"Angela, anak gising na. Tatanghaliin tayo paschool!"
Binutones ko na ang pinakahuling butones ng blouse ko at saka kinuha ang bag at bumaba na. 6:45 palang ng umaga pero kailangan namin makarating ng school before 8 kasi teacher si Mama sa highschool na pinapasukan ko. English teacher sya doon.
Hinatid kami ni Papa sa school tapos sya naman diretso sa trabaho nya as Virtual Admin sa isang kilalang delivery company. Gusto ko din ng trabaho ni papa. Mas gusto ko kasi ang makahandle ng iba't ibang uri ng client and at the same time gusto kong maranasan makahandle ng iba't ibang ugali meron ang tao.
Pagdating namin sa tapat ng building nagbabye na ako kay Mama kasi sa Faculty room sya muna ako naman sa 4th floor. 4th year highschool na ako at kami ang last batch na 4th year kasi next school year magsisimula na ang K-12 program.
Sabi ni Mama, maswerte kaming mga hindi maaabutan ng program na yun. Pero para sakin mas okay na may another 2 years para mas madagdagan pa ang knowledge bago magcollege or according sa mga rumours na naririnig ko, pwede na daw magtrabaho after makagraduate ng K-12.
Di ko din alam.
As usual, ako na naman ang nauna dito sa room namin. Sa kabilang room may tao din.
Kung tama ang tingin ko kanina pagdaan ko, sya yung exchange student from Yokohama, Japan.
Yes po, opo.
Tumatanggap ang school namin ng exchange student. May college din naman dito. Well, actually, Elem-college ang handle ng school namin.
"Good morning Angelaaaaaaaaaa!"
Napalingon ako sa dumating. Si Angelou. Ang self-proclaimed na kakambal ko kuno. E paano kasi Angela ako at Angelou naman sya.
"Hi, good morning!" masiglang bati ko.
"Nu bayan! Nakakainis ka palagi!" simangot nya.
"Bakit naman?" natatawa kong tanong habang inaalalayan syang maupo sa tabi ko.
"Ang sweet sweet kasi ng boses mo. Ang lambing lambing! Samantalang ako parang akala mo palaging may kaaway!" pagmamaktol pa ng lukaluka.
Natawa na lang ako at inabutan sya ng isang balot ng chocolate na dala ko.
"Huuuuuy! Paadvance mo?!" tuwang tuwang sabi nya.
"Advance?"
Hinampas nya muna ako sa braso bago ngumiti sakin. "Advance valentines gift!" saka tuwang tuwa na binalot sa panyo yung chocolate bago nilagay sa bag nya.
Unti unti na ding dumadami ang kaklase ko sa room.
Akala ko tapos na makipagdaldalan si Angelou kasi halos naikot nya na lahat ng upuan dito sa room pero nung maupo sya sa tabi ko ay magaan akong hinampas sa braso.
"Nakalimutan kong may Hapon nga pala dito sa kabilang room! Alam mo ba, kanina nakita ko si Zia lumabas galing doon kasama yung bestfriend nyang pangit."
Saglit syang tumigil para uminom ng tubig sa tumblr nya.
"So sinilip ko, nakakaloka! Nagbigay pala ng regalo kay Hapon!" napairap naman sya na akala mo ako si Zia.
"Akala mo kung sinong mahinhin may tinatago palang landi! Kesyo sya daw ang nagugustuhan ng lalaki pero sya pala tong nagkakagusto sa lalaki! Nakakagigil! May tinatago talagang landi!" nagulat ako kasi may paghampas pa sya sa arm rest nya at may pagtayo pa.
"Good morning din Ms. Amor. At sinong malandi?" pilit na ngiting tanong sa kanya ng first subject namin. Si Ms. Tolentin, Science teacher namin at kilalang walang awang teacher. Bagsak kung bagsak.
Umiling-iling naman si Angelou at mahinang nagsorry saka dahan dahang umupo. Tinawanan ko naman sya kaya kinurot nya ako sa tagiliran ko.
------------
Nasa canteen kami ni Angelou. Lunch break.
Akala ko kung bakit humahaba ang nguso ng baliw, yun pala itinuturo yung nasa likod naming table.
Si Zia, yung bestfriend nya at yung lalaking katapat nya. Hindi ko makita kung sino kasi nakatalikod sya sa amin. Pero by the way she looked at him, mukhang yung 'hapon' na sinasabi ni Angelou yon.
"O ano naman?" tanong ko at kumain na ulit.
"Alam mo, kahit dulo lang ng buhok ni Zia nabubwiset na ako!" pagmamaktol nya
"Bakit?" tawa ko. "Dahil ba sya malakas ang loob na nakakalapit sa crush mo?" panunukso ko sa kanya.
Napainom naman bigla ng tubig si Angelou at umiling ng umiling.
"Tungeks! Ikaw ang nilalakad ko don!"
Parang bigla akong nakalunok ng bato.
Bumara yon sa lalamunan ko. Nataranta naman si Angelou saka malakas na hinampas ako sa likod.
Nailuwa ko lahat ng nasa bibig ko at saka napainom agad ng tubig. Napalingon ako sa mga katabi naming table and as expected, nakatingin sila samin.
------
"Sorry na kambaaaaal!" nakangusong sabi ni Angelou sakin.
Nasa CR kami at nagtotoothbrush. Inirapan ko sya kunwari at nagpatuloy sa ginagawa ko.
"Ay attitude? Gusto ko lang naman bigyan ka ng valentino." nakanguso pa din nyang sabi at nagsimula ng magpulbo.
Nagbanlaw muna ako ng bibig bago sya sinagot. "Angelou, hindi ko kailangan ng Valentino na yan no! Mas the best yung kusang dumadating hindi yung ganyan na reto. At saka isa pa, masyado pang maaga para magkaganyan. Baka mapagalitan pa ako ni mama at papa."
Pagkatapos namin mag ayos ay mabilis ko na niligpit lahat ng nagamit namin ni Angelou.
10 minutes na lang kasi mag 1pm na. Magsstart na ulit yung panghapon naming subjects.
Saktong paglabas namin ng girl's cr ay may humablot agad sa braso ko.
"I'm sorry Zia, but this is the girl I told you that I like."
Pagkasabi nya noon ay hinalikan nya ako sa noo at saka lumakad pababa ng hagdan.
"See you later."
Maaccent na sabi nya pa saka mabilis na naglakad papunta sa ground floor.
Naramdaman ko ang maraming hampas ni Angelou sa braso ko. Kilig na kilig ang babaita!
Pero hindi ko inaasahan ang paglapit sakin ni Zia. Tinulak nya ako at dahil sa lakas non ay natumba ako at humampas ang likod ng ulo ko sa gutter sa labas ng CR.
"Kambal!" gulat na sabi ni Angelou.
Mabilis nya akong tinulungan na makaupo. Hawak hawak ko ang likurang bahagi ng ulo saka napatingin sa babaeng nakatayo sa harap namin.
Bahagya akong nahilo pero kitang kita ko ang galit na galit na mga mata ni Zia at ang gulat sa mukha ng kasama nya.
-----
2pm
Nasa student center kami ni Angelou. Hindi na kami nakapasok sa sunod na subject dahil halos tumagal ng isang oras ang pagkahilo ko.
Nakapa din ni Angelou na may bukol sa likod ng ulo ko. Baka yun yung tumama kanina sa gutter. Mabuti na lang hindi nagcrack open ang ulo ko kundi baka sa hospital ako magpapalipas ng gabi.
"Sure ka ba na hindi ka pupunta sa clinic kambal?" nag-aalalang tanong ni Angelou sakin.
"Hindi na. Ayos lang ako. Medyo nahihilo pa ako pero okay naman na."
"Mas delikado kasi yon na hindi ka nawalan ng malay no! Baka mamaya nyan magkablood clot ka sa ulo mo, masama yun!"
"Hindi ba mas delikado yung nawalan ng malay? Kasi possible hindi na magising." tingin ko sa kanya habang minamassage ng marahan ang sintido ko.
"Tungeks!" hampas nya sa braso ko. "Mahina ako sa mga subjects natin pero may laban ako when it comes to health matters no. Kaya nga gusto ko maging professional medic kasi mukhang yon ang call ko."
Ngumuso sya bago nagpatuloy.
"Alam mo kambal, delikado yung nangyari sayo kanina. Ngayon may bump ka sa ulo mo, hindi ka nagpunta sa clinic kaya hindi nacheck yan. Kanina kung nawalan ka ng malay, madadala ka sa hospital at masisiguro ng doctor na okay ka. Ngayon mas mahirap yan at delikado kasi di natin sure kung may dumugo ba sa loob ng ulo mo."
Magsasalita sana ako kaso nilapitan kami nila mama. Mukhang galing sila sa canteen ni Teacher May dahil may mga dala silang disposable na lalagyan ng pagkain.
"Angela, oras ng klase nyo ngayon. Bakit nandito ka?"
"Kasi po ma---"
"Kasi po nabagok sya kanina sa may gutter ng Girl's CR sa second floor po." Mabilis na sumbong ni Angelou at nilakihan pa ako ng mata.
"Bakit? Anong nangyari?"
Nag-alala na tuloy si mama. Umupo sya sa tabi ko at kinapa ang ulo ko dahil tinuro ni Angelou na may bukol doon.
"Are you sure anak na okay ka? Kasi di bale ng umabsent ako last subject ko na naman. Punta tayo sa hospital."
"Goods naman ako ma. Okay lang po." ngiti ko. Kahit na gusto ko na sanang pumayag. Medyo naisip ko din na tama si Angelou.
Hinintay lang namin matapos ang huling klase ni mama at umuwi na kami. Iginawa kami ni mama ng excuse letter ni Angelou at si mama na din ang nagbigay non sa mga subjects na hindi namin napasukan.
Napagsabihan pa ako ni papa pagpasok namin sa kotse dahil sinumbong din ni Angelou yung nangyari kanina. Buti na lang di nya sinabi kung bakit ako tinulak ni Zia.
Kasi kung pati yon idadaldal nya pa, hindi ako magdadalwang isip na isalpak sa bunganga nya yung medyas ko.