“MAARING alam niya ang ginawa mo kahapon that’s why nagawa niya sayo ‘yan kanina,” dagdag pang sabi ni Zack. “Nakita ko siyang nakikinig sa pinag-uusapan ng mga crew dahil sa ginawa mo.”
“Ibig sabihin mabait pa si Tiffany kasi kahit na alam na niya ang ginawa mo, hindi ka niya inaway agad. Ikaw itong nagpadalos-dalos,” sabi ni Tyron.
Paulit-ulit na bumabalik sa kanyang isipan ang sinabi ng mga kaibigan sa kanya. Ilang beses na rin siyang nagpapabaling-baling sa higaan sa kakaisip ng nangyari. Kahit na alam niyang naiinis siya kay Tiffany, bakit parang natutuwa siya kapag nakikita ito. Ito pa lang ang kauna-unahang babae na nakagawa sa kanya ng ganun. Sa isipin ay naalala muli ng tamaan siya sa bahaging iyon. Balewala lang ang sampal na natamo niya pero ang sakit na naramdaman niya sa kanyang pinaka-iingatan ay ang hirap makalimutan.
Naitakip niya ang unan sa mukha. Hindi pa rin siya dalawin ng antok at napagpasyahang tawagan si Tyron. Hindi niya alam kung bakit ito ang una niyang naisip na tawagan. Nakakailang dial na siya sa kanyang mobile phone ngunit hindi ito sinasagot ng kaibigan. Sa huli ay si Zack ang tinawagan niya.
Tatlong beses lang nag-ring at sinagot na ito.
“Hello Dion,” mahinang sabi nito.
“Naabala ba kita Zack? Di kasi sumasagot si Tyron eh.”
“Patulog na rin naman ako. Bakit ka napatawag?” tanong nito.
“Ah…Naisip ko kasi ‘yung tungkol sa sinabi niyo kanina.”
“So, na-realize mo na mali ang ginawa mo?” anito. Kung minsan ito talaga ang huli niyang gustong makausap kapag may bumabagabag sa kanyang isip dahil madalas pinangangaralan siya nito. Pero gayunpaman, alam niyang para sa ikabubuti niya ang mga sinasabi nito sa kanya.
“Oo eh. Parang na-guilty ako.” ‘umuntong-hininga siya. “Ano ang dapat kong gawin?”
“It”s so simple. Apologize to her.”
“Iyon lang? Ang dali naman ‘nun.”
“Do it tomorrow agad-agad kasi sabi mo madali lang.” Nawala na ito sa linya.
“Binabaan na ako ng Zack na iyon. Ayos talaga magpayo eh.” Bumalik na siya sa higaan.
KASALUKUYANG naghahanda na sa pagpunta si Tiffany sa university. Kailangan niyang makausap si Professor Cindy dahil hindi niya ito nakausap ng huli siyang nagpunta sa opisina nito. Ayaw niyang maging bastos na basta-basta na lang mag-quit sa offer na trabaho ng hindi man lang nagpapaalam. Mataas ang pagtingin niya sa pagbibigay respeto sa kahit na kanino. Iyon ang pinaka-aral na hindi niya makakalimutan sa lahat ng itinuro sa kanya ng Lolo at Lola niya.
Inaayos niya ang sintas ng kanyang sapatos ng tawagin siya ng kanyang Lola. Pilit na binibigyan siya ng pera bilang allowance niya na magagastos sa araw-araw. Tumanggi siyang tanggapin iyon dahil mayroon pa naman siyang magagamit galing sa kanyang ipon. Magalang siyang nagpaalam at saktong dumaan ang bus kung kaya’t nakasakay siya agad.
Ilang minuto na rin siyang nakaupo ng maramdaman niyang nag-vibrate ang kanyang mobile phone. Isang chat message galing sa isang dating kakilala ang kanyang natanggap.
[Hi Tiffany? Naaalala mo pa ba ako?]
[Oo naman. Kumusta?]
[Okay lang. Sa W University ka ba papasok sa college?]
[Oo. Bakit mo naitanong?]
[Pareho pala tayo. Sana magkita tayo doon.]
[Walang problema. Papunta nga ako ngayon don eh.]
[Talaga? Sakto papunta rin ako. Kita naman tayo.]
[Sure. Chat na lang kita pagkatapos kong pumunta ng admin office.]
[Okay, see you there.]
Si Renz ay isa sa naging kaklase niya ng first year high school. Naging close sila simula ng makasama niya ito sa isang group activity. Sa sumunod na taon ay bigla na lang itong lumipat ng ibang eskwelahan sa di malaman na dahilan. Wala na siyang naging balita kay Renz at hindi na rin niya pinagtuunan pa ng pansin.
[Don’t forget to chat me ha?] habol na message galing kay Renz.
Nakababa na siya ng bus nga mabasa iyon. Naglalakad na siya papasok ng gate ng mapansing halos lahat ng mga students doon ay nakatingin sa kanya. Hindi niya gusto ang atensyon na ibinibigay ng mga ito kaya binilisan na lang ang paglalakad upang makalayo sa mga nagbubulungan na mga students na nandoon.
“DION, I can’t give you directly her contact number without her permission.”
“Professor Cindy, baka naman pwede naman na atin-atin na lang,” hirit ni Tyron.
“Give me a valid reason kung bakit kailangan kong ibigay sayo Dion.”
“Professor, it is really important,”’sagot ni Zack.
“You know guys that it’s against the university policies. I’m sorry I can’t help you .”
“How about…” Hindi na natapos ang sasabihin ni Dion ng biglang sumingit ulit si Prof. Cindy.
“Oh, Tiffany is here. Siguro hindi na kailangan ‘yung hinihingi niyo?”
Tiffany seems so confused. Paano niya makakausap si Professor Cindy kung kasama nito ang tatlong lalaki sa loob ng admin office? Paano niya sisimulan ang nais niyang sabihin? At ano kaya ang kaugnayan niya sa hinihingi ng mga ito kay Professor Cindy?