PAYNE'S POV
APAT na kalalakihan ang mga nandoon sa isang table sa VIP. Napanganga ako nang makita ang lalakeng nakakaangat sa kanila. Shit, sino kayang nakabuntis sa kaibigan ko?
Tiningnan ko sila isa-isa gamit ang liwanag makukulay na ilaw. Napasingkit ang aking mata. Isa lang sa kanila ang may babae. Parang uminit bigla ang dugo ko. My guts is telling me na siya ang tinutukoy ng kaibigan ko. May babae na siya kaagad?
Maganda ang hubog ng katawan ng lalake na parang bahay na ang gym at may nakaakbay na babae habang umiinom. Sayang dude, ang gwapo sana kaso ingrato!
Kumuyom ang kamao ko at naglakad papalapit sa kanila. Pero may biglang pumigil na kamay sa akin.
"Saan ka pupunta?" Kinakabahang tanong ni Alice, umiling ako pinandilatan siya ng mata.
"Isang suntok lang, pagbigyan mo ko." Nanggigigil na wika ko at hinatak ang kamay sa kaniya.
"Payne, wala-" Hindi ko na siya pinakinggan, bagkos ay maangas akong naglakad sa gawi ng apat na lalake. Nilapitan ko ang lalakeng tingin ko'y may gawa nun sa kaibigan ko.
Napatingala sila ng kasama niyang babae nang nasa harap na nila ako. Tumaas ang kilay ko ng mapatingin ako sa babaeng mukhang hipon.
Bumwelo ako at buong lakas na sinuntok ang lalake. Napagilid ang ulo nito dahil sa pagsuntok ko. Napatili naman ang babae kaya naagaw namin ang atensyon ng mga nasa bar.
"Hoy lalake! Manloloko ka! Pagkatapos mong pagsawaan ang kaibigan ko ay talagang nakahanap ka na kaagad ng babae?!" Gigil na wika ko habang nakaduro sa kaniya.
Binaling nito ang ulo sa akin. Umigting ang kaniyang panga. Matalim na tingin ang binigay nito sa akin pero kalmado ang expression niya.
"Babe, what is she talking about?" Matinis na boses na wika ng babae. Parang kumulo ang dugo ko nang marinig ang boses niyang matinis. Ito ba ang pinagpalit niya sa kaibigan ko?! Eh wala pa nga sa kuko ni Alice ang babaeng ito?!
Nagulat ang babae ng duruin ko siya.
"Hoy, hipon tapon ulo! Alam mo bang ang lalakeng ito ay isang manloloko?! Alam mo bang may girlfriend na ito? Gusto mo bang maging kabet?! Second option?! Mistress?!" Inis na wika ko sa kaniya.
"You bark in a wrong tree, Woman. I don't have relationship with your friend." Wika ng lalaki. Saglit akong namangha sa matigas nitong Ingles, mukhang sanay na sanay! Pero manloloko! Mayaman nga pero manloloko, aba't!
"Payne, halikana, umuwi na tayo. May exam kapa bukas diba?" Takot na wika ni Alice na pinipigilan ang pagwawala ko.
"Ano?! Hindi tayo aalis hangga't hindi tayo nakakaganti sa lalakeng ito!" Umiling si Alice sa sinabi ko.
"Alicandra huh, nice to meet you again. You should know that Jonathan is looking for you. Maybe I should call him and tell him that you're here." Mapang-asar na wika ng lalaki.
Para akong nablangko dahil wala akong maintindihan. Ano daw? Jonathan? Sino si Jonathan?
"Tara na, nandito na ang mga bouncer, Payne. At baka dadating narin si Jonathan." Wika niya at hinila ako papalayo. Napatingin sa amin ang mga nandito.
Teka, nagloloading pa yata ang sinabi niya. Wala akong nagawa kundi magpatianod sa hila niya.
"A-anong ibig mong sabihin, Ali?" Kinakabahang tanong ko sa kaniya ng makalabas kami ng bar.
"H-hindi iyon ang tatay ng anak ko, kaibigan niya iyon. Hindi kaagad kita napigilan dahil ayokong makita niya ako at isumbong kay Jonathan. I'm sorry." Wika niya at humagulgol.
Napatakip ako ng bibig. Shit! Anak ka ng teteng, Alicandra!
Napakagat ako sa kuko ko. "A-ano kamo? Shit naman! Mali pala yung sinugod ko?" Kinakabahang wika ko. Napasapo ako ng noo. Malas! Mali nga ang punong tinahulan ko!
Pero naisip ko, madilim naman baka hindi niya nakita ang mukha ko.
Napasabunot ako ng buhok, sinong niloko ko?! Baka ipahanap ako nun at ipasalvage!
"Halika, ihahatid na kita, dala ko yung scooter ko." Hinila ko siya papunta sa pinarkingan ko ng scooter ko.
Kailangan na naming makaalis, baka habulin kami ng lalake at gantihan ako sa pagsuntok ko. Bwisit na katangahan tu oh!
Bago ko pa mahila si Alice ay may biglang pumarada na itim na magarang kotse sa harap namin.
Bigla na lamang namawis ang palad ng kaibigan ko ng bumaba ang isang lalake sa kaniyang sasakyan na parang modelo.
"Honey." Baritonong wika ng lalaki habang nakatitig sa kaibigan ko ng may pagsusumamo. Pakiramdam ko ay nanonood ako ng pelikula at may LQ ang magsyota. Siyempre kalimutan ko muna iyong Tree na natahulan ko kanina lang.
"T-tara na." Wika ni Ali at hihilain na sana ako ng bigla siyang pigilan nang lalake.
"Let's talk, Honey. I'm sorry. Give me a chance please." Paos na wika ng lalake. Para akong tanga na nakatanga sa eksena ng dalawa.
Kinalas ko ang paghawak sa akin ng kaibigan ko. Agad ko siyang niyakap.
"Mag-usap kayo, Ali. Ayokong makialam pero nakakaawa yung nobyo mo. Kung nobyo mo man siya." Wika ko at kumalas sa kaniya ng yakap. Mahina siyang napahikbi kaya pinahid ko ang luha niya at nginitian siya.
"Uuwi na ako, may exam pa ako bukas, remember?" Ika ko sa kaniya. Marahan siyang tumango at niyakap ulit ako.
"Pasensya na sa abala. Tatawagan nalang ulit kita." Tumango ako at tumingin sa lalaking nasa likod niya. Tinanguan ko ito bilang senyales na siya na ang bahala sa kaibigan ko.
Pinasakay ng lalake si Alice sa kaniyang sasakyan at agad itong pinaharurot.
Haysst, pero ang tanga ko talaga kanina. Sana naman hindi ako malasin ng lalakeng iyon. Kailangan ko nang umalis dito bago pa ako ipahabol nun dahil sa kapahangasan ko na sapakin siya.
(SOMEONE'S POV)
Sa kalayuan ng Bar, napangiti ako habang sinusundan ng tingin ang papalayong babae sakay ng Scooter niya. Mukhang nakahanap nadin ng Katapat si Aquarius.
Agad akong sumakay sa kotse ko saka pinasibad iyon pabalik sa Hide Out namin. Sinalubong ako ng Leader namin sa Grupo.
"Anong nangyari sa pagsubaybay mo, Jupiter?"
"Natagpuan na niya ulit ang babaeng iyon, Pluto. And guess what? Siya na nga ang hinhintay natin."
"That's good. Bantayan mo siya. Huwag mong hayaang mawala siya sa paningin mo."
Tumango ako saka umalis para magpunta sa Kuwarto ko. Nakasalubong ko ang nag-iisang babae sa Grupo namin.
"Need help?" Napangiti ako. Mabilis siyang makatunog.
"Hindi ako tatanggi, Venus. Alam kong ikaw lang ang may kakayahang magpaikot agad agad. Tiyak na madali mong mauuto si Aquarius. Liban na lang kung makatunog siya-"
"Stop it, Jupiter. Wala kabang tiwala sakin?"
Tumawa nalang ako. Isa ito sa Exciting na magiging Trabaho ko.