Walang paki-alam si Bryle kung nasasaktan na ang babae sa ginagawa niya.Mas lalo siyang mapangahas sa paghalik nito.Halos hindi na makahinga si Alizza kaya buong lakas niya itong itinulak.Nabitiwan naman siya ng binata at sinuyod niya ng tingin ang babae.Pero agad siyang sinampal ni Alizza.
"Ano masakit ba ha Bryle? Hindi ko akalain na ganyan kana ngayon! Sigaw ni Alizza sa lalake,ngumisi naman si Bryle na parang walang paki-alam sa sinabi ng kaharap.
"Bakit Alizza,nakalaan lang ba talaga ang katawan mo sa Kent na iyon? Huwag kang magkaila dinig na dinig ko ang sinabi mo sa kanya kanina na palagi mo siyang pasasayahin!" Sabi nito na nakakuyom ang mga kamao.
"Umalis kana Bryle dahil parating na ang mommy at daddy,baka ano pa ang gagawin ng ama ko sayo!
"Oo aalis ako Alizza! Pero ito ang tatandaan mo.Aagawin kita sa abogado na iyon!
"Tama na Bryle, Hiwalay na tayo!bakit ba ang kulit mo parin? Ayaw na kitang makita pang muli kaya please lubayan mo na ako! Sabi ni Alizza pero may kung anong kirot sa dibdib niya.Sumakay naman agad si Bryle sa kotse niya at mabilis agad nitong pinatakbo.Napailing nalang si Alizza at pumasok na sa loob ng bahay.Nasa sala siya ng dumating ang sasakyan ng magulang.Aakyat na sana siya ng marinig niyang nagkasagutan ang mga ito kaya kumubli muna siya sa may malaking cabinet sa sala.
"Ano ba ang problema mo Bernard ha! Ok naman ang mga Hidalgo ah! Dinig niyang sabi ng ina.
"Ayaw kong pumasok sila sa buhay natin,kaya lumayo kana sa pamilyang iyon!
"Bernard alam mong bago pa lang tayo magpakasal ay close na ang pamilya namin sa mga Hidalgo, ano ba ang problema mo sa kanila?Alam mo nagtataka na talaga ako sayo eh.Ayaw mo ba na makapag-asawa ang anak natin?
"Hindi sa ayaw,hindi ko lang sila gusto para sa anak natin! Saka nag-iisang anak natin si Alizza,ayaw ko pang mag-asawa ang prinsesa ko."Sabi nito kay Irish na nakahilamos ang mga kamay sa mukha.
"Matutulog na ako,huwag kang matulog sa kwarto! Sabi ni Irish at nagmamadali ng umakyat sa taas.
Napailing na lamang si Bernard na siyang ikinahabag ni Alizza.Nakita pa niya ang ama na dumiretso na sa guestroom.Alam niyang mahal siya ng ama at iniisip nito na kapag nag-asawa na siya ay iiwan na niya ang mga ito.Lalo na't wala ding interest ang babae sa mga business nila.Ang gusto lamang nito ay simpleng buhay kagaya noong nasa Batangas pa siya kasama ang mama Lina at lola Lucy niya.
Samantala hindi naman makatulog si Bryle,hindi din niya naisip ang nagawa sa dalaga.Pagkaling sa BNS RESTO BAR kanina ay dumiretso siya sa mansyon ng mga Fortalejo para makita at makausap man lang si Alizza.Pero saktong pagdating niya ay kakarating lang din ng dalaga at hinatid pa siya ni Kent Hidalgo.Umigting ang panga niya ng marinig ang mga sinabi ng babae sa lalake bago ito umalis.Kaya imbes na kausapin ang babae ay agad niya itong hinila sa may madilim na parte at agad hinalikan sa labi.Lalo pa siyang nasaktan sa mga pinagsasabi nito,hindi niya matanggap na wala ng pagtingin sa kanya ang babae.Kaya nagpasya na lamang siyang iwasan muna ito at huwag munang magpapakita sa dalaga.
Kinabukasan ay maagang ipinatawag ni Bernard ang anak,gusto niyang makausap ito.Saktong pababa na din ang dalaga at nakabihis ito ng pang-alis.
"Good morning dad! Bati nito sa ama.
"Good morning din iha.Saan ang punta mo? Tanong nito.
"Dadalawin ko sana sila mama Lina sa Batangas at papasyal na rin kila Jana."Sagot nito sa ama.
"Ganun ba? Pero dapat magsama ka ng driver."
"Dad ok lang,sanay naman na akong magmaneho.Isa pa driver ni mommy si manong Caloy."
"Pwede naman ako magmaneho for your mom and then si mang Caloy na ang kasama mo."
Napangiti nalang si Alizza sa ama dahil masyadong napaka maalalahanin nito.Dalawa lang ang driver ng pamilya nila si Mang Caloy at Mang Luisito na matagal na nilang kasama sa bahay.Nasa Batangas nga lang ito dahil nagpaalam na magbakasyon muna.Niloko pa ito ni Alizza pagdating niya dahil ang akala ng dalaga ay nagkatuluyan na sila ng mama Lina niya.Nahalata naman ni Bernard ang katahimikan ng anak.Kaya tinanong niya ito kung ano na ang plano nito ngayong nasa bahay nalang.
" I will find a job dad! Biglang sagot ng dalaga.
"Anak hindi mo na kailangan magtrabaho! Kung gusto mo hawakan mo nalang ang airlines o ang shipping company!
"Dad gusto ko magsariling sikap."Simpleng sagot nito sa ama.
"O gusto mo hawakan ang AJF Medical Center? Dahil sayo iyon anak!
"Kaya ba pinag-aral ninyo ako ng medisina dad? Dahil darating ang araw na ito na ipasa na ninyo ang AJF sa akin?
" Anak hindi naman sa ganun,kailangan ka kasi ng AJF!
"Your father is right Alizza! Sabay sabad ni Irish sa usapan ng mag-ama.Napalingon naman ang dalawa sa biglang sulpot ni Irish."Ang AJF Alizza ang naging buhay namin ng daddy mo noon! Nasa sinapupunan lang kita noon ng ipinatayo iyon.Sana bigyan mo din ng halaga ang medical center anak! Deretsong sabi ni Irish kay Alizza.
"Kaya hindi mo na kailangan na maghanap pa ng ibang company na pagtatrabahu-an." Dagdag pa ni Irish.Kaya tumango nalang ang dalaga sa ina at sabay na silang tatlo na kumain ng almusal.Hindi talaga matiis ng dalaga ang mga magulang kaya pumayag nalang siya.
Samantala si Bryle naman ay maagang pumasok sa opisina.Nagulat pa siya ng makita sa loob si Miguel at Red.
" Bakit ang aga ninyo? Bungad ng binata sa dalawa.
"Sinubukan lang namin na unahan ka dude! Nakakahiya sayo na palagi kang nauunang pumasok! Sabi ni Miguel sa kaibigan at tumatawa naman si Red.
" Kumusta pala ang pagkikita ninyo ni Alizza kagabi, nakausap mo s'ya? Tanong agad ni Red dahil tenext pala niya sa gc na makipagkita siya sa babae.Imbes na sagutin ang tanong ay tinawag nito ang sekretarya para humingi ng kape.
"Ibig sabihin ba niyan na hindi ok ang pagkikita ninyo? Tanong ni Miguel.
"Aga-aga naki-usyoso kayo! Talo pa ninyo ang mga babae! Sabi ni Bryle sa dalawa.
"Aba'y syempre dude para naman mabalitaan namin agad na nagkabalikan na kayo!."
"Wala ng chance! Maiksing sagot ng binata.
"Bakit?
"Hindi ko napigilan ang sarili at umigting ang panga ko sa narinig ng usapan nila ng Kent Hidalgo na iyon!
"Atty.Kent Cedrick Hidalgo? Dude ang lakas ng karibal mo kung ganon! Sabi naman ni Red.
"Alam ko at family friend pa nila.Kaya nawalan na ako ng pag-asa na magkabalikan pa kami."Sabi naman ni Bryle habang hinihigop ang kape na kakahatid lang ng secretary niya.
Napailing na lang din sila Red at Miguel dahil alam ng mga ito kung gaano ka mahal ng kaibigan nila si Alizza.
"Sabado bukas dude Batangas tayo! Yaya ni Red sa kaibigan.
"Oo dude maganda sa beach nila Red at madaming chika babes doon! Dagdag naman ni Miguel.
"Pag-isipan ko dahil ang daming trabaho."Sagot naman ng binata.
"Bigyan mo naman ng break ang sarili mo,total sabado naman at walang pasok kahit isang gabi lang tayo doon,sunday balik na din tayo dito.." Dugtong pa ni Miguel.
"Magtrabaho na tayo para maaga tayong matapos."
"So tuloy mamaya?
"Ok! Iyon lang ang sagot ni Bryle para matapos na at lumabas na din ang dalawa sa opisina ng binata.Napailing nalang ito sa mga kaibigan habang nakatutok na sa laptop.
Habang si Alizza naman ay nakarating na ng Batangas.Agad naman siyang sinalubong ng ina-inahan.
"Anak mabuti naman at nakadalaw ka.Ipasok mo na iyang kotse mo sa garahe kasi mukhang uulan!
Tumango naman si Alizza at binuksan naman ni Lina ang gate para makapasok ang sasakyan ng dalaga.Pagka park nito ay agad siyang bumaba at nagmano kay Mama Lina niya.
"Si lola po? Tanong nito dahil nagtaka siya bakit ang ina lang ang sumalubong sa kanya,dati naman ay nauuna pa ito.
"Ay naku iyang lola mo.Adik parin sa K-drama kahit senior na!
"Hayaan nyo na po ang lola dahil iyon na lang po ang libangan niya.."Sabi ni Alizza kay Lina sabay ikot ng mata sa paligid.
"Mukhang nagbago po ang bahay inay ah! Sabi nito ng mapansin na may extensyon sa gilid.Ibinalik kasi niya ang bahay sa mag-ina kung saan siya lumaki.Dahil sa mag-ina talaga ito.
"Ay oo,pinadagdag ni Leandro para kapag nagbakasyon silang mag-anak ay may kwarto din sila.Halika at kakain na tayo ng panang-hal-------Hindi natuloy ni Lina ang sasabihin sa anak ng biglang sumigaw si aling Lucy.Agad naman tumakbo ang mag-ina sa sala.
"Inay Bakit? Tanong agad ni Lina sa ina.
"Iyong walang kamatayan na gwinam ay naku!dinukot na ang mata ni Chung San! Gigil na sabi ng ina na ang tinutukoy ay ang pinapanood na "All of Us are dead" na k-drama.Napangiti na lamang si Alizza sa lola at napailing naman si Lina.
"Ay naku inay kain na po tayo! Sabi ni Lina.
"Sige anak,tapusin ko lang itong episode 11 at susunod na ako."Sabi nito na seryosong sa tv parin ang mata.
"Sige lola manood ka lang ho d'yan,babalik na ako ng Manila! Sabi ni Alizza at biglang lumingon ang lola Lucy niya sa kanya.
"Apo nandito kana pala? Lina bakit hindi mo man lang sinabi na nandito na ang maganda kong apo! Sabi nito at niyakap na si Alizza.
"Sabi ko na nga ba si Alizza lang ang makapagpatigil sayo d'yan inay eh."Tumatawang sabi ni Lina at sabay-sabay na silang pumunta ng kusina.
Patapos ng kumain ang tatlo ng tumunog ang cellphone ng dalaga at si Aurea ang tumatawag.Sinagot naman agad ito ng dalaga.
"Hoy bruha,nandito kana pala sa Pilipinas hindi ka man lang nagparamdam! Sabi agad nito.
"Sorry Au,masyadong busy kasi.Kumusta na?
"Ito kakagising alam mo naman ang buhay teacher noh! Girl sino iyong Kent na katabi mo sa openning party ng cosmetic company party ninyo noong isang gabi,Napanood ko sa balita.
"Ah,si Kent Hidalgo..
"Hidalgo? Wow! swerte mo na doon masyadong papalicious! Sabi ni Aurea na ikinangiti ng dalaga.
"Ikaw talaga,soon kita naman tayo.Yayain natin ang tropa."Sabi niya kay Aurea.
"Speaking of that girl,pupunta kami ngayon ng Batangas dahil birthday ni Lora.Saan ka ba ngayon?
"Nandito ako sa Batangas kakarating ko lang din.Binisita ko sila mama Lina at lola..
"Ok sama kana mamaya dahil mag night swimming tayo,may magandang resort dyan na ang may-ari daw ay binata pa! Maybe this is the time na makikilala ko na ang magiging husband to be ko Alizza!
"Ikaw talaga,sige text nyo nalang ako kung saan iyon ha.Susunod nalang ako sa inyo..Kumakain kasi kami ngayon.
"Ay sorry sa istorbo Alizza.Text ka nalang namin mamaya ha..Ba bye! At inoff na nga ni Aurea ang cellphone.Napaling na lamang si Alizza sa kaibigan.
"May swimming kayo? Tanong agad ni Lina ng marinig ang usapan ng dalawa.
"Ay oho mama malapit lang daw dito sa atin eh.
"Ah baka sa Miller Resorts,maganda nga doon anak.Siguro mga limang taon na din iyon."Sabi ni Lina.
"Binata daw ang may-ari niyan eh."Dagdag pa ng ina-inahan ng dalaga.
"Tama nga si Aurea,iyon talaga! Sabi ng dalaga.
"Hindi parin pala nag-asawa iyon anak? Tanong ni Lina.
"Wala pang may nag-asawa sa grupo naming mga intern noon mama..Kaya siguro nagha- hunting na dahil 29 na din iyon!
"Naku,ang pag-aasawa naman apo ay wala sa edad iyon.Kung talagang magkatagpo na kayo ng nakatadhana sayo,talagang pag-aasawa na ang hahantungan ninyo."Sabi naman ni Aling Lucy.
"Ibig sabihin lola hindi pa nakatadhana si mang Luisito kay mama dahil hindi sila ang nagkatuluyan? Tanong nito kay Aling Lucy na tumatawa.
"O bakit ako? Ayaw ko na nga mag-asawa eh,45 na ako anak kaya wala na sa isip ko ang bagay na iyan noh!
"Sus si mama,Malay mo naghahanap lang ng tamang tyempo si mang Luisito, Bagay kaya kayo! Sabi pa nito.
"Ala eh itong batang ito ..Tapusin mo na nga ang pagkain mo?Sabi ni Lina at nagtwanan naman ang maglola.
Pagkatapos kumain ay umakyat muna sa kwarto niya si Alizza, sakto namang nagtext si Aurea at sinabi lang nito ang address ng pupuntahan nilang resort.Agad naman naghanap ang babae ng pang swimsuit niya.Tamang tama at may nabili siya sa Amerika na sinabay sa pinapackage niya sa ina at lola.Excited din kasi siya na makita ang mga dating kaibigan.Nagreply naman siya kay Aurea at tinanong dito kung ilan sila.
Aurea:Buong tropa,may nakahalo lang na isa boyfriend ni Lora."Reply nito sa kanya Kaya naisip niya na nandoon sila Ariel,Allan,Lance,Shim at Jayson na ngayon ay guro na din.