"Carla, nasaan ka ba?" Kanina pa takbo nang takbo si Sophie sa building nila dahil hindi niya mahanap-hanap si Carla. kung ang paraan ay bantayan niya ang mga kaklase niya ay gagawin niya upang hindi lang mapahamak ang mga ito.
"Ang sabi mo sa akin magiging maayos ang pag-aaral ko rito kapag napunta ako sa section five, Rafael!" Napahinto sa paglalakad si Sophie nang marinig niya ang sigaw ni Carla.
"Maayos naman 'di ba? Walang nangbubully saiyo dito."
"Wala ngang nambubully sa akin dito pero puro hindi naman maganda ang nasasaksihan ko, Rafael!" Nang makalapit si Sophie kung saan nanggagaling ang mga boses na narinig niya nakarating siya sa locker room at dalawang tao ang nakita niya. Si Carla at Rafael labis-labis ang pagtataka ni Sophie dahil umalis siya sa room nando'n pa si Rafael kaya paano napunta agad dito si Rafael.
"Gusto ko na umuwi sa amin Rafael." Pagmamakaawa ni Carla kay Rafael. Tumago si Sophie sa pinaka sulok at madilim na parte ng mga locker room upang hindi siya makita ng mga ito.
"Sa tingin mo ba makakaalis ka pa dito, Carla?" makahulogan na tanong nito sa kausap.
"Rafael, umalis na lang tayo dito. Natatakot ako Rafael!" nagulat si Sophie dahil bigla na lamang niyakap ni Rafael si Carla.
"Sorry, kung hindi lang sana kita pinilit na lumipat dito. Wala ka sana sa sitwasyon na ito ngayon."
"Natatakot ako Rafael, natatakot ako na baka ako ang isunod niya. N-nakita ko siya Rafael. N-nakita ko kung paano niya pinatay si Mica."
Nagulat naman si Sophie dahil sa narinig niya mula kay Carla agad niyang tinakpan ang bibig niya upang hindi makagawa ng ingay.
"Kailangan mo tumahimik Carla sa nakita mo aalis tayo dito, okay? Aalis tayo gagawa ako ng paraan." Huling narinig ni Sophie kina Rafael at Carla. Sinilip ni Sophie kung nando'n pa sila ngunit wala na siyang nakita dahan-dahan siya lumabas sa kinatatagoan niya at mabilis na nag lakad pabalik sa kanilang classroom ngunit napahinto siya ng may maapakan, binaba niya ang kaniyang tingin at dito nakita niya ang isang black notebook pinulot niya ito at lumakad na palayo sa locker room.
"Sino ang isusunod natin?" tanong ng isang lalaki.
"Isusunod? Hmmm….Mas maganda siguro kung si Carla na?" suggest ng kausap nito.
"Hell no! Ang usapan natin hindi mo gagalawin ang pagmamay-ari ko!"
"Okay, okay. Alalahanin mo lahat sila ay mamatay kaya huwag mo ng ipilit na ipagtanggol ang tao na 'yon. Bumalik na tayo sa kaniya-kaniya nating classroom baka mag hinala pa sila na isa tayo sa mga nawawala sa classroom."
Sabay na lumakad palayo ang dalawang lalaki na nag-uusap ngunit ang hindi nila alam isang babae ang nakarinig sa kanilang usapan. Kinakabahan na bumalik ito sa room nila at pilit na winawagli ang kaniyang mga narinig.
Ang lahat ng section five ay nag-iingay na para bang walang nangyari kanina. Na para ba wala silang nasaksihan. Ang lahat ay pilit na kinakalimutan ang kanilang nakita na may bigla na lamang pumasok na isang SSG sa kanilang classroom.
"Section five!" sigaw nito dahil sa lahat ng section ang section five ang ayaw na ayaw pasokan ng mga SSG .
"Mr. President, bakit ka napadpad dito?" hindi pinansin ng SSG ang tanong sa kaniya sa halip nagsalita ito.
"Section five pinapunta ako dito dahil pinapasabi ni Sir. Diego na pumunta kayo sa computer lab at do'n na lamang siya hintayin." sabi nito at basta na lamang umalis. Nauna naman na lumabas ng room ang isa sa kanilang classmate na si kelzie papunta sa computer lab. Tinawag pa nila ito ngunit hindi ito nakinig.
"Kelzie, bumalik ka dito! Pipila pa!" wala silang nagawa kun'di hayaan na lamang si Kelzie.
No'ng nakaayos na ang pila ng lahat umakyat na sila sa fourth floor kung na saan ang computer lab. Unang pumasok ang mga babae, wala pa sa kalahati ang nakakapasok sa loob ng bigla na lamang sila napahinto dahil sa sigaw ng mga nakapasok sa loob ng computer lab kaya ang lahat ay sabay-sabay na pumasok sa loob nagsiksikan pa dahil sa pagpasok ng sabay-sabay.
"What happened?"
"M-may bangkay sa row three." saad ng kaklase nilang babae. Ang iba naman ay pumunta sa sinasabi ni Jessy kasama na si Sophie ang lahat ay napatakip ng ilong, ang iba ay bumalik sa kanilang puwesto dahil sa naaamoy na masangsang.
"Masyadong madilim pahiram ng cellphone." Agad naman na may nag abot ng cellphone na may flashlight kay Jerald. Tinapat ni Jerald ang ilaw sa floor at nagulat sila lalo dahil sa nakita. Dilat na dilat ang mga mata ng isang babae, binalatan ang mukha nito kaya hindi na masyado makilala napaurong si Sophie dahil sa nakita at sa pag-urong niya may hindi siya inaasahang naapakan binaba niya ang kaniyang tingin at dito nakita niya na may kumikinang sa dilim kinuha niya ito at agad na inilagay sa kaniyang bulsa.
"Hindi natin ito ka-section. Taga section one ito." Agad naman napabalik ng tingin si Sophie ng marinig niya ang dati niyang section.
"Sophie, nakikilala mo ba 'yan?" tanong ni Rafael sa kaniya. Agad siya umiling dahil hindi niya makilala ang babae.
"Kumuha kayo ng sako at itatago natin ang bangkay hindi pwedeng malaman ito ng mga taga section one lalo na wala silang alam tungkol sa nangyayari sa section natin." seryosong saad ni Arhon ang lahat ay takot na takot dahil sa nakita.
Ngayong araw ilan na ang nasaksihan ni Sophie na katawan na wala ng buhhay. Hindi nila alam ang dahilan kung bakit nangyayari ito sa section niya ngayon. Gusto niya ng kasagutan sa mga tanong niya ngunit kahit anong gawin niya wala siyang makukuhang sagot mula sa sarili. Napahinga na lamang ng malalim si Sophie at napatitig sa ginagawa ng mga lalaki.