Elyon Yoo
Pagpatak ng alas dose ng tanghali ay muling tumunog ang bell. Naunang tumayo si Phoebe pero mag-isa lamang siyang lumabas. Shock ata 'yung mga kaibigan niya sa nangyayari. "I have something to tell you, guys," sabi ng isa naming kaklase. "My Mommy said, depression daw ang dahilan ng paglaslas ng pulso ni Phoebe."
"Huh? Depression? I thought someone tried to take his life and then pinalabas lang na naglaslas siya. The Halloween party didn’t go ahead because of her."
"Ano ka ba? Be sensitive, especially to those with unstable mental health like Phoebe."
"Are you kidding? Nang dahil lang sa pag-iinarte niya maraming nadamay. Do you know that I even customized my costume just for the party? Tapos nasayang lang..."
Hindi ko na pinakinggan pa 'yung iba pa nilang sinabi at lumabas na lang ako ng room. Pagkatapos ng sinabi ng kaklase ko, mabilis kumalat ang balita sa campus. Kanya-kanyang kuro ang nabuo sa isipan ng mga estudyante kung bakit na-depressed ito. May nagsasabing attention seeker si Phoebe at dahil hindi niya nakuha ang gusto niya kaya siya naglaslas. May nagsasabi rin na madalas na silang magtalo ng partner niyang si Dexter sa video cover. May nagsasabing may panibago itong nilalandi pero hindi umubra ang kagandahan niya.
"Wala akong masabi sa mga tao rito sa school. Parang dati lang hinahangaan nila 'yung tao pero ngayon ang papangit na ng mga komento nila." Halos manggalaiti si Rune habang nagpipinta. "Ang hirap tuloy maging sikat, ang hirap ding mag-maintain ng good image." Hinahayaan ko lang siyang magdaldal. "Hala... Namali na naman tuloy ako ng kulay. Kainis naman oh!"
Para kasing timang. Hindi naman niya kilala 'yung tao pero kung manggalaiti akala mo best friend niya 'yung inaapi. Pero hindi talaga si Phoebe ang concern ko kundi si Rune mismo. "May kilala ka bang Kyzhen?"
Napahinto ito sa pagdadaldal at pagpipinta.
Sakto namang tumunog ang bell, hudyat na tapos na ang klase namin. "Naku, Ely, may gagawin pa pala ako sa Dorm. Mauna na ako sa'yo ah." Agad nitong inayos ang gamit niya at nagmamadaling lumabas ng classroom.
Mukhang may tinatago sa akin si Rune. Ang balak ko sana, itatanong ko lang kung boyfriend ba nito si Kyzhen at kung gaano na niya ito kakilala. Pero sa kilos niya kanina tila may kakaiba itong tinatago.
Lumabas na rin ako ng classroom at naglakad sa corridor. Nakasalubong ko si Phoebe pero ang tamlay na ng mukha nito habang pababa ng hagdan. Hindi ko na lang siya pinansin at dumiretso ako sa locker area.
"Ikaw pala, Ely," bati sa akin ni Dexter. Matapos kong isara ang locker ko ay hinarap ko agad siya.
"Alalayan mo si Phoebe."
"A-ano?"
Tumalikod na ako sa kanya pero hindi agad ako naglakad. "Sa mga ganitong pagkakataon mas kailangan niya ng kaibigan at sa tingin ko, isa ka sa mga mabubuti niyang kaibigan," matapos kong sabihin ito ay naglakad na ako palayo kay Dexter. Hindi ko na inantay pa ang kanyang tugon.
Paglabas ng campus nakita ko si Frigelle na naglalakad kaya tumakbo ako upang maabutan ko siya. "Frigelle!" tawag ko sa kanya.
Napalingon naman siya sa akin at huminto sa paglalakad. "Bakit po?"
"Papunta ka na ba sa trabaho mo?" tanong ko. Tumango lamang ito bilang tugon. Sinabayan ko siya sa paglalakad. "May gusto sana akong itanong sa iyo." Muli itong tumango kaya nagpatuloy ako sa pagsasalita, "Kilala mo si Kyzhen?" Nanlaki ang pares niyang mata at agad umiwas ng tingin sa akin. "Alam kong kilala mo siya dahil nakita kita isang beses na lumapit sa kanya."
Napahinto na rin siya sa paglalakad at ganoon din ako. "A-ano po. Ah... Ka-kasi..." Malikot ang mga mata niya na parang nag-aalangan sa nais niyang sabihin. Bumuntong-hininga ito at humarap sa akin. "Baka po mawalan ako ng trabaho, mahigpit kasi niyang bilin na huwag kong sasabihin sa iyo na siya 'yung nagbigay ng cookies noon kung natatandaan mo pa."
Nanlaki ang mata ko sa sinabi niya, "Co-cookies?"
Tumango ito. "Siya ang boss ko sa Dark Cafe. Siya mismo ang gumawa ng cookies para sa iyo."
Naalala ko na kung saan ko unang nakita ang cookies, nabangga ko si Kyzhen ng bike ko dati at tumapon sa akin 'yung buong box ng cookies na bitbit niya. "Pero bakit?" tanong ko.
Kung ganoon matagal na pala niya akong kilala?
Nagkibit-balikat si Frigelle. "Ayaw niya pong sabihin ang dahilan." Napasilip naman siya sa wrist watch niya. "Hala, baka po ma-late na ako sa trabaho. Pasensya na po pero kailangan ko na pong mauna." Yumuko na ito sa akin at naglakad palayo.
Kung ganoon hindi girlfriend ni Kyzhen si Frigelle.
"Sandali lang." Huminto siyang muli. "May girlfriend ba si Kyz---" Hindi ko na natapos ang sasabihin ko dahil parang nakaramdam ako ng pagkailang. Mali ata 'yung tanong ko.
Napangiti si Frigelle. Hindi na ako nagsalitang muli at naglakad na lang din palayo sana sa kanya. "Wala po siyang girlfriend, iyon po ang pagkakaalam ko." Napahinto ako at humarap kay Frigelle. "Ayos lang naman po sa akin kung may nararamdaman ka sa boss ko."
Nanlaki na naman ang mata ko sa sinabi niya. "ANO?" Nagtinginan ang mga tao sa paligid ko dahil sa lakas ng boses ko. Ano bang sumagi sa kokote ng batang ito? "Ma-may work ka pa 'di ba? Umalis ka na bago pa kita mabatukan," sabi ko habang pilit ang ngiti.
Sumunod naman si Frigelle at tumakbo na ito palayo sa akin.
Bakit naman sa dinami-rami na puwede kong i-compose na sentence iyon pa ang lumabas sa bibig ko? Masyado na ata akong lumalayo sa pakay ko tungkol kay Kyzhen.
Ganoon pa man napaisip ako sa sinabi ni Frigelle. Kung walang girlfriend si Kyzhen maaring kaibigan niya si Rune.
Pero teka lang...
Noong una kong makilala si Rune alam kong wala siyang ibang kaibigan.At hanggang ngayon kami-kami lang ang madalas niyang kasama.
Nakauwi ako ng bahay habang napapaisip pa rin sa connection ni Kyzhen at Rune.
"Young Lady," Napabalik ako sa realidad dahil kay Jane. "Lumalamig na po ang pagkain."
Kahit pala sa dinner ay hindi na naalis sa isip ko ang dalawang iyon. "Ah... Sorry," Sinimulan ko na ulit sumubo ng pagkain.
"Mukhang malalim po ang iniisip mo."
"May tanong lang ako sa inyo." Tahimik namang nakikinig sa akin ang tatlo. "Kung ang isang tao ay hindi pala kaibigan o wala siyang kaibigan tapos isang araw, nakita mo 'yung tao na iyon na madalas kausap ang isang estranghero. Tingin mo anong koneksyon nila sa isa't isa?"
"Baka po magjowa," sagot ni Eman.
"Wala namang binanggit si Young Lady na gender eh," sabi ni Grace kay Eman. Tumingin naman siya ulit sa akin. "Baka kamag-anak po niya."
"Kung hindi siya pala kaibigan maaring sobrang importante sa kanya ang taong iyon," sabi naman ni Jane.
Napatango na lang ako sa lahat ng sagot nila.
Matapos ang dinner ay agad na akong umakyat sa taas, pagpasok sa kwarto ko, nagtungo ako sa study table upang gawin ang mga assignments ko. Napatingin ako sa naka-display na kalendaryo na may mga marka ng pulang ballpen ang mga nakalipas na araw.
"Ilang araw na lang pala..."
Napabuntong-hininga na lang ako at sinimulang buksan ang texbook ko sa English.
Ilang oras ang nagdaan at isang papel na ang nakalagay sa table ko. Nakasulat doon ang pangalan ni Rune at Kyzhen.
Naalala ko ang sinabi ni Master Luis sa akin;
"Nga pala, ayos lang na magkaroon ka ng mga kaibigan pero mag-iingat ka pa rin sa mga kakaibiganin mo."
-
-
-
Naalala ko rin ang sinabi ni Master Hagiza;
"Sa mundong ito marami pa tayong hindi alam kaya mag-iingat ka kay Kyzhen. Mukhang mananatili siya rito."
"Paano kung..." Hindi ko naituloy ang sentence ko, ayokong isipin, huwag naman sana.
******
Kinabukasan.
Mas maaga akong gumising ngayon para hindi ako maabutan ni Grace. Lumabas ako ng kwarto nang nakasuot ang makapal na Jacket. "Aalis na po ako," paalam ko habang patakbong bumababa nang hagdan.
"Young Lady!" tawag pa ni Jane pero kunwari hindi ko siya narinig at patakbo akong lumayo sa bahay.
Sumuot ako sa gubat. Nagpalinga-linga ako sa paligid kahit alam kong walang makakakita sa akin. Hinubad ko ang maskara ko, kasama ng uniform at bagpack ko, nilagay ko lahat ito sa isang malaking garbage bag at itinago sa isang malaking puno. Kumuha ako ng mga sanga at inilagay sa lugar kung saan ko tinago ang mga gamit ko.
Ginamit ko ang hood ng jacket upang hindi masyadong makita ang mukha ko. Kung suot ko ang maskara ko makikilala agad ako ng mga tao at kung suot ko ang uniform ko malalaman nilang nag-aaral ako sa academy.
Naglakad ako papasok ng Village hanggang sa makarating sa tapat ng Dark Cafe. Nakasabit sa entrance door ang "Close" na sign.
"Hiya," Napatingin ako sa likuran ko at tumambad sa akin ang ginang na nagmamay-ari ng katapat na shop. "Mamaya pa mag-o-open iyan."
Yumuko ako sa ginang. "Kilala niyo po ba ang nagmamay-ari ng Cafe?"
"Sino ba ang hindi makakakilala sa maginoong iyon?" Mukhang sa tono ng pananalita ng ginang hindi masama ang reputasyon ni Kyzhen. "Pero kung siya ang hinahanap mo parang nakita ko siyang lumabas kanina at hindi pa rin bumabalik hanggang ngayon."
Muli akong yumuko sa ginang. "Maraming salamat po." Iyon lang at naglakad na ako palayo sa Cafe. Tumambay ako sa 'di kalayuan upang mag-abang.
Ilang oras na ang nagdaan at nakita ko na ang pakay ko.
Si Kyzhen.
May bitbit itong paper bags, mukhang namili siya.
Kahit sobrang kapal ng jacket niya ay nakilala ko pa rin siya. Napagdesisyunan ko ring maglakad pero 'yung tipong pasalubong sa kanya hanggang sa tiningnan niya ako.
Hindi ko alam pero hindi ako nag-iwas ng tingin. Ayoko kasing mahalata niya ang kinikilos ko. Parang bumagal ang oras nang halos magkalapit na kaming dalawa hanggang sa nilagpasan namin ang isa't isa. Mukhang hindi naman niya ako namukhaan kaya muli akong huminto at lumingon sa direksyon niya.
Nag-o-open na ito ng Dark Cafe. Sinilip ko ang pambrasong orasan ko. Kaunti na lang at mahuhuli na ako sa klase pero hindi pa rin lumalabas ang isa pang taong inaantay ko.
"Baka naman nagkakamali lang ako?"
Ilang oras pa ang lumipas subalit wala nang lumabas ng Dark Cafe. Kaya nagpasya na akong bumalik sa gubat kung saan ko iniwan ang mga gamit ko.
Matapos makapagpalit ay patakbo akong bumalik ng village hanggang sa makarating ako ng academy.
Hindi ako pumasok sa Math kaya nagulat ang mga kaklase ko nang makita ako. "Ely!" tawag sa akin ni Dexter. "Anong nangyari sa iyo? Akala ko hindi ka na papasok eh."
"Sumakit ang tiyan ko kanina." Pagdadahilan ko na lang.
Agad akong umupo sa puwesto ko pero napatingin din ako kay Carlisle. Gusto ko sanang itanong sa kaklase ko kung nagising ba siya sa first subject namin kanina. Pero naisip ko na huwag na lang.
Natapos ang boong araw ko sa school pero hindi nagpakita sa akin si Rune. "Ely!" Napatingin ako sa babaeng patakbong lumapit sa akin. "Akala ko hindi ka pumasok hindi kasi kita nakita kaninang umaga? Ano bang nangyari?" tanong ni Rune sa akin.
"Sumakit ang tiyan ko kaninang umaga kaya nagpa-late ako."
"Mabuti okay ka na ngayon." Tumango na lang ako bilang tugon. "Ayun na pala sila Alexander oh!" Kumaway naman ang apat na lalaki habang papalapit sa amin.
"Elyon babe kumusta? Parang hindi kita nakita kanina?" tanong ni Alexander sa akin.
"Sumakit kasi ang tiyan niya kaya late na siyang nakapasok." Si Rune na ang nagsalita para sa akin.
Ilang tao pa kaya ang sasabihan ko na sumakit ang tiyan ko?
"Mabuti at okay ka na Noona."
Tumango lang ako kay Francis.
Sabay-sabay kaming naglakad palabas ng Academy at naghiwalay nang nasa Village na kami.
Palihim kong sinundan si Rune kung saan ito pupunta pero laking pagtataka ko nang sa ibang direksyon siya pumunta. Hindi kasi doon ang papuntang Dark Cafe. Kung magkamag-anak sila dapat nasa iisang bahay lang sila, malaki ang bahay ni Kyzhen kaya expect kong doon siya nakatira.
Hindi kaya may pupuntahan lang si Rune o kaya nililinlang niya ako?
Huminto ito sa isang bahay at pumasok doon.
Lumapit ako kung saan pumasok si Rune hanggang sa katapat ko na ang isang pintuan. May nakapaskil sa gilid na "Girls Dormitory." Hindi ito ang inaasahan ko pero tumuloy pa rin ako sa loob.
Nagtungo ako sa reception area. "Ah, Miss," tawag ko sa matabang babae na abala sa panonood sa phone niya habang tumutulo ang luha. "Miss," muli kong tawag sa kanya. Subalit hindi niya ako naririnig dahil may nakalagay sa magkabila niyang tenga na earphones.
Pinatunog ko na ang lamesa. "Ay multo!" Nagulat siya nang makita ako. Natakot siguro siya dahil nakamaskara ako.
"Ely." Napalingon ako dahil may tumawag ng pangalan ko.
Si Rune.