“AYOS ka lang, Ate Shai?” tanong ni Armae na nangingilid na ang luha. Hindi ko alam kung totoong pag-alala ba 'tong pinapakita niya o may halong tuwa dahil muntikan na akong mahulog.
“Sa tingin mo, Memae, okay lang ako dahil muntikan na akong mamatay?” pilosopo kong tanong pabalik sa kanya dahil sa panggigigil ko sa taong bumangga sa akin na bigla na lamang nawala. Iniba na lamang ni Armae ang direksyon ng kanyang paningin saka hinayaan na lamang si Jerra na humawak sa 'kin.
“She's just worried, ate, bakit parang galit ka pa sa kanya?”
“Hindi naman, Jerra, i'm just saying the truth, kailangan pa bang itanong 'yon sa gano'ng kalagayan ko kanina? Syempre hindi ako okay. Sino ba namang magiging okay do'n, hindi ba?”
“Oh, bakit na kayo nagsisigawan diyan? Hindi pa nga tayo nagsimula sa camping nag-aaway na kayo,” saway na naman ni Mother Superior Carmela Brecken na biglang sumulpot na hindi ko alam kung saan nanggaling.
“Ma'am, I saw it. May taong bumangga kay Shaira. Muntikan na po siyang mahulog dahil doon, buti na nga lang at mabilis siyang nahawakan nina Jerra at Armae. Pero dahil po siguro sa gulat ni Shaira ay hindi niya po napigilang magalit nang tanungin siya ni Armae kung ayos lang ba siya. I saw him po, 'yong taong bumangga kay Shaira, naka-suot po siya just like them po,” ani Eliza. Isa sa mga kaklase namin. Itinuro nito ang mga taong iisa lang ang desinyo ng mga damit. I think uniform 'to ng mga crew dito sa Ridge Camp. Pero, sino 'yong hinay*pak na bumangga sa 'kin? Ang ganda naman ng pa-welcome sa 'kin ng camp na 'to.
“Nakita mo ba ang mukha ng taong iyon, Eliza? Nang sa gano'n ay ma-report natin siya doon sa office nila.” Nanlalaking matang tugon ni Mother Superior Carmela Brecken. Umiling lamang si Eliza bilang sagot nito sa adviser namin.
“Hindi po ma'am, naka-mask po kasi ang taong 'yon.”
“Sige, mauna na muna kayo sa tent n'yo. Tanungin n'yo na lang doon sa ibang crew kung nasaan,” pahayag ni Mother Superior Carmela Brecken kina Jovie Cris na kakarating lang dito sa tuktok. Pawang gulat pa ang mga ito sa biglaang anunsyo ni Mother Superior Carmela Brecken. “Ikaw Sarmiento, Cleofe, Galleto at Bustos, sumama kayo sa 'kin, pupunta tayong office nitong Ridge Camp. Hindi pwedeng hahayaan ko lang 'yong nangyari kanina, baka sa susunod mas malala pa ang gagawin no'n sa inyong lahat. Mabuti nang mag-iingat.”
Napangisi na lamang akong sumunod kay Mother Superior Carmela Brecken dahil sa sinabi niya. Infairness ha, may kabaitan din pala 'tong Ms. Minchin na 'to. Akala ko ay tatawanan niya lang ako dahil sa nangyari.
Nang makarating sa office ay agaran na ibinalita ni Mother Superior Carmela Brecken ang nangyari. Laking gulat naman ng mga tao sa office dahil sa hindi inaasahang ginawa ng kanilang ahente. Kesyo bakit daw 'yon nagawa sa akin. Tinatalakan ito ng sobra ni Ma'am Carmela dahil sa pabaya daw sila sa mga ahente nila, hindi raw ito palalampasin ni Ma'am Carmela hangga't hindi pinapaharap sa kanya ang taong gumawa no'n sa studyante niya.
Ilang minuto pa ang aming itinagal sa loob ng office dahil hinahanap pa nila sa cctv ng Ridge Camp ang nangyari kanina. At nang makita nila ito ay bigla na lang nangunot ang kanilang noo nang may mapagtanto sila.
“Ma'am, ito po ba ang tumulak sa studyante mo?” tanong ng isang crew na nag-manipula sa monitor ng cctv ng buong Ridge Camp. May ipinakita ata siguro itong picture no'ng taong bumangga sa akin.
“'Yan ba 'yon, Eliza?” agaran namang namang tanong ni Ma'am Carmela kay Eliza Bustos na siyang nakakita sa buong pangyayari.
“Sorry po ma'am, hindi ko po masyadong nakita ang mukha ng taong 'yon kanina. But base po sa looks ng katawan niya kanina at sa picture na pinapakita mo po ay parang siya nga po 'yong bumangga kay Shaira."
Tumango-tango ang crew saka may dinial sa telepono na nasa gilid lamang ng keyboard ng computer. “Paging. To our newly deploy Mr. Rodolfo Lopez, please proceed to the office now!”
“Sarmiento, saan ka pupunta?” tanong kaagad sa akin ni Mother Superior Carmela Brecken nang makita niya kong tumayo at nag-amba ng buksan ang pintuan nitong office.
“Bakit parang namumutla ka, ate? May problema ba?” segunda namang tanong sa akin ni Jerra.
Oo Jerra, malaking problema kung alam mo lang. Isa itong malaking problema.
I was about to pull the door in this office upang makalabas na dito nang may nakauna na sa aking buksan ito at pumasok ang taong ngayon pa lamang pinatawag sa office... Bigla ko na lamang narinig na isinigaw ni Mother Superior Carmela Brecken sa aking buong pangalan. —At ang pagsalo sa akin ng taong kapapasok pa lamang, gamit ang kaliwa niyang bisig. Hindi, hindi ito maaari.
T-tiyo!