MAY mga nagsigawan dahil sa gulat ng mga taong kasama sa celebration, ang iba naman ay tahimik lamang na nanonood na ayaw masangkot sa gulo. Sa gitna nang pagdiriwang may dal'wang taong bigla nalang nag susuntokan. Napalingon s'ya sa nagkukumpolang mga tao dahil sa tunog ng pagbabasag sa mga bote. Napadako doon ang atensyon n'ya at muling ibinalik ang tingin sa harap n'ya pero bigla nalang naglaho ang lalaking tumawag sa kan'ya. Hinanap ng kan'yang mga mata ang taong yun pero hindi na n'ya makita.
"Namamalikmata lang ata ako." mahinang banggit n'ya.
Pero yung boses....malik-mata lang ba yun? Ipinilig n'ya ang kan'yang ulo para maiwaksi ang isip. Ang lalaking nakita n'ya ay may imaheng makikilala n'ya agad pero hindi s'ya sigurado dahil sa dim lights ng paligid.
"Lasing na ata ako." pagkukumbinsi n'ya sa kan'yang sarili.
     Napatingin ulit s'ya sa mga taong nagkukumpolan, wala nang nagsisigawan at unti-unti naring umaalis ang mga tao doon. May naglilinis narin sa mga basag na bote. Nagulat s'ya ng makita n'ya si Gianna na nasa gitna na pala nang kaguluhan kanina. Lasing na lasing itong nakahawak sa tig-isang kamay ng dal'wang lalaking parehong may pasa sa mukha, pinag-shake hands. Nakangiti ang dalaga habang kinakausap ang mga ito, mukhang pinag-aayos ang dal'wa. Agad s'yang lumapit dito at nasalo ang dalagang muntik nang matumba dahil sa pag atras nito nang bitawan na ang kamay nang dal'wa.
"You know dude...you should hug...and kiss ... Let's spread the love." lasing na tugon ng dalaga na nakatingin sa dal'wang lalaki.
    Natawa s'ya sa dalaga at tiningnan ang dal'wang lalaking may pasa, parehong nakayuko, ang isa ay namumula na ang pisngi kung dahil ba sa alak o iba, ang isa naman ay hinahawakan ang kamay nito kung saan hinawakan ni Gianna kanina. Bigla s'yang nag seryoso at nag-excuse sa mga yun. Nilapitan muna nila ang Direktor para mag paalam na uuwi na sila.
"Ayaw ko pang umuwi Alvie.... you're so KJ." sambit ulit nang dalaga habang kumakawala sa pag kahawak n'ya dito pero natutumba din kaya sinalo n'ya ulit.
    Saglit n'yang tiningnan ang nakapikit na dalaga dahil sa pagtawag nito ng Alvie sa kan'ya.
"Lasing ka na nga.....ngayon mo lang ulit ako tinawag na Alvie." natatawa n'yang sabi dito.
"Sige Elvis, umuwi na kayo mukhang hindi na kakayanin ni Gianna...salamat sa pagdalo." nakangiting sambit ng Direktor.
    Sapilitan n'yang inalalayan ang dalaga dahil sa pagpupumilit nito na ayaw pang umalis. Nahirapan s'yang isakay ito sa kotse dahil sa kalikotan. Hindi pa naman s'ya natatamaan ng alak kaya kinaya pa n'yang mag drive. Nang makarating sila sa condo ay pareho silang bumagsak sa sofa dahil sa pagod n'yang pag alalay dito. Napaibabaw s'ya sa dalaga kaya agad s'yang tatayo ngunit niyakap s'ya nito, dahilan upang lalong magkadikit ang mukha nila.
"....Alvie...waiting for you..." natatawang pagkanta ng lasing na dalaga na nakapikit parin.
    Natawa s'ya saglit pero nangingibabaw ang mabilis na pagtibok ng kan'yang puso dahil sa kaba. Napatingin s'ya sa mga labi nito na inu-ulit-ulit ang mahinang pagkanta sa pangalan n'ya. Napalunok s'ya at aktong aalis sa ibabaw ng dalaga pero lalo lang hinigpitan ang pagkakayakap nito sa kan'ya.
"Bakit ka aalis?....Di'ba sabi mo....hindi mo ako iiwan......teka...kanta rin yun ah" mahinang sambit ng dalaga na may bahid ng kalungkotan pero natawa din sa huling sinabi nito.
"Hindi ako aalis. Dito lang ako. " sabi n'ya nang hindi tinitingnan ang dalaga.
"Umalis ka noon.....iniwan mo ko."
"Noon yun....hindi na ako aalis."
"Promise?" masiglang sabi ng dalaga na hindi na nakapikit at sinalubong n'ya ang tingin nito.
"I promise." seryosong sabi n'ya.
     Matagal silang nagkatitigan hanggang sa mag init na ang kan'yang pakiramdam. Akma na sana s'yang aalis ulit sa ibabaw ng dalaga para mapigilan ang sarili pero nagulat na lamang s'ya ng hilahin s'ya nito at hinawakan ang kan'yang mukha. Hindi na s'ya nakapalag dahil dumampi na ang mga labi nila sa isa't isa, kapwa sila napapikit. Nawalan na s'ya ng pag-control sa sarili at nagpa ubaya sa bugso ng damdamin. Mula sa pagdampi ay mas lumalim pa ang kanilang halik. Sa loob ng isang buwan na magkasama sila sa condo ay matagal na n'yang pinipigilan ang sarili. Wala naman silang maayos na pag uusap dahil busy sila pareho. Nahahalikan n'ya ito sa set pero ang halik na pinagsasalohan nila ngayon ay kakaiba, nag aalab, nagiging mapusok. Napahinto saglit ang dalaga, naramdaman n'yang mas naging agresibo ito dahil hinubad nito ang damit n'ya at siniil ulit s'ya ng halik. Gumagapang narin ang kamay n'ya sa loob ng bistida ng dalaga pero agad ding huminto dahil sa gulat na hindi na humahalik ito. Ang dalagang mapusok kanina habang yakap-yakap s'ya ay bigla nalang nakatulog.
"Hoy Gia.....Gia." paggising n'ya sa dalaga na tinatapik tapik ang mukha pero hindi ito nagising.
    Nakatulog na nga ang dalaga. Huminga s'ya ng malalim bago tumayo at dumaritcho sa banyo. Agad s'yang naghilamos doon na kinokontrol ang sarili. Nang mahimas-masan ay bumalik na s'ya sa sofa at lumapit sa natutulog na dalaga. Saglit n'yang tinitigan ang kabuuan nito bago buhatin at ipasok sa kwarto n'ya. Hindi n'ya mabuksan ang pinto ng kwarto nito dahil wala s'yang susi kaya sa kwarto nalang n'ya dinala. Kinumotan n'ya ito bago lumabas at sa sofa s'ya natulog.
    Hindi s'ya makatulog kahit pagod s'ya sa maghapon nilang trabaho dahil sa mabilis parin ang tibok ng puso niya, ito ay dahilan ng naputol na pangyayaring pinag-salohan nila. Iniisip n'ya kung anong maaaring mangyari bukas. Magagalit kaya ang dalaga sa kan'ya? Mag-so-sorry ba s'ya o magpapakatotoo na s'ya sa tunay n'yang nararamdaman para dito? Lasing ang dalaga kaya hindi n'ya maiwasang isipin na nadala lang ito sa init na hatid ng alak. Hindi n'ya alam kung pareho na sila ng nararamdaman, ang pagmamahal na mas higit pa sa kaibigan.
-----
     Mataas na ang sikat ng araw nang magising s'ya sa tunog ng kan'yang cellphone na nasa tabi n'ya. Agad s'yang bumangon sa sofa at kinuha ito para sagotin ang tumatawag.
"Hello." antok pa n'yang pagkasabi.
["Elvis where are you?"] may galit na tanong ng kan'yang manager.
"Nasa condo, bakit?"
["What???! Nand'yan ka parin? Late ka na sa pictorial mo."] inilayo n'ya ang cellphone sa kan'yang taynga dahil sumigaw ito.
     Tiningnan n'ya ang oras sa kan'yang cellphone at laking gulat n'ya na malapit na pala mag tanghali. Pakiramdam n'ya kulang parin s'ya sa tulog hindi n'ya alam kung anong oras na s'ya nakatulog kagabi.
"I'm sorry Ate Jami.. I'll be quick."
    Nagmadali na s'yang kumilos pero napahinto din ng makita n'yang bukas ang kwarto n'ya. Pumasok s'ya dun at walang nakitang Gianna.
["Ok. Bilisan mong kumilos. "] tila kumalma na ito.
"Ate Jami, may pictorial din ba si Gianna?"
["Wala s'yang schedule na pictorial. Bakit? Wala ba s'ya d'yan?"]
"Baka lumabas lang. Bye na Ate Jami."
     Pinatay na n'ya ang tawag at kumilos na ulit para makapaghanda papuntang pictorial. Habang nagmamadali nagawa parin n'yang isipin na kung bakit hindi man lang s'ya ginising ng dalaga kahit alam nito na may pictorial s'ya.
Baka hindi talaga alam....o nakalimotan. sabi n'ya sa kan'yang isipan.
-----
"Nice shot Elvis....mukhang inspired ha." panunudyo ng kan'yang photographer.
      Ngumiti lang s'ya dito at nag-pose ulit. Pagkatapos s'yang kuhaan nilapitan s'ya ng kan'yang assistant at binigyan s'ya ng tubig.
"Ok lang po ba kayo Sir Elvis?"
"Oo, naman."
"Himala po kasi at na-late ka. Naparami po ba ang inom n'yo kagabi?" may pag aalalang tanong nito.
"I'm ok Thea don't worry... And I'm really sorry sa abalang nagawa ko sa inyo ni Ate Jami." nakangiti n'yang sagot dito.
      Hindi na nakapag salita ang Assistant n'ya nang may tumawag dito. Binuksan nalang n'ya ang bottled water at ininom ito.
"Katatapos lang po........opo, nasa tabi ko po s'ya......sige po......Sir Elvis, si Ma'am Jami po, may itatanong daw s'ya sa'yo." inabot sa kan'ya ang cellphone nito.
"Yes Ate Jami?"
["May sinabi ba sa'yo si Gianna kung saan s'ya pupunta? Hindi ko kasi s'ya macontact. May contract signing pa naman kayo ngayon sa bagong pelikulang n'yo, nasabi ko yun sa Assistant n'ya pero hindi daw n'ya nasabi kay Gianna."]
     Napa isip s'ya sa sinabi ng manager, hindi n'ya alam kung bakit bigla s'yang kinabahan.
"Baka nakapatay ang phone, wala kasi s'ya sa condo ng umalis ako. Wala rin s'yang pasabi kung saan s'ya pupunta."
["Haisst!......Ok ganito nalang....ikaw nalang muna ang pumunta at susunod ako. Wala namang reporters at sa loob lang ng office ang permahan."]
"Ok got it."
    Binigay na n'ya ang cellphone sa Assistant, nagpaalam na sila sa mga staff ng pictorial n'ya at naghanda na sila papunta sa contract signing. Habang nasa loob ng van ay tinatawagan n'ya si Gianna pero out of coverage ito. Nag aalala na s'ya, kahit day off ay na-co-contact naman nila ito. Hindi n'ya maiwasang isipin na baka dahil sa nangyari kagabi kaya ito umalis ng walang pasabi. Nag message nalang s'ya para tanongin kung nasaan ito at hinahanap s'ya ng manager nila.
       Pagkatapos ng permahan, sinabi ng manager n'ya na babalik ito dito na kasama na si Gianna at daritcho na sa taping.
"Hindi mo pa ba na-co-contact si Gianna?" tanong ng manager n'ya habang nasa loob sila ng van.
"Out of coverage parin."
"Ano bang nangyari dun?......Tawagan mo agad ako kapag nacontact mo na."
      Tumango lang s'ya dito. Tahimik lang ulit s'ya, nag iisip kung ano bang nangyari sa dalaga.
"Oo nga pala tumawag sa akin ang Uncle Jun mo, nag paalam sa'kin na puntahan mo daw s'ya..... daan ka muna sa condo n'yo baka sakaling nandun si Gianna. Magdala ka narin ng gamit mo...hiramin ka daw ng Uncle mo ng three days. Ok lang naman...wala ka namang masyadong sched, ako na ang bahala dun. Si Gianna ang hectic sched ngayong week hindi naman macontact."
     Nagulat s'ya sa sinabi ng manager. Si Jun Villaflor ang kinilala n'yang Uncle, ang nag iisang taong nagpalaki sa kan'ya. Mula sa kan'yang Uncle ay olila na siyang lubosan bago s'ya mag-one year old, nag crash daw ang eroplanong sinasakyan ng kan'yang ama at inatake naman ng sakit sa puso ang kan'yang ina. Halos dal'wang taon n'yang hindi nakita ito dahil busy sa negosyo kaya saan-saang bansa o probinsya pumupunta.
"Thank you Ate Jami..tawagan kita kapag nasa condo si Gianna." malambing n'yang sabi dito.
      Pagkadating ng condo nilibot n'ya ito para hanapin ang dalaga pero wala s'yang nakita. Kumatok s'ya sa kwarto nito pero walang sumasagot. Nakaramdam na naman s'ya ng takot at pag aalala para dito. Tatawagan na sana n'ya ulit ito nang saktong makatanggap s'ya ng message .
"Sa wakas nag reply na rin." para s'yang nabunutan ng tinik nang makita sa screen ang pangalan ng dalaga.
{ From: Gia
I'm with Mommy Eva. Tatawagan ko nalang si Ate Jami. I'm sorry kung nag alala kayo.}
     Hindi na s'ya nagtaka kung bakit hindi nila ito ma-contact. Wala itong katabing cellphone kapag kasama ang mommy nito dahil bihira lang itong magkita.
{To: Gia
Ok. Paki kamusta nalang ako sa mommy mo.... Take care 🙂} reply n'ya dito.
     Papatayin na sana n'ya phone nang may nag message ulit sa kan'ya pero hindi galing sa dalaga.
{Bro... May kakambal ba si Gianna?}
     Nangunot ang noo n'ya pagkabasa ng message galing sa kaibigan n'yang si Ash.