"Aalis ka na sa lugar na ito handa na yung aampon saiyo" saad nito sabay hatak sa kamay ko "Lintik na amoy yan! Ambaho mo! Halika rito at hihilamusan kita ng nagmukha kang tao"
Lumabas kami ng bodega at kinaladkad ako papuntang cr, napaka daming drum sa paligid ko, "Lahat po ba yan kay lamang tubig?" tanong ko pa sa babae
Tinitigan ako ng babae sabay ngiti "Mga tao ang laman nyan yan yung mga customer na hindi sapat ang ibinabayad dito sa Casa sa tuwing kakain sila ang iba naman dyan ay mga estudyanteng kinaiinisan ni Primada,"
"Pwede patingin?" Saad ko pa
"Gusto mo bang ikaw ang ipalit ko sa taong makikita mo?" Nakakatakot na saad ng babae
"Tapos na ako maghugas ng mukha umalis na tayo"
"Madali ka naman palang kausap, eto yung damit mo ayusin mo yung suot ha nakakasira ng reputasyon ng casa ang dugyutin mong mukha" sermon ng babae sabay labas ng pasilyo
"Bakit hindi pa po ba madumi ang reputasyon ng Casa? Napaka dumi nga," bulong ko na alam kong narinig nya.
Hinawakan nya ang pisngi ko at nanggigigil dito. "Wala kang sasabihing kahit ano sa taong aampon sayo!"
Sinuot ko nang mabilis ang damit at agad na sumunod sa babae. Sa kada hakbang namin ay puro tagapagbantay ang nakikita ko lahat sila ay may-hawak na patalim at baril nakakatakot silang tignan maraming tatoo at walang buhok
Kasalukuyan na kaming lumalabas ng huling gate naririnig ko ang mga hiyawan at tugtugan akalain mo yun nagagawa pa nilang magpanggap na masaya at mabait ngunit sa loob ng bodega ay mas masahol pa sila sa hayop
Bahagya akong tinulak ng babae palabas at kinandado ang gate
"Magandang gabi Donya Safira Alfaro" bati ng babae sa kapwa babaeng katapat nya, siguro mga nasa bente sais anyos pataas ang edad at may magandang kasuotan
"Magandang gabi Ginang Alfaro" bati ko
"Oh Sammy ikaw pala yan!" Bati sa akin ng matandang babae, "Paki alis na yang basurang yan bilisan mo," bulong nya sa babaeng kasama ko
"Napaka tindi talaga ng galit nito sakin matandang 'to parang hindi kamag-anak" bulong ko pa
Kinabig ng babae ang kamay ko sabay hatak papuntang hagdanan pababa tuloy tuloy lang ang pagbaba namin hanggang sa makarating sa labas. Mabilis kaming tumakbo at lumabas ng gate, "Mainit ang dugo ng Primada sayo ano bang ginawa mo?" Sigaw sakin ng babae
Tinaasan ko sya ng kilay sabay titig nang masama "Ano namang pake mo? Sa tingin mo ba may alam ako sa koneksyon naming dalawa? Alam kong kamag-anak ko sya pero hindi ko gustong maging kamaganak sya" saad ko nang pasigaw
Kumunot ang noo ng babae "Sa buong baryong ito ikaw lang ang taong ayaw syang maging kamaganak napaka iba mo naman yata"
"Mapagmataas sya sinong gustong maging kamaganak yon? Sabihin na nating mayaman sya pero hindi naman nadadala ang pera sa langit, ang pera nya hanggang ngayon lang yan! Yang pagiging mapagmataas nya? Magbabago yan kung naranasan nya kung paano pahirapan. Kami sa loob ng bodega ni isa samin hindi gustong maging kamaganak yan! Nagpapakasarap sya sa buhay tapos kaming mga walang muwang nagpapakahirap para linisin ang madumi nyang bahay" sumbat ko sa babae
"Sino ka para diktahan ang Primada? Alam mo ba na kaya nyang bilhin yang buhay mo?" Galit na galit nitong sabi
"Baket? Ibebenta ko ba? Kung ibenta ko man bakit sakanya pa?"
Nakita kong papalapit saamin ang Primada habang may dala dalang baril sa kanan nitong kamay
"Lumayas ka sa teritoryo ko! Asaan na ba si Annaliese? Bakit naririto pa rin ang mukha ng hampaslupang iyan!" Reklamo pa nito
"Kung hampaslupa ako edi ikaw rin kase magkamag-anak tayo!" Sumbat ko
"Matagal na kitang tinakwil Sammy!"
"Ano naman? Pag tinakwil mo ba ako mapuputol na ba dun ang koneksyon natin? Pero sige hindi na tayo magkamag-anak pero ipapaalala ko lang sayo, pagkamatay mo sa akin na ang casa" pagbabanta ko sa matanda
"Hindi ko ipapasa sayo ang Casa," nanggigigil ito. "Paalisin yan rito! Walang modo!"
"Ang yaman mo pero hindi mo ko kayang bigyan ng sustento nang walang kapalit," dagdag ko pa.
Napahawak ito sa kanyang noo at pumikit "Saan nanggagaling yang kakapalan ng mukha mo?"
"Mana-mana lang 'to,"
"Gagamitin mo na ang apelyido nang malinis kong angkan sa kayabangan mo pa!" sumbat nya
"Apo mo ba ako? Anak o kapatid? Ginang Alfaro sino ba ako sa mga malilinis mong angkan?" dagdag ko pa
Kinaladkad na ako ng mga tagapagbantay papalayo natatawa na lang ako habang tinitingnan kung paano magmadali sa pag-inom ng gamot si Primada lubhang napainit ko ang ulo nya nang malala
"Bitawan nyo ko nakikita ko na yung susundo sa akin yun yung babaeng nasa kalabaw?" Sabi ko sa lalaki
"Oo, yun yung magiging bago mong pamilya, mabuti kung hihintayin nalang naming makasakay ka sa sasakyan nila bago ka namin iwan mahirap na baka tumakas ka" sabi pa nung lalaking malaki ang katawan
"Ang ganda nung loob tapos yung parte dito ang pangit tapos ang dilim wala na ba kayong sapat na pera para gumawa ng ilaw dito? Pakabitan nyo naman" hirit ko pa sa tagapagbantay
"Annaliese ikaw na daw ang bahala rito eto yung pera paabot ni prima paaralin mo kung gusto mo ikaw na ang bahala sa kanya" bulong ng lalake
Hinawakan ako ng babae nang sobrang higpit natakot ako sakanya. Agad agad nya akong pinasok sa loob ng maliit na silid na hinahatak ng kalabaw
Pumasok na rin sya sa loob at tumabi sa akin, hindi ko makita ang mukha nya dahil sa balabal nya sa mukha hindi ko rin nakita ang kulay ng balat nya dahil sa mahahaba nyang damit
Ilang sandali rin ang lumipas walang imikan sa loob kuliglig lang yung naririnig kong ingay. Hindi naman ako nagsasalita dahil ayokong kausapin si Annaliese mukha syang nakakatakot at mamamatay tao baka pag kinausap ko sya ay bigla nya akong sakmalin ng itak.
"Gusto mo pala mag-aral? Papaaralin kita bukas mismo," bulong sakin ni Annaliese
"Hindi na po mas mabuti kung ipangkain nalang natin yun balita ko po kase may anak din po kayo" maikli kong sagot
"Oo may anak ako parehas silang hindi nakapag-aral at ayaw ng mag-aral, gusto ko sanang kay mapaaral ako bago ako mawala sa mundo" sabi pa nya
Hindi na ako umimik pa at tumango nalang inaalala ko kase ang mararamdaman ng mga tunay nyang anak kung sakaling paaralin nya ako, paano na lang kung gusto rin pala ng mga iyon na magaral, paano kung ako naman ang maging masama hindi ko kayang makitang may taong naiinggit sa kung anong meron ako
Nakita kong tumalsik ang takip ng isang kaserola,"Ate yung takip po tumalsik sa baba"
Tiningnan ako nito, "Maari mo bang iabot yun para saakin?"
Agad naman akong bumaba ng silid at yumuko para pulutin ang takip at saktong pagyuko ko ay isang bagay ang nakita ko
"Ate nasaan ang ulo mo?"