Hindi pa man ako nakakarating ng bahay ay bigla nang bumuhos ng sobrang lakas ang ulan.Naisipan kong sumilong ngunit wala pa rin naman palang silbi dahil basang-basa na ako.Nagpatuloy na lang ako sa paghakbang hanggang sa narinig kong may bumusina mula sa aking likuran.
"Miss, sakay." wika ng hindi ko kilalang lalaki.Guwapo ito at Moreno.Nag-alangan ako kaya muli akong nagpatuloy sa paghakbang.Hindi ako dapat na magtiwala agad sa mga taong hindi ko kilala.
"Miss sakay sabi, look ang lakas ng ulan.Baka magkasakit ka."
Natigilan ako.Akalain mong concern pala ito sa akin.Pero mukha naman talaga siyang mabait.
"Huwag na Mababasa lang ang loob ng kotse mo.Atsaka malapit lang naman ang tinutuluyan ko." saad ko at muling humakbang ngunit nakasunod pala ang sasakyan nito mula sa likuran ko.Ilang beses itong bumusina.
"Ihahatid na kita kahit malapit lang ang bahay mo.Saan ka ba nakatira?"
"Sa bahay ni Mr.Vergel Lucero!"
"Talaga? tamang-tama doon din ang punta ko kaya sakay na.Nag-aalangan man ay wala na akong nagawa ng bigla itong lumabas ng sasakyan bitbit ang isang malaking payong.Inalalayan ako nitong makapasok sa loob.
"I'm Nathan, you can call me Nate for short.Uncle ko nga pala si Vergel Lucero." anito habang nagmamaneho.Tipid lang akong ngumiti.Naisip ko, napakalayo naman nito kay Drake, I mean sa ugali.Masyado itong mabait. "How about you? what is your name?"
"Reese Maganda,"
Narinig ko ang mahinang pagtawa. "Wow! your name really suites to you.Reese Maganda," gagad nito. "Bagay na bagay kasi maganda ka."
Ako naman ngayon ang napalakas ang pagtawa.Hindi ko akalain na maniwala ito sa sinabi ko.
"Hindi Maganda apelyedo ko.Sinadya ko lang iyon para kunin ang reaksiyon mo at ayon lumabas na maganda nga ako," saad ko sabay halakhak.Napakamot naman ito sa ulo.
"I like you," kapagkuwan ay saad nito. "I mean, because you are funny."
"Talaga? eh bakit yong pinsan mong hilaw ayaw na ayaw sa akin?"
Kaagad itong napabaling ng tingin sa akin at nakakunot-noo.
"Who?"
"Si Sir Drake,"
"Paano mo nasabi na ayaw niya sa'yo."
Buntong-hininga lang ang tanging sagot ko.Mahirap ipaliwanag kung bakit ayaw niya sa akin kaya mas mabuting manahimik na lang ako.
Ilang sandali lang ay huminto na kami sa harap ng gate ng bahay ni Mr.Vergel.
Biglang napatayo si Mr.Vergel at si Nanay nang makita ako sa bungad ng pintuan.Samantalang ang Drake na iyon ay nasa isang sulok habang ginagamot ng isang kasambahay ang pangang tinamaan ng suntok ni Mr.Vergel kanina.Nakita kong nagbaling ito ng tingin at madilim ang anyo ng mukha habang nakatitig sa akin.
"Nate, mabuti naman at sinagip mo itong anak ko." maluha-luhang saad ni nanay at inilang hakbang ang pagitan namin. "Pumanhik ka at magbihis.Basang-basa ka sa ulan."
"Nakita ko lang po siya sa daan.Hindi ko akalain na dito pala siya nakatira at hindi ko rin alam na anak mo si Reese,tita Regina." nakangiting wika ni Nate.
Kapagkuwan ay nahagip ng paningin ni Nate ang pinsang si Drake.
"What happened?" ani Nate ng sa wakas ay makalapit na ito kay Drake.
Yumuko ako ng makitang bumaling ng tingin sa akin si Drake at pumukol ng nakamamatay na tingin.
Marahas naman na buntong-hininga ang pinakawalan ni Nate wari'y ay kaagad nitong naintindihan ang mga tinging iyon ni Drake sa akin.
Humakbang na ako at nilagpasan ko ang dalawa.Hindi ko makuhang bumaling ng tingin kay Drake dahil alam na alam kong nakamamatay pa rin ang mga tingin nito sa akin.
"Bumaba ka kaagad hija, may pag-uusapan tayo." narinig kong saad ni Mr.Vergel bago pa man ako nakaakyat ng hagdanan.Marahan akong tumango.Nagtungo ako sa bathroom.Hindi pa rin ako nasasanay sa paggamit ng nakamamanghang kagamitan sa loob ng bathroom.Ni shower ay natatakot akong buksan iyon.Paano ba naman kasi, walang ganoon sa probinsiya.Atsaka nalaman ko rin kay nanay na kailangan daw hubarin lahat ng damit kapag nag shower.Iyan ang bagay na hindi ko kayang gawin kahit mag-isa lang ako sa loob at kahit pa sabihing naka-lock ang pinto at walang makakasilip.Sa probinsiya kasi, sa deepwheel kami naliligo at hindi namin hinuhubad ang mga damit namin.
Nag-aalangan man, ay binuksan ko ang shower.Pakiramdam ko unti-unti kong nilulunod ang sarili ko at hindi nakahinga kaya kaagad din akong huminto pagkatapos kong sabunin at banlawan ang katawan ko.
Nagbihis at sinuklay ko ang aking alon-alon na buhok.Naalala kong niyaya ako ni Dana na mag-shopping pero kaagad akong tumanggi.Sapat na sa akin ang mga damit kong dala galing probinsiya.
Pagbaba ko, Nakita ko si Nate, nanay, Mr. Vergel at Drake sa sala sakto rin kararating lang ni Dana galing sa kung saan.
"Have a sit Hija." Ani Mr. Vergel.Kaagad akong umupo katabi ni nanay.
"Nandito tayo upang pag-usapan ang isang bagay."
"Ano po iyon?"
"Kailangan niyong magkasundong dalawa ni Drake."
Gulat na napa-angat ng tingin si Drake.Alam kong tutol ito sa nais ng ama.
"You can't push me to that damn thing,Dad!"
"Hindi ka na bata, son.Maging propesyonal ka naman.Umasta kang edukadong tao." mariing wika ni Mr.Vergel sa anak.
"No!" anito sabay tayo ngunit mabilis na hinarangan ng ama ang dinaraanan nito.
"Ako ang masusunod dito!"
"Hindi niyo ako mapipilit! wala akong pakialam sa babaeng iyan! may sarili akong bahay at negosyo! at hindi ako umaasa sa pero mo, dad.Kaya hindi pa rin ikaw ang masusunod!"
Papaliparan na sana ng suntok ni Mr.Vergel ang anak ngunit maagap itong napigilan ni Nathan at ni Nanay.
Alam kong galit na galit na si Mr.Vergel dahil sa inaasal ng anak dahil sa pamumula ng mukha nito.
"Huwag niyo po siyang pilitin, hindi naman po ako magtatagal dito.Sa totoo lang, hinihintay ko lang po na maikasal kayo ni nanay."
Gulat na napatingin sa akin si nanay gayundin si Mr.Vergel.
"Akala ko ba napag-usapan na natin ito,anak."
"Please,Reese.Dito ka na lang sa amin." Ani Dana."
"Buo na po ang desisyon ko."
"No hindi puwede." ani Mr.Vergel sabay hakbang patungo sa kinaroroonan ni Drake.
"Sa ayaw at sa gusto mo,makikipag-ayos ka kay Reese,Drake."
Isang nakamamatay na tingin ang ipinukol sa akin ni Drake.Hindi ko talaga ito maintindihan kung bakit ganoon na lang kalaki ang disgusto nito sa akin.
"Sige na cous, wala namang mawawala kung susundin mo si uncle." saad naman ni Nate.At Isa pa,hindi naman mahirap kaibiganin si Reese.She's very nice and fun....."
"Pati Ikaw nakikiayon sa babaeng iyan?" putol ni Drake sa sasabihin ni Nathan.
"Magkakaroon ng katahimikan sa pagitan ninyo kung makikipagkasundo ka sa anak ko, Drake." hindi na napigilang saad ni nanay.
"I'll go ahead!" sa halip ay saad nito sabay hakbang palayo sa kinaroroonan namin.
Walang nagawa si Mr.Vergel kundi ang umiling-iling.
"Pagpasensiyahan mo na si Drake." mapag-umanhing saad nito.
Kinabukasan,naging abala na ang lahat para sa kasal ni nanay at Mr.Vergel.Nagkaroon ng wedding rehearsal.Isa ako sa maid of honor para sa pinakamamahal kong Ina.Doon ko rin nakilala ang relatives ni Mr.Vergel.Ang babait nila.Wala akong nakikitang problema maliban dito kay Drake.Speaking of Drake, nandoon siya sa isang tabi kasama ang ilang mga kaibigan at kamag-anak.Minsan palihim ko itong sinusulyapan minsan din ako nitong nahuhuli at pinupukulan ng matatalim na tingin.Mas lalong sumama ang timpla nito ng malaman na siya ang bestman sa kasal ng sariling ama at ako ang kaniyang kapares as a maid of honor.
Puspusang paghahanda ang lahat para sa bonggang kasal.Ngayon lang ako makakaranas na maging maid of honor sa isang kasal.Nakakalula ang mamahaling preperasyon para sa kanilang kasal.Hindi ko inaakala na sa kabila ng kahirapan namin noon sa probinsiya, ay makakapangasawa ng may sinabi sa buhay itong si nanay.Ang swerte niya kung tutuusin.Minsan napaisip na rin ako.Makakapag-asawa din kaya ako ng ganoon kabait at kayaman katulad ni Mr.Vergel Lucero.
Hindi ko na rin nagawang tapusin ang rehearsal ng makaramdam ako ng matinding pagkahilo at pagod.Nag-aalalang ihinatid ako ni Nate sa bahay.
The Wedding
Isang wedding song ang pumailanlang habang naglalakad si nanay patungo sa altar at hinihintay ni Mr.Vergel.Sobra-sobra namang kaba ang nararamdaman ko sa ngayon habang nakaangkla ang kanang braso ko sa braso ni Drake.Hindi ko alam pero tense na tense ako.Siguro dahil si Drake ang kasama ko ngayon.Alam kong pilit ang mga ngiti nitong ibinibigay sa akin.Pakitang tao lang ito.Ngunit ganoon pa man, pinilit ko pa rin ang ngumiti.Panay ang sulyap ko sa aking sout.Hindi ako sanay mag-sout ng ganoon kaya nakaramdam ako ng uncomfortable na feelings.Simple ngunit maganda na floral printed lavander attire ang sout ko at strapless iyon.Hindi rin ako sanay sa sandalyas kong sout na may taas na three inches.Nakaramdam na ako ng pangangalay at pananakit ng mga paa ko.Isang beses na akong natapilok ngunit tanging si Drake lang ang nakapuna niyon at halos umusok ang bumbunan ko ng makita ko ang mapang-asar nitong mga ngisi at may pailing-iling at bulong-bulong pa.
"Kapag taga bundok talaga, sa tsinelas lang nababagay."
Ngunit hindi ko na ito pinansin pa.Basta Masaya lang ako para sa nanay ko.Tutal malapit na rin naman akong umuwi ng probinsiya kaya titiisin ko na lang ang hinayupak na Drake Lucero na ito.
Masyadong mabilis ang mga oras para sa akin.Ngayon ay abala at excited naman ang lahat para sa paghagis ng bulaklak ng bride.
"Anong meron sa paghagis ng bulaklak?" inosente kong tanong kay Dana.
"Kapag nasalo mo daw iyon,ikaw ang next na ikakasal." masayang tugon ni Dana.Sumimangot ako.Gusto ko pang makapagtapos ng pag-aaral kaya wala pa sa isipan ko iyon,maliban na lamang kung si Rigor ang pakakasalan ko.
Dahil wala akong planong sumalo sa bulaklak, pumuwesto ako sa pinakahuli.Habang ang iba kong kasamahan ay panay ang sigawan at bahagyang tulakan upang masalo lamang ang bulaklak na ihahagis ng bride.
Pangiti-ngiti lang ako habang inaabangan ang paghagis ni nanay ng bulaklak ngunit sa pagkagulat ko ay sa mga kamay ko bumagsak ang bulaklak kaya wala akong nagawa kundi ang saluhin iyon.
"Wow sis! congrats!" bulong sa akin ni Dana.
"Ay sayang." wika ng ibang kasamahan ko.
Naalarma ako sapagkat ayaw ko pang ikasal.
"Nay ulitin niyo po ang paghagis ayaw ko pang ikasal" Mangiyak-ngiyak kong wika.Narinig ko ang halakhakan ng mga bisitang naroroon.
"Hindi naman ibig-sabihin niyan na ngayon o bukas ka na ikakasal.Sa inyong lahat ,Ikaw ang mauunang ikasal." natatawang paliwanag ni nanay kaya nakaramdam na rin ako ng relief.
Ngayon naman ay ang mga abay naman na kalalakihan ang nakahandang saluhin ang garter na hinubad ng groom mula sa bride.
Ihinagis ng groom ang garter at nakita kong si Drake ang nakadalo.Nagulat pa ako ng biglang magtilian ang mga bisita.Nagtaka ako ng marahan akong itinulak ng isang babaeng diko kilala patungo sa upuang nasa gitna.Ngayon ay nasa akin ang lahat ng atensiyon.
"Anong gagawin ko dito sa gitna?" kinakabahan at may halong panginginig kong tanong.
"Isusuot lang naman ni Mr. Drake Lucero ang garter diyan sa legs mo,just relax." natatawang saad nito at iniwan na ako.
Hindi ko talaga alam ang mararamdaman ko sa mga sandaling iyon.Wala akong kaalam-alam sa mga ganitong pangyayari.
Naririnig ko ang halakhakan ng mga bisita.Siguro sa mga Oras na iyon ay putlang-putla ako.Hindi ko napaghandaan ito.At ang isang Drake Lucero pa talaga ang maglalagay sa hita ko ng garter.Baka mamaya kagatin niya legs ko dahil alam kong galit ito sa akin.
Sari-saring emosyon ang nararamdaman ko sa mga sandaling yumuko at lumuhod si Drake upang iangat ang isang paa ko para tuluyang maipasok ang garter.Sobrang seryoso ng guwapong mukha nito.Ang kasunod nitong ginawa ay hindi ko inaasahan.Itinaas nito ang dress ko hanggang tuhod.Pakiramdam ko mamatay na ako sa mga sandaling iyon.Lalo na ng bigla nitong kagatin ang garter upang itaas pa iyon.Nakagat ko na lang ang mga labi ko dahil inaamin kong may naramdaman akong kakaibang kiliti mula sa ginagawa nito.Ramdam ko rin ang tila kuryenteng dumaloy mula sa kaibuturan ko dahil sa simpleng paglapat ng mga labi nito sa balat ko.Wala pang kahit sinong lalaki ang nakalapat sa balat ko maging sa mga legs ko kundi si Drake lang.
Nagulat at nataranta ang lahat ng bigla akong umiyak dahil sa sobrang hiya.Nakita ko ang pag-aalala sa mukha ni Drake ngunit kaagad ding napawi iyon.
Nakita kong inabutan ako ng microphone ng babaeng umalalay sa akin kanina patungo sa gitna.
"Why are you crying beautiful lady?" natatawang tanong nito.
"Virgin pa po ako.Kung ano po ang ipapagawa niyong kalokohan kasama si Drake, hindi ko po kaya." umiiyak kong wika.
Mas lalong lumakas ang halakhakan ng mga bisita na pakiramdam ko ay ikinapula pang lalo ng mukha ko.
Nakita kong umawang ang mga labi ni Drake. "Disgusting!" narinig kong mahina nitong bulong sabay talikod at humakbang palayo.
"Mr.Lucero, wait isasayaw mo pa si maid of honor." wika ng babae at panay ang tawa. "Huwag mo siyang talikuran Ikaw rin, kayo pa naman ang next na ikakasal." dugtong nito ngunit walang-likod si Drake.Patuloy lamang ito sa paghakbang palayo.
Sumulyap ako sa bagong kasal panay ang halakhakan ng mga ito ganun din si Dana, Nate at iba pang relatives nito.Mukhang aliw na aliw pa sila sa 'kin.Samantalang ako lihim na dumadalangin na sana'y bumuka ang sahig at lamunin ako ng boung-buo.