"ANG Ganda dito, Mahal." Nausal niya nang makita ang bagong bahay nila.
"Sus, ikaw naman, mahal. Pasensya kana ah. Ito lang ang maibibigay kong Bahay."
"Ano kaba? Okay lang iyon noh. Basta kasama kita."
"Pinapakilig mo naman ako niyan, mahal." Natatawang kinurot niya ang Asawa.
"Ikaw talaga, napakabolero mo. Si Nanay Asta?" Tukoy niya sa Mama ng asawa.
"Ayun. Nasa bahay ng Amo nila nanunuluyan. Sinabihan ko ngang okay na siya kung dumito tutal may Pamilya nadin naman sina Grace at siya nalang mag-isa. Pero umayaw."
Tumango tango lang siya. Nabanggit nga ni Nanay Asta na nagtatrabaho ito bilang Mayordoma sa Isang Mansyon.
"Sige, mahal. Ang sabi ni Grace ay dadalaw daw agad sila dito pagdating natin. Bibili lang ako nang isda sa Palengke sandali."
"Sige, mahal."
Nang makaalis ang asawa'y inayos nadin niya ang mga Damit na dala niya. Bata paraw ay mag-isa nang naninirahan dito ang Asawa. Ang dalawang kapatid nitong sina Grace at Farah ay nasa Mansiyon din nagtatrabaho. At noong isang Linggo lang ay nagpakasal na, kaya si Nanay Asta nalang ang nasa Mansiyon tumutuloy.
Tiningnan niya ang Wedding Ring sa Daliri. Simpleng singsing man lang iyon pero alam niyang doon nasusukat ang Pagmamahalan nila ni Enrico.
MAHIGIT limang taon na simula nang pakasalan niya ang Asawang si Enrico. Wala na siyang balita sa Pamilya niya sa kanila. Ang huling sinabi ng kapatid niya bago nasira ang Telepono nito'y okay lang naman daw ito at walang dapat ipag-alala.
Tinawagan nadin niya ang mga kaibigan na nasa kanila, pero ang sabi  nang mga ito'y matagal na simula nang ibenta ni Sir Ulisces ang Restaurant at wala na ang mga ito sa Lugar nila nakatira. Ang mga ito'y nagtrabaho na sa iba't ibang Lugar.
Ang huling pag-asa niya'y si Ronabel, pero ang sabi nito'y nasa ibang Probinsya na ito nang maging asawa ang Krush na krush nitong si Thomas. Itinanong niya dito ang Pamilya pero pati ito'y wala nang balita.
Itinigil niya ang Paglilinis saka kinuha ang Cellphone, tatawagan nalang niya ang asawa para sabihing gusto muna niyang bisitahin ang Pamilya niya sa kanila. Sa Mansiyon nadin ito nagtatrabaho ngayon, pumalit ito kay Nanay Asta na nahihirapan nang maglakad, Kinuha na ito nina Grace at doon na nakatira. Iniwan na nito ang pagiging Mayordoma.
Di paman siya nakakatipa ng numero ng asawa'y may pumasok na tawag. Dali-dali niyang sinagot iyon sa pag-aakalang ang Kapatid ang tumatawag.
"Hello, must-"
"Amanda?"
Nagulat siya nang mabosesan ang babaeng tumatawag. Si Yunice.
Excited na nangumusta siya. "Yunice, kumusta kana? Tagal nating di nakapag-usap ah."
"I'm fine naman. Saan ka ngayon?"
"Dito sa Maynila, dito na kami ng asawa ko ngayon eh-"
"Oh, that's good. Puwede moba akong masundo dito sa Airport?"
"Airport? Saan?" Nagtatakang tanong niya.
"Nandito ako sa Airport ngayon, please, amanda. Ang init-init na."
"S-sige, sige." Ibinaba na agad nito ang Telepono kaya dali-dali niyang tinawagan ang asawa.
"M-mahal!"
"Oh, Mahal, bakit?"
"Samahan mo naman ako sa Airport ngayon-"
"Sandali lang, mahal. Tinatawag ako ni Sir Yuan." Anito bago mabilis na pinatay ang tawag. Napakamot naman siya sa ulo saka kumuha nang perang pangpamasahe.
Agad naman siyang nakapara ng Tricycle at nagpahatid sa Airport. Matapos iabot dito ang bayad ay sinabihan niya itong hintayin siyang makabalik. Tumango lang din ito.
Tinawagan niya ulit si Yunice kung nasaan ito, sinabi naman agad nitong nasa mga upuan ito't nasa tabi, binanggit rin nito ang kulay nang damit kaya agad niyang natukoy.
Nang makarating siya sa kinaroroonan nito'y napansin niya ang pamumula nang balat nitong halos maligo na nang pawis. Tinulungan nadin niya itong dalhin ang maleta nito na singbigat pa ata ng ilang kilong bigas.
Pinasakay niya ito sa Taxi. Umayaw pa ito nang makita ang Driver pero napilit naman niya. Dahil may katabaan, nahirapan pa siyang makipagshare sa upuan sa likod. Napansin naman nito iyon.
"Oh, Amanda. Bakit dika parin pumapayat ngayon? Oras-oras kaba kumakain?" Saglit siyang natigilan pero ngumiti nalang siya. Iniisip na biro lang ang pangbababa nito sa kanya.
"Saan ka bababa, Yunice?" Tanong niya ilang sandali. Saglit muna itong may tiningnan sa mga kamay saka sumagot.
"Sa Villa Velonna-"
"Ha? Eh, doon nagtatrabaho ang asawa ko-"
"Asawa? I thought you're joking. Sino naman ang pumatol sa'yo- i mean, sino ang maswerteng lalaking ito?"
"Si Enrico Quintos. Anak siya ng dating mayordoma sa Villa Velonna. Magbabakasyon ka sa Villa?"
"Oh! Enrico's my Bestfriend. Sa Villa ako nakatira, Amanda. Nagbakasyon lang ako sa Hong Kong." Napanganga siya, maliit nga ang mundo kung gayon pero ang isiping nagbakasyon lang ito sa Hong Kong ay mas nagpapalaki nang mata niya. Limang taong Bakasyon?
Dina siya nito pinansin sa buong biyahe. Tiyak na pagod din ito kaya pinabayaan nalang din niya.
Ilang oras pa bago sila nakarating sa Villa Velonna, ginising niya ang nakatulog na si Yunice. Dire-diretso lang itong lumabas sa sasakyan bitbit ang bag nito. Matapos maibaba ang mga naiwang maleta'y nagbayad nadin siya kay Manong Driver.
"Dadalhin kopa ba 'yan sa loob, maam?"
"Ah huwag naho, manong. Kaya kona ho iyan." Aniya saka binitbit ang may kabigatang maleta. Dalawang maleta iyon at tiyak na mahihirapan kung gagamitin ang de-gulong dahil paakyat ang Semento.
Kilala naman na siya ng Guwardiya doon kaya ngumiti lang ito nang makita siya saka kinuha sa kamay niya ang isang maleta. Sumunod nalang din siya dito.
Di paman siya nakakapasok sa loob ng Mansiyon ay narinig na niya ang boses ng asawa. Tuwang tuwa ito na makita si Yunice. Kahit ganun ay inalis niya ang babala sa isip.
"Amanda, ikaw pala 'yan. Itong Juice oh, ayaw ni Maam Yunice, sayo nalang." Isa sa mga katulong ang lumabas at nakita siya. Iniabot nito sa kanya ang Baso ng Juice saka pinaupo siya sa Sofang kawayan na nasa labas.
"Alam mobang magkaibigan sina Rico at Maam Yunice?"
Umiling siya. "Kanina ko lang din nalaman, Lorna. Nabanggit sakin ni Yunice."
"Naku, mukhang miss na miss na nga ang isa't isa. Ayun, halos dalawang minuto na ngang nagyakapan, magkatabi pa habang nagmemeryenda. Ayaw bitawan ang isa't isa. Mahirap talaga kapag kababata mo ang matagal mong nakita, ano?"
Ngumiti lang siya saka tinungga ang Juice.