Intrams. Nakahanda ang mga balloons ni Penny para i-cheer si Riley sa basketball game nito. Kabilang ito sa mga players ng College of Technology at kalaban nito ang College of Engineering kung saan siya kabilang. Ang sama na nga ng tingin sa kanya ng mga ka-college niya dahil ang hawak-hawak niyang balloons na kulay brown ay para sa COT.
Matalik niyang kaibigan si Riley at suportado niya ito sa kahit anong gawin nito. What are bestfriends for? Hindi niya alam kung paano nagsimula ang bestfriend pact nilang dalawa basta masaya siya na may tao sa tabi niya.
Kinawayan niya si Riley na nasa baba at kumaway naman ito pabalik.
There's an apprehension in his face, knowing that he will participate in this game as a part of defense line. Ito ang pinakamatangkad sa COT. Maraming mga players na kabilang sa varsity team sa College of Engineering at kinakabahan ang teammates nito sa magiging kinalabasan ng laro.
"Sigurado ka bang kaibigan lang talaga sa 'yo si Riley?" tanong ng kaibigan niyang bakla na si Ariel, na sa gabi ay kilala bilang Ariela. "Hindi ka talaga tinubuan ng malisya?"
"Bakla, wala talaga. Kahit ilang beses pa kami magskin-ship. I mean, wag ka ngang tumingin ng ganyan. Ang green talaga ng utak mo. Magyakapan man kami o ano. Wala talaga. Parang magkapatid lang kami." giit niya rito at itinaas pa ang balloon na hugis hotdog nang magsimula na ang game.
Ang bola ay nasa COE at sigawan lahat ng engineering students maliban lamang sa kanila.
"Showbiz nito! Pero infairness huh, marami nang nagkakamali na mag-jowa nga kayo. Mas sweet pa kayo sa mga naglipanang mag-jowa rito. Echapuwera nga byuti ko kapag kayo nang dalawa." hirit pa nito.
Intrigero talaga ang damuho, hindi talaga ito kombinsido na magkaibigan lang talaga sila ni Riley. Hindi na ba puwedeng maging magkaibigan ang babae at lalaki?
Masyadong malakas ang sigawan ng mga kapwa niya engineering students at nilalamon niyon ang cheer nilang dalawa ni Ariel. Natitigil lang ang mga ito kapag ang team nila Riley ang nakapuntos at turn niya na mag-ingay.
"Wooh! Galing mo 24! Ilampaso n'yo na 'yan Riley!" sigaw niya, at the top of her lungs.
Ang COE players ay napapailing na lang sa kanya.
Nakita niyang nag-pout si Nick na siyang nakadiskubre sa kanya na siya si sticky note girl na laging nag-iiwan ng inspiring message sa freedom wall ng Engineering Department. Si Riley naman ay nginitian lang siya.
May mga tumili galing sa Engineering team nang pilyong kindatan siya ni Riley. Mga traydor. Akala yata ng mga ito, ito ang kinindatan.
"I admit, ang pogi talaga ni number 7!" kinikilig na sambit ng babaeng katabi niya. Napasimangot siya. Kanina lang ay ang sama-sama ng tingin nito sa kanya na nagch-cheer sa COT. 'Yon pala, natipuhan lang nito ang guy bestfriend niya.
"May girlfriend na kaya siya? Gosh! Ang saya kaya ng feeling ng mabuhat niya no?" Ilusyuda din itong kaibigan nito.
"Girl, parang mananakmal ka na d'yan." bulong ni Ariel na hinawakan lang ang braso niya na parang pinipigilan siya sa kung ano mang kabrutalan na gagawin niya.
Nadistract sila nang makita nilang natumba si Riley at doon nagising ang pagiging protective bestfriend niya. Pumatong tuloy siya sa inupuan nilang bleachers. Itinayo naman ito ng teammate nito at makikita niyang hawak-hawak nito ang tagiliran nito. Naalala niya kung bakit ayaw nito ng basketball.
Pisikalan at ayaw na ayaw nitong nasasaktan. Mas gugustuhin pa nitong maglaro ng video game.
Sigawan na naman ang COE dahil nakapuntos ang varsity player, nalusutan ang pagharang ni Riley dito. May nag 'boo' sa sa unahan niya, mga engineering students at mukhang senior pa nila.
"Tangina, marunong ba talagang maglaro 'yang number 7? Ang bobo. Matangkad lang naman 'yan." Sukat sa sinabi nito ay napunta naman sa gilid si Riley.
The side of his eyes twitched, didn't like what he heard. And Penny went out to him, knowing that this tall guy has his own insecurities too.
"Hoy! Ikaw!" She even leaned below, clutching on some random stranger's shoulders.
Napalingon naman ang unggoy na nanlait kay Riley. "Ikaw ang bobo! Salty ka lang dahil hindi ka katangkaran at hindi ka player! Ang panget mo pa! Mas pogi pa mga kalyo ni Riley sa kamay niya kaysa sa 'yo! Isa kang ingrown! Isang malaking sagabal! Tangina ka rin!"
Marami ang nagulat sa outburst niya at kulang na lang hagilapin niya ang buhok ng lalaking 'yon na napanganga sa mga salitang lumabas sa bibig niya.
Pinigilan naman siya ni Ariel at nagreklamo ang dalawang kinapitan niya na nalamukos na ang damit na suot ng mga ito. Maging si Riley ay hindi na nakatiis at inalis siya doon bago pa siya patulan ng lalaking nagalit na sa kanya.
Tawang-tawa si Riley matapos siya nitong hilahin paalis ng gym, sa gitna ng gym. Pinalitan lang ito ng isang teammate nito. "I can't believe you trashtalk like that. Maiinsulto talaga ang taong sasabihang ingrown lang sila sa paa." iiling-iling na sambit nito.
Napairap siya sa kawalan nang maalala ang pagmumukha ng lalaking tinubuan ng maraming bigas sa mukha. "Saka na siya manlait kung lamang siya ng isang paligo sa 'yo. Bah! E kung siya kaya ang nasa court at maglaro? Buwisit siya."
"Parang ikaw pa 'yung nainsulto para sa 'kin." Uminom muna ito ng tubig bago nagsalita. Nasa canteen silang dalawa, bumili lang ng makakain dahil ginutom. Siya, sa pinaggagawa niya kanina. Ito, sa laro nito.
"Sanay na akong makarinig niyon sa tuwing naglalaro ako ng basketball. Di naman talaga ako magaling. Nasali lang ako sa stereotype na dahil matangkad ako e magaling na ako sa basketball."
Tinusok niya nang malakas ang chicken nugget na ikinangiwi lang nito. Asar pa rin siya sa lalaking iyon sa ginawa nito kay Riley. Kahit pa sanay si Riley sa mga salitang iyon, mali pa rin ang ginawa ng panget na 'yon.
"Pero pinaalala lang niyon ang insecurities mo sa height mo. Ang magpapaalala niyon, bubugahan ko talaga ng apoy. Sana mabaog na siya."
Inabot lang nito ang ulo niya't tinapik iyon, nakangiti. Kung makangiti ito ay parang isa siyang cute na aso sa paningin nito.
"Don't mind it, P. I'm fine with it. Hindi talaga maiwasan ang criticism ng tao sa 'yo. Alam mo bang biglang natakot sa 'yo ang mga players. Sabi ng captain namin, mas nakakatakot ka pa sa girlfriend niya na di hamak na matangkad pa sa 'yo." hirit pa nito.
Siningkitan lang niya ito ng mga mata.
"One should not underestimate me and my height. Mas maliksi pa rin ako sa mga babae d'yan na mahinhin masyado." ingos niya't patuloy na nginuya ang chicken nugget.
Narinig nila ang sigawan sa loob ng gym at napabuntong-hininga lang si Riley. "Bakit?"
Kinamot lang nito ang pisngi nito.
"Panalo ang college mo." Itinaas nito ang baso nitong may lamang orange juice.
"Cheers."
"Bakit masaya ka pa?" taas-kilay niyang sita rito pero ngumiti lang ito. "Natalo kayo."
"Sports pa rin ako. Talo man o hindi, magce-celebrate pa rin kami dahil nasali kami sa Finals." masayang sambit nito. "Libre ni coach."
"Sama ako." Umiling lang ito na ikinalaho ng ngiti niya.
"Hindi puwede. Bawal ang galing sa COE. COE ka, di ba?" Akmang hahampasin niya ito pero ipinrotekta lang nito ang sarili sa nakataas nitong mga kamay. Iningusan niya ito.
"Mag-enjoy ka mag-isa." Napatayo na siya dahil nabusog na siya sa kinain niya. "I-congratulate ko lang ang Engineering sa gym."
"Teka, Penny!" Bago pa man ito makapagsalita pa ay nilayasan na niya ito sa canteen at binalikan ang naiwang bakla roon na masayang-masaya sa pagkapanalo nila.
Traydor. Todo cheer pa sa COT kanina.
"Bakla! Andiyan ka pala! Akala ko, itinago ka na talaga ni Fafa Riley! Panalo tayo!" Niyakap pa siya nito at saka lang nito napansin na mali ito ng pinaboran sa pagkakataong iyon. "Naman, girl. 'Wag kang ampalaya dahil natalo ang team ng bestfriend mo."
Lumapit sa gawi nila si Nick at gusto nang kaltukan ni Penny ang bakla dahil ligayang-ligaya pa ito sa paglapit sa kanila ni Nick. Tila nahihiya pa itong nagkamot sa batok nito na parang mahiyaing manliligaw niya.
"Uhm, gusto mong sumama sa 'min? Ice-celebrate lang namin ang victory namin sa isang karaoke bar. 'Wag kang mag-alala, nakabantay naman ako at oorder naman kami ng pagkain."
Napansin nito si Ariel na kulang na lang ay pumuso ang mga mata nito. Kahit anong gawin niyang pagreto ng mga babae rito, sukang-suka pa rin ang malanding bakla.
"Magsama ka na rin ng kaibigan mo para may kasama ka pauwi." He flashed his bright smile that could flutter girl's heart, well except her. Immune na siya sa ganoong ngiti. Di nga ba, nabiktima na siya ni Henry. Maganda ang ngiti ng lokong 'yon.
Bahagya siyang napasimangot nang maalala ang simpleng pagtanggi ni Riley sa kanya na sumama rito kasama ang ibang players ng COT.
"Sure, sure. Ngayong gabi na ba?" nakangiting sagot niya. Ito lang ba ang marunong mag-enjoy na wala siya?
『End of Chapter 3』