawa ako sa itsura ng mukha n'ya dahil halatang curious s'ya.
"Sino nga? May pa-suspense ka pa riyan, tawagan ko kaya 'yung mommy mo?"
Nanakot pa ang loko
"Ba't kailangan mo pang malaman? Ikaw ba ang magiging amo?" Pinitik nito ang ilong ko, "Sa akin nagpapahanap, 'di ba? Malay ko ba kung sino 'yung tinutukoy mo, baka mamaya kawatan pala 'yon. Sino nga kasi?" he asks continuously.
"Si Elle," maiksing sagot ko.
"Sino naman 'yung Elle na 'yon?"
I heaved a big sigh and rolled my eyes before I answer his last question.
"Ako."
"Ah, ikaw lang pala, e." Tumango-tango pa s'ya pero maya maya ay tumingin s'ya sa akin na nanlalaki ang mga mata
"ANO?!"
Hindi ako kumibo ng ilang minuto.
"Seryoso ka talaga roon?"
"Oo, ako 'yung magiging maid," halatang hindi parin s'ya makapaniwala sa sinabi ko.
"B-bakit naman?"
"Well, wala na kasi akong mapupuntahan. Hindi ako puwedeng magtagal sa condo namin ni Zax dahil malalaman nila Mommy na nandoon ako," umiwas ako ng tingin sa kan'ya, "Kailangan kong magtago para hindi nila ako mahanap,"
"E, bakit kailangan mo pang maging maid? Puwede naman kitang tulungan ah,"
Feeling close talaga 'to. Tsaka gusto ko rin kasi makuha 'yung phone ko...
"Hindi na, ayos na 'yun. Kailangan ko rin ng mapaglilibangan since wala naman akong ginagawa,"
Bakas sa mukha n'ya na nagdadalawang isip s'ya pero nagulat nalang ako ng bigla akong yakapin nito.
"H-hoy! A-anong ginagawa mo," hindi n'ya ito sinagot pero ilang minuto lang rin ay binitawan n'ya na ako.
"'Yung mga lalaki kanina roon sa taas, bumaba na sila. Tinakpan lang kita para hindi ka makita,"
Ahh, ganoon naman pala.
Pumunta muli kami sa taas mga kuhanin ang mga gamit ko. Ngayon na mismo ako aalis.
"Ah Vlaze, may number ka ni Zax?"
"Wala e, hindi ko naman nahingi,"
"I-text mo nalang si Kuya Jax. Baka may number s'ya ni Zax. Kapag binigay na, tawagan mo,"
Nagpatuloy lang ako sa paglalagay ng gamit ko sa luggage. Kapag bukas o sa isang araw pa ako umalis dito baka pumunta muli dito yung mga lalaki at kunin ako kaya mas maganda na ang maaga.
Habang inaayos ko yung maleta ko ay binigay sa akin ni Vlaze 'yung phone n'ya, "Si Zaxymier,"
Kinuha ko agad ito at sinabi kay Zax ang plano ko sa maiksing paliwanag lang. Alam n'ya naman yung sitwasyon ko kaya naintindihan n'ya agad.
Ibinigay ko na ang cellphone ni Vlaze at inaya na itong umalis.
"Saan tayo pupunta?" tanong nito
"Ngayon na ako magsisimula bilang katulong. Tara na baka mamaya ay bumalik pa yung mga lalaki,"
Ewan ko ba pero kakakilala ko palang sa kan'ya pero kasundo ko na agad s'ya.
Teka...
Makakasundo ko rin kaya si Maze? Mukhang masungit, e.
"Sigurado ka bang kaya mo maging kasambahay? Marunong ka ba sa mga gawaing bahay? Katulong ka roon at hindi amo," tanong nito sa gitna ng biyahe.
"Oo naman,"
Wala man sa itsura ko na kaya kong gawin ang mga gawaing bahay ay magagawa ko 'yon. Kahit na mayaman kami ay pinasubok sa amin ni Mommy gawin iyon lahat para kapag gusto ko na raw maging independent.
Hindi naman daw kase habang buhay ay aasa nalang kami na gawin ng mga kasambahay ang mga gawain sa bahay kaya naman nasanay narin ako.
"Nandito na tayo," Naunang lumabas si Vlaze para pagbuksan ako ng pinto.
Gentleman.
Pinagmasdan ko ang hinintuan naming bahay at namangha ako rito. Ang ganda ng structure sa labas. Hindi ito kalakihan pero maayos.
Nagdoorbell si Vlaze at lumabas nga ang isang tao na kamukha ng katabi ko roon.
Nang magkaharap sila ay para silang salamin.
Magkamukhang magkamukha sila pero magkaiba nga ang kulay ng buhok nila gaya ng sabi ni Vlaze.
Magkamukha sila pero bakit parang mas malakas yung dating nitong isang ito kaysa kay Vlaze?
Ano ba itong naiisip ko...
Joke lang 'yun. Joke lang.
"Why?"
Jusko. Ang sungit naman nito, may dalaw ka, 'te?
"Ito na 'yung maid mo, nagmamadali masyado kaya imbis na bukas pa ay ngayon na daw s'ya magsisimula," Kinurot ko naman si Vlaze dahil sa sinabi nito.
Pinasadahan ako ng tingin ni Maze at ibinalik ang tingin kay Vlaze.
"Seriously?" wika nito na para bang hindi makapaniwala na ako yung magiging maid n'ya.
Sino ba naman ang maniniwala na mag-aaply bilang kasambahay ang magandang tulad ko, 'di ba?
Oopps, hindi ako mayabang, honest lang.
"Bakit? Mukha ba akong nagbibiro? S'ya nga 'yung nahanap ko" ipapasok sana ni Vlaze yung gamit ko sa loob pero pinigilan s'ya ni Maze.
"Ihanap mo ako ng iba. Wala akong tiwala sa mga gan'yang mukha. Baka mamaya tumitig lang sa akin 'yan buong araw imbes na magtrabaho,"
M.A.Y.A.B.A.N.G
"Bakit? Sa tingin mo nagpresinta ako maging maid mo dahil lang sa gwapo ka, ayun ba ang ibig mong sabihin?"
"Well, parang ganoon na nga,"
"Ang yabang mo!" ngumisi ito at inirapan ako
"Hindi ako mayabang, honest lang,"
Nakakainis s'ya!
"Edi sabihin na nga nating GWAPO KA, pero hindi naman talaga iyon ang dahilan ko. Gusto ko lang talagang magtrabaho para kumita ng pera," pero mukhang hindi parin ito kumbinsido
"Hayaan mo na, Maze, kailangang kailangan n'ya lang talaga ng trabaho,"
Tama 'yan Vlaze. Ipersuade mo s'ya na kuhain ako bilang maid!
"Ayoko parin. Ihanap mo nalang ako ng iba, tsaka mukha bang mahirap 'yan?" pinasadahan pa ako ng tingin, "Mukhang mas mahal pa nga 'yung lotion n'yan kaysa sa akin, e."
Letse! Bakit ba ang arte nito? Kung ayaw edi wag!
"Tara na nga, kung ayaw 'wag pilitin!" sabi ko sabay hila kay Vlaze.
Bago kami tuluyang umalis ay lumingon ako rito at saka sumigaw.
"HOY MAYABANG NA PARANG PINAGLIHI SA SAMA NG LOOB!" lumingon naman ito saglit na para bang napipilitan pang pakinggan ang susunod kong sasabihin
Binitawan ko ang braso ni Vlaze na hawak ko kanina at sumigaw muli, "HINDI KA GWAPO! MUKHA KANG BANGKAY!"
Nasabi ko na ang mga salitang iyon bago ko pa marealize ang isang bagay.
"Edi hindi rin ako gwapo at mukha din akong bangkay?"
Magkamukha nga pala sila ni Vlaze...