SUMUNOD na lang si Ylona kay Draven kung saan man siya dadalhin ng hilaan siya nito paalis sa Cafeteria. Nahihiya naman kasing magtanong si Ylona rito kung saan siya nito dadalhin. Mayamaya ay pumasok silang dalawa sa isang kwarto. Pinaupo siya ng binata sa Sofa na nasa loob.
"Wait me here." Anito, hindi na siya nito hinintay na sumagot. Mabilis itong lumabas sa kwarto. Hindi naman nagtagal ay bumalik ito at may bitbit ng isang medical kit. Pagkatapos niyon ay humila ito ng isang upuan at inilapat nito iyon sa harap niya. Dahil do'n ay napaayos tuloy si Ylona ng upo. Sa sandaling iyon ay hindi niya alam kung ano ang gagawin. Lalo na't nasa harapan niya ang anak ng may-ari ng ospital na kanyang pinagta-trabahuan.
"Ahh...uhm, Sir ano po ang gagawin niyo?" Sa wakas ay natagpuan ni Ylona ang sariling boses ng buksan ni Draven ang hawak nitong Medicine kit.
Nagyuko agad ng tingin si Ylona ng mag-angat ng mukha si Draven patungo sa kanya.
Nahihiya kasi si Ylona na salubungin ang mga titig ng binata sa kanya.
"Look at me." Utos ni Draven. Hindi na naman alam ni Ylona kung ano ang mayroon sa boses ng binata kung bakit napapasunod siya bigla sa mga sinasabi nito. "Good." Sabi ni Draven ng sundin niya ang utos nito. Ngumiti din ito bahagya sa kanya bago nito kinuha ang kamay niyang napaso.
"Lagyan natin ng burnt ointment iyong napaso na kamay mo."
"Uhm, ako na lang po ang maglalagay." Sabi niya, hinila din niya ang kamay pero mahigpit iyong hinawakan ni Draven.
"Ako na." Sabi nito. Wala ng nagawa si Ylona ng lagyan na ni Draven ng burnt ointment ang kamay na namumula dahil sa pagkapaso. Palipat-lipat naman siya ng tingin sa mukha nito at sa kamay niyang hawak nito. Hanggang sa tumigil iyon sa mukha nito.
Ylona couldn't believe na matititigan niya si Draven ng ganoong kalapit. 'Di ba kanina ay ito ang pinag-uusapan nila ni Jazz. Kung ano ang hitsura nito ng personal. Well, tama siya ng sabihin niya na gwapo ito. Dahil hindi lang ito gwapo sa picture, gwapo din ang binata sa personal lalong-lalo na sa malapitan. Mula sa alon-alon na buhok nito, sa makakapal na kilay nito, magandang mata, matangos na ilong at perpektong labi. At sa kabuuan ay kulang ang salitang gwapo para isalarawan ang hitsura ng lalaking kaharap.
Mayamaya ay napaawang ang mga labi niya ng biglang nag-angat ng tingin si Draven. At kahit hindi nakikita ni Ylona ang sariling repleksiyon ay alam niyang kasimpula ng kamatis ang magkabilang pisngi niya sa hiyang nararamdaman ng huling-huli siya nito na tinititigan niya ang mukha nito.
"I'm flattered." Nakangiting wika ni Draven sa kanya.
"F-flattered? Saan po?" Naguguluhang tanong niya.
Umangat ang sulok ng labi ni Draven. "You said that I am handsome."
Nanlaki ang mata ni Ylona. Nasabi ba niya rito iyong mga nasa isip niya?
Draven chuckled. "Just forget what I said." He said. Napatango na lang si Ylona sa sinabi ni Draven. "Good." ibinalik na naman ni Draven ang atensiyon sa kamay niya na ngayon ay nalagyan na ng burnt ointment. "Mahapdi pa ba?" Tanong nito ng sulyapan siya nito.
Umiling si Ylona. "Hindi na po masyado, Sir. Uhm, salamat po pala." Nahihiyang wika niya rito.
"You don't need to thank me. Kasalanan ko naman. Kung hindi ako pumwesto sa likuran mo ay hindi mo ako mabubunggo. Hindi matatapon iyong hawak mong kape sa kamay mo." Sabi ni Draven bago ito tumayo sa pagkakaupo nito.
Draven was now towering her. "Keep this." Anito sabay umang sa burnt ointment na hawak nito. Nahihiya man ay kinuha niya iyon rito. Nang makuha niya iyon ay nag-umpisa na itong maglakad patungo sa pinto. At nang nasa tapat na ng pinto ang binata ay huminto ito sa paglalakad at bumaling ito sa kanya.
"It's nice to meet you again, Ylona." Wika ng binata bago ito naglalad at tuluyang lumabas ng pinto.
Naiwan naman si Ylona na napapantistikuhan. Nice to meet me again? Eh, ngayon lang naman sila nagkita na dalawa. At paano naman niya nalaman ang pangalan ko eh, hindi ko naman iyon binabanggit sa kanya?
"BAKIT ngayon ka lang?" Salubong na tanong ni Jazz kay Ylona ng makabalik siya sa Nurse's station. "Oh, nasaan iyong kape?"
"Something happen." Tanging sagot niya dahilan para kumunot ang noo ng kaibigan. Itinaas naman ni Ylona ang kamay na namumula dahil sa pagkapaso.
"Anong nangyari diyan?" Nguso ni Jazz sa kamay niya.
"Natapon kasi sa kamay ko iyong kape?" Sabi niya. "Nag-iingat ako." Ingos na wika niya kay Jazz ng tingnan siya nito na tila ba ipinapahiwatig ng mga titig nito na tila ba sinasabi nito na 'Iyan, hindi ka kasi nag-iingat eh.'
Nginisihan lang siya ni Jazz. "Siya nga pala, nandito na daw sila Sir Draven." Mayamaya ay imporma ni Jazz.
"Alam ko."
"Alam mo?"
Tumango siya. "Paano mo nalaman eh, kararating lang—oh, my god! They are here." Napansin ni Ylona ang panlalaki ng mga mata ni Jazzmine habang ang tingin ay tumatagos sa kanyang likuran.
Mayamaya ay hinawakan siya ni Jazzmine sa kamay at hinila papunta sa gilid. Napangiwi naman si Ylona ng maramdaman ang hapdi sa kanyang kamay. Ang nahawakan kasi ni Jazz ng hilain siya nito ay ang kamay na napaso. Nang bitawin ni Jazz ang kamay niya ay agad niya iyong hinaplos-haplos upang kahit papaano ay maibsan ang hapdi na narardaman.
"Good evening, Sir." Narinig ni Ylona na bati ng mga kasamahan sa mga dumating. Hinahaplos pa rin niya ang kamay ng mag-angat siya ng tingin patungo sa mga dumating.
Napasinghap si Ylona ng mag-angat siya ng tingin ay agad na nagtama ang mga mata nilang dalawa ni Draven. Pagkatapos niyon ay bumaba ang tingin ng binata sa kamay na hinahaplos niya. Mabilis namang itinago ni Ylona iyon sa kanyang likod.
Napansin niya ang bahagyang pagkasalubong ng kilay ni Draven ng ibinalik nito ang paningin sa kanya. "Does still hurt?" Tanong ni Draven habang ay tingin ay nanatili sa kanya.
Mula naman sa gilid ng mata ni Ylona ay nakita niya si Jazzmine na tumingin sa kanya.
"I'm asking you, Ylona." Si Draven.
Napansin ni Ylona ang bahagyang pagtahimik ng buong paligid.
"Ah..uhm..." siniko siya ni Jazz sa tagiliran. "Hindi na po, Sir." Sagot niya.
Saglit din siyang tinitigan ni Draven bago nito ibinalik ang pansin sa mga kasama nito sa sandaling iyon.
"And by the way, Sir. Sila ang mga staff nurse ng ospital." Pakilala ng doctor na kasama ng binata. Isa-isa silang binalingan ni Draven hanggang ang tingin ay huminto sa kanya.
"It's nice to meet you all." Ani Draven sa mga kasamahan niyang nurse pero sa kanya naman nakatuon ang tingin nito. Pasimple niyang sinagi ang braso ng katabing si Jazzmine ng kurutin siya nito ng mahina sa tagiliran. Napansin siguro ng kaibigan ang titig na pinagkakaloob ni Draven sa kanya sa sandaling iyon.
NAPAHINTO si Ylona sa paglalalad ng makalabas na siya ng Simoun ospital ng maalala niya ang masamang panaginip niya tatlong araw na ang nakakaraan. Tanda pa rin ni Ylona kung ano ang panaginip niyang iyon. Hanggang ngayon ay malinaw pa rin sa kanyang isipan ang mukha ng halimaw sa panaginip niya pero hindi niya matandaan kung ano ang hitsura ng misteryosong lalaking nagligtas sa kanya sa panaginip niyang iyon. Sa panaginip niya ay parang totoo na nangyari iyon. Parang totoo na nasaksihan niya ang nakakatakot na eksena na kung saan nasaksihan niya ang isang halimaw na kinikitilan ang isang babae ng buhay.
Muli siyang napayakap sa sarili ng makaramdam siya ng panginginig. Hindi din maipaliwanag ni Ylona kung bakit siya biglang nakaramdam ng takot. Takot na baka biglang lumitaw sa harap niya ang halimaw na kulay pula ang mga mata at may matatalas na pangil?
Mayamaya ay napapikit siya ng mga mata ng maramdaman niya ang paghaplos ng malamig na hangin sa kanyang mukha. Para ding may bumulong sa tainga niya na huwag siyang matakot. Nang magmulat siya ng mga mata ay lumakas ang loob niya. Bigla ding naglaho na parang bola iyong takot na naramdaman niya kanina sa isiping baka may lumitaw na halimaw sa harap niya.
Nagpakawala na lang siya ng malalim na buntong-hininga bago siya nagpatuloy sa paglalakad.
Nasa kalagitnaan na siya ng paglalakad ng mapahinto siya. Pagkatapos niyon ay tumingala siya sa kalangitan na puno ng nagkikislapang mga bituin. Napatingin din si Ylona sa bilog na bilog na buwan. At habang nakatingin siya roon ay biglang sumagi sa kanyang isipan ang imahe ni Draven. Mayamaya ay inalis niya ang tingin sa bilog na buwan at inilipat niya iyon sa kanyang kanang kamay kung saan siya napaso no'ng natapunan niya ng mainit na kape. Hindi na niya nararamdaman ang hapdi do'n. Pero nararamdaman pa rin ni Ylona ang mainit na kamay ni Draven habang hawak nito ang kamay. At hindi niya maintindihan ang sarili kung bakit bigla na lang kumabog ang tibok ng puso niya ng sumagi muli sa kanyang isipan ang gwapong mukha ni Draven.
Stop thingking about him, Ylona! Mariing utos ng bahagi ng isang isipan. Ipinilig na lang niya ang ulo upang iwaksi sa kanyang isipan ang mukha ni Draven.
At sa pagpilig ng ulo ay hindi niya sinasadyang mapatingin sa kanyang gilid ng aksidenteng may mamataan siyang isang pigura na nakatayo ilang metro lang ang layo sa kinatatayuan niya. At ng minsang pagkurap ay biglang naglaho ang pigurang iyon. Namamalikmata lang siguro siya.
----
Share your thought guys! Happy reading!