Cassandra •Pov•
Nag-aayos na kami ni Tita para sa aming pagpunta sa Baguio ngayon and I'm so very excited lalo na't gustong-gusto ko talagang makapunta sa Baguio. Since bata pa kase ako pangarap ko ng makapunta dun at ngayon lamang ako makakapunta kaya lang bilang isang baby sitter the hell.
Nga pala naglagay ako ng pekeng pimples sa mukha ko at may suot na rin akong eye glasses. Ayoko kaseng ipakita ang totoong mukha ko baka kase pinapahanap ako nina Mommy sa mga pulis at baka may makakita sa akin at sabihin kina Mommy, Naku ayoko pang umuwi.
"Ganyan na ba talaga ang outfit mo iha?" Tanong ulit ni Tita sa akin. Ilang beses na ata niya akong tinanong tungkol sa ayos ko.
"Opo Tita." Sagot ko bago kinuha ang bag kung saan nakalagay ang di karamihang mga damit na binigay ni Tita sa akin.
"Sabagay maganda ka pa rin naman." Sabi niya kaya napangiti na lang ako at napailing.
"Si Tita talaga binobola pa ako." Nakangiting sabi ko bago tinulungan siyang buhatin ang mga gamit niya at lumabas ng bahay.
"Hindi kita binobola iha, totoo ang sinasabi ko." Sagot ni Tita bago isinara ang pintuan at nilock.
"Kung ganon man salamat na lang po Tita." Sabi ko dahil aba tatanggi pa ba ako Kung sinabi na ni Tita ang totoo.
Lumabas kami ng gate at nag-abang ng taxi na dadaan. Natigilan ako ng may makita akong nakablack na tao sa may poste malapit sa street light. Kilala ko siya, isa sa mga body guard ni Daddy na humahabol sa akin. Nataranta ako at hindi alam ang gagawin kung tatakbo ba ako o magtatago buti na lang may dumaang taxi at pinara ni tita kaya dali-dali akong pumasok baka kase makita niya ako.
"Sa bus station kuya." Sabi ni Tita sa driver kaya dinala niya nga kami dun. Medyo natataranta pa rin ako dahil Hindi pa kami nakakaalis ng laguna.
Natigilan ako ng maalala Kong naka disguise nga pala ako kaya hindi nila ako basta-bastang makikilala. Ang shonga ko talaga kahit kelan. Dahil dun kaya nakahinga ako ng maluwag kahit papaano.
Nakarating na nga kami ng bus station at buti na lang nakakuha agad si Tita ng ticket para sa aming dalawa. Kaya nakasakay kami ngayon dito sa bus papuntang Baguio.
"Matulog ka muna iha dahil baka hapon na tayo makakarating sa Baguio." Sabi ni Tita kaya sumandal ako sa upuan ko at pumikit. Maaga kase kaming gumising kanina para daw makasakay kami agad at maagang makarating dun.
________________
"Iha gising, nandito na tayo." Naalimpungatan ako dahil sa mahinang pagyugyog sa akin ni Tita.
Nagising ako at nakitang dalawa na lang kami ni Tita ang nandito sa loob maliban sa driver at ang kondoctor niya. Lumabas na kami ni Tita at sumakay ng taxi papunta sa bahay ng magiging amo ko namin pala.
Hapon na rin pala kami nakarating dito at sobra akong nilalamig dahil wala akong suot na jacket. Sisipunin pa ata ako nito, hindi ko naman akalaing totoo pala ang sinasabi nila na malamig dito.
"Oh ito iha gamitin mo." Ibinigay ni Tita sa akin ang isang jumper na jacket.
"Thank you po." Pasasalamat ko tumango lang si Tita sa akin.
Pagdating namin sinalubong kami ng dalawang katulong at mga guard nila. Ang yaman nila malaki ang mansion at may mga hardinero, guard, at maid sila.
"Oh Manang Myrna nandito na kayo." Salubong sa amin ng isang babae sa tingin ko magkaedad lang sila o mas bata Kay Tita. Nagkayakapan sila sa harap ko kaya alam kong close sila, well sa tingin palang mukhang close sila sa isa't-isa.
Tumingin ang babae sa akin bago sila nagkahiwalay na dalawa. Ngumiti muna siya bago lumapit sa akin.
"What your name iha?" Nakangiting tanong niya.
"Cassy po ma'am ." Magalang kong sagot. Hindi ko binabanggit ang last name ko baka kase malaman nila ang totoong ako at baka isumbong pa nila ako. Naku mahirap na at baka magsisi lang ako sa huli pag nagkaganon.
"Call me Tita Sandra na lang iha." Nakangiti pa rin ito habang kausap ako. Ang ganda niya at mukhang ang bait-bait din niya.
"Ikaw ba ang bagong katulong na papalit sa taga luto namin?" Tanong nito kaya napatingin ako Kay Tita.
"Ah ma'am kase ano, sinabi ko sa kanya na siya na lang ang mag-aalaga Kay Xander at ako na lang ang papalit kay Marites." Sagot agad ni Tita at buti na lang siya ang sumagot dahil wala akong masabi dahil Hindi ko alam kung anong sasabihin ko.
"Ganun ba Manang." Sabi niya at tumingin ulit sa akin.
"Nasabi na ba ni Manang Myrna kung ano ang magiging trabaho mo sa anak ko?" Tanong niya.
"Opo ma'am." Sagot ko at yumuko bilang paggalang.
"To formal, diba sabi ko sayo Tita Sandra na lang." Sabi ni Tita kaya ngumiti na lang ako, oo nga pala nakalimutan ko na.
"Manang kayo na pong bahala kay Cassy kung nasaan ang magiging kwarto niya." Sabi ni Tita at binalingan ng tingin si Tita Myrna.
"Opo ma'am." Sagot ni Tita Mryna bago niya ako tiningnan.
"Tara na sa magiging kwarto mo iha ay kwarto pala natin hahaha." Natawa na lang si Tita sa sinabi niya kaya pati tuloy ako nadala na rin.  nagsimula na siyang naglakad na agad din akong sumunod.
"Ah, Manang bumababa rin kayo pagkatapos niyong mag-ayos dahil ipakikilala ko si Xander sa magiging yaya niya." Pahabol ni Tita Sandra sa amin. Napahinto kami ni Tita Myrna at sabay kaming lumingon kay Tita Sandra.
"Yes ma'am." Sagot ni Tita Myrna bago kami umakyat ng hagdan.
"Alam mo iha ang babait nila dito kaya dapat wag kang mahiya, okay." Napatingin naman ako kay Tita dahil tila ang saya-saya niya ng makita namin si Tita Sandra kanina.
"Oo naman po." Sagot ko na lang.
Tumigil kami ni Tita sa isang kwarto dito sa second floor. Mukhang dito ang magiging kwarto ko, namin pala. Binuksan ni Tita ito at agad kaming pumasok sa loob.
"Ito ang magiging kwarto natin." Napatingin ako sa buong silid. Masasabi kong malawak naman at may isang double deck, isa sa taas at sa baba. may salamin at kabinet na rin.
"Diyan ka sa taas dito ako sa baba at yan ang paglalagyan mo ng mga damit mo iha." Itinuro ni Tita ang taas ng higaan at ang katabi nitong kabinet. Hindi nga rin ako nag-aksaya pa ng oras at agad ko ng inayos ang mga gamit ko at pagkatapos naligo na rin dahil feeling ko ang baho-baho ko na at sobrang nanlalagkit dahil sa pawis at dumi na nakuha ko kaninang papunta kami dito.
Habang naliligo ako ay pumasok sa isip ko sina Mommy. Ang iniwan ko sa bahay kumusta na kaya sila. Siguro nag-aalala na sila sa akin ng husto. I'm sorry mommy, Daddy. Napabuntong hininga na lang ako at hindi na inisip pa ang mga naiwan ko sa bahay bago nagbanlaw.
Lumabas na ako ng bathroom pagkatapos akong naligo at nagbihis. Sunod naman si Tita na pumasok sa bathroom kaya dinampot ko na ang suklay at nagblower na rin ako para mabilis matuyo ang aking buhok. Naglagay ulit ako ng fake pimples at isinuot ulit ang eyeglass kong tinanggal ko kanina bago Ako pumasok ng bathroom. Hindi na sana ako maglalagay nito kung matutulog na kami pero hindi pa kaya kailangan ko pang maglagay ng ganito sa mukha ko para di mabisto.
Saktong natuyo na ang buhok ko bago lumabas ng banyo si Tita. Akala ko naligo siya hindi pala, nagshower lang kaya ng makapag-ayos na siya ay agad na kaming bumababa para daw ipakilala ako sa magiging alaga ko na kasing edad ko lang.
Pagdating namin ng sala pero agad kaming pinapunta ng isang maid sa kitchen daw kami magtutungo dahil nandun sila Tita Sandra. Pagdating namin akala ko makikita ko na ang magiging alaga ko pero dalawa lang silang mag-asawa ang nakaupo habang magkaharap sa hapagkainan.
"Kumain na tayo." Yaya ni Tita Sandra kaya hindi na ako nagpatumpiktumpik pa at agad ng umupo at kumain. Gutom na ako eh kanina pa sa byahe.
"Oo nga pala Cassy bukas mo na makikilala si Xander dahil ayaw na naman niyang lumabas sa kaniyang silid." Saad ni Tita Sandra habang nakatingin sila sa akin ng asawa niya kaya nakaramdam ako ng hiya at pagkailang.
"Siya nga pala Cassy, asawa ko si Alex." Pagpapakilala ni Tita sa kaniyang asawa na nakatingin pa rin sa akin, parang inaalaa kung nakita na ba niya ako ganun ang tingin niya sa akin.
"Tawagin mo na lang akong Tito Alex." Bigla siyang nagsalita kaya medyo nagulat pa ako kase po yung boses niya ang laki parang galing sa loob ng tubo ah basta ganun, yung parang naka microphone kahit hindi naman.
"Opo." Magalang kong sambit at
Ngumiti sakanila bago itinuloy ang aking pagkain at ganun din sila. Wala nang nagsalita pa sa amin at sa pagkain ang aming atensyon, halos kalansing lang ng mga kubyertos ang naririnig dahil walang nagsasalita sa amin hanggang sa natapos kaming kumain.
To be continued...
****************
Please vote,  comment, share and follow me guys....