Mikael Mendoza.
  Hmm. Gwapo naman pakinggan ang pangalan nya, pero ang may ari ay hindi gwapo. Parang ako. Napaka-bait at banal pakinggan ng pangalan ko pero hindi naman ako mabait.
  I smirked.
  At least, aminado at hindi plastic.
  Kasalukuyan naming binabaybay ngayon ang high way sa Clark Air Base, pauwi na kami at gaya kanina ay sumabay ako kina Sofie.
  Ayoko ng magpasundo kina mommy at daddy dahil alam kong busy sila, ang ipinangako naman nilang kotse at driver sa akin ay sa susunod na buwan pa daw darating. Sabi ko nga sa kanila, motor na lang ang ibigay nila sa akin at ako na ang magmamaneho non. Iyon ang bagay na ayaw na ayaw nilang ibigay sa akin gayong halos lahat ng hilingin ko ay ibinibigay nila.
  Masyado nila akong pinangangalagaan, to the point na para na akong isang batang maliit na hindi pa kaya ang sarili nya. But, dzuh, isang taon na lang ay nasa legal age na ako.
  Nasa kalagitnaan ako ng pagmumuni-muni ko nang maramdaman ko ang pag-vibrate ng phone ko na nasa bulsa ko.
  Wala sa mood na kinuha ko yon ngunit nagningning ang mga mata ko nang makita ang pangalan na naka-register sa caller ID. Mabilis kong ini-swipe ang answer button at masiglang bumati sa taong nasa kabilang linya.
  "Kuya!"
  It's no other than kuya Primo, ang nakatatanda kong kapatid na nasa bakasyon pa dahil naipasa nya ang board exam bilang abogado. Matanda sya sa akin ng pitong taon dahil nabuntis kaagad ni daddy si mommy noong nasa college pa lang sila. Saka na lang nila sinundan nang matanda na si kuya dahil nga kaka-graduate pa lang din nila at nagsisimula sa trabaho nang ipanganak si kuya.
  "Heaven, my favorite sister," ani nito.
  Napasimangot ako. Favorite sister gayong ako lang naman ang nag-iisa nyang kapatid. Tsk.
  "Kamusta?" pagpapatuloy nito. "It's your first day at school, diba? How did it go?"
  Dahil sa tanong nya ay naalala ko tuloy ang ginawa ko kanina kay Mikael. Palihim akong natawa nang maalala na naman ang hindi nya makapaniwalang hitsura. Akala siguro nya ay hindi ko gagawin yon, hindi nya alam na ako ang pinakakakaibang babaeng makikilala nya sa balat ng lupa.
  "Heto, ayos lang. As usual, boring pa dahil puro kami introduce yourself."
  Tumawa sya kasabay non ay naramdaman ko ang pag-usog ni Sofie palapit sa akin para makinig sa usapan namin ng kuya ko. Pinaikot ko ang mga mata ko, alam ko kasing crush na crush nya si kuya kahit na pitong taon pa ang tanda nito sa amin. Para hindi sya mahirapan ay ini-loudspeaker ko na lang ang phone na ikinangisi nya.
  Malandi ang gaga.
  "Ano ka ba, ganyan talaga. Para namang hindi ka pa sanay. Syempre, kailangan mo munang makipag-kilala sa mga kaklase mo para kapag nagsimula na ang klase, hindi kayo mailang sa isa't-isa."
  Kahit hindi naman nya nakikita ay umiling ako, "Eh, wala naman akong paki-alam sa kanila. Paano yon?"
  "Edi magtiis ka." natatawang sagot nya.
  Hindi ko maiwasang matawa dahil sinsubukan nya na naman akong barahin. Sa lahat ng tao maliban kay Sofie, sya lang naman ang nakakayanan na tagalan ang ugali ko. Syempre, no choice, kapatid nya ako eh.
  "Gago," bulong ko pero narinig nya pala.
  Napangiwi ako nang tawagin nya ang pangalan ko na malakas ang boses.
  "Heavenly! Don't cuss at me. I'm your kuya." paalala nito.
  "Pfft. Edi sorry na, ito naman. Chena-chena ko lang yon."
  Hindi ko man sya nakikita ay alam kong umiiling na lang sya ngayon habang natatawa gaya ng palagi nyang ginagawa. Kinamusta nya pa ako at sinabihan na baka bukas ay maka-uwi na sya mula sa bakasyon bago nagpaalam. Muntik naman akong mahulog sa kinauupuan ko nang hindi inaasahang itulak ako ni Sofie habang kinikilig.
  Pinadalhan ko sya ng nakakamatay na tingin pero hindi nya pinansin dahil kilig na kilig ang gaga. Eh, hindi naman sya kinausap. Masyadong mababaw ang kaligayahan.
  "Magtigil ka nga diyan, para kang baliw," sabi ko dito.
  She was still ogling when she replied, "Ano ba, nakakakilig kaya. Ang gwapo kahit pa boses lang, paano pa kaya sa mukha nya."
  I tsked. Well, hindi ko sya masisi dahil gwapo talaga ang kuya ko. Makalaglag panty daw ang ngiti nya lalo na kapag lumitaw na ang pinagmamalaki nyang dimples. Umiling na lang ako at hinayaan si Sofie sa kilig nya hanggang sa makarating kami sa bahay nila.
  At dahil sa walang hiya ako ay dire-diretso akong pumasok sa bahay nila na animo ay pagmamay-ari ko ito. Agad kong binaybay ang hall patungo sa kusina nila habang sinusundan nya ako.
  "Hindi ka pa uuwi?" tanong nya habang ipinapatong ang bag sa ibabaw ng island counter.
  Umiling ako, "Wala akong kasama sa bahay maliban sa dalawang housekeeper namin. Mamaya pa naman uuwi sina mommy eh, alam mo naman mga yon."
  "Kunsabagay," sagot nito. "Wala pa rin naman sina daddy. So, anong gagawin natin dito sa amin gayong mag-isa lang din naman ako dito?"
  Humalumbaba sya sa mesa habang ako naman ay binuksan ang ref nila at naghanap ng makakain. Agad kong kinuha ang tupperware na may lamang graham cake at kumuha na rin ng kutsara saka umupo sa isa sa mga upuan ng island counter. Oo, walang hiya talaga ako.
  Itinuon ko ang pansin sa pagbubukas ng tupperware habang sya ay bakas ang lungkot sa mga mukha. Alam ko naman na nangungulila na naman ito at humihiling na sana ay may kapatid sya. Ito ang mahirap kapag nag-iisang anak ka lang tapos ang laki ng bahay ninyo gayong tatlo lang kayo sa pamilya. Kami nga ay apat na pero medyo malungkot pa rin lalo na at parehong busy sa trabaho sina mommy at daddy.
  Pumasok ang cook nila na kagagaling lang mula sa labas at tinanong kami kung anong gusto naming kainin. Si Sofie ang sumagot dahil naisip na nito na magbasa na lang kami at paghandaan na ang mga magiging lesson sa bawat subject. Nagpagawa sya ng pancake at nagpaluto ng fries.
  Dala-dala ang tupperware kung saan nakalagay ang graham cake na nilalantakan ko ay sumunod ako sa kanya papunta sa sala nila. Walang paki-alam na ibinagsak ko ang bag ko sa sofa at nagtanggal ng sapatos bago sumalampak sa sahig na ikinailing nya.
  "Para ka talagang hindi babae," komento nya.
  Hindi ko sya pinansin at inilabas ang libro ko sa Science at nagsimulang mag-flip ng pages saka nagsimulang magbasa. Nasa kalagitnaan ako ng pagbabasa nang bigla nyang tanungin kung kamusta daw si Mikael na ikina-kunot ng noo ko.
  "Bakit mo sa akin tinatanong, anong paki-alam ko don." sagot ko.
  "Eh, diba magkaklase kayo."
  Sandali ko syang sinulyapan at nakitang may isinusulat sa notebook nya. Ah, taking notes. Naglabas din ako ng notebook ko bago sumagot.
  "Magkaklase nga kami pero wala akong paki-alam sa kanya. So, how am I suppose to know how is he?"
  Tumigil sya sa pagsusulat at humarap sa akin. "Hindi mo ba kayo nag-uusap?"
  "Alam mo namang hindi ako nakikipag-usap sa mga hindi ko kilala, kaya malamang hindi." pabalang na sagot ko.
  "Kahit na magkaklase kayo?"
  "Kahit na magkaklase kami."
  Binigyan nya ako ng napapantastikuhang tingin bago bumalik sa pagbabasa at pagsusulat. Umiling na lang ako dahil sa tanong nya.
  Totoo naman na wala akong paki-alam sa lalaking yon kaya hindi ko alam kung kamusta sya. Sya lang naman itong kulang sa pansin kahit sikat na kuno sya kaya naman pinagtripan ako kanina. At syempre, hindi ko hahayaang magtagumpay sya. Aakalain nya lang sa una na panalo na sya pero sa huli ay ako pa rin ang wagi.
  I don't accept defeat easily.
  Matapos ang ginawa ko sa hallway pagkatapos ng Physics class namin ay hindi ko na sya pinansin pa sa mga sumunod na klase. Napasakamay ko naman na muli ang earpods ko kaya wala ng problema.
  Sa bawat pasok ko rin sa mga klase namin ay ramdam ko ang mapanuring tingin ng mga kaklase ko sa akin at wala akong paki-alam sa mga yon. Mabuti nga at wala sa kanila ang lumapit sa akin para awayin ako o kung ano. Pero kung mayroon man, hindi na ako magtataka. Sabi nga ay sikat syang Tiktoker at vlogger, kaya hindi maiiwasan ang toxic fans— kung fans mang matatawag ang mga yon.
  Around six pm ay nagpasya na akong umuwi. Pagdating ko sa bahay ay ang dalawang house keeper namin ang nadatnan ko, as usual. Mamaya pang seven ang uwi ni mommy, sabay na sila sigurado ni daddy dahil seven pm din natatapos ang shift nya sa hospital. Ganun din naman sina tita Sophia na magulang ni Sofie, nasa iisang kompanya ang mommy at daddy namin kaya sabay ang alis at uwi nila.
  Nagpahanda ako ng Chopsuey sa cook namin para sa lunch dahil nasa mood akong kumain ng gulay, pagkatapos non ay umakyat na ako sa kwarto ko para magbihis at makapagpahinga. Saktong kakahiga ko pa lang sa kama nang mag-vibrate ang cellphone ko na nasa bedside table at pumasok ang isang message sa Instagram messenger galing kay Sofie.
  I clicked the message and my brows furrowed when I saw a video link. Mula sa preview ay alam kong lalaki ang nasa video at mula ito sa Tiktok. Pipindutin ko pa lang sana ang link nang magpadala sya ng mensahe na nasa text form na.
  "That's Mikael, bagong video nya yan from Tiktok, kanina lang shinoot. Panoorin mo ang videos nya, baka sakaling bumait ka sa kanya."
  Dahil wala naman akong magawa ay pinindot ko ang video. Pero dahil wala akong Tiktok application ay sa browser mode ako dinala ng link. Kaagad na nagplay ang video at gaya ng sinabi ni Sofie ay si Mikael nga ito. Kanina nga lang shinoot ang video dahil naka-suot sya ng school uniform ng Holy Angel University at nasa isang hallway sya.
  Hindi ko alam kung ano ang title ng music na ginamit nya pero alam kong bagong Tiktok craze naman yon. Maka-ilang beses kong pinanood ang video at hindi maipagkakailang magaling nga syang sumayaw at malambot ang katawan nya. Ibinaling ko ang ulo ko saka napagpasiyahan na bisitahin ang wall nya sa Tiktok.
  My mouth formed an "o" in amusement nang bumungad sa akin ang intro username nya at sa ilalim non ay ang dami ng followers at likes nya. Ang profile picture nya naman ay mukhang kakapalit lang din dahil kahit half-body yon at naka-upo sya habang kunwari ay captured candidly ang picture ay halata namang naka-school uniform sya.
@mikaelmndz_
300        1.72M        2.43M
Following  Followers    Likes
  Kaya naman pala mahangin ang asta ng loko ay nasa isang milyon na ang Tiktok followers nya. Hindi ko naman lingid sa kaalaman ko na hindi imposibleng maging sikat ka sa platform na ito basta may hitsura ka at magaling sumayaw, pero hindi ko inaasahan na isa pala sya sa mga sikat na persona sa Tiktok. Hindi kasi halata sa kanya na magaling syang sumayaw.
  Dahil sa nakita ko ay nakuha nito ang interes ko at out of curiosity ay nagsimula akong mag-scroll sa wall nya at pinanood ang iba pa nyang video. Halos karamihan ay sayaw pero ang iba ay pagpapa-cute lang. Nagbasa din ako ng iilang comments at natawa sa mga nakita ko. Ani mo ay mga kulang talaga sa pansin na may pa-please notice kuya pang nalalaman.
  Nasa kalagitnaan ako ng pag-scroll ko nang mag-pop na naman ang isang notification mula sa instagram. Isang new follower notification yon at dahil hindi naman naka-private ang account ko ay hindi ko na kailangang i-accept yon. Wala din naman akong paki-alam kung sino man ang mag-follow sa akin.
  Hindi ko na sana papansinin ang notification na yon nang may mag pop na namang isa pa. Isang message notification naman ito. Nagtatakang pinindot ko yon at kumunot ang noo ko nang makita ang username na kapareho ng username ni Mikael sa Tiktok. Pinagkumpara ko ang dalawa at nakumpirmang parehong-pareho ang dalawa kaya hindi imposible na sya nga ang user na ito. Binasa ko ang message nya at may kasunod itong video. Pero dahil wala akong makitang ano man sa preview maliban sa salitang "Ready" at black na background ay wala rin akong ideya kung ano ito kaya naman clinick ko ang play button.
@mikaelmndz: hi, Heaven. Did you enjoy pinching my nipple?
  Napasigaw ako at naibato ang cellphone ko nang mapanood ng video. Pagkatapos kasi ng sunod-sunod na slide ng mga salitang bumuo ng phrase na, "Ready? Because this is for you" ay nagpop ang picture nya na naka-topless habang may Careless Whisper chorus na music background, at kasunod non ay ang close-up picture pa ng kaniyang nipples.
  "Gagong sira-ulo,"