"Are you happy now, Heaven?"
  It was kuya Primo, talagang sindya nya ako sa kwarto ko para lang ipamukha sa akin ang nagawa ko kanina. He was there, he heard everything, he saw everything.
  He saw how Mikael managed to wound my ego at wala man lang akong nagawa para doon. Nakita nya kung paano ako naiwan na walang masabi sa hallway.
  Alam din nya na iyon ang unang pagkakataon na may taong nakapagpatahimik sa akin. Maski sya kasi ay hindi ako kinakaya sa mga pambabara ko. Only Mikael was the only one who was able to do that.
  "Nandito pa rin ba sila?" tanong ko sa halip na sagutin ang tinuran nya.
  He nodded, "They'll spend the night here."
  "What?"
  Dito sila matutulog? Napakurap ako ng ma-realize na ang kwarto ni kuya ay ang tanging pagitan ng kwarto ko sa dalawang guest room. I wonder kung saan matutulog si Mikael sa dalawang yon. I shook my head.
  "Bakit? Magrereklamo ka na naman ba?"
  I narrowed my eyes, "May sinabi ba ako?"
  Umiling ito at nahiga sa kama ko. Alam naman nyang kahit magreklamo ako ay wala akong magagawa. Isa pa ay bakit naman ako magrereklamo gayong bisita ito nina mommy. Nagulat lang naman ako kaya ganun ang tono ko.
  "Are you mad at me?" tanong ko.
  Pansin ko kasi na close sya sa magkapatid kaya naman nagtataka ako na baka galit din sya sa akin. Kuya shook his head and told me it's none of his business. Labas sya sa alitan naming dalawa ni Mikael, pero hindi daw talaga nya nagustuhan ang panghuhusgang ginawa ko sa magkapatid lalo na nang idamay ko pa ang pansin na ibinibigay sa kanila ng parents nila.
  "Kahit may sakit si tita Mikaella, she never failed to take good care of her children. At kahit gaano din ka-busy si tito Neilsen ay hindi nya nakakalimutang bigyan ng oras ang pamilya nya."
  I scoffed, "Pero bakit parang kulang pa rin sa pansin ang Michael na yon."
  "Heaven, it's kuya Michael, not just Michael. He's three years older than you."
  "Ayoko nga. Three years older than me pero isip bata. Masyadong pabida, pinangunahan nya ako. Kaya nga kinausap ko si Mikael kanina ay para hindi na makarating kina mommy at daddy ang tungkol sa video."
  "Well, kaya nga magso-sorry sya sayo."
  "Kahit naman mag-sorry sya, wala ng magagawa yon. Bakit, kapag ba nag-sorry sya, mare-reverse ang oras at hindi na malalaman nina mommy yon?"
  He shook his head and sighed. Alam nyang wala rin naman syang magagawa dahil sa lahat ng bagay ay may isasagot ako sa kanya.
  "Ewan ko talaga sayo, Heaven. Aalis na ako and ah, don't worry about your talk with dad. Hindi na yon matutuloy."
  I frowned. Huh? Hindi na matutuloy? But I know dad. Kapag may sinabi sya ay gagawin nya lalo na at ang pag-uusap na yon ay tungkol sa behaviour ko na nakita nya sa video. Ayaw na ayaw nya kapag wala kaming galang at masama ang pakikitungo sa ibang tao. We were supposed to be friendly, according to their own perspective. Ako lang talaga ang naiiba na ayaw makipag-ugnayan sa ibang tao para less sakit sa ulo.
  "And why is that?" I asked.
  Kuya smiled, "Mikael took care of it."
  Hindi na nya ako hinintay na makasagot pa at lumabas na ng kwarto ko habang naiwan akong nagtataka. Mikael? Ano na naman kaya ang sinabi non kina daddy?
  Totoo nga ang sinabi ni kuya na dito magpapalipas ng gabi sina Mikael. Pagbaba ko kasi sa sala ay naroon sila at nanonood ng tv, ngunit ang mas ipinagtaka ko ay malawak ang ngiti ng mga magulang namin sa akin at may makahulugang tingin sa mga mata nila.
  "Uh.. is something wrong?" I asked.
  Mas kumunot ang noo ko nang umiling sila at ibinalik ang mga tingin nila sa tv. Busy sa pagce-cellphone si Michael habang si Mikael naman ay tumayo at lumapit sa akin.
  "Can we talk?"
  "Hindi mo ba ako kinakausap nyan?" pabalang na sagot ko.
  Umiling ito at muli akong tinanong. I nodded and led him to the garden. Malamig ang simoy ng hangin at napayakap ako sa sarili ko dahil sleeveless ang suot kong blouse at pinaresan ng denim shorts.
  "Cold?"
  "Hindi ba halata?"
  "Ikaw talaga, bakit ba lagi mo na lang akong binabara?"
  "Eh kasi para kang tanga. Obvious na nga, itatanong mo pa."
  "I'm just trying to start a good conversation."
  I rolled my eyes, "Then you suck,"
  "Ewan ko sayo." sagot nito. "Basta, we're friends, ah? Walang bawian yung sinabi mo."
  "Oo na, ang kulit mo. Bahala ka diyan, matutulog na ako."
  "Tabi tayo!"
  "Gago,"
  Tumawa lang ito na syang ikinailing ko bago pumasok sa loob at dumiretso sa kwarto ko. Nang makahiga na ako sa kama ay kinuha ko ang cellphone ko at pagka-pindot ko sa wifi icon ay isang notification ang nakapukaw sa pansin ko.
  It was a notification from Facebook, saying that Mikael Mendoza sent me a friend request. Bumuntong hininga ako saka ito inaccept sabay scroll sa timeline nya. Agad na napukaw ang atensyon ko ng latest post nya. Umayos ako ng higa saka ito binasa.
  Hello, this is Mikael Mendoza. This post is to inform each of you regarding the video of me and a woman that went viral several hours ago.
  Sinabi ko ito na ito sa live ko kanina, pero para sa mga hindi nakapanood, paki-basa ang post na ito para malinawan kayong lahat.
  The woman on the video is Heaven, my long term girlfriend. Currently, we are having a misunderstanding that led us to a break-up and agreed that we will act like we don't each other. But because I couldn't afford to lose her, I am starting to work hard to gain her heart again. Yung nakita ninyo kanina, pinaninidigan nya ang usapan namin na umaktong parang hindi kilala ang isa't-isa.
  I know that each of you were shock with this revelation but yes, matagal na akong in a relationship and we wanted it to keep private to avoid toxicity. But something happened which led us to this situation, hence I don't have a choice but to tell you guys the truth.
  And please, para sa mga nag-share at repost ng video, paki-delete nyo na lang. I don't want that video to cause anymore rift in our relationship.
  Thank you, Milkies.
  Hindi ko namalayan na may namuo na palang maliit na ngiti sa labi ko dahil sa mga nabasa ko. Sa akin ay medyo corny at hindi kapani-paniwala, ngunit nang mabasa ko ang mga comment sa comment section ay napagtanto ko na kaya nyang i-handle ng maayos ang supporters nya dahil mabilis na sumunod ang mga ito sa kanya. At kahit pa nalaman nilang in a relationship na sya ay wala silang balak na umalis.
  Though hindi naman totoo ang relationship na yon dahil sinabi lang nya yon para matigil ang pagkalat ng video. Mukhang kailangan naming panindigan yon para sa mga supporter nya. Huminga ako ng malalim at ipinikit ang mga mata ko.
  Unti-unti ay kinain ako ng antok, not knowing na sa mga susunod na araw ay magsisimula ng magulo ang dati kong tahimik na buhay dahil kakailanganin naming panindigan ang sinabi nya sa publiko na girlfriend nya ako.