Simula
"Noong unang panahon, may isang napakagandang diwata ang naninirahan sa isang mahiwagang kagubatan. Nakasuot siya ng pink na short at puting damit na may spongebob sa unahan na gaya ko, hihi. Mga kasing ganda ko rin, kasing kinis ng balat at kasing tangkad! In short parang ako nga pero syempre iba ang tinutukoy ko!" Winagayway ko pa ang kamay ko while making kwento-kwento sa mga gusgusing bata sa lugar namin.
Nakatingala sila sa aking pretty face na parang ako na ang pinakamagandang babae sa balat ng lupa, hihihi. I really love the attention!
"Isang gabi, nagising si magandang diwata dahil tinawag siya ng kalikasan! Wooshoo, wosshoo!, lalaru lalaso maraso!" Tumayo ako at inikutan sila. Kaysarap talagang maging diwata! Hihi.
"At habang naglalakad ako este 'yong magandang diwata, may nakita ako! Este 'yong magandang diwata na isang gwapong prinsipe sa kagubatan! Hah!" Nanlalaki pa ang mga matang kwento ko. Natuwa ako kasi napukaw ko ang mga batang gusgusin este batang anak ng mga kapitbahay namin.
"At dahan-dahan akong naglakad." Kumendeng-kendeng ako habang naglalakad ng mabagal sa kanilang mga harap. Kaysarap talagang maging isang story teller! Kaya nga ito ang pangarap ko eh. Ang dami ko ng experience! Sa sobrang dami ay ang dami ng nakakakilala sa akin! Bwahahaha.
"Baka po 'yong magandang diwata ang tinutukoy niyo ate Inday," napapakamot sa ulong sabi ni Tikoy. Pinandilatan ko siya ng mga magaganda kong mata.
"Ano bang sinabi ko? Hindi ba ang sabi ko ay si magandang diwata?"
"Sabi mo po ikaw eh," sabi naman ni Pulgas. Oo, Pulgas ang pangalan niya kasi para siyang asong pinupulgas.
Namewang ako sa harap ng mga gusgusing bata. "At kailan pa kayo naging mga imbestigador? Walang space sa mga walang kwenta niyong katanungan. Ang mayroon lang ay aking kagandahan. Intiendes?"
Nagulat ako ng tumayo si Guru at batuhin ako ng bato. "Joker ka naman ate Inday eh! Hindi ka naman maganda!" Abat ang batang ire sinusubukan ang kagandahan ko!
"Hoy Guru! Kumpara naman sa iyo ay mas may class ako! Mas malaki ako ikaw bansot! Kulay brown ako ikaw itim! Mahaba ang buhok ko ikaw wala! In short, ako ang pinagpala, ikaw ang hindi!" sigaw ko at hiningal pagkatapos.
Napasimangot ako ng biglang ngumawa si Guru at nagtatakbo palayo. "Uwwwwaaaaahh! Susumbong kita kay mama ko! Huhuhuhu!"
"Heh!" inambaan ko lang siya ng suntok pero syempre hindi talaga ako nananakit ng bata.
Nakangiti akong bumaling sa mga natitira pang bata. "So ano ipagpapatuloy ko na ba ang aking kwento?" Pumalakpak ako ng nag-tanguhan sila. "Great!"
"At tinanaw na nga ng magandang diwata ang gwapong prinsipe. Noong una ay nagtataka pa siya kung bakit ito nakatayo sa harap ng puno. Anong meron? Naakit ba siya ng mga puno? Nagandahan ba siya sa tikbalang? Iyan ang mga katanungan ni magandang diwata.
"Kaya naman nilapitan niya ang gwapong prinsipe para pagsabihan. Subalit!" Huminto ako sa pagsasalita habang nanlalaki ang mga mata.
"Ate Inday, kiniss ba siya ng prinsipe?" biglang tanong ni piggy.
Kumunot ang noo ko. "Ano ka ba naman piggy! Ang halik ay para lamang sa mag-asawa. Kaya huwag kang magpapahalik lalo na sa lips kung ayaw mong mabuntis!" paalala ko.
Itutuloy ko na sana ang pagku-kwento kaso may nagtanong na naman.
"Pero ate Inday hindi ba sa mga fairy tales, kapag kiniss ng prinsipe ang prinsesa ay nagigising ang prinsesa," wika ni Undoy.
Pinamewangan ko silang lahat. "Hoy mga pulgasin, kutuhin, gusgusin kong mga estudyante, ang sabi ko ay diwata ang binibini hindi prinsesa! At huwag nga kayong magpapaniwala sa fairytale. Sa totoong buhay walang prinsipe ang magki-kiss sa prinsesa habang tulog dahil bad breath! Kayo talaga, mga mali-mali naman source niyo ng balita. Sa akin lang dapat kayo makinig para maging maganda at matalino kayo, intiendes?" Nang magsitanguhan sila ay saka ko itinuloy ang pagku-kwento.
"Eto na nga! May nakita ang diwata na kagimbal-gimbal! Isang mahabang ahas ang nakalambitin sa lalaki! Oh my gosh!" Umarte akong natakot sa pamamagitan ng pag-hawak sa magkabila kong pisngi. Nakita kong lumaki ang mga mata nila. Hehe good.
"Tumakbo ako ng pagkabilis bilis! The End!" nakangiting hiyaw ko.
"Ang panget naman ng kwento mo ate Inday! Mas gusto ko pa rin si Cinderella."
"Anong panget?! Mas maganda nga yung sa akin kaysa kay Cinderella! Gusto niyo bang maging katulong?! Tapos isasayaw lang kayo ng prince niyo hanggang midnight! Huwag kayong maniwala na sa inyo lang magkakasya ang sapatos dahil maraming paa sa buong mundo. Ano kayo special? Che! Huwag ako ang lokohin niyo," high blood na sabi ko. Aba ang mga batang ito ang hilig mag-ambisyon!
"Edi si Snow White na lang ate Inday."
"Isa pa iyon eh! Kumain lang ng apple naka tulog na? Hoy kayo kaya pakainin ko ng apple? Hindi naman kayo nakakatulog ah!"
"Eh si Sleeping beauty?"
"Tamad siya! Ano matutulog na lang siya at maghihintay sa prinsipe? Huwag niyong gagayahin dahil nakamamatay!" Inayos ko na ang mga gamit ko.
Aalis na kasi ako sa lugar na ito. Magtatrabaho ako sa Maynila bilang tagapag-alaga ng syempre ano pa ba? Ng bata! Magandang oportunidad ko ito para makatulong sa aking pamilya kasi nga may sakit si itay at kailangan niya ng mga gamot. Hindi naman ako katulad ng mga prinsesa sa kwento na maghihintay na lang sa kanilang prinsipe. Kabaliwan. Kailangang magsumikap para makaahon sa hirap. Kaya eto na nga at aalis na ako sa aking magandang probinsya gaya ko. Pero syempre sumaglit muna ako sa mga kaibigan kong gusgusing bata para i-kwento ang aking buhay diwata hihi!
"Ate Inday, aalis ka na ba talaga?" malungkot na tanong ni Gel. Etong bata lang talaga na ito ang pinakamatino sa lahat eh. Siya nga ang pinakapaborito ko sa lahat eh.
Pinat ko siya sa ulo at yumuko. "Oo Gel eh. Huwag kang mag-alala. Pasasalubungan kita ng paborito mong Maynila. Maghahanap ako sa lahat ng kasuluk-sulukan ng tiyangge. Okay?"
Natuwa naman si Gel at tumango-tango. "Aasahan ko iyan ate Inday!" Sus! Ang mga bata talaga minsan plastik rin lalo na pagdating sa pasalubong hehe. Alam na alam ko iyan kasi ganyan din ako nung bata pa ako hehe.
Tumalikod na ako para umalis kaso may naalala akong sabihin kay Gel. "Nga pala, Gel kapag nakita mo ang ahas ng lalaki, tumakbo ka agad ha? Kung ayaw mong mabuntis ng maaga, kahit ano pang gwapo ng prinsipe, kapag nakita mo na ang ahas niya ay mabubuntis ka!" paalala ko. Syempre kapag sa mag-asawa ay ayos lang pero kung hindi naman syempre tumakbo dapat! Gaya ng ginawa ko kagabi, hihihi.
So, umalis na nga ako. Hihihi, My wonderful Manila, Here I come!
...