"Everyone, this is Heavenly Ladesma. She's my topaking girlfriend."
  Nanlaki ang mga mata ko at gulat na tumingin sa kanya. Sunod-sunod ang pag-ring ng notification bell ng tablet nya at sunod-sunod din ang pag pop ng comments sa screen nito. Only then did I realize na nagli-live stream ito.
  What the hell!
  "Ano ba, bakit ka nagli-live stream?" singhal ko dito.
  He chuckled, "Oh, bakit? Alam mo namang sikat ang gwapo mong boyfriend, nagtataka ka pa."
  "Sira-ulo, itigil mo nga yan!"
  "Okay, baby. As you wish,"
  Pinaningkitan ko sya ng mata nang marinig ang itinawag nya sa akin. Baby? Tanga ba sya at nakikitang I am far from being a baby? Tapos tatawagin nya akong baby? Gago talaga ang isang ito.
  Gagong sira-ulo.
  Nang umokay sya ay akala ko diretso nya ng ihihinto ang live streaming nya. Pero ang gago ay inakbayan pa ako at ngumiti sa camera, mukha syang aso.
  "You heard her, guys. Ihinto ko na daw ang live streaming. But as I've told you, natural lang yung ginawa nya sa akin kanina, ganun lang talaga sya, lalo na at tinopak na naman kaninang umaga. Pero, mabait naman ang isang ito eh, kaya nga Heaven ang pangalan nya."
  Sinamaan ko sya ng tingin. Alam naming pareho na napakalayo ko sa pagiging mabait. Tsk, sinungaling.
  May kung ano-ano pa syang ka-cornihan na sinabi sa fans nya bago tuluyang tinapos ang live stream. Saka lang ako nagkaroon ng maayos na pagkakataon para kausapin sya. Naupo ako sa stone bench at pinag-krus ang mga braso ko sa dibdib ko.
  "Bakit mo sinabi yon?" ang unang tanong ko.
  "Ang alin?"
  "Na girlfriend mo ako."
  "Oh, yun ba?"
  I made a face, "Oh yun ba, oh yun ba ka pang nalalaman diyan. Eh kung sapakin kita? Bakit mo nga sinabi yon?"
  "To save you?"
  I scoffed, "At hindi ka pa talaga sigurado sa sagot mo, ah?"
  "Well, sa mundo ng social media, iyon lang ang mainam na paraan na naiisip ko para tigilan ka ng Milkies ko na nambabash na sayo ngayon. Iyon ang ipinunta mo dito, diba? Para paki-usapan ako na sabihan ang mga nagmamahal sa akin na tigilan ka? Mabuti at nagawa mong ibaba ang pride mo."
  Sa unang pagkakataon ay medyo natuwa ako na alam nyang mataas ang pride ko. Oo, aminado ako don. Mataas pa pinakamataas na bundok sa buong kalawakan ang pride ko.
  "Mataas ang pride ko pero alam ko kung kailan ko ibababa yon, lalo na kung dinadamay ng so called fans mo ang mga magulang ko na wala namang kinalaman dito."
  Kumunot ang noo nya, "Dinadamay ang mga magulang mo, how?"
  Sinabi ko sa kanya ang mga comment na nakita ko kung saan binabanggit ang mga magulang ko pati ang pag-aalaga ng mga ito sa akin. Ang gago ay natawa pa at sinabing normal lang daw yon sa mga tao ngayon lalo na social media na syang ikinainis ko.
  "Wala akong paki-alam kung normal yon o hindi. Basta, kung gusto nila akong i-bash, i-bash nila ako. Kung gusto nga nila ay sunugin pa nila ako ng buhay, baka sakaling isama ko pa sila sa imperyno. Pero kung babanggitin nila ang mga magulang ko at pag-aalaga nila sa akin, ibang usapan yon. Wala silang karapatan dahil unang-una sa lahat ay hindi nila ako kilala."
  His eyes shone in amusement. "Wow, may ganyang side pala ang isang Heavenly Ladesma. Hindi ko alam yon, ah."
  "Paano mo malalaman kung hindi mo pa naman ako kilala?"
  "Alam mo ikaw, ang hilig mong mambara eh, 'no."
  "Buti alam mo."
  Ngumiwi ito sa isinagot ko saka nagkamot ng batok. Mukhang alam nyang hindi na sya mananalo sa akin kaya naman nanahimik na lang. Pero hindi pa kami pwedeng manahimik dahil hindi nya pa sinasagot ang unang tanong ko. Ang loko, akala nya siguro ay nakalimutan ko na yon. I asked him about it again at sinabi na naman ang nauna nyang dahilan na hindi ko pinaniwalaan.
  "Pwede namang gumawa ka ng ibang alibi, yung hindi mo kailangan sabihin na girlfriend mo ako."
  He sighed, "Heaven, you don't know how social media works and how social media peeps think. Hindi uubra sa kanila ang masyadong mababaw na alibi."
  "At sa tingin mo, hindi mababaw ang sabihin mong girlfriend mo ako? Kitang-kita sa video na tinanggihan ko ang pagkakaibigan natin."
  "May nauna kasi akong sinabi na hindi mo naabutan."
  "And that is?"
  Tumingin muna ito sa akin na tila pagod na pagod na saka nagsimulang mag-kuwento. Gumawa pala sya ng alibi na matagal na nya akong girlfriend at nagkalabuan kami kailan lang, pagkatapos ay napagkasunduan namin na umakto na parang hindi na kilala ang isa't-isa. Pero sa kuwento nya ay mahal na mahal nya ako kaya he started to work back from the start para simulan kaming muli at iyon nga ay ang makipag-kaibigan sa akin at doon pumasok ang nangyari sa video. I rejected him dahil masyado pang masakit para sa akin ang nangyari.
  "Wow," I muttered. "Pwede ka ng maging writer, alam mo ba yon?"
  "Hmm. Pero mas gusto ko ang pagsasayaw eh. Gusto mo, sayawan kita sa—"
  "Sige, ituloy mo yang sasabihin mo at susungalngalin kita." banta ko.
  Ngumiti ito, "Aish. Ikaw talaga, yang bunganga mo, masyadong wild ang mga salitang lumalabas."
  "Gago,"
  "Ikaw na nga ang tinutulungan para tigilan ng Milkies ko, minumura mo pa ako."
  "Bakit, may angal ka?"
  "May magagawa pa ba ako kung aangal ako? Wala naman, diba? Baka nga mas lalo mo pa akong murahin eh."
  "Hmm, buti alam mo."
  Umiling na lamang ito at hindi na mulimg sumagot pa. Hindi ko alam kung uubra ba ang ginawa nyang kwento sa mga hunghang nyang fans ngunit ang sabi nya ay pagkatiwalaan ko sya. Labag man sa kalooban ko ay ibinigay ko nga sa kanya ang tiwala ko. Hindi naman ako tanga para hindi malaman na alam nya ang ugali ng mga taga-hanga nya at alam nya kung paano aaruin ang mga ito.
  Sana nga ay magtigil na sila at huwag ng makarating pa ito kina mommy at daddy. Ayokong ma-stress sila ng dahil lang dito. Sana lang din ay hindi pa ito nakarating kay kuya. Active pa naman din sa social media ang isang yon at dahil gwapo ay sandumakal din ang followers sa Instagram. Pwedeng-pwede nga syang maging influencer ngunit hindi nya gusto ang mga bagay na yon.
  "Pero alam mo, yung ginawa ko, hindi libre yon, ah? May kapalit yon."
  Natawa ako sa sinabi nya. Syempre, walang libre sa mundo ngayon. Sinasabi ko na nga ba. Alam ko noong una pa lang na may dahilan kung bakit boluntaryo nyang ginawa yon bago ko pa hilingin sa kanya.
  "Shoot," I said.
  "Kapalit nung ginawa ko ay ang pagkakaibigan na hinihiling ko."
  Kumunot ang noo ko, "Sa tingin mo ay matatawag na pagkakaibigan yon kung ang dahilan ay ang kapalit dahil ginawan mo ako ng pabor?"
  "Hindi, but I am sure that we can work on that, baby. Trust me, baka nga kinalaunan ay mahulog ka rin sa akin."
  "You wish,"
  "Talaga."
  "Oo na, sige na." napa-iling pa ako dahil sa kakulitan nya.
  His face lit up, "Oyy, sabi mo yan, ah. Wala ng bawian."
  I rolled my eyes. Whatever.
  Kasalukuyan akong sinersermonan ng kuya ko dahil nakarating na pala sa kanya ang tungkol sa video. Pagka-uwi nya galing sa bakasyon ay nagpahinga lang sandali saka ako dinala sa study room ni daddy para kausapin ako.
  Mabuti na lang daw ay mabait si Mikael kaya ngayon ay unti-unti ng nabubura ang mga video ayon na rin sa hiling nya sa mga taga-hanga nya. Kung makapag-salita ang kuya ko ay akala mo kilalang-kilala nya ang lalaking yon, ni hindi nga alam na may kapalit ang ginawa nya.
  Of course, alam din nya ang tungkol sa girlfriend thing at nakakapagtakang hindi sya tumutol sa bagay na yon. Dati naman, may mabanggit lang akong lalaki ay tanong na agad sya ng tanong. Minsan ay topakin din ang isang ito.
  Pagkatapos ng mahaba nyang sermon at mga katanungan na akala mo ay nakasalang ako sa korte, sa wakas ay natapos din. Palibhasa kasing future attorney ay grabe kung gisahin ka sa tanong at sermon. Walang salitang 'sandali' sa kanya at 'time freeze'. Masaklap pa ay lahat ng katanungan nya, dapat ay sagutin mo na animo ay sa pagsagot ng mga tanong nya nakasalalay ang buhay mo.
  Sabay kaming bumaba at saktong pagdating naman nina momky at daddy na mukhang may mga kasamang bisita. Ang dalawang kasambahay namin ay agad na kumilos nang makumpirmang may kasama nga sina mommy. Nagtaka ako kung sino ang mga ito pero si kuya ay parang may ideya na.
  "My darlings,"
  "Hi, mom,"
  Kuya and I both hugged mommy and gave her a peck on her cheeks. Alam naming masaya sya dahil nakita na naman nya kaming magkasama ni kuya na syang gustong-gusto nya. Mom wants us to be in tact and close lalo na at dadalawa lang naman kami.
  Tinapik lang ni daddy ang balikat ni kuya habang ako ay niyakap nya. Kinamusta muna nila kaming dalawa sa araw namin at kapwa kami nagsabi na maayos ang lahat. Kuya Primo gave me a knowing look, inungusan ko lang ito at pinaikot ang mga mata ko.
  Si mommy na muling lumabas para i-entertain ang mga kasama nila ay muling pumasok. Kasunod nya ang isang magandang babae na may kapayatan at medyo maputla at maiksi ang buhok, kasunod din ay ang isang lalaki na kaedad lang ni daddy na mukhang asawa nung babae.
  Magkatabi kaming nakatayo ni kuya nang humarap sa amin si mommy at ipinakilala ang mga kasama nila. Kilala naman na pala sila ni kuya kaya ako na lang ang walang alam.
  "Darling, this is Mikaella. Pasyente sya ng daddy mo for more than five years now dahil sa sakit nya sa puso. Mikaella, this is Heaven, my daughter."
  I offered the woman named Mikaella a smile. Nakipag-kamay ako dito at kahit papaano ay genuine naman ang ngiti na ibinigay ko sa kanila.
  "Hello po, nice to meet you," I said.
  Mikaella smiled, "Likewise, darling. Ang ganda mo, kamukhang-kamukha ka ng mommy mo."
  Nagustuhan ni mommy ang sinabi nya at kinilig pa ito. Si daddy naman ay ipinakilala ang asawa ni Mikaella na si Neilsen.
  "Nice to meet you din po, sir Neilsen." bati ko dito.
  Tumawa ito at inakbayan pa si daddy, "Huwag mo na akong tawaging 'sir'. Tita Mikaella at tito Neil na lang, ganun din naman ang tawag sa amin ng kuya mo."
  I looked at my brother who smirked at me. Tuwang-tuwa ang loko na ngayon ko lang nakilala ang mga taong kaharap namin ngayon.
  Dahil more than five years ng pasyente ni daddy si tita Mikaella ay naging magkakaibigan na sila ng mga ito. Ngayon ko lang nalaman dahil hindi naman ako madalas makisama kina mommy at daddy, si kuya lang talaga ang mahilig bumuntot.
  "Anyway, Heaven, ipapakilala ko pala sayo yung mga anak ko. Nandoon pa sila sa labas eh, nagti-Tiktok pa daw sandali."
  Natawa pa silang dalawa ni mommy dahil mahilig palang mag-Tiktok ang mga anak nila kahit saan mapunta. Bigla ko tuloy naalala si Mikael. I shook my head and pushed him out of my mind.
  Nag-aya na sila sa kusina at sinabing susunod na lang daw ang mga anak nila. Mukhang busy pa sa pagsasayaw ang mga yon, wala naman akong paki kung sino man sila. Kung hindi lang talaga kailangang makisama at kung hindi dahil kina mommy at daddy, baka sungitan ko din ang mga yon.
  We were already sitting on the dining table when we heard laughters of men coming in. Nang makapasok na ang mga ito sa dining room ay napangiwi pa ako dahil sa kaingayan nila, para kasing mga nakawala sa mental sa lakas ng tawa nila. Wagas at mukhang wala ng bukas.
  Hindi ko na sana sila papansinin kung hindi lang ako tinapik ni kuya at inginuso ang mga bagong dating. Pinaikot ko muna ang mga mata ko bago tumingin sa itinuturo nya nang mamilog ang mata ko dahil sa kung sino ang nakita ko.
  My mouth formed an "o" at mas lalo akong nagulat nang lumingon ito sa direksyon ko at makumpira na sya nga. Pareho kamint gulat na gulat nang hindi inaasahang makita ang isa't-isa.
  From my peripheral vision, I saw our parents exchanged looks, confusion was visible in their faces. Dad was the one who broke the silence,
  "Anak, is there something wrong?" he asked pero hindi ko sya pinansin.
  Unti-unting sumingkit ang mga mata ko habang tumatagal na nakikita ang pagmumukha nya.
  "Mikael," I called him.
  "Heaven,"
  I heard mom gasped, "Oh wait, my darling Heaven, magkakilala kayo?