Avzora.
Nakayuko lang ako sa lamesa dahil sa paghihintay sa sunod na klase. Ngayong beses ko lang naramdaman na ganito pala katamad pumasok kapag hindi maganda ang tinatalakay, na hindi pala masayang makinig sa sinasabi ng mga propesor na minsan hindi din nakakatulong sa pagpapalakas ng kapangyarihan namin.
"Wala pa naman si Alfalla kaya wala akong nakakausap, kamusta na kaya siya? Tama nga siya dahil nararamdaman ko pa ang presensiya niya mula dito, na para bang magkakonekta kami sa isa't isa." Bulong ko, ano kaya ang meron kay Alfalla at bakit magkaparehang-magkapareha kami ng kapangyarihan? Na bakit magkapareha kami ng presensiyang dalawa? Lagi kong tinatanong sa sarili kung bakit gano'n?
"Students, I want all of you to meet the new Head ng ating Academia habang hindi pa nakakabalik si Headmaster Brooch." Agad akong napaayos at nakita ang isa naming propesor na sinesenyasan ang kung sino man ang nasa labas. Agad namang namangha ang lahat dahil sa ganda na meron ito na kahit ako ay namangha. Hindi ko alam na may ganiyan pa palang babaeng nabubuhay sa mundo na'to, hindi ko alam na may ikagaganda pa pala siya sa lahat ng kababaihan sa Academia na'to. Kung titignan ay kasing-edad lang siya nila Tita Genesis at ng iba pa.
Yumuko naman ang bagong Head at ngumiti ito sa amin. Ni walang isa sa amin ang nakapagsalita dahil sa kakaibang katangian niya. I feel her presence at hindi naman ito gano'n nakakakuha ng atensiyon but inside of her eyes, nagsasabing kakaiba siya. Ang mga gintong mata at natural na mapupulang labi at pisngi. Natural na kulay abo na buhok pati ang mga kilay ay gano'n din. Nakasuot ito ng formal suit na kulay itim na pinaris ng itim na alam ko ay pencil skirt na itim din. Nagpapakita ang mga makikintab at mapuputi nitong mga binti.
"Maganda umaga sa inyo, ako nga pala si Layresa, ang bago niyo Headmistress sa Natharia Academia." Agad namang natuwa ang lahat dahil din sa kakaibang boses na meron ito, na para bang ang hinhin at hindi nakakabasag ng mga plato.
Pero may kutob ako sa kaniya, nakatingin lang ako sa mga mata niya ng mapatingin siya sa direksiyon ko. Nginitian niya ako na siyang ikinatayo ng balahibo ko sa batok. She is very mysterious, siya lang ang nakakapagpakaba sa akin ng ganito.
Sino ba talaga siya?
*********
Paglabas ko ng pintuan ay agad akong napabuntong-hininga dahil sa pag-iisip kung sino ang babaeng 'yon. Sinubukan kong alamin kung ano ang laman ng isip nito pero bigo akong pasukin dahil sa may humaharang sa akin.
"Tapos na kayo?" Agad akong napalingon sa lalaking nakasandal sa pader, nagulat naman ako sa presensiya nito na hindi ko inaasahan na maliligaw siya dito.
"Anong ginagawa mo dito Helbram? Magaling ka na ba?" Tanong ko sa kaniya, tinanguan niya lang ako, agad siyang may inilabas na bulaklak sa likuran niya na ikinangiti ko ng pasikreto. Tinignan ko ang bulaklak at nagkunyaring nagtataka kung ano ito.
"Tsk! Huwag na nga lan-" Agad ko naman 'yon kinuha dahil sa madaling magbago ugali niya. Hayst lalaking 'to talaga, pasalamat siya mahalaga siya sa akin kundi baka nginitian ko lang siya at nilagpasan.
"Salamat dito." Ngiti kong pasasalamat at tinanguan lang ako ng loko na para bang labag sa kalooban niya. Hinila ko nalang ang isa niyang kamay at sabay kaming naglakad.
"Sabay tayong kumain, tutal binisita mo narin ako." Ngiti kong sabi.
"Huwag mo nga hinihila kamay ko, kaya ko namang maglakad mag-isa." Turan niya habang nakatingin sa kamay kong hawak ang kamay niya.
"Kung ayaw mo pala eh bakit hindi mo binawi kanina pa? Ikaw talaga, huwag ka na ngang magreklamo at makisama ka nalang." Sabi ko na ikinabuntong-hininga niya, pero agad kaming natigilan dahil sa dalawang lalaki na nag-aaway sa harapan ng classroom nila. Nagbabatuhan sila ng mga apoy pareho, Elementalist ang mga estudyanteng ito.
Akmang pipigilan ko na sila nang bigla nalang lumitaw si Layresa, the Headmistress sa kanilang gitna. Malapit pa itong matamaan pero agad nawala ang mga bolang apoy bago pa ito tumama sa kaniya.
"Bakit ka nakaharang sa amin? Sino ka bang babae ka at may lakas na loob kang makialam?!" Agad akong napatakip ng bibig dahil sa inasal ng isang lalaki, hindi pa nila kilala ang bagong Head ng Academia na'to.
"Umalis ka kung ayaw mong masaktan, huwag na huwag mo kaming pinipigilan sa ginagawa namin babae!" Napailing nalang ako sa sigaw ng isa pa, ewan ko pero ako ang natatakot para sa kanila habang si Headmistress Layresa ay nakangiti lang na nakatingin sa dalawa.
"Tinuturuan din dapat ng magandang asal ang mga estudyante maliban sa pag-eensayo sa kanilang mga kapangyarihan." Turan ni Headmistress.
"Sino ba 'yan, kilala mo ba Avzora? Since alam kong madaldal ka." Agad naman akong napanguso dahil sa sinabi ni Helbram at masama siyang tinignan. Gano'n nalang ba talaga tingin niya sa akin? Aba! Walang-hiya ang lalaking 'to ah!
Natawa naman siya dahil sa inakto ko, agad niya akong inakbayan.
"Siya ang bagong Headmistress, ako nga ang naaawa sa dalawang sumagot-sagot sa kaniya eh." Sabi ko at napalingon sa gawi sa may nag-aaway.
Nakangisi na ngayon ang dalawang lalaki at sa isang iglap ay sabay na nilang inatake ang Headmistress pero wala lang sa kaniya ang kilos ng dalawa. Nang malapit ng matamaan ang mukha ni Headmistress sa dalawang kamaong nag-aapoy mula sa dalawang lalaki ay kaagad itong nahinto sa ere.
Nagtaka ang dalawang lalaki at hinarap si Headmistress na nakangiti parin. Tinignan niya ang mga ito at nagulat nalang ako dahil pabagsak na napaluhod ang dalawang lalaki na ikinapikit ko dahil sa alam kong napakasakit no'n. Napasigaw ang dalawang lalaki dahil do'n at agad naman silang lumutang sa ere na ikinatakot ng mga ito.
"Respect me as your Headmistress of the Academia, kilalanin niyo muna kung sino ang binabangga niyo bago niyo kalabanin." Agad namang bumagsak sa sahig na ikinapikit ko na naman dahil sa lakas ng impact nito.
Napatingin sa akin ang Headmistress at ngumiti na siyang ikinaatras ko, agad din naman siyang naglaho at iniwan ang dalawang lalaki na ngayo'y masakit na ang mga katawan.
**********
Alfalla.
Agad naman akong napangiti dahil sa naglalakihang mga puno na nasa harapan ko ngayon na parang gawa sa mga malalaking ugat dahil sa katawan nitong swirly ang pagkakahulma. Ang preskong hangin, magandang kapaligiran at berdeng-berde na mga puno.
"It feels like home." Bulong ko, agad ko namang nakita ang malaking pintuan between the gigantic root trees. Pagkahawak ko palang ng knob ay agad akong nakaramdam ng saya at excitement na sa wakas ay nandito na ako sa Publiko Encantado.
At sa wakas, makikita ko na rin si Ama. Matagal-tagal na rin no'ng nagkausap kami kaya gagawa ako ng paraan para makausap ko siya na walang sagabal.
Pagkapasok ko ay kaagad bumungad sa akin ang napakatahimik na kapaligiran, punong-puno ng mga dumi sa bawat istraktura ng mga hindi gaano kalaking mga gusali. Napansin ko pang parang may napakalaking nilalang ang tumapak sa isang gusali na ikinaguho nito. Sa nalalaman ko, hindi sila gano'n karami. Hindi marami ang lahi namin at pinili na din nilang manahimik at hinayaang mawala ang kanilang lugar sa mapa ng Gampenun.
Agad akong napangiti at pumitik sa ere, dinig na dinig sa buong lugar ang tunog at mabilis pa sa bente-kwatro oras at kaagad nalinis ang buong lugar na parang may dumaan lang na hangin at malinis na ang lahat.
"Walang ni sino man ang nakakagawa ng gano'ng mahika, wala pa kaming na-engkuwentro na ganiyan kalakas ang kapangyarihan." Agad akong napalingon sa isang may katandaan ng babae na nakasuot pa ito na alam ko ay uniporme ng mga guro dito. Napansin ko ang iba pa na lumabas sa kani-kanilang mga pinagtataguan habang lumilingo-lingo.
"Ang halimaw? Hindi na namin ito maramdaman? Iyo bang kinitil?" Tanong ng matandang babae, napailing naman ako.
"Pinatay ng unang lalaking pumunta dito ang halimaw na siyang nagbabantay dito, at nandito ako para ipalago ulit ang inyong lahi-ang ating lahi bilang Enchanters at Enchantress." Seryoso kong sabi sa kanila, ang iba ay natuwa, ang iba naman ay nalungkot.
"Imposible na atang mangyari ang gusto mo, lahat ng mga librong naglalaman ng spell na siyang inaaral namin ay naging abo na matagal ng panahon ang nakakalipas. Sinunog ng dalawang Devil Lord ang aming mga libro para hindi namin sila malabanan, at isang napakalakas na ungol ng Dragon ang siya din naming narinig." Dragon? Hindi kaya ay ang Ama ito ni Tita Athena? Namatay 'yon dahil sa kapangyarihan ni Tita Sarionaya na kinontrol ni Hermania.
Agad ko naman siyang nginitian at hinawakan ang balikat nito, agad ko naman itong binawi at itinaas ang kamay sa ere.
"Muling ibalik, ang mga libro na siyang buhay ng lahat ng aking mga lahi. Muling bigyan ng pagkakataon para sila ay lumakas at dumami." Pagkabanggit ko no'n ay bigla nalang nagliwanag ang gitna ng kinatatayuan namin at agad namang lumitaw ang mga libro na siyang kakailanganin nila para makapagturo. Nagulat naman sa tuwa ang lahat at agad nagsilapitan sa mga libro na nanggaling sa nakaraan.
"Iyong lakas ay hindi mapapantayan ng kung sino man at kami ay nagpapasalamat dahil iyong ibinalik ang ligaya sa aming mga mukha!" Tuwang sabi nito, agad naman akong napatango sa galak ng kaniyang mukha.
"Nagkakamali ka Lola, may katulad pa ako na kayang gawin ang ginawa ko ngayon." Nagulat naman ang matanda pero napailing nalang ito sa nasabi ko.
"Ang importante ay ikaw ang tumulong sa amin at naglakas-loob na magpakita sa amin. Teka- hindi pa pala ako nakakapagpakilala. Ako si Sanye, ang pinakamatandang Enchantress sa aming lahi." Agad naman akong napatango at nginitian siya.
"Ako po si Alfalla, Lola Sanye."
"At alam kong may dahilan ka kung bakit ka pumunta dito." Tumango ako sa pangalawang pagkakataon dahil sa sinabi nito, hindi lang din siya mabait, mapag-obserba din siya sa ikinikilos ko.
"Ang aking gustong malaman ay wala sa nilalaman ng mga libro na 'yan. Ang spell na gusto kong matutunan at alam kong ikaw lang ang nakakaalam Lola Sanye dahil narin sa iyong katandaan. Na alam kong marami ka ng natutunan." Agad namang nagbago ang ekspresiyon nito dahil sa sinabi ko, agad naman itong napatingin sa mga kasamahan nito na ngayo'y nagbabasa na ng mga libro.
"Sumama ka sa akin." Bigla siyang naglaho, agad ko namang sinundan ang kapangyarihan niya at ngayo'y nasa isa na kaming kwarto na tanging ang maliwanag lang na ilaw ang makikita.
"Anong spell ang iyong kailanga-"
"I want to learn the spell that can call the devils from hell." Agad namang nanlaki ang mga mata nito dahil sa sinabi ko.
"Pero huwag kayong mag-alala, poprotektahan ko kayo sa lahat ng mananakit sa inyo at alam kong hindi kayo sasaktan ng tatawagin kong demonyo na nasa impyerno. Ang demonyo na ito ang siyang makakatulong sa akin kung paano lutasin ang problema na kinakaharap ko ngayon." Madali kong sabi na may pagmamakaawa sa kaniya, napansin ko ang pagbuntong-hininga ni Lola Sanye at napatingin sa mga mata ko.
"Si Leviathan ba, Iha?" Agad naman akong nagulat dahil sa alam niya ang pangalan ng Ama ko.
"Paano niy-"
"Tama nga ang sinabi niya na darating ang panahon na isisilang ang kaniyang anak at pupunta ito dito para humingi ng tulong galing sa amin. Alfalla, Iha, ikaw ba ang anak ni Leviathan na tinutukoy ko?" Wala akong nagawa kundi tumango.
"Sinabi niya sa akin na kahit anong hiling na gusto mo ay ibibigay namin at hindi ko alam na hihingiin mo ay isang napakalaking bagay. Pero nangako ako sa Ama mo, ang Ama mo na siyang nagprotekta sa amin at nagtago sa amin sa matagal na panahon para maiwasan ang gulo na dati pang nagsimula." Nakinig lang ako sa sinasabi niya.
"Hindi ako makapaniwala na ang anak niya ay isang Enchantress, hindi ko alam na isa palang Enchantress ang magdadala ng anak niya. Ngayon, nasa harapan ko na ang malakas na nilalang na pinagbunga ng isa sa mga prinsipe ng impyerno at isa sa mga lahi namin. At ngayon, handa akong ibigay ang gusto mong hiling." Agad akong naghanda dahil sa paglapit niya, agad niyang idiniin ang dalawang daliri nito sa noo ko at agad akong nakaramdam ng ibang sensasiyon na pumasok sa loob ng utak ko.
Agad akong napadilat at agad naramdaman ang kakaibang presensiya na bumabalot ngayon sa katawan ko.
"Bumangon ka Alfalla, ibangon mo ang mga lahi natin at tapusin ang digmaan na siyang sinimulan ng kadiliman."