"Gusto mo lang bakuran si Penny dahil marami ang may crush sa kanya sa college natin." Riley just glared at Jay who's drinking his beer in a can. Nasa isang Grill restaurant silang lahat ng nasa basketball team ng COT na naglaro sa Intrams. Sila-sila lang na mga lalaki doon at anumang sandali yata'y malalasing na ang iba sa mabilisang paglaklak ng mga ito.
"Hindi siya puwede rito dahil lalaki tayong lahat. Baka digahan n'yo pa." sambit na lang niya.
Ang babaeng 'yon, minsan hindi lang talaga ito aware na may lalaking nagkakagusto rito. Hindi sa maganda nitong mukha kungdi sa personalidad nito na madaling makibagay sa mga tao at makapal ang mukha. Matapang rin ang loob ng dalaga kahit na hanggang dibdib lang niya ito. Tumungga siya ng beer at bahagyang napangiwi.
Occasional drinker lang si Riley kapag nasa mood siya. Hindi talaga siya fan ng alak.
"Hey, man. Ano bang tipong lalaki ni Penelope?" singit ni Wallace ay umakbay pa talaga sa kanya. Tumalim lang ang mga mata niya.
"Lamang ng isang paligo sa 'kin. Laitin mo ako't ekis ka na sa mga lalaking matitipuhan niya." He smirked in boastful way.
Kinantiyawan naman siya ng mga kasama niya. Naalala niya kung paanong nag-transform na lang ito na parang leon sa inis sa gym kanina nang laitin siya. Humupa lang ang inis niya sa nanlait nang si Penny mismo ang nagalit para sa kanya.
"Nakanaman! Hindi sa pagmamayabang pero mas may hitsura naman ako sa 'yo. Matalino ako sa Math at mas lalong magaling ako sa basketball. Di ba, cap?" Siniko pa ng walangyang Wallace ang nananahimik nilang captain kanina pa.
"Bobo ka naman sa grammar." Tinawanan nila sa sagot ni captain. Savage talaga ito at sinasabi nito iyon na seryuso pa rin ang mukha. Hindi nila alintana ang usok na galing sa grilled area at nahahalina pa sa amoy niyon. Nakakatakam din ang mga pagkain sa mesa nila. "Hindi ka papayagan ni Riley na pumorma sa bestfriend niya."
Sumimangot lang si Wallace at tinapik lang ni captain nang malakas ang pobreng balikat nito. "Ang lahat na puporma kay Penny, dadaan muna sa 'kin. Kung ayaw n'yon giyerahin ng pinsan niya. Kilala n'yo si Kyou? Buti hindi siya nag-aaral sa university natin."
Si Kyou ang bad boy na medyo gangster umasta ang pinsang buo ni Penelope na protective sa dalaga. Kahit mas matangkad si Riley dito, natatakot siya rito sa kung paano siya nito tingnan na parang papatayin siya nito sa gitna ng gabi kapag hindi niya nabantayan si Penny nang maayos. Lalong-lalo na sa mga lalaki.
"Sinong Kyou?" tanong ni Jaiden na kanina pa tahimik at pulutan lang ang pinuntirya. Sinabi kasi nitong ito ang bahala sa kanila kapag nalasing sila.
"Si Kamatayan." pabirong sagot niya at tumungga ulit ng beer. Sa gilid ng mga mata niya, nakita niyang may kung anong binasa si Jay sa phone nito.
"Bro, si Penny pala." Napalingon silang lahat kay Jay habang nakatingin lang ito sa screen ng phone nito. "Sumama sa victory party ng COE. Kasama naman niya 'yung baklang kaibigan niya. Kaibigan ko si Peter, ang captain nila at Riley, condolence."
Sabay pang tumingin ang mga ito sa kanya. Nangunot tuloy ang noo niya sa narinig. "Mukhang nakalusot si Nick."
Si Nick ang lalaking na-sense niyang may gusto kay Penny dahil nahuli niya itong nakatitig sa kanyang kaibigan kahit na pawis na pawis mula sa PE ang huli.
Humigpit ang hawak niya sa can ng beer na nayupi.
"Ohoy, alis muna ako sandali. Parang bumigat aura dito." rinig niyang hirit ni Wallace.
Maingay sa karaoke bar at panay ang halakhakan ng mga tao sa loob dahil para nang uod si Ariel na kumakanta ng kanta ng Pussycat dolls. Nakalimutang kalahi ito ng Adan at kung makapaggiling ay hindi ito barako.
Nakakalat sa mababang mesa ang mga chicheria, finger food at mga inumin. May mga babae naman silang kasama at girlfriend ng mga players. May lasing na rin sa mga ito at panay na ang sulyap niya sa wristwatch niya. Masyadong nasiyahan si Ariel at nakalimutang late na.
Tanging liwanag mula sa machine at aandap-andap na led lights ang ilaw nila. Mabuti na lang malaki ang kuwarto at nakakagalaw pa naman siya. Kanina pa siya nagsawa sa pagkain ng chicheria at juice.
"Gusto mo na bang umuwi na, Penelope? Ihatid na kita." Katabi lang niya si Nick doon na hindi masyadong uminom ng beer. Magdr-drive pa kasi ito pauwi.
Umiling siya't isinilid ang phone niya sa bag niya. "'Wag na."
Tumahimik lang ito, nakatingin sa kanya at namumungay ang mga mata. Bigla tuloy siyang nailang sa paraan ng tingin nito. Hindi naman manhid si Penny pero napapansin niya kung paano tumanghod ang mga lalaki sa kanya sa department nila. Salat siguro sa babae kaya sa kanya nakatingin ang mga ito o sadyang agaw atensiyon lang talaga ang pagiging ewan niya minsan.
Nag-ring ang phone niya at natabunan iyon ng makabagdamdaming birit ng girlfriend ng isang player doon at nag-crack pa sa dulo. Mukhang tinamaan na ng alak. Nakangiwing lumabas siya sa sandali sa karaoke bar.
Tinatawagan siya ni Riley.
"Hello? Ry?" tawag niya sa palayaw nito.
"Pen! Si Jay ito." Si Jay ang isa pa nitong kapreng kaibigan. Centimeter lang yata ang lamang ni Riley sa height nito. Mukha siyang unano sa gitna ng dalawa. "Lasing na 'tong kaibigan mo. Niyayakap ang poste at ikaw ang hinahanap. Gusto ko mang ihatid siya, lasing na rin ang ibang mga kasama namin at iuuwi pa namin. Nakauwi ka na?"
Saglit niyang tinapunan ng tingin ang pinto ng kuwarto na inokupa nila. Maririnig pa rin ang kantahan ng mga ito.
"Hindi pa. Nasa karaoke bar kami kung saan ginanap ang victory party. Hintayin n'yo muna ako d'yan. Saan ba 'yan?" tanong niya't bumalik sa loob at dinampot ang bag niya. Kinawayan niya si Ariel at sumenyas na aalis na.
"Uuwi ka na?" disappointed na tanong ni Nick sa kanya. Tumango lang siya bilang sagot.
"I'm gonna fetch Riley." she just said and stormed out of the karaoke bar. Malapit lang doon ang Grill Resto kung saan nagce-celebrate ang mga kasamahan ni Riley. Sumakay siya ng jeep para mapadali ang pagpunta niya roon at pagkababa pa lang niya ay nakita niya si Jay na makukuba pa yata sa pag-akay ng dalawang kasamahan nito.
"Nasaan na si Riley?" tanong niya kay Jay. Namumula na ang mukha nito at mukhang hindi iyon dahil sa alak kungdi sa pagka-asar na ito pa talaga ang mag-uuwi sa mga lasing nitong mga kaibigan.
Bahagya itong lumingon sa likod at napasinghap siya kung paano nakatalungko sa harap ng poste si Riley. Nakapikit ang mga mata at halatang lasing na.
"Si Wallace na ang nag-drive ng kanyang motor sa kanila dahil wala na 'yan sa estado pa na mag-drive." anito. "Ano ba, Kian! Umayos ka!"
"Teka, hindi ikaw ang girlfriend ko." Kumawala si Kian at gumewang lang sa kalsada.
Lumapit siya kay Riley at nang makita siya nito ay namumungay na ang mga mata nito, namumula ang mukha nito at parang engot na ngumingiti.
"Kamukha mo si Penny." Tinuro pa siya nito. Kaagad naman niya itong dinaluhan at hinawakan sa magkabilang braso para itayo.
"Gagi. Ako 'to, si Penny." Kumurap-kurap pa ito, inaaninag ang mukha niya at kinurot pa siya sa pisngi. Ngumingiti pa rin na parang engot.
"Cute mo talaga." Hinila na niya ito patayo at mabuti na lang ay nagagawa pa nitong makatayo kaso wala na itong balanse kaya sinalo na niya ang katawan nito. Halos mabuwal na ito at mapisat na siya sa bigat nito.
"Te-teka, Jay! Tulong! Isakay muna natin siya sa taxi." pakiusap niya kay Jay na naideposito na sa sasakyan nito ang dalawang kaibigan. Minamasahe nito ang balikat nito, nakangiwi at napatingin sa kanya nang tawagin niya.
"Kasya pa naman kayong dalawa rito. Pagtiisan mo lang ang amoy nila. Pambihira, bukas na bukas. Maniningil ako sa tatlong 'to." anito nang alalayan si Riley sa kaliwa. Halos nandito ang bigat ni Riley dahil hindi nalalayo ang height ng dalawa. Sigurado siyang nagkasundo ang mga ito dahil sa height ng mga ito.
Magkatabi ang tatlo sa backseat, halos magkapalitan na ng mukha at pare-parehong lango na sa alak. Bubulong-bulong pa ang isa dito, hinahanap ang girlfriend nito at gustong makipagsundo.
"Sino kasama ni Wallace?" tanong ni Penny kay Jay na sinimulan nang i-drive ang sasakyan.
"Si Darryl. Hindi namin napansin ang damuho na iyon sa sobrang tahimik niya. Iyon pala'y nauna nang maglasing. Masama ang loob dahil may galit yata ang prof niya sa kanya. Ikaw ba namang walang kamalay-malay na ang nililigawan mo e anak pala ng professor."
Pumalatak si Jay. "Ayon, pinagbuntunan na sa alak. Itong bestfriend mo naman, masama ang mood nang malamang magkasama kayo ni Nick. Nililigawan ka ba nun? Tsk, kung umasta tong si Riley. Parang tatay mo lang." dugtong pa nito.
"Huh? Hindi ako nililigawan ni Nick. Baka fascinated lang 'yon sa 'kin. Bakit naman maglalasing si Riley nang dahil lang doon?" takang tanong niya sa sarili. Umiiling-iling si Jay, sa kalsada pa rin ang mga mata. Mabuti na lamang hindi ito masyadong naglasing.
"Sigurado ba kayong magkaibigan lang talaga kayo?" hirit pa nito at lumiko sa isang daan. Mukhang ihahatid sila nito bago ang dalawa pang lasing na lalaki.
"Uh, please. Oo, magkaibigan lang talaga kami. Baka nagtampo lang 'yan dahil hindi ako nagkukuwento sa kanya. Ano naman ang ikukuwento ko? Walang namamagitan sa 'min ni Nick. Magka-college lang kami." sagot niya. Bigla namang umungol si Riley, nagsle-sleep talking pa yata.
"Penny." tawag nito sa kanya, nakapikit pa ang mga mata. Napansin niya sa gilid ng mga mata niya kung paano pinigilan ni Jay ang sarili nitong ngumiti. "Pag nagka-boyfriend ka, hindi mo ako iiwan di ba?"
Tumikhim lang si Jay nang samaan niya ito ng tingin saka niya nilingon ang half-awake na si Riley. Matino man ito o hindi, papatulan talaga niya ang tanong nito. "Kailan ka pa naging clingy?"
"Ngayon lang. Sa 'yo lang." Ibinuka nito ang mga mata, itinutok ang mga mata sa mukha niya. Napatulala na lang si Penny at nabasag lang ang moment na 'yon nang biglang humalakhak si Jay. Pinupokpok pa nito ang manibela.
"Yari ka talaga bukas, Riley. Kapag humulas na ang alak sa sistema mo." Penny couldn't find her words. And for the first time in her life, hindi niya alam kung ano ang sasabihin kay Riley.
Why does he has to be handsome and adorable at the same time. Not to mention, he's totally drunk.
『End of Chapter 4』